林氏廚房 (已結業)

最近在附近工作，跟大隊去食午飯，地方舒服，有大圓枱，長枱和二人枱， Menu也豐富，喜歡它的黑毛豬叉燒飯，自家製作，入口即溶，味道適中，加上橙黃色的荷包蛋，叉燒有點多，很飽，$98包湯和飲品，沒有加一。價錢合理。晚上我們點了美國豬安扒配蘋果醬。喜歡它的紫薯，又甜又滑，很特別。前菜是八爪魚沙律，很特別有新意。是晚有人搞party，wine dinner, 感覺很不錯。

估唔到工廠大廈會有間 裝修特別餐廳， 入到去 感覺上好乾淨 ，另外仲有一間vip房可以給客人唱k ，好彩朋友聚會邀請我出席 食物好豐富當晚有大閘蟹，羊腩煲 估唔到一間西餐廳做中菜都咁好味， 份量十足仲要打包， 服務員招呼 好有禮貌 有求必應， 尤其是有位女服務員， 好用心地幫我哋全部食物打包， 雖然餐廳是收十點但當晚我哋 玩到差不多十一點才走 有勞服務員仲要洗紅酒杯， 一定會介紹朋友再去

我在D2某office工作，經同事介紹下來到這間餐廳，果日3人食午餐，其實3個都覺得一般般，我吃的鹽酥雞飯無咩味，同事叫焗豬扒飯汁太甜，但勝在有位男士（唔知是否老闆）服務非常好，又贈送甜品。到今晚，我介紹另一班朋友一行11人來食飯，我是比較夜到，事前都電話夾好左會到，9點到，一來到個女士（係咪老闆娘？）就催我們叫野食（我明既，因為廚房師傅要收工），因為夜，賣晒湯就無得跟餐，原本$48跟湯同飲品，剩點野飲要跟正價都唔個折，30元一杯普通野飲點會想叫；好啦，叫份豬鞍，我問可否加些意粉俾我，一下子就答我加$10，我話算啦，後來知道原來本身加左薯菜，我只係擔心得豬鞍會餓，可否唔好咁「掘」，我覺得係佢態度問題！食到中段想請呢位女士幫我們影相，又話等陣先，佢在執碗碟同洗咖啡機，又排返d位for明天用，等左起碼15分鐘先幫我們影相，都食完啦！影張相用你1分鐘，要我地等，呢種service out晒啦！都無客啦，仲排位，邊樣野係先後次序？講返食物，牛扒，豬鞍，冬陰公雞係唔錯，但沙律配菜唔新鮮，薯條太乾太硬，我會覺得Mr Steak都好味過佢好多，朋友說羊架完全唔好食，無羊味有腥味，卡邦尼意粉汁太傑。上

價錢不平，但份量少，食物味道一般：一行15人定了枱，$300/位。蘑菇湯，只有細半碗，五湯匙飲完；蒜蓉大蝦，每一隻都條黑色的蝦腸（挑走蝦腸是廚師的基本吧😓）；牛肋骨味道好，但每人只分到一塊（3cm*3cm),而且是薄片；咖哩手抓餅，汁太鹹。。不會再來。

林氏廚房，係咁多間嘅工廠大廈嘅餐廳，係一間幾特別嘅工廠大廈餐廳，佢除咗有午餐供應，晚上有類似的私房菜供應，中西合併，你可以預一個價銭，而set 個menu.而他的中菜款色好有家的味道。環境亦都唔錯，款式亦都好多，而他們其中一個菜色豬手恰到好處，外脆內柔，味道又唔喊，是這間餐廳其中一個出色的菜色。未必每一間餐廳都做到。而且佢所有的甜品，係自家製嘅。每日有唔同的甜品供應。環境簡簡單單，大部份嘅夥計，都係親屬嘅關係。所以絕對係好落力嘅。

聽朋友講呢間工廈餐廳唔錯就去試吓😎。星期六無咩人，可能12點無咩人，或者收工都閃番屋企。餐廳格局估唔到咁大，真係可以容納3，40人。地方大所以可以四圍坐。餐牌價格工廈來說算貴，但如果唔揀西餐牌，仲有啲高價位啲既平民餐😅。我叫咗個豬鞍，跟沙律。沙律入要係有八爪魚的配wasabi一流。不過如果跟沙律又無得跟湯la。所以要問清楚佢係咩沙律，同咩嘢湯。到個豬鞍la,一嚟到已經大開眼界，賣相吸引。切落去夠厚夠多汁😍，明明食豬好似食梗貴格牛扒咁😂。最後點咗杯凍奶茶，又幾好飲喎😆

今日同一大班同事去林氏廚房食Lunch,感覺都幾好。佢有3個menu,中西野食都有。我要左海南雞飯，餐跟蒜蓉包、湯同野飲。雞肉幾新鮮，份量都幾多，只係肉比較凍。整體覺得唔錯。同事大讚日本蛋叉燒飯，佢賣相都吸引，食落幾入味，啱鍾意濃味嘅人。而羊架都好新鮮，肉幾嫩，只係份量較少，怕唔飽要加d小食。佢價錢算合理，性價比高。美中不足嘅係餐廳12.00先可以開始落單，其他方面都幾滿意，環境有d復古懷舊感覺呢！

林氏。。小弟真係當佢係飯堂。。酒友聚會，朋友聚舊。。首選地點今晚先點咗一D小食炸茶樹菇。。炸墨魚咀。。兩樣都好香口。。送酒一流帶子沙津。。帶子肉厚。。少少煎香。。菜好新鮮。正黑毛豬叉燒。。雖然係廋肉。。但好淋。。味道亦好入味。。正正白酒 煮青口。。青口好大隻。。酒香。。味甜。。正正芝士焗大蝦。。肉質鲜甜。芝士味較温和。啱哂怕濃味嘅朋友。。正雞煲。。因友人吾食得辣。。要了原味。。但仍好有雞味。。肉質好滑。。正正正飯後。。黎杯香濃黑咖啡。。為呢個飯局畫上完美句號

同同事見到有呢間西餐就上左去試位於工廈入面，好彩個𨋢唔係舊式拉閘既𨋢我叫左慢煮豬鞍，伴有薯蓉、菜同蘋果醬豬鞍厚身夠大件，煮得啱啱好，肉質夠嫩多汁，好食薯蓉略太creamy，小編比較喜歡無咁重creamy狀既薯蓉菜係普通淥既菜，無咩特別蘋果醬係一大驚喜，同豬鞍非常夾，去左豬既油膩感，如果多d醬就更好同事個飯我無影相但食左一兩啖同事叫左鰻魚飯（日式個隻），鰻魚夠厚食，無乜骨，但飯我覺得太濕，如果乾番少少更好

中午已去過幾次這間位於工廈樓上的「林氏廚房」，在繁盛的荔枝角食飯，環境尚算寬敞不錯，食物款式最近多了米線，但價錢要$6X有點過貴，今次選了焗豬排飯配白湯，因要落單後才製作，等了很久很久，約半小時才製成，與其他餐廳的焗豬排飯有些不同的是，這裡用上全塊菠蘿，配上炸過的豬排，有點脆口，份量不算十分多，但很飽肚。及後，叫了餐飲，侍應卻落錯單，又等了一陣子才端上熱奶茶，付錢後匆匆忙忙就離開了!

今日同舊同事食飯先知呢個工廠大廈原來有野食。D位都好闊，同隔離枱都隔得遠。睇餐牌，都好多選擇。餐大概70 - 160不等，有麵包，餐湯，主食同野飲。野食都OK，我叫左肉臊鹽酥雞飯，D雞唔油，炸粉亦唔多，塊雞扒其實都好大塊。另外，舊同事叫香茅豬扒，仲有2塊添。差唔多食完果陣，老板娘林太仲送埋甜品，唔甜，正！由於舊同事請客，所以唔知有冇加一。不過以佢既食物質素同價錢，比起億利果D，佢已經好過果邊好多間。下次可以再試。

每星期日早上返完主人崇拜，就要揾地方醫肚。一班教友都喜歡去“林氏廚房”午餐，因為環境舒服，樓底高，沒有壓迫感，枱與枱之間有空間，不太迫，總給人有私人空間感覺。至於食品質素，不論口味，新鮮程度及擺碟都有水準。出名有黑毛豬义燒煎蛋飯及海南鷄飯。吃了幾次，今天試下博多义燒拉麵，配料有木耳絲，半熟蛋，葱花，紫菜，日本义燒及黑蒜油，88元正包汽水一支。先係湯底，好味，唔太鹹，冇味精，不口喝，味濃，麵不太淋不太硬，啱啱好可以再叫。再食另一出名菜式漢堡包，有素選擇(大啡 菇),今次點咗牛肉漢堡，好吃！漢堡包有菜，蕃茄，芝士而牛肉漢堡扒夠juicy,有新鮮沙律菜伴碟，其實女孩子己經夠飽，但都忍唔住要吃伴菜炸薯條，一流，脆口而且乾身，食完一仍未再一條，肥都要食下去，而且賣相擺碟不馬虎。長期選擇菜式之一。整體對林氏厨房食物印象唔錯。但美中不足的是員工態度一般，唔知點解，好多都係poker face.感受唔到佢哋工作開心。如可以，在呢方面改善一下，相信口碑會更好。

Shopping 完，近近哋吃晚飯，叫了包二個前菜、湯、主菜、飲品，都係每人$200留下，算抵吃了。分別叫了羊架豬鞍前菜有炸蟹腳醉雞煙三文魚沙律巴拿馬沙律吃飽喝足，又解決一餐 ，正

昨晚訂了今晚6:30pm，以為已經book位好淡定。誰不知友人上到去話已包場，嬲…打電話問話我book了4：30p，兩個時間差好遠，而且個音調都唔同，不明白為何會聽錯，個staff有覆一次肯定是6:30pm，一句唔好意思就算。我要bad list這店，覺得當中有不誠實的成份。以後唔會再去…嬲嬲…連1分都唔值，但system一定要我選。為何不可以給0分。

Yjk）bkj唔係返office job嘅我, 甚少接觸隱藏工廈內嘅餐廳, 今日帶左喺美國買嘅小禮物俾就生b嘅JM, 特登出荔枝角一齊lunch. 喺樓下等左陣至搭正12點半, 開始多人密密行去𨋢口, 枱已book所以唔擔心. E. 溫泉蛋芝士肉醬意粉set (HKD78) 螺肉沙律 原來lunch set包一個沙律, 有生菜, 粟米粒, 蕃茄仔, 當然仲有主角螺肉啊, 無另加沙律醬, 唔錯嘅開胃小食. 出菜速度快, 雖然目測係預先整好左嘅意粉, 淋上預先煮好嘅芝士肉醬, 面頭放隻又係預先整好嘅温泉蛋, 看似咩都係prepare定再砌好的肉醬意粉, 味道竟比想像中好. 最重要放入口係熱嘅, 肉醬用料非常豐富, 特別在紅蘿蔔好甜+大量豬肉碎蓋滿意粉, 食到最後一啖都有肉醬der. 温泉蛋有流心效果, 生熟剛剛好. 最後會灑上青葱+芝士粉, 份量for女仔就會比較飽. 熱朱古力 原來set仲包一杯飲品, 我地無咩idea就問下落單嘅staff有咩揀. 原來有熱朱古力呢, 好似仲唔使加錢, 係大過茶餐廳奶茶杯份量, 朱古力味香, 沖得夠唒濃. 地點另揾, 座位仲舒服過一杯drink差