板長壽司 (荃灣千色匯I期) (已結業)

午餐叫左一堆壽司，蟹籽，加州卷，三文魚，油甘魚，火灸三文魚，原條海鰻壽司，壽司飯鬆散，一夾就散曬，魚生並唔凍，唔知係咪切定係度.最差係燒鰻魚飯，鰻魚唔夠熱，飯底唔夠熱，所有食物凍唔凍，熱唔熱，感覺唔良好！仲有order一定要用手機或者ipad，唔可以直接order,攪部機攪左幾分鐘，可以改善下，方便一d唔鐘意用機或者係長者.三點係下午茶，同一個鰻魚飯下午茶$108，但侍應就崔我地落午餐，或者貴$10都唔係重點，重點係唔夠熱.

同朋友慶祝生日，係荃灣食日本野，上次去左另一間新開既壽司店食野，味道係唔差，但我地最鍾意都係荃灣呢間板長，板長雖然好多地方都有，但我基本上只會去荃灣呢間食，坐得舒服又唔多人，好岩傾計，連野食都好似特別好食D咁。基本上我地每次去到都唔使點等位就入得去，可能因為放工去到都夜既關係，所以今次我地兩個人安排左四人位比我地坐，正！以家板長基本上全部以APP落單，去之前可以下載定個APP，睇定有咩食先。劍魚腩壽司($12)+油甘魚壽司(黑松露醬)($8)芥辣墨魚軍艦($11/1件)朋友特別鍾意食WASABI，呢個軍艦好足料，如果一口氣食曬會攻鼻到不行，喜歡刺激既朋友可以試下，但我就會抽起一半芥辣墨魚先再慢慢食啦。芒果軟殼蟹芝士卷2件($24)呢間係我係板長必點既卷物，芝士份量好大舊味道夠濃，但又唔會搶左芒果個味，芒果好厚又甜，感覺好多種層次，正到不得了！蝦三味(赤蝦、甜蝦、板長蝦)壽司($40/1set)以前唔鍾意食甜蝦壽司，但自從幫襯左呢間板長之後，開始覺得蝦壽司味道都唔錯，值得一試。挪威三文魚壽司盛($110)雖然人地話係壽司店要試下多D唔同既野，唔好淨係食三文魚，但係我真係太太太鍾意食三文魚

整之失望！刺身完全無味，嚴重圖文不符，碗飯上果陣係無海膽得蛋，唔知佢係真係漏左搞錯定係想博大霧啦，等我問侍應，廚房先了番幾pat海膽上去，而其實佢menu 係無一碗飯係有配蛋嫁囉，欺騙成份過高雖然刺身都幾多同幾滿，但完全係無味道嫁！三蚊既爭鮮都好味過佢！本身想是油撈飯算啦，費事食完唔新鮮既刺身，但連是油都唔好食😭百幾蚊食碗頹飯，絕對無下次！朋友點左個泡菜豚肉鍋，泡菜同豚肉片 lor 賣相就係食剩既打邊爐，我完全唔想食😒以後唔會再食板長

網上見到有新品出現，又拉阿sir陪我去試，我個人比較鍾意食半生熟牛，呢款講明係佐賀和牛，見圖非常吸引，期望好大架！溫泉玉子佐賀和牛他他丼跟麵豉湯 $118🥢個丼上枱果刻真係呆一呆😦，仲以為佢落錯order，點解個牛咁熟？只得目測面幾條係生，其餘已全熟，牛咬落好韌，什麼油香、肉嫩、味濃，全部都無出現過，無油香、肉老而韌、味濃係醬汁而唔係肉汁，貨不對辦，唔該回水比我🤬；至於溫泉玉子就蛋味濃郁，全靠佢先可以撐起成碗丼一人丼消費：$130

想食壽司，板長係一個唔錯既選擇。近排天氣好熱，成日都好想食壽司，今次同埋屋企人黎左板長食。我地兩點倒到，餐廳入面唔算多人，唔洗等位。美中不足係我地冇做會員，三個人要share佢塊平板落單，用左比較多時間先叫完野食。我地叫左d壽司，都算幾快上菜。燒三文魚好好味，上面個層燒得夠，但係又唔會太熟，舊魚唔會一夾就散開。黑松露油甘魚上面舊黑松露好重味，點少少豉油食已經好正。卷普普通通，好大舊。仲叫左一個午餐，都係壽司，但係就有沙律、蒸蛋同湯，個蛋好滑，入面好多料，個湯好濃味。另外仲加左個小食，份量夠，上菜時間都好快，整體唔錯。

今日和媽媽食飯, 所以去了我最鐘意既板長壽司, 我地選擇Lunch 時間去食因為價錢比Dinner平一半, Lunch時間都有6個 Lunch Set比客人選擇, 價格約60蚊到120蚊,有飯同Udo選擇, 魚同刺生都有, 所以有好多選擇我叫了個魚生雜錦飯, 118蚊, 都幾新鮮, 同幾好食, 食得好飽, 而且環境好, 我想我下次都會再黎!

還以為情人們都會選擇Fine Dining去慶祝情人節，豈料情人節當晚在壽司店外都堆滿人群！事關男友覺得情人節當天外出慶祝食飯實在太多人，所以早在11號預祝了。雖則情人節祝已慶，也是需要吃晚餐吧，打算隨便吃個壽司罷了，本是元氣板長二選其一，但元氣實在是太多人，要輪候一百幾十個號，所以還是還是選了板長，不過也等候了差不多半小時呀！已經好幾年沒有來過板長，仍然是在用那部慢到不行的Tablet，點餐點到崩潰幸好食物不賴三文魚腩十分肥美魚肝入口即溶鵝肝甘香無比吞拿魚腩非常新鮮！肥美海膽新鮮甘甜生蠔卻是一般雪藏解凍的貨仔整體來說，質素是十分不錯的，於連鎖壽司店當中應該名列前矛，我們兩口子各吃了十件，盛惠五百

千色匯有好多選擇, 假期間間餐廳都好多人, 見邊間有位就入亦都因為假期關係冇set lunch叫係有2人set ge, 但見d野唔啱食最後都係散叫香港人最愛係三文魚, 當然唔少得三文魚同火灸三文魚壽司三文魚夠晒肥, 入口即溶 朋友話呢度ge帶子好好食, 就算黎食個烏冬都會叫件黎過口癮所以叫我一定要叫黎試, 果然係好甜呀 其他壽司/卷物都好好味, 最愛呢個吞拿魚set最後兩個人$260埋單, 平過叫2人set仲可以揀自己鍾意ge壽司食

服務十分好！ 晚市放提238加一，食物好吃，而且夠新鮮！ 甜品的選擇也比較多，甜蝦也十分好吃。 飲品任叫。而且食完的碗碟，都很快有人員幫我們收起。 點單的食品也五分鐘內送上！

做完facial 就系樓下食lunch...千色匯都幾多食物種類可以選擇，我最後就去左食壽司店員態度意外地好叫左份芒果蟹子沙律，好愛這道前菜！次次都一定叫黎食青瓜青爽加上蟹子又彈牙！芒果都甜既，但蟹柳就少左dd....三文魚同三文魚腩差唔多，但三文魚平d帆立貝好大粒好有口感！赤海蝦爽口唔會腥，偏乾....我最愛既甜蝦好大隻味道鮮甜！肉質都好有質感！海鰻幾厚肉，味道偏淡，不過唔食得鰻魚覺得有腥味既人可以試下呢個蒸蛋次次都要叫！！超級鮮甜同埋好滑！！

食物質素ㄧ般, 只可說不太難吃。最意想不到的是服務員的態度 - 黑口黑面、無禮貌、態度十分差。我們叫了三碗麵和兩個小食, 最先送到的兩碗麵, 服務員把食物隨意放在枱邊便擰轉面行開。跟著送到的小食就隨意的放在枱上的小小醬油碟上。😡

板長依家實行一張枱,一部平板, 客人自己著單其實好方便, 有晒圖片, 有晒價錢, 岩晒豬仔我選擇困難症的客人, 以免左住d侍應做野今次食既4味金槍魚, 其實分別不大既, 魚味重, 飯有口感之餘且醋味夠, 雙重配搭得宜. 而鵝肝壽司值得一讚可以話個鵝肝份重足夠, 飯與鵝肝3比2 既份量岩晒鐘意口感的豬仔鵝肝外脆內軟, 入口即溶不過, 科技先進令到我地有更好既體驗, 但好可惜少左人與人既溝通, 令到餐廳少左人與人既互動豬仔都係鐘意人與人既溝通, 豬仔都係最鐘意支持老店

今日放假悠悠閒閒周圍逛，行到接近下午2:00唔知食咩好見板長壽司有set lunch又唔係太多人就舒舒服服坐低食個lunch, 揀左雜錦切角魚生飯餐包埋一客沙律及味噌湯，魚生無咩色澤，食落亦唔新鮮，d飯仲要有d硬，簡直係難食呀，食左一半已食唔落。

壽司之前都系另外一間店度食完，感覺唔錯，呢次黎到荃灣就選擇去板長壽司度食壽司。日本料理我認為真系幾唔錯嘅，吞拿魚沙律壽司都味道算麻麻，feel到其實壽司系好新鮮嘅，但系壽司啲米粒比較散，咬完一啖之後就會好鬆散喇，唔系一般嘅鬆散啊!不過另外嘅鮑魚壽司就味道俾吞拿魚呢個好食得多喇，雖然價錢係要貴翻啲，但系人地嘅鮑魚食落就知系靚野咯，而且都好大方，壽司米而且唔會話好似吞拿魚咁散，鮑魚嘅口感系特別韌咖，一般情況下都唔會好鬆。系荃灣呢間嘅環境都算唔錯喇，到飯店雖然都幾多人下，但系服務好智能!番茄湯果真正，酸酸甜甜的味道，唔會似一般嘅骨頭湯之類咁，有一種清甜feel。

見肚餓但又未到晚飯時間，想食個烏冬，就入左去板長。個烏冬'煙煙un un' 口感唔錯，但我就覺得個汁比以前淡左d，唔係好夠味，就加左豉油，即刻濃番d，又變番好好味，整體黎講都唔錯！