校長燒肉日韓料理 (觀塘廣場)

营业中

休息中

早排同幾個friend經過觀塘，去到lunch time時間想搵啲嘢食，個個都有各自想食嘅嘢食，最終我哋搵咗一間有燒肉、火鍋同刺身放題嘅餐廳，一次過滿足晒大家嘅願望。🥳餐廳正正就係觀塘地鐵站隔離，地點勁方便，地方又夠大，完全唔使驚等位。而且餐廳仲有一大排窗口位，成個場感覺都好光猛精神，唔會昏昏暗暗咁樣。☀️燒肉方面，肉類款式基本都齊全，驟眼睇都起碼有15至20款肉類。基本嘅牛豬雞一定有啦，另外仲有啲特別小小嘅，例如係秘製叉燒、金沙骨同一口豚肉呢啲都會有。肉類嚟講都醃得好入味，肉質唔會好差，絕對係合格嘅水準。🥩🍖火鍋方面，餐廳提供咗三個湯底，分別係日式豬骨湯、壽喜燒湯同埋韓式辣湯。火鍋配料方面就包括有肉類，丸類、茹類同埋蔬菜類，雖然話每種款式唔係好多，但係勝在樣樣都有，每樣可以試少少。🤭刺身方面，就提供咗有六至七款刺身選擇，大部份都係最常見嘅嗰幾種。有三文魚、大蝦同埋希靈魚等等。肉質都算OK，最緊要係冇腥味，放題嚟講質素都算合格。🫡其實餐廳一啲細節位都好抵讚，例如係火鍋醬料都足足有成12款，選擇都夠晒多。🫨其次有個沙律吧，健康人士同埋食膩咗嘅都啱晒。🥒有幾款熱食餸菜之餘仲有幾款點心選擇，認

有朋友同我講佢最鍾意食燒肉同埋打邊爐 ， 但竟然未食過觀塘廣場的校長 日韓燒肉放題,太過份， 今日一於捉佢去試試！很喜歡這裏因為餐廳地方非常闊落, 枱與枱之間都有著闊的間距,非常適合 朋友聚餐,地方都算整潔,就算以燒肉作為主打,也不見得黐黐立立。食物基本已經分好每個專區,包括為燒肉而設的烤肉區,豬牛雞應有盡有,而且用上不同醃料適合各.口味,肉類都非常新鮮,烤完配合少少醬料已經好美味。當中亦都不乏出色之選， 包括新加入的香辣豬五花腩肉， 油香十足，香口又容易燒。 同樣容易燒而惹味的多春魚， 還有醃得非常入味的香辣和香草魚柳都非常出色。火鍋區同樣屬於自助形式,出去拿個煲,加入一款自己喜歡的湯底 （今次嘗試的是壽喜燒 ），在火鍋區拿一些配料就可以,湯底相對比較日式,味道清甜,突顯食材的鮮味。熟食區同樣充滿美味驚喜,蔬菜小炒味道都出色, 例如炆牛尾 ，而且不時refill,不過個人最鍾意都是有提供充滿港式的小食,例如茶葉蛋及燒賣等。飲品區都有多款飲品可選擇。甜品區有充滿懷舊色彩的鮮水果冰,有西瓜和菠蘿等選擇, 雪糕雪條同樣選擇十足， 最喜歡藍色的海鹽味，溫和又creamy 。

唔好食，食物質素差。連雪糕甜品都係平野，唔好食。基本上無咩刺身壽司食，同啲廣告唔合乎。原來真係無咁大隻甲啦隨街跳。咩百零蚊有齊刺身，燒肉，火鍋。真係伏嚟。一分錢 一分貨。我用左二百蚊食左一堆填飽個肚嘅食物，但只係填飽左個肚，一啲都唔好味，二百蚊，無享受過。

俾廣告吸引，講到有幾好食幾抵去左試，試完兩個字伏+㷫，只係價錢平，唔怪得星期五都唔爆場，食物飲品款式呢個價錢算唔錯，不過食物質素好一般刺身蝦係梅既，燒肉無一款覺得係好食（雞翼算係入到口既肉），其他肉都好似醃左等於無醃既味，只能糊口，完全食物相都唔想影，服務態度惡劣 （由其門口收銀帶眼鏡短金髮女士會呼喝客人），同屋企人食餐飯只係想開開心心，點知食到一肚氣🤬，一餐飯可以辣㷫埋老人家真係少見😂，如果貪平可以一試，但可能食完會一肚氣，我就唔會再幫襯，

新的一年開始了，當然要約一約老友來個放題，一面𣈱談人生、一面吃個不停。這位於官塘地鐵站附近的料理店提供的食物種類十分多樣化，任君選擇。～燒肉日式、韓式牛、豬、雞燒肉一應俱全；除此以外還有魚柳、秋刀魚、多春魚和煙鴨胸等。用上香辣、麻辣、咖喱、孜然醃料等的肉類可以滿足喜歡味道較濃的朋友，而喜歡吃淡味和原味的朋友則可以選擇牛五花、梅肉片、豬五花等，可謂必有一款適合你。～火鍋最愛是可自由配搭的鴛鴦火鍋湯。我們選的是味道較豐富的日式豬骨湯和較清淡的壽喜燒湯底。用它來烚蔬菜、丸子、餃子和烏冬有著不同的味道層次，真教人滿足。～剌身今天的剌身種類不算太多，但仍有我喜愛的鮮甜赤蝦、爽口的赤貝、螺片和仿鮑片等約十款不同的選擇。～沙律、熟食邊燒邊淥的同時，還可選吃一些清新蔬菜類和已煮熟食的餸菜和點心。個人覺得滷得入味又有咬口的豬頸肉和滷水豬耳比較突出。～甜品、飲品哇，吸睛熱花茶或凍飲品填滿幾個櫃，餐後冷熱甜品種類亦不少，怎會選不到自己喜愛的呢！邊談邊吃，時間過得特別快，兩小時過去，肚子填得滿滿的，感覺是超滿足。新的一年開始了，當然要約一約老友來個放題，一面𣈱談人生、一面吃個不停。這位於官塘地鐵站附近的料理店

今日朋友生日，我地去左一間食材多元化嘅餐廳慶祝。 而且又有生日優惠，全單人頭計88折 。餐廳座位寬闊，而且食物種類多，仲有一款啱你。除烤肉外，更有打邊爐，形式上都有好多選擇。餐廳不停播放柔和的音樂， 為餐廳增添了有幾分浪漫。1.燒烤區： 燒烤區有多款肉類，包括有豬、牛、羊和魚，選擇非常豐富，而且每款肉都用咗不同的醃製方法，適合有各種口味嘅大家。例如有黑椒味、韓風香辣味、香蒜味等等。我最鍾意香蒜豬扒，豬扒燒完香噴噴，肉質結實，好厚肉。另外我都鍾意韓風香辣味魚柳，魚柳好嫩滑，而且醃得好入味，好有韓國風味啊。2. 火鍋區：除咗燒烤，我哋仲可以打邊爐。火鍋區都有好多食物選擇。肉類丸類應有盡有，啱啱講完肉類，而家介紹吓啲丸先。我最鍾意墨魚丸同埋牛丸。墨魚丸好香墨魚味，而且食到粒粒墨魚。牛丸就牛肉味濃，好彈牙，多汁。3. 熟食區: 除咗燒烤同埋火鍋，出邊仲有啲熟食選擇。真係有好多食物選擇，有胡椒豬肚、酒煮螺、小炒王、 蒜蓉西蘭花 。小炒王同埋蒜蓉西蘭花好香口，炒得好惹味。4. 點心區點心區有燒賣、小籠包 、包類、再配上茶葉蛋、 炸春卷、炸蝦片、炸榴槤。茶葉蛋好入味，香噴噴，好味。炸春卷啊蝦片啊嗰啲

廠房同事黎香港參觀, 參觀完原本想去飲茶, 但同事想去食燒肉。即時諗起係觀塘廣場有一間 , 除左燒肉, 仲可以食火鍋及自助餐, 飲品選擇又多。一個價錢, 多個享受。而且價錢仲好抵。地點方便, 係觀塘站的觀塘廣場15樓。5分鐘內去到。午市由11:30已經開始, 我地揀左$188 (午市燒烤火鍋自助餐) 任食2小時, 如果4個人仲可以任食4小時。 有燒肉, 刺身, 火鍋。原來刺身要C款先可以享用, 職員會比定貼紙, 當你去拎刺身時就要比師傅睇。 之前都黎過, 抵食之餘款式都多。而且火鍋食物及燒物擺放整齊清潔，款式亦多。對面的飲品櫃入面總類好多, 有小朋友中意既維他蜜瓜奶, 甚至啤酒 (仲要喜力),火鍋湯底自己取, 有辣有唔辣, 我地揀左豬骨湯底。而燒肉一開爐就可以立即開動, 我地大約12點去到, 未到LUNCH HOUR人流未算多, 但一到12點半起, 顧客都開始多了。主打燒肉火鍋的餐廳, 刺身都有驚喜, 記得要帶貼紙先有得拎。刺身都有5款, 最愛的三文魚亦係食了3轉, 新鮮而且肥美。燒肉的汁類好多, 包你一款啱你點, 豬五花係我地食得最多, 肥瘦均勻, 慢慢燒慢慢食, 不經不覺食左唔少。

呢間燒肉放題午市好抵食，百零蚊已經有得燒肉+打邊爐+刺身兩個鐘任食👍👍食物選擇好多，肉類同埋蔬菜類都有十幾款，整齊擺放，可以自己出去夾。特別推薦燒孜然雞軟骨同埋五花腩，夠惹味好好味😋 另外刺身區都有差唔多十款揀，赤貝、馬刀貝、赤蝦、虎蝦都有😙，全部都幾新鮮，呢個價錢黎講質素都好唔錯！仲有沙律、炸物、麵類、甜品、飲品等。熟食區推薦麻辣三文魚鰭，好多骨膠原夠肥美😛麻辣豬紅同埋照燒雞扒都ok～！

位於觀塘廣場樓上的一間燒肉店，在這寒冷的天氣實在太適合了。很寬敞以及景色開揚的環境讓人倍感舒服。來到就當然要先吃熟食！壽司有幾款，先來滿足一下。飲品總類亦繁多，吃燒肉絕不怕油膩！令我最驚喜是醬料選擇也多，有最愛的柚子醬，蜜糖汁和千島醬。燒肉不外乎牛丸，腸類和牛肉等等，配上不同醬料是會刺激到味蕾。腸也有大腸小腸芝士腸，喜歡吃腸的人會感到很滿足😌除了燒肉，還可以有火鍋，餐廳有幾款湯底提供。清淡的豬骨湯加上米線烏冬，沖淡燒肉的油膩感。這間可以火鍋和燒肉並存的店鋪十分推介，為這冬日添上暖意！

星期六的校長燒肉，夜晚自選2小時只是$258+10%，地方大，選擇多，有烤肉，火煱，壽司，沙律，餐前小食，熟食，甜品及飲品，好抵食。餐前小食有涼拌，炸物，連點心都有。熟食都多選擇，refill得幾快，還會轉款式，當中麻辣東風螺最為吸引，好惹味。壽司刺身都算新鮮。烤肉有不同口味的豬，牛，羊，雞，魚，蔬菜等，大約三十多款，並清楚列名每一樣食物，肉類醃得都很入味，推介蒜蓉豬扒，麻辣雞扒，咖哩雞軟骨，孜然雞翼等。除了燒烤，仲可以一邊火煱，有三款湯底可選，火煱料相對會比較少，有丸類，菜類，菇類及麵類。甜品選擇多，除了雪糕雪條，還有啫喱，布丁，奶涷，寒天等，仲有一些生果冰，食完燒烤食就最適合了。另外糖水有椰汁西米露，仲可以自己配撘涼粉，正。飲品有汽水，啤酒及花茶，當中花茶款式更多達16 款。

今日就嚟咗食校長燒肉，譚校長就搵唔到啦🤣🤣但係iron man都揾到個喺門口💁🏻‍♀️🖐🏻✨整體評分:7/10✨味道:7.5/10✨服務:7/10✨環境:7/10✨人均消費:～$250✨自選2小時時段 （黃金時段） 成人每位都係收緊$238 ，星期一至五 （生日優惠適用）👍🏻👍🏻老實講，呢度性價比幾高，全自助😁要食咩要飲咩自己出去攞。佢呢度係可以一次過滿足曬你兩個願望，打邊爐同埋燒肉一齊進行✨😚佢啲嘢食係多度都唔知食咩好🤣🤣🤣以下就同大家粗略講下其實有啲咩食，咁想詳細啲睇嘅話呢就睇圖片啦🔻✨熟食類✨熟食就一定有炸物：炸雞、 紫芋丸、炸蝦片、炸🍌年糕，好多款式。仲有salad🥗任君選擇， 仲有一堆前菜選擇👍🏻✨刺身類✨所有大路刺身都有：三文魚、赤蝦🦐八爪魚🐙魷魚🦑希靈魚等都有，仲有旁邊有其他壽司可以選擇🍣千祈唔好睇少佢以為放題任食呢啲就質數定好差喎，其實佢每款刺身都幾新鮮，幾厚肉地嘅👍🏻✨肉類/火鍋配料/蔬菜✨啲肉係多到完全我係已經記唔清，有扒類、有火鍋薄片、有腸類，仲有各式各樣嘅丸類。基本上你諗到嘅嘢佢呢度都會存在，簡單地講下我覺得有幾樣嘢係必食嘅：🔻香草魚柳：佢係勁香嘅香草味🌿而且魚柳

大家諗吓，如果有一日，你自己想食韓燒，朋友又想打邊爐，咁點算好，校長燒肉就一次過滿足晒兩個願望，就算加多個想食日本嘢嘅朋友都唔怕，一樣有提供校長燒肉位於觀塘廣場15樓，由港鐵觀塘站B出口行1分鐘就到， 搭𨋢上15樓就到，非常咁方便門口大大個招牌，加埋Iron Man ，一定搵得到自助式取食物，應有盡有，打邊爐食肥牛食得多，呢度多個選擇，可以選擇鐵板燒同一款食物，都有唔同嘅醃法， 十分講究推介多春魚同埋魚柳，個人非常鍾意食朋友鍾意打邊爐，呢度提供三款湯底，有辣有唔辣；食物方面，多款丸類肉類任君選擇鍾意養生嘅朋友，仲有花茶供應，不過自己嚟講，熱辣辣，都係揀返凍飲算了當然唔少得甜品，都係無限量供應

OpenRice可以買券上去用，先比百幾蚊，上到去埋單比多五十蚊，咁就可以任飲任食，冇圖片嘅生蠔，刺身每人每次淨係可以揀三款，八點幾已經冇糖水，其他嘢食嘢飲大致上都滿意，環境都坐得舒服。

好耐都無食過燒肉放題，但係又想打邊爐喎，真係貪心，上網搵吓資料原來呢間校長燒肉，可以一路食燒肉一路打邊爐～呢度嘅種類非常之多～燒烤/打邊爐；有豬頸肉、五花腩、雞扒、肥牛、紅腸、香草腸、蟹柳、餃子、魚柳…..等等～刺身；三文魚、甜蝦、赤貝…..等等～沙律；都有幾款選擇～甜品；榴槤布甸、提子啫喱、抹茶慕絲、芋頭西米露…..等等～熟食方面；章魚小丸子、茶葉蛋、蟲草花燒賣、滷水豬耳紅腸…..等等～飲品；多款啤酒、汽水選擇，仲有花茶可以自己調配～大滿足嘅一餐，好飽呀～

天氣轉涼，跟友人一起來一個大滿足放題，我們選了校長燒肉，有齊燒肉，打邊爐，壽司刺身還有熱食，滿足了我們所有慾望。餐廳環境很寬敞，被安排座大大張卡位，沒有壓迫感，沒有油煙味，乾淨整潔。首先，我們出去拿飲品，飲品櫃超多選擇，更是無限飲，我選了韓式飲品，友人選了啤酒。食物先來一點青瓜開胃，青瓜十分新鮮，清爽鮮甜，自己加點喜歡的沙律醬，然後就是刺身，三文魚很新鮮，還有是巨型刺身蝦，甘甜有鮮味。主角燒肉，最愛便是燒肉，豬，牛，羊，雞，蔬菜都應有盡有呀，每樣都拿一點，肉類多汁鮮嫩，每款醃得都很入味，燒出來芬香撲鼻，香脆可口。 更值得一讚是燒爐上放一張牛油紙，這樣不怕燒久了會粘底，隨時還可以叫服務員更換油紙，很貼心。燒肉吃膩了，便可以吃火鍋滾蔬菜，菜類很新鮮，爽脆。我們還吃了一點熱食，炸物，點心，很愛蝦片，超級脆卜卜。最後沖杯自製花茶，熱茶消滯，茶料自己配搭，喜歡什麼便沖什麼。當然甜品是少不了，吃一點雪糕，一餐便劃試完美滿足的句號。