影片
【沙田区】【极尚叉烧】始终我系住喺沙田第一城，第一城开新餐厅，我点都要讲吓。开咗 1am第一城 呢个系列都好似冇郁过咁，我自己都会惭愧㗎嘛。我食咗呢间嘢两次，两次都系下午茶时段去，所以两次都系食佢哋嘅「港式下午茶」。平得嚟又食多啲嘢，可以写到畀大家睇。第一次去叫咗 $39 嘅「巨人西多士」，其实我都几期待，个名吹到咁大。点知一上菜，巨？边度巨？冇人识佢㖞。不过花生酱都夹得几足，食落其实唔差嘅。加 $22 要多三只「牛油蒜蓉鸡翼」，好细只，冇乜感觉。不过要 QR Code 落单，先会见到啲小食。嘢饮我就加 $3 热「招牌香滑奶茶」加大，加钱系因为佢真系好大杯，慢慢饮几好嘅。埋单 $64，稍贵。第二次就叫咗 $45 嘅「叉烧皇汤濑粉」，啲叉烧日日做 gym 咁，劲瘦，不过嘢饮有得配热「玄米茶」又几好。今次埋单 $45，都冇咩好挑剔，未必再食。。。（地址：沙田银城街1-2号置富第一城地下G74-75号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #tasty #globaleats #tastyfood #foodpics #followforfollowback #love #eat #1am沙田区 #第一城 #1am第一城 #极尚叉烧 #巨人西多士 #牛油蒜蓉鸡翼 #招牌香滑奶茶 #叉烧皇汤濑粉 #玄米茶 #1am1725 #1ambackup
继续阅读
已经差唔多8pm 对上𠮶餐系早餐 忙碌咗成日 去所处附近嘅第一城揾食 行过呢一间烧腊舖已经畀橱窗嘅烧腊吸引 好似几好味㖞 烧腊加例汤先至54蚊 真系非常抵 加三蚊仲有嘢饮 于是我就叫咗个叉烧饭 叉烧饭啲叉烧非常幼嫩肉汁充满 例汤系西洋菜红萝卜汤好好味 港式奶茶好正宗 食到底仲见到呢一句 五个字就形容晒我心情
继续阅读
每次早餐首选都系佢，主要都系服务态度及食物质素唔错、价格经济，今次点了吉列鱼柳配薯饼、茄汁豆、炒蛋、奶油猪，鱼柳好大块又够热够脆，薯饼都唔差，跟鱼柳一样够热够脆，炒蛋有点干唔够滑，味道都差点点，如果加返啲盐就好，搞到味道都差点点，炒奶油猪又牛油又炼奶(多酱)，变相外脆内juicy，加$8要埋个火腿通粉及即磨咖啡好饱。另一个系杂菌煎蛋面，面硬度合乎「爽」，煎蛋系太阳蛋，味道&口感唔错，热饮系热柠水。
继续阅读
今次小熊猫就嚟沙田，忽然间想食烧味饭，然后就揾到呢间餐厅啦叫咗个双拼下午茶，烧鹅拼贵妃鸡配汤米🤗烧鹅比较肥腻，但香料入晒味，所以几好食～ 贵妃鸡都系做到皮脆肉嫩～ 烧味嘅份量都够，汤米正常发挥～ 下午茶嚟讲系一个不错嘅选择
继续阅读
之前食过，今日再去试下叉烧真系唔错，外层烤到焦香脆口，入面啲肉又嫩又多汁，甜咸味啱啱好，食落好满足。佢哋嘅蜜汁仲几加分，令成个叉烧嘅味道更加出色。不过，有啲部位油脂偏多，钟意瘦肉嘅人可能会觉得有啲腻。除咗叉烧，白切鸡同烧鸭都算中规中矩，肉质鲜嫩，但味道上就冇乜惊喜。餐厅环境几靓，地方够宽敞，服务员态度又好，效率亦都几高。不过，Lunch人多时出餐会慢左D，整体都尚算满意。系第一城嚟讲，呢间餐厅适合追求高质烧味嘅人，特别系对环境同服务有要求嘅客人。呢个价钱，绝对值得一试。
继续阅读