影片
以上资料只供参考，请与餐厅确认详情
食记 (31)
陪媽咪覆診, 當然要醫肚先啦! 呢間係我以前喺太子返工幾鍾意o黎lunch 嘅酒樓.花生芝麻蛋散 - 蛋散做得好鬆化, 而且糖漿唔太多, 好味! 奶皇千層糕 - 蛋糕清香夾著奶皇味, 鬆軟味美.菜遠排骨兩面黃 - 兩面黃係呢度其中之一嘅招牌菜, 米粉煎到外脆內軟, 而且菜遠排骨分開上, 唔洗d 米粉淋晒, 不過略嫌個芡汁太杰.鹹水角 - 出面嘅酒樓一般都係三件, 但係呢度就四件, 外脆但餡少. 味道麻麻.
继续阅读
去開太子,黎左黎樹好似係唯一的酒店.試下聽聞唔錯的酒樓飲個下午茶..入過大堂再入 lift 後按地下一層B1.一開門已見好多人座滿嗎??..原來好彩還有好多位...環境不像在酒店的,只能和一般的酒樓格局相同,不過尚算舒適的,只是嘈了些.但最重要,都是食物質數及價錢不錯呢..所以人氣好强,差不多下午四點,還有座滿七成人..去開花墟買完野,又想飲個茶食個飽,此處可以一試..
继续阅读
其實我同我屋企人以前成日都黎呢度食晚飯因為佢晚飯d小菜幾好食反而茶就唔係成日黎飲但印象中呢隻d水準都係唔差的昨晚突然想起這裡，便決定今日下午同媽咪黎呢度飲茶啦呢度個位置係偏僻左少少但好在唔駛排隊等位，唔駛搭檯，唔駛好嘈環境非常舒適 起碼唔會聽到哂隔離既人講野既內容先!!同埋服務都幾好呀，個部長都同我地傾左幾句，幾有禮貌 講返食物先，我地 2 個人叫左:鳳爪排骨桶仔飯"呢個幾好味佢唔會好大桶...兩個人share剛剛好佢D米飯好軟熟呀，我好鍾意食D排骨都好入味，而且都幾淋，係D鳳爪好似硬左少少七彩煎魚餅"黎到見到佢真係好七彩繽紛，有好多顏色不過我個人唔太鍾意青豆...我覺得佢無左會好食D個魚餅幾香，不過如果佢煎得脆D就好啦而且我見到佢好多油，所以無咁好紅油抄手"呢個係媽咪鍾意食，我本身好怕辣不過好彩佢唔太辣喎，我都可以食到佢個醬汁好惹味，反而係個餃子D皮厚左少少就真魚翅灌湯餃"哈哈! 呢個灌湯餃只係 $2.8本來對佢真係無咩期待，但黎到又覺得比想像中好因為平時食D灌湯餃好多時一夾就散，佢呢個唔會而且佢有好多料呀，$2.8好抵食!!!鴛鴦水晶包"佢個包皮做得好通透，但食落都係會覺得厚左少少而且厚度唔太平衡，有d地方過厚有d地方就好d覺得佢豆沙餡好好味，因為甜度適中，而且真係有沙既感覺食左咁多野都係$68，有埋以上講既好處所以都會再黎呀 =)
继续阅读
dec 16, 08,4人嚟dinner,叫咗 : 1) 鴛鴦鍋湯底-我哋放棄本身嗰2款,自選咗韓式kim chi+番茄牛腩清湯-其實佢哋最出名喺胡椒玉骨煲(即豬骨煲),可惜我無訂到,所以售罄................各位有興趣去試請book枱時先留定 2) 手打全蛋伊麵-友人話見佢切到粗幼不1,就知道喺手做-有平時伊麵嘅質感,但就幼好多,"索"咗d湯汁食,所以份外好味-初時友人1直嚷住要叫友人: "嗰度(即火鍋紙)寫1試難忘呀......"我 : "邊有吹得咁大呀............人哋都喺寫唔食就走寶咋嘛~~~邊有咁誇呀"友人就喺度大笑 3) 4寶丸 -有墨魚丸啦,蝦丸啦,肉丸啦同鯪魚球啦-除咗鯪魚球(腍身咗d,但食到有少少陳皮香)之外,其他3種都好爽彈吓,好好味 4) 駝鳥肉-正常,都嫩 5) 什菇籃-正常 6) 溫室皇帝菜-新鮮 7) 韓國粉絲-比平時食嘅粗d 8) 珍珠帶子串-1碟4串(只喺未影前,友人拎咗1串去淥)-好新鮮因個肉質都結實同爽,只喺鮮味唔太突出 9) 手撻鮮蝦滑-真喺好爽同彈口 10) 鮮蝦雲吞-好漲卜卜圓渾嘅雲吞-因我掛住食,無影到個內結構圖,裡面真喺有隻好完整嘅蝦,同其他材料雖混在1齊,但大家都好壁壘分明-好impressive嘅雲吞 11) 鯇魚片-呢個唔喺我杯茶-但見友人嘅反應,應該只屬1般因聽說話多幼骨 12) 珊瑚蚌-ok 13) 火鍋豆腐雙拼 -豆卜+蜂巢豆腐-個人對呢類嘢麻麻哋,但好後期先叫,個湯底已經喺精華,呢2種豆腐嘅特質,所以都勁"索"d湯,所以都好味 14) 鮮淮山片-夠"粉" 15) 青島啤酒 x 2枝 16) 汽水 x 1罐- 豉油同配料要去出面攞..........自己"匹",有好多應該有嘅配料..........好似有芫茜,蔥粒,胡麻醬,中芹粒,薑蓉/蒜蓉,辣油,辣椒絲.............好鍾意佢有中芹粒 - 地實地點唔多就腳,而且附近1d都唔旺,但唔知點解好多人..........見有d人無訂位,等足1個鐘呢..........友人之前嚟過食小菜,都話唔錯架 - 席間本來講開喜事,無端端我哋就變咗講白事友人a : "我希望第時我嘅喪禮可以有好多朋友嚟懷念我"友人b : "你都死咗囉...........人哋做咁多嘢你都唔知架啦...........不如慳番d$$$$$$,我寧願喺之前同1班朋友出嚟.........食番餐,聽吓佢哋講吓我仲好啦"友人a "咁到時你哋嚟唔嚟呀???"我: "咁要睇吓我到時嘅status喎.........如果我早你1步埋單............咁我又點嚟啫"大家就...........我哋呢個group聚首1堂,都幾難會悶吓!!
继续阅读
與家人一行12人到此過節, 因提早在星期五食飯故不須食套餐, 仍可自由叫菜.共叫了12款菜, 水準是中上, 各樣都好好食, 尤其是燒雞, 蝦子柚皮, 蒸魚, 牛柳等, 其實它的各樣小炒真的不錯, 上菜速度亦快, 服務都不太差, 價錢亦算得上合理.
继续阅读