梨木樹酒家

营业中

休息中

假日下午茶幾乎滿座，放眼望去都係街坊，很久以前食過一兩次，已經沒有印象味道如何，今日一試覺得還不錯，而且性價比高，假日下午茶$40兩個點心，平日就$38，抵食😋香煎墨魚餅：有驚喜，雖然樣子麻麻地似返炸，但是皮脆內熱，而且唔咸無油淋淋，比連鎖酒樓好食！燒腩仔皮：唔脆，不過都唔咸，外面餐廳好多都好咸，好重味😋傳承燒賣皇：有d料到，料實在之於很淋軟，沒有坊間的厚實，燒賣皮不會黏住張紙，功力由細緻可見👍😋時菜鯪魚球：上菜阿姐沒有問要唔要喼汁，只見她將倒完喼汁再落胡椒粉，那種小時候的食法返來了🤩坊間現在只會倒入酸到開唔到眼的喼汁，唔會落胡椒粉，讓我一度懷疑以前的食法係咪從來無出現過🤦🏼‍♀️終於係呢度搵返我的回憶！講返鯪魚球真是無得頂，多荽茜但沒有很重味，肉很柔軟，竟然係有骨，可見真是有落魚肉，鯪魚球的回憶與感動🥹最後見到牙籤印的名係樓上酒樓粵品川，原來係同一老闆，後來朋友說樓上的更好食，晚飯亦唔錯，下次一定過去試下😄

梨木樹有間酒樓開咗好耐，有好多款菜式可以揀。🔖片皮鴨 （$128）其中叫咗呢碟片皮鴨，意外地好食。皮燒得好脆，肉都多汁，而且係喺食客面前現切片皮鴨，又有得食又有得睇👍🏻🔖椒鹽九肚魚 （$58）冇乜椒鹽味，外皮比較厚，但魚肉味道尚可，份量亦唔少🔖古法多寶魚 （$208）多寶魚冇乜魚味，不過勝在新鮮，落嘅油偏多，如果可以落多啲豉油少啲油就好🔖 XO醬錦江豆腐煲入面都有唔少材料，包括西蘭花，豆腐，瑤柱等等🔖澄海滷水拼盤呢款拼盤都有五款餸可以揀，不過紅腸唔算係滷水吧😅🔖楊州炒飯（$94）味道尚可，份量好足，但係炒得偏油

今日行過，諗住買生腸食，成個梨木樹得梨木樹酒家有得買，買個陣發現唔同左，之前係放係到買，而家佢既生腸係用水浸住，秤個陣，連水一齊秤買咁自己想食，無辦法。之前食開，係好食既，無所謂啦點知返到屋企，食個陣，生腸無味，生腸有D又唔熟，食落個口感一D都唔脆，生腸又咋多，每一嚿都要吐返岀黎。。。同屋企人食到一肚火，如果我一個食有問題，可能係我個人問題，我俾其他人試，個個都話唔得，咁就證明係呢間野既唔得真係無下次$150。。。上下面係同一個老闆，所以外買袋係樓上面店名

今午與屋企人去了梨木樹酒家飲茶，四個人點了八個點心，燒賣，生煎包，牛肉腸，春卷，一碟菜，再加一碟肉絲炒麵、四寶飯和燒味雙拼。個人較喜歡燒賣彈牙，腸粉皮薄，至於燒味有驚喜，燒肉肉厚皮脆，叉燒油香肉嫩，整體來講滋味可口。

一人早茶因為要過來學習。。。又住得遠，一定要早早早d到。。。本來打算食個xx樂早餐。。。點知入到商場，咁多叔叔ee。。。應該唔太差。。。反正才7點幾，唔好食即轉xx樂門口有張「抱歉要搭枱」，好可愛。doo完安心，自己搵位。順做叫埋茶。蝦餃控，當然無走鷄啦想叫 「棉花雞」，點知見到「百花（讓）魚肚」，即點。「百花（讓）魚肚」，先到。嘩，打咗蛋白（顯），棉花夠入味，個蝦滑又得😻蝦餃 ，蝦爽又新鮮。。。仲要有油係裡面，唔知點解 但夾呀。下次有機會再試吓其他😻我散叫，再加10蚊茶錢，所以都近80蚊

已經停業一段時間嘅酒樓，唔知道有冇轉老細，改咗個名重新開張，雖然暫時未入過去飲茶，先來試吓佢嘅兩餸飯先😄😄燒味部旁邊開咗個專賣兩餸飯嘅counter，單餸飯$33 ，兩餸飯$35😁😁！只差$2，我想大多數人都會揀兩餸飯掛😆😆大約有10樣菜式，有菜有肉，有大路有普通，我地就揀咗咕嚕肉、茄子🍆、雞翼同埋一個炒菜！都係屋企住家飯味，呢個價錢亦都唔會有好高要求，但求正正常常唔難食☺️☺️我母親🧓🏻大人、🤴🏻加埋我，兩個兩餸飯三個人食剛剛好😀😀

首先無收任何廣告費，純粹個人感受。噚晚約咗三五知己啤啤佢🍻諗吓買乜嘢食餸酒，我就去咗一間叫龍華閣海鮮酒家嘅地方，點解搵極都唔見唔通摺咗，問吓街坊原來轉咗叫梨木樹酒家，我覺得間酒樓名非常之貼地👍買咗三樣餸，冷盤泰式鳳爪酸酸美味，可以刺激味蕾。海蜇燻蹄，海蜇好爽分題好有口感。買咗半隻燒鵝熱辣辣啲滷水汁唔喊啱口味。我自己覺得食燒鵝一定要夠熱先好食，CP值高唔需要幫襯有名嗰啲舖頭食燒鵝又貴又未必好食。大家俾嗰機會呢間酒樓，可能你搵到自己喜歡的食物。

昨日下午行完山，約1點幾，由城門水塘下行往梨木樹邨梨木樹酒家飲茶，食物唔錯，要稱讚的是那位服務員態度可親、聲音甜美，令我們在坐的五位都感覺舒服、開心。檯號32! 值得在此一記！

近日發現梨木樹酒家的名稱重現商場廣告牌上，正懷疑是否新店用舊名，但見用上舊商標，似乎真是舊店翻生，幾十年前的嫰口叉燒和肥切雞有機會重現！據點心紙上蛛絲馬跡，似乎是2021年11月15日開業，店外已不停有街坊排隊斬料，而且維持當年「先買票後斬料」的安排。不過酒樓已改用現代電腦顯示屏，並用點心紙落單，再沒有推車和托盤。但是，裝燒味飯盒的白膠袋，仍有幾十年前的圖案，大家不妨留意一下。因為新開業，各樣看來都不錯，仲有$28一個特價飯盒！