檸檬冰室 (中海日升中心)

营业中

休息中

曾到訪位於深水埗的「檸檬冰室」食物質素不俗，性價比高；品牌最近於美食集中地觀塘再開設分店，提供茶餐廳美食、小菜、燒味、意粉及鐵板餐等，環境寬敞且衛生舒適-🔹金牌叉燒 (半斤) $78叉燒燒至微燶邊，紅潤有光澤；選用脂肪不多的部位，肉質緊實有嚼勁，啖啖蜜汁香滲到叉燒中-🔹黑松露脆蝦炒滑蛋 $75凍飲 +$12加入大量黑松露及蔥花炒成，富蛋香的雞蛋嫩滑細緻充滿蛋汁，蝦肉鮮爽彈牙，配搭濃郁的黑松露足夠滋味-🔹馬蹄魷鬚蒸肉餅 $62肉餅肥瘦均勻，蒸得軟滑，配搭爽甜馬蹄及帶鹹香的魷鬚，味道層次豐富，很好下飯-🔹欖菜肉鬆炒四季豆 $68少有的加入香菇令味道層次提升；翠綠的四季豆鮮爽幼嫩，加入欖菜炒成的鮮肉鬆夠惹味

今次同🐧🐧 buddy 到訪依間新開嘅檸檬冰室✅ 餐廳勁大間空間感十足，貫徹檸檬主題，一大片鮮黃色勁搶眼🌟 裝修設計用心，明亮光鮮嘅環境令人眼前弓亮👍 叫咗一客西檸雞球😚 大大碟份量十足，每件雞件都大大塊，炸得酥脆香口，沾滿酸香開胃嘅西檸醬汁，食落好惹味唔覺油膩，送飯一流😘 一口西多伴雪糕同樣出色❤️ 西多堆疊成山送上，好有特色啱曬打卡📍 西多新鮮炸起，油香滿溢🌟 食落外脆內軟，甜美無比，好邪惡令人食唔停口😋 除咗經典嘅茶記食品，仲有多款精美可口嘅甜品同埋包點類提供😍 令🐧 意外又驚喜☺️ 尤其喜歡佢哋嘅件裝蛋糕❤️ 藍莓慕絲蛋糕同埋椰奶芒果蛋糕兩者都非常出色😎 外觀悅目味道可口😙 真係勁高質❤️‍🔥 

👧🏻😋👅🍽✨檸檬冰室新店進駐觀塘 🙌🏻-🍋 中海日升地舖最後減租由檸檬冰室接手, 同舊鋪一樣 lunch time都係坐滿晒▪️午餐精選午餐星期一至日每日不同, 種類多元化, 另設有燒味午餐蜜汁豬頸肉拼豉油雞髀 $55 豉油雞髀好大隻, 甜甜地好好送飯燒鵝髀瀨粉 $80 鵝髀勁肥美🤤 轉髀加左$20, 好食係抵俾, 油香肉滑▫️檸檬系列檸檬焗雞扒飯 $66 雖然都係茄汁底, 但真係有檸檬香味，比普通焗飯更有層次鮮薄荷青檸沙冰 跟餐 $14 大大杯好抵飲, 打得夠碎夠滑又有鮮薄荷好正!▪️檸檬烘焙用餐期間見到廚房一盤盤新鮮出爐麵包拎出去, 淨係烘焙餐牌都有20款, 另外仲有盒裝曲奇, 杏仁條等等雙重芝士棒 $10 除咗面頭焗脆芝士, 個包入面都有軟心芝士粒 🧀 香酥肉鬆包 $10 童年回憶: 個沙律醬唔會太重味幾好食芝麻餅 $40 聖誕節送小禮物送上朋友屋企, 大家都食得好開心

惡劣！超差！我未試過食到唔想食完全食唔落！啲飯痴到一舊舊，究竟係唔識煮飯落太多水！？定係隔夜飯加水煲成咁！啲飯重有色無味！燒腩仔啲皮又唔脆！無回頭！唔會再幫襯！

平時帶小朋友上堂，一定經過駿業街，最近嗰度新開咗間檸檬冰室，啱晒我哋上堂後去醫肚！ 環境都寬敞，2點去到都坐滿咗8、9成，因為價錢合理、食物質素又高，連嘴刁嘅細妹都話想再encore。鮮茄菠蘿焗厚豬扒飯 真係無得輸，厚切豬扒肉質嫩滑、啖啖肉。炒底(飯)粒粒分明唔太乾身，仲有大大片菠蘿同蕃茄。 另外都有點 鮮菌芝士焗海鮮飯，份量都唔少，芝士味香濃。家姐話想食燒鵝髀(好識食呀)，好彩呢間檸檬冰室有燒味部，加咗$20 轉做鵝髀瀨粉，唔多肥膏，點埋酸梅醬一齊食太滋味。絶對係香港經典菜式之一，一定要試！ 細妹又想食雞髀薯角，即叫即炸又炸得香口，外脆內軟。經典黑牛 （朱古力雪糕加可樂）同 白雪公主 (雪呢拿雪糕加雪碧) 每杯都只係需要加$18，所以就咗俾小朋友開心吓，真係超大個杯，大滿足！

今日和同事去觀塘見客，之後經過中海日升中心，見到檸檬冰室開咗分店，餐廳裝潢都係同其他分店一樣，以檸檬黃色為主，環境光猛，座位舒適。豉椒肉片炒河：份量十足，炒得好有鑊氣，肉片很腍,豉椒味道濃郁,河粉滑身十分惹味,星洲炒米：材料有蝦仁、蛋、火腿、韭黃等十分豐富。爽口嘅米粉散發淡淡咖喱香，入口帶有少許辛辣味道，相當惹味！茄子斑腩煲：茄子色澤鮮豔而口感軟滑；魚塊外層酥脆內裡肉質細嫩，配合上爆香後的醬汁炒勻，香辣可口！鮮茄菠蘿焗烤豬扒意粉：豬扒肉質鮮嫩，搭配酸甜可口的番茄菠蘿，茄汁甜中帶酸，還加入洋葱和芝士，無論味道和口感也有豐富層次。檸檬雪碧：味道清新，啖啖都有檸檬青檸味。雪糕紅豆冰好大杯，紅豆份量十足，口感林甜，加埋雪糕口感更順滑，味道更甜美。

因為鋪租一事令到大家都好熟既檸檬冰室終於開業，今日黎開觀塘專登兜過黎試下佢。下午茶時間人流唔算好多，大概坐到6/7成左右。首先當然要試一試佢既波蘿油先，13蚊一個又唔算貴喎！ 新鮮出爐個包仲係暖既，正！酥皮香脆而個包係軟熟既，但略嫌塊牛油太薄，唔用手整開都見唔到。。。另外叫左個滑蛋叉燒飯，份量好足！估唔到下午茶都甘大份，滑蛋摭左一部分，厚切叉燒足足有六舊！肉質算幾好既，而滑蛋都炒得唔錯。可惜色水比較少，成碗飯好似無落汁甘，扣左少少分。整體黎講係幾好既，下次黎可以試下佢既午餐。

呢間檸檬冰室喺位於觀塘駿業里中海日升中心地下 ，前身喺紅茶冰室。兩間比較，我較喜歡而家檸檬冰室 ，店內光線充足 ，以黃色做主題 有一種煥然一新的感覺 ，自助斟水區亦很企理乾淨我叫咗招牌沙嗲牛肉即食麵 配牛乳炒滑蛋、檸檬餐包加凍檸檬茶沙嗲牛肉即食麵滿滿牛肉蓋過湯碗 ，沙嗲汁有淡淡花生香味濃而不咸 ，牛肉味好重嫩滑冇渣 ，牛乳炒滑蛋我轉咗太陽蛋，太陽蛋煎得恰到好處 ，晶瑩蛋白和半熟狀態蛋黃喺完美組合 ，早餐跟餐飽有別於其他冰室半片牛油麵包 ，檸檬餐飽果然係有淡淡清香檸檬香味，一口咬落去麵包超軟熟 ，好好味😋 早餐推介

新開呢間茶餐廳，今日lunch去咗試。服務態度好，食物比較健康，味道比較清淡。芝士焗牛丸意粉 $58牛丸彈牙爽口蕃茄意粉唔夠多汁，味道唔夠濃沙爹安格斯牛小排湯河$60加熱奶茶湯底好味，飲完都唔會覺得口喝牛肉片好食。

羅宋湯微辣，濃度偏稀，份量正常熱奶茶有少少澀，溫度份量正常冷氣溫度正常，但風力太大，怕風人士需自備外套。落單至上餐時間合理，約5分鐘左右餐具未見有污漬，衛生情況合格牙籤獨立包裝，每張枱均有紙巾提供

自從此舖位交吉之後，一直等待會否有新餐廳開，最終開了檸檬冰室。雖然本身都有不少分店，但之前都未幫襯過，今次終於幫襯了他們的旗艦店。先講餐廳的裝修，很光猛(因為周圍都係俾鮮黃色包圍住)，整體感覺好似比之前的要大(不過其實都係同一舖位，應該唔會大左)。食物方面，都幾多選擇，有炒粉麵飯、碟頭飯之餘，亦有小菜。今次叫了一個冰鎮蜜桃咕嚕肉、黑松露脆蝦炒蛋飯、凍檸茶及凍奶茶。食物上枱都幾快，先嚟係黑松露脆蝦炒蛋飯，黑松露味都幾香，蝦都爽口，食落口都唔錯。冰鎮蜜桃咕嚕肉，好大碟吓(因為要冰鎮)，將啲咕嚕肉放落去冰入面雪一陣先食，會變得更脆口，而啲肉又唔韌，無諗到茶餐廳都會食到，唔錯。至於杯凍奶茶，飲落口幾香奶味，茶味就唔算太濃。不過凍氣就凍咗啲，好快啲飯餸都變凍咗，需要改善一下啲出風口位。另外個餐牌有啲特別，同一般茶記唔同，唔係傳統的分類，幾新。同埋餐廳啲職員都幾有禮貌，比其他一般茶記有啲唔同。整體嚟講都可以再幫襯，試吓其他食物。