林仔茶檔 (已結業)

去完信和攞玩具後，見肚餓入咗去一間新開餐廳林仔茶鐺。由細到大都好鍾情於食炒粉麵飯，但遺憾係，而家喺香港食到好食嘅炒飯，已經買少見少，例如翠X 個啲，大XX 個啲，仲要喺旺角，佐敦，尖沙咀大把餐廳。。。。仲有我本身唔鍾意用電話落單，個女侍應好好人，佢幫我落😂，好好笑容😂😂😂今次呢段鴛鴦炒飯有驚喜，飯低蛋味濃郁，估計應該用土雞蛋去炒，強而有力嘅濃郁蛋炒飯香味，每一粒米都係炒到金黃色，粒粒分明，炒得乾身而不硬，亦不油膩，唔講以為去咗酒店食鴛鴦炒飯😂。白汁紅汁分明，酸鹹到適中，一啖炒飯食到兩種汁，兩邊汁調教唔會過稀，啱啱好拾到好處。期待下次食到其他炒粉麵飯！呢間餐廳果然冇令我呢個刁咀客人失望👍🏻

趁住lunch同一班同事過嚟試新嘢，好似新開冇幾耐，環境企理，食物款式都有好多種。有選擇困難症嘅我決定試吓焗飯，望住個Menu，焗飯至少有10款😂 最後揀咗焗豬扒飯👍🏻👍🏻👍🏻等咗10分鐘就有得食，熱辣辣好食👍🏻豬扒入味👍🏻推薦⭐️⭐️⭐️⭐️⭐️

佢下午茶$50蚊一個瑞士汁雞翼撈公仔麵其實我覺得已經唔係平但都試下啦然後出到嚟咁嘅款啲麵淋到好似俾冇牙嘅食咁然後個公仔麵完全冇撈過咁色都冇 啱啱上嗰陣差啲以為係淨公仔麵7仔撈麵都好過佢😂冇下次大家鍾意可以試下冇瑞士汁嘅瑞士汁撈公😂

趁Black Friday周末出旺角買嘢，經過林仔茶檔覺得好乾淨企理，就入去食個下午茶，叫咗沙爹牛麵茶餐，覺得味道唔錯，奄利蛋味好出。最好係個公司三文治，材料豐富，睇得出係新鮮整，味道好好。

今日經過油麻地見到近近地有間裝修幾靚又乾淨嘅新鋪頭「林仔茶檔」。新裝修又乾淨企理，就入去試下先😏見到個餐牌好多小菜都好想食，但因為得兩個人食，所以就試下叫3樣餸先。🐙椒鹽鮮魷，真係超級好食，絕對有驚喜😆。必食之選💯。外皮炸得酥脆，而魷魚🐙嘅口感亦都好爽好新鮮，成碟好快比我地食哂🐙🤤🤤$98🍍咕嚕豬頸肉🐖🐷，豬頸肉每一塊都好爽口嫩滑而且份量十足，好大塊。成道菜酸酸甜甜好開胃，配飯一流🤤🤤🍚🐷🍍$88🥢咖哩牛坑腩煲🐄，💛推薦，食牛腩煲就食得多，但有茶餐廳用牛坑部位黎做煲，我就第一次食。簡得用牛坑果然牛味再出再濃D❤️，腍中帶爽，加埋咖哩，💯配飯簡直無得頂🐄🤤🤤🍚$92🥢食物質素係好高質💯，老闆同員工服務都好友善同親切🥰，小菜質素好過好多大酒樓，難得香港嘅茶餐廳有咁好嘅質素之餘仲有服務。絕對有下次👍😋😛

上個星期見到呢間舖頭新開張都已經好想試😂但係好怕中伏，所以一路都冇時間食早幾日終於試完有驚喜啵👍雖然佢係茶餐廳但係食物質素真係唔錯當日舖頭就唔係話好多人 所以就唔需要等位👍👍我第兩個人去食晚餐叫咗2個小菜 魚香茄子芥末一字骨包左2個湯 兩個白飯👍埋單 百幾蚊 總結✌️價錢合理 味道有驚喜✌️份量足夠✌️ 同埋唔使成日食連鎖茶餐廳👍👍👍

這裡環境很舒服，價錢很平民。叫左火腿通粉、雙太陽蛋、牛油方包、加$10一塊雞扒、茶走。😋我鍾意通粉既湯底，忍唔住飲左好多😅茶走無令人失望😌雞扒個汁同個雞扒都夾。不過我比較鍾意無汁但又味既雞扒多啲😛如果唔加雞扒同轉凍飲，這個餐只需$38。這個環境、味道及服務已經超值。食完行去佐敦，沿途見到有幾間茶餐廳都做緊3十幾蚊既早餐，不過環境就無咁好。搵日EQ好啲可以上下既😏PS:火腿通粉食左兩至三啖先記得影相😛

近排天氣轉涼，所以我都同朋友出多咗街，因為行街冇咁熱😂行到咁上下，就諗住喺附近搵啲嘢食但係我又唔想食啲連鎖快餐店咁啱見到呢間舖頭新開張 所以就入咗去試吓 😄😄😄其實我對茶餐廳嘅要求都唔係話好高對於我嚟講 其實快 靚 正 就可以但係呢間餐廳令到我對茶餐廳有改觀😍我先講環境啦，佢唔會好似其他茶餐廳咁坐得咁迫😀 起碼卡位坐咗兩個人仲可以放到個袋✌️✌️✌️員工服務態度都好好👍因為我有選擇困難症 啲員工都好落力介紹邊樣好食😂😂最後我哋三個人叫咗三樣餸甜麵醬四季豆豬頸肉 $88咖喱牛坑腩 $ 92 啫啫滑雞煲 $88令我有驚喜嘅就係四季豆😍😍個味道好特別，同出面嗰啲有分別👍👍豬頸肉又大嚿 肉質又嫩 好味👍牛坑腩份量都好多 咖喱就偏甜少少 啱我口味😝😝雞煲正常發揮 隻雞好滑👍份量足夠 夠鑊氣 整體嚟講，我覺得比起其他茶餐廳味道好食👍 下次叫多啲人就可以嗌到幾個款☺️環境 。 🌟🌟🌟🌟🌟服務態度🌟🌟🌟🌟🌟舒適 🌟🌟🌟🌟食物質素 🌟🌟🌟🌟🌟

一行四人經過旺角，試下呢間彌敦道新開茶記小菜，用料新鮮，沙薑鷄味道岩岩好，肉質鮮嫩，其餘三個炒菜唔油膩，4餸包埋白飯例湯野飲食左$430，價錢親民。今次同行有小朋友唔叫太辣，下次試下水煮川菜