梅窩麻糬王 (灣仔道)

营业中

休息中

唔知大家鍾唔鍾意食麻糬波波呢我就係煙韌控嚟好鍾意食呢啲煙煙韌韌嘅嘢食朋友上完堂見到佢新鮮岀爐所以買咗嚟一齊食好似係有好多口味不過今次朋友淨係買咗朱古力味因為係新鮮岀爐所以無封實個口呢個設計又幾好唔驚會焗淋啲麻糬波波又可以避免有倒汗水呢個朱古力麻糬波波都夠外脆內軟入面係軟朱古力新鮮岀爐咁食咬開仲有流心朱古力嘅效果而且咬落煙煙韌韌咁好有咬口建議大家襯新鮮岀爐咁食如果唔係 情況許可嘅話就焗返熱少少先食可以將個好食程度再加大🤣下次要試埋佢其他味！

開舖以來已日日見長龍，雖然為食但作為無耐性嘅女漢子，都係決定等多一頭兩個幾月先食，結果只買到雙重芝士味麻糬（正吖😮‍💨）講真，基本上即烘即賣，所以買嘅時候，店舖姐姐都吖你唔好拉實個袋，怕有水蒸氣焗淋啲波波。（盛惠$35一袋6件）第一啖好煙韌，麻糬未食，但嗅覺已100分（好香芝士麵包味），食落濃濃芝士味，外脆內嫩；好QQ，而且同芝士味好夾，甜中帶鹹，終於明白到點解會排隊😮‍💨😮‍💨

星期日去開玉虛宮還神，路經梅窩麻糬王，仲要老遠已經聞到香噴噴新鮮麵包的味道，我就被香味吸引過去睇睇。一看原來是新鮮麻糬波波出爐，好難唔買一包試試！返到屋企立即拎一個出黎食。今次買嘅係經典原味麻糬波波。一咬開，外皮是香脆口感，帶有芝麻香。但是想像中的麻糬波波，餡料應該是煙韌，但我吃的，是一個空殼咁。雖然味道不錯，不過略嫌餡料缺乏麻糬。下次再路經我會再買多一次紫菜肉鬆麻糬波波，因為我看見好多食評都大讚，所以我會試多一次。

今日喺梅窩麻糬波波隔離食完雲吞麵，見到剛剛有人排隊，條龍唔係特別長，即刻買左兩包，分別係朱古力味同埋原味！原味唔係新鮮嘅，所以個皮面有啲硬，朱古力新鮮出爐，入面超軟心朱古力，外脆內煙韌q 軟！超級好味！都係新鮮最好味！佢哋有四隻口味，有紫菜肉鬆，雙重芝士，原味同埋朱古力味，$25-35 一包有六個！

不嬲都好鐘意食呢種煙煙韌韌既麻糬波波，但唔係好多麵包店有賣。估唔到今日經過灣仔去上悶悶的VTC堂時，有驚喜大發現呢間專賣麻糬波波的小店舖。原來灣仔呢間係新開，有分店係北角同埋筲箕灣。佢個名叫梅窩麻糬王，唔知係味最初由梅窩人係梅窩開店先呢。佢有4種味：原味，雙重芝士，朱古力，紫菜肉鬆。前三隻味試左，最鍾意朱古力，略嫌雙重芝士唔似雙重 ，芝士味唔太出。佢哋的確係外脆內軟，但麵包皮烤得過火，可以唔使咁燶咁會好食啲。

梅窩麻糬王除咗中環開左鋪,係灣仔都新開左間喇,變咗唔洗去梅窩都買到大熱嘅麻糬波波🤓麻糬波波味道有4種,分別係紫菜肉鬆,原味,朱古力同雙重芝士,散買約$5-$7 1個,但佢多數味都已經pack 好晒6個1袋🥲,想食晒兩隻味唯有買多幾個做早餐🌸雙重芝士 $35@6個雖然唔係新鮮出爐買到,但麻糬波波仲keep到外脆內軟🤔😳,裡面真係滿滿芝士,啖啖都食得到🥹🌸紫菜肉鬆 $35@6個見到唔少人都話呢隻味正, 肉鬆嘅咸香味搭配麻糬係唔錯嘅😳,但我硬係覺得呢隻味個皮係偏硬少少, 不過比平時嘅麻糬較香脆一啲, 唔係煙韌q軟口感個種,不過都好味嘅﹍﹍﹍﹍﹍﹍﹍﹍﹍﹍﹍﹍📍 梅窩麻糬王灣仔灣仔道110號地舖

吃完飯經過這間梅窩麻糬王，見到不斷有條小人龍，好奇之下買了一包來試試。雖然前來購買的人源源不絕，但麻糬出爐和包裝的過程很快，每人基本上排隊一分鐘就買到。🍫朱古力餡 $7/個、$35/6個麻糬標榜即場製作、新鮮出爐，還以為會是熱辣辣的，但原來只是微暖，有點失望。即食味道新鮮、口感煙韌、外脆內軟，就是沒有流心朱古力的效果，難怪店面要貼上教你自己回去用焗爐或氣炸鍋翻熱的方法。

麻糬應該可以話係口痕會想食吓嘅包餅類食物，中學時期成日買Yamazaki 麻煩波波做早餐，後嚟唔少包餅店都食到。😝市場上有著唔同口味選擇，最近幫襯咗灣仔呢間梅窩麻糬王幾次，全因被佢陣香味吸引到。佢哋麻糬外形夠晒圓卜卜潤，不斷新鮮出爐，口感方面做到外層酥香、內層Q彈加一點空氣感，帶有濃郁嘅香味。🍽️口味方面有原味芝麻、芝士及朱古力，價錢$30-$35/6個。個人最鍾意芝士味，芝士味夠香微甜同麻糬質感好夾；而朱古力味咬下去朱古力有流心感；芝麻味也很香。總體來就值$35，味道都唔錯👍🏻係真係會有啲癮，不過排隊嚟講最多5分鐘，太長時間就唔值得投資喇，如果你鍾意食麻糬，不妨試吓！

大熱「梅窩麻糬王」喺梅窩係冇分店㗎😂三間分店均設於港島，喺銅鑼灣食完嘢行落灣仔店潮聖一下下午茶時間都有人龍，果然人氣甚佳當時只提供紫菜肉鬆同朱古力味，每款買咗6️⃣個==========🔹紫菜肉鬆餡 $7/個，$35/6個買果刻係微暖狀態，一咬落去帶輕微脆感紫菜及黑芝麻跟麻糬皮融合，味道不錯；內餡肉鬆濕潤肉鬆香突出個人感覺空氣感較重而煙韌感可再增加推介指數：8.5/10==========🔹朱古力餡 $7/個，$35/6個同為微暖狀態，咬落去時有輕微脆感朱古力味道恰如其份不過甜，仲食到少量朱古力碎粒口感同上，如可以做得更Q彈會是完美推介指數：8/10

上次放工去梅窩麻糬王賣哂仲落閘，今次晏晝再去，有人排但唔買嘢似等新鮮出爐，我見雖然剩係得番一隻味，但係我鐘意嗰隻紫菜肉鬆味，俾咗$35買咗一袋，仲熱辣辣，點知即場攞一個嚟食既時候先發現店員俾錯咗原味，行返去投訴就換個包俾我，無端端賺咗一個，新鮮出爐既紫菜肉鬆味係好味😋 阿姐應該係新手，不過佢地本身冇label難為阿姐俾錯我😅

店名: 梅窩麻糬王地址: 灣仔灣仔道110號地舖灣仔站A3出口，行4分鐘環境: 外賣價錢:4/5味道: 3.5/5路過見到無人排隊，就每款味買左一個，但朱古力味🍫賣哂😔筲箕灣同北角都有分店經典原味/紫菜肉鬆/雙重芝士❤️❤️❤️❤️$5/$7/$7@1個3款咬落都好軟熟得黎又好有咬口紫菜肉鬆最好食，一咬落去已經勁大陣肉鬆味，肉鬆份量都唔少😚芝士就食落無咩味，切開都見到芝士份量唔多，慳翻2蚊食原味好過🥲🤨

其實冇車行果條隊都好長，同事之前買返嚟下午茶，一試傾心。今日仲要特登行出去買，條隊勁長，好彩好快排到，但係到我哋一行幾人可以俾錢嘅時候，店員收返個朱古力味嘅牌。剩返肉鬆同埋原味。聽聞過原味麻麻哋，但係排咗隊都買埋啦。沿途行返公司佢勁香，返埋位同事仔話已經食咗兩個。因為本身係諗住買俾屋企人食嘅，就錯過咗啱啱出爐最好食嘅時間。店員好貼心，將凍咗嘅麻糬波波，點樣加熱，好有心機咁樣貼咗喺牆上面，店員叫客人可以留底。試過一次，自己買過一次，我本身唔係一個鍾意食麻糬嘅人，但係我都覺得值得去食嘅。香港人生活工作太多壓力，有時都需要一啲食物去調劑一下平衡一下。久唔久試吓唔同下午茶嘅食物，人都開心啲，病都少啲。

🌸年頭已經聽聞過梅窩麻糬王呢個大名，但係個時佢係北角店，小編未有時間經過，點知今個月比小編知道佢係灣仔開分店，即刻買左分黎食🙆🏻‍♀️ 店舖外面𝐤𝐞𝐞𝐩住有條源源不絕嘅短人龍，不過袋裝麻糬出得好快，排唔洗一分鐘就買到👍🏻-𝐅𝐨𝐨𝐝 𝐑𝐞𝐯𝐢𝐞𝐰 食評 🧀 雙重芝士口味 $𝟑𝟓@𝟔新鮮滾熱辣，拎到上手仲係熱，可見係新鮮出爐🙆🏻‍♀️💕 佢唔係流心芝士餡，但係好重鹹香芝士味，同外脆內軟嘅麻糬皮超夾😚小編食到停唔到口，一口氣食左𝟒粒🫢💕 -小編好中意呢隻芝士口味，小編會試埋朱古力同原味，或者試過嘅朋友仔可以話比小編知，值唔值得買🙆🏻‍♀️-📍 梅窩麻糬王 (灣仔)灣仔灣仔道110號地舖-環境：-味道：🌸🌸🌸🌸服務：🌸🌸🌸🌸衛生：-性價比：🌸🌸🌸🌸-#hkfoodie #foodbitxh #foodbitxh_wanchai #hkeat #hkig #hkfood #hkgirl #香港美食 #instafood #hkfoodblogger #打卡美食 #instamood #麻糬控 #香港好去處 #打卡餐廳 #相機食先 #香港美食指南 #香港美食日記 #香港美食推介#香港打卡 #灣仔美食

梅窩麻糬王 (no English name) opened a branch in Wanchai recently. Originally from North Point, this place is popular for Korean mochi bread. Those crunchy chewy moorish little balls that taste great fresh from the oven. We saw there wasn't much of a line. Actually there was but they were waiting for the next flavour to come out. At this moment, they were selling chocolate.So, we grabbed one as there was not wait. One ball costs $7.It was filled with sweet chocolate. The ball was ok. Not super crispy

雖然舖頭叫梅窩麻糬喎，但係北角同筲箕灣都有分店，灣仔呢間係最近新開。之前未試過，灣仔呢間日日都排超長龍，當日見到唔算多人，就黎買試吓。。經典原味麻薯波6件 $25原味麻糬波，落咗黑芝麻粒，食落有芝麻香味冇咁單調。麻糬係幾煙靭，但係都咬得幾用力，比起同其他舖頭硬少少。。雙重芝士麻糬波 6件 $35呢個好食，咬開見到焗咗嘅芝士，芝士味夠濃，充滿鹹香。食落冇原味咁硬，鬆軟啲。呢個會回購！舖頭仲有紫菜肉鬆餡同朱古力餡，都係$7/1，$35/6。想試埋其他味，但係一次過食唔到咁多同埋有限購，希望下次唔流排咁耐推介指數：7/10 抵食指數：7/10