林美甜甜屋餅店

营业中

休息中

黐線，估唔到仲見到$4一個包，仲要勁大個！三點後已經買二送一不過真心建議買完叮熱食會好啲，因為真係尾水，食得出已經出爐好耐、凍晒。提子包一條$10// 菠蘿包、雞尾包$4整體包都係好鬆軟，好大個，好飽肚！菠蘿包、雞尾包正常發揮！// 粟米餐肉包$6.5個粟米餐肉包一般，本身以為係一大片午餐肉夾雜粟米粒，但佢仲係一patpat餐肉搞爛變蓉、夾雜粟米粒，而啲餐肉可以完全冇鹹味，有機會粟米出水，溝淡咗餐肉？如果唔係熱食的話，會覺得係一pat pat放涼咗嘅肉，食落冇咩味，口感不佳。另外同事叫咗佢個$10即叫即整三文治🥪，攞上手熱辣辣好好味！大贊好好味！

香港啲麵包價格唔知幾時一個麵包$10起跳，覺得呢間算有良心👍🏻我買咗$8/2個包.✨雞尾包麵包唔算濕潤，聞落就係港式傳統麵包嘅味；「雞尾」味十足。.✨菠蘿包呢個還可以啦，波羅皮唔脆的🍍

昨天在公司樓下買咗一碗柴魚花生粥，又稀又冇料，柴魚絲要好艱難先搵到😂😂 突然醒起屋企樓下嘅麵包店，佢哋早餐好多選擇，有腸粉魚蛋燒賣，各類三文治+即冲奶茶都係$18～～ 不過衰在自己成日好抆水先至出門口，佢哋早餐都有人排隊，我又非常趕巴士，之好去到公司樓下先買😂😂今天特登提早3分鐘出門，好快手買到了柴鱼花生粥只要$10，返到公司打開 又稠又多料，多到感動😂😂就算中途食左2/3，D料都係好多～～真係抵食！

每日買親早餐簡簡單單買十蚊腸粉佢都好似撞聾甘 要人重複幾次！（基乎每次都有客人因為要重複幾次而發脾氣鬧佢）找錢又找錯！ 買10蚊 比20佢 佢可以找8蚊比你🙄附近唔係無燒賣腸粉 真心唔會幫佢！

最欣賞平靚正小店我公司在葵涌工廠區，返工常常經過這家小店，這家店出名平，實惠足料，現在仍然有4蚊6粒燒賣，超抵!可惜我不愛食這家燒賣，口味見人見志，我返工放工都見人龍買燒賣腸粉。 令我一食回味的是小店其他食物，多士三文治，又平又好食之選， 我今日叫左個芝蛋治+烘底 ,同淡豆漿，好好味，我帶回公司食，還熱烘烘，又香脆脆外皮，豆漿好抵5蚊支有豆香味不過這店不是每樣都岩我口味，如提子鬆餅，蛋撻，燒賣我不太喜這家的，各人口味大家要自己試

雖然唔太順路，但間中都會黎呢間買野食因為真係好抵但今次係有件事想稱讚呢間小店，而寫呢篇食評話說今日係度買左份雙拼三文治加燒賣(三文治9蚊，燒賣4蚊有6粒，暫時真係未見過有人平過佢，而且足料既)總共13蚊，我比左14蚊佢，找錢拎埋野食走之後，我就去左附近巴士站一邊食燒賣一邊等車大概等左2，3分鐘左右，竟然見到間舖既大叔(老闆吧?)跑過黎，話我原來比左廿蚊紙，要找番10蚊比我間舖係見唔到巴士站，所以佢都唔會知我係咪去等巴士...而且我都離開左起碼成2，3分鐘，佢真係特登跑出黎想搵番個客人，找番果10蚊比佢，雖然10蚊唔係咩大錢，但老闆既誠意果下係好滾動真心希望小店生意興隆，從此我會多啲特登去幫襯

放工時天氣涼左，經過面包舖想食串魚蛋暖下兼返屋企途中無咁肚餓。平時會買呢間舖的三文治、面包做早餐，因為佢好平，面包又好食，吾會似連鎖店咁多空心。今次食$4/6粒魚蛋，超級平。望落粒粒都吾細，大小適中。食左一粒，好熱，見到有紅椒嘅碎粒，微辣。仲有咖啡油，呢個涼涼地的天氣食，超正！質地彈牙，辣味吾強勁，食得出有少少魚肉甜味。第一次食咁平又咁好味嘅魚蛋^_^老闆同老師娘會親力親為，好勤快。仲吾會將價就貨值得推介

15-5-2013(三）是日，在荃灣吃過下午茶後，便坐小巴 86 號來到上葵涌一帶影街道相。下車後，路經一間叫 林美甜甜屋餅店 的麵飽舖小店，隨意買了一件提子蛋糕，一邊逛遊，一邊吃！估不到一件看似平平無奇的蛋糕，吃下一口，竟然是蛋味香濃，質地鬆軟，好吃！唯提子粒的數目較少，但只售$3，算是超值了！支持小店！

每朝早都會黎甜甜屋買早餐，只因佢地既價錢係全葵涌最抵食，同埋一點都沒有偷工減料，一份三文治$6？你一定以為係塊蛋會薄如紙，咁你就錯喇~佢d蛋係厚切架！有時撞岩整得唔太熟，流埋d蛋汁出黎，真係超好味！只要佢每日都開門做生意，我朝朝返工前都會黎買早餐架~

呢間林美美係近期我地部門既早餐之選工廠區是但一間茶記雙併治閑閑地都$12但係林美美買緊$6 價錢平, 不過冇將貨就價以俾小d當日我就叫左個腿蛋治隻蛋都煎得幾厚身成個三文治食哂都真係幾飽架~

呢排成日都好想食蛋撻上星期有日收工後都專登走黎買雖然行遠遠先買到但勝在呢度有我至愛既曲奇皮2蚊一個新鮮熱辣出爐買五送一好抵食本來見佢咁新鮮熱辣好想即刻放入口但因為手拎住咁多野會食得好狼狽最後放棄左番到屋企先翻叮黎食蛋餡夠滑又有蛋香唔太甜加埋香脆既曲奇皮簡直係正!可以即時encore多個!服務一般皆因有個鄉音重既阿姐我講極都唔明我要買咩結果我要大叫入面位阿叔幫手建議食法：先以微波爐大火叮20秒令中間d蛋餡熱番再放入焗爐100度叮至曲奇皮面頭開始有d燶咁就會好似我個蛋撻咁由左圖未加工前變成右圖加工後既樣

前幾日朝早心血來潮早餐想食糯米雞番工時經過見到呢度有得買於是買左一隻黎食6蚊一隻真係好抵但係就比平時街巿見到既細少少但咁樣仲好唔駛食完飽死左咁!d饀味道唔錯有一隻完整既雞中翼不過d雞肉已經淋晒d骨都輕易鬆出黎d糯米飯吸左d肉汁味道幾好但係有樣唔好係d饀側埋左一邊令到有一邊d飯冇味不過最令我欣賞既地方係佢d饀唔會混左肥肉入去有味道之餘唔會一粒二粒肥膏健康之選!其實呢間舖頭除左有燒賣,粉果,糯米雞,腸粉呢d熱既小食之外佢仲有麵包賣蛋撻係曲奇皮每日都出爐幾次味道ok啦不太突出但2蚊一個加上買五送一都叫抵食既!