楓逸軒海鮮酒家 (已結業)

在這大時大節...巳經忙得不可開交, 但個個員工仍帶著笑容, 特別是經理, 還抽時間幫我們影相, 說說笑笑, 很難得, 這點巳值得介紹給大家.我們叫套餐, 都是一般酒樓菜餚, 但也有驚喜啊, 特別是那個牛仔肉, 好好味, 整體上全部斬都好好味, 送紅酒一支, 啤酒一打,另汽水喇. 埋單4300左右, 本來是3千多一圍, 但我們加多5個人, 17人, 照人頭計,每個加多一百. 唔錯啊, 晚飯值得去試下. (一定比美心好)

前兩日同屋企人去灣仔食飯聽朋友講話呢度d野幾好食去到楓逸軒我地點左幾個招牌菜其中(蛋白蒸龍蝦球回昧牛肉海山骨)真系好正好好食大家有機會都黎試下服務都算ok 聽經理話仲系剛剛先裝修完價錢不算太貴值得一試下次我再去食飯影d相俾大家睇^^

好耐也沒有與屋企人出街食晚飯，好罕有地於零七年第一次。楓逸軒為普通酒樓一間，啎算出名又啎旺場，只是就腳吧。1)蒜香脆皮雞比上一次來食蒜蓉鋪滿成隻雞的盛況，今次蒜蓉太少了，所以也沒有蒜香，雞皮尚脆，雞肉則沒有特別。不算很出色，同區不少酒樓的炸子雞也做得好過渠。2)咖喱牛肋腩煲咖喱汁很濃厚，是本土的咖喱做法，自有其風味，不能與南亞的咖喱相提並論。但大部分都是牛肋，牛腩極少，有些不滿，可幸牛助也非常腍滑。3)雜菜煲出街食飯點雜菜煲可能是最不化算的選擇，但為多肉少菜的形式平衝一點，雜菜煲做法太簡單，也太少的差別，很難下評，只能說尚算不錯。這店沒有噱頭優惠，名氣又欠奉，食物水準平平無奇，又沒有招牌菜，竟也可以成為該幢大廈裏經營得最長久的食店，實在殊不簡單。

之前"母親節"同爸媽黎過呢度飲早茶,覺得d點心都唔錯,所以"父親節"都係黎番呢度.星期日大中小點心一律9.8,特點另計.我就最欣賞佢地d炸野,例如:鮮蝦春捲,炸雲吞,都非常脆口,最正就係完全唔油膩,炸得好乾身,而且d料入面無肥豬肉,值得推介.另外,腸粉新鮮滑溜,白菜餃個皮就好正,流沙包就要立即食,食時仲要小心ｄ流沙會辣親隻手喎,呢幾樣都係非常唔錯,可以一試．呀...仲有胡椒豬肚都好好味,必試!服務就差少少,d侍應對於d熟客就笑茄茄,對其他客就粗聲粗氣,呢度要減下分喇.

今日2點本來想去二宜樓,但要等位,唯有試試呢間,星期六,日全部大,中,小點$9.8,$6 茶錢.環境都可以,坐得幾舒服.我地叫左6款點心:蒸蘿蔔糕,叉燒酥,煎腸粉,雲勝餃,炸蝦卷,蟹肉小籠包.蒸蘿蔔糕---難食!好似食緊糊仔咁!叉燒酥---普通啦!可以再鬆化d.煎腸粉---又系差!d皮又厚又韌!雲勝餃---呢款就吾錯!勝瓜冬菇粒頗新鮮!餃皮晶瑩剔透.炸蝦卷---普通啦!蝦肉尚算爽口!蟹肉小籠包---完全食吾到有蟹肉!埋單$78,服務又吾系好!可以blacklist!

隊友星期日在港灣道泳池比賽，之前就一齊在附近飲個早茶先。平日好少飲早茶，就請母親大人推薦個平靚正的地點。據大人話呢度點心都多選擇，環境企理得來早茶時段﹝中午12點前﹞的價錢又相當之平，就拉隊黎食番個靚早餐。一行八人都叫左唔少野，其中有個香芋糯米卷都幾好味，係用薄薄的芋頭片卷住D糯米，清清地都唔錯。其他點心如燒賣、腸粉、牛肉等的質素亦可以，當然講唔上非常美味，但勝在即叫即蒸，夠新鮮。不過佢的麻蓉飽就皮薄得滯，餡的比例太多，好甜，真係過猶不及！埋單只係180元，除開一人都係廿幾元，真係平得我都嚇一跳。望下個價錢，原來小點只係3.6元，中點6.8元﹝其他都唔貴，但唔記得啦﹞，重平過坪洲D茶樓。母親大人的推薦果然好抵食！男子隊員食飽飽，打波自然有氣有力啦！