棋哥燒鵝餐室

营业中

休息中

其實筲箕灣間棋哥一開 我已經事先去食左 都真係幾有質素 叫咗兩碟飯 碟碟都足料 仲有價錢相宜。叉燒唔太肥 肉汁同調味都有令我停唔到口。油雞白切雞啲肉好嫰口。不得不提燒鵝 竟然有微微炭燒味！仲要口感唔差明明四寶飯都可以令我食過返尋味 我覺得大家都要試下 個人建議最好堂食✨

今晚屋企突然間要加多雙筷，所以就急急腳走落樓下斬料加餸！第一時間就諗起「棋哥」啦！本來很想買燒鵝食，但見到今日燒腩仔和叉燒賣相相當唔錯，所以就忍不住買了。打開外賣盒時，食物仍有微溫，抵讚！叉燒色澤鮮明，肥、 瘦肉比例均衡，香甜多汁，是用心之作👍🏻燒腩仔皮脆肉嫩，油香十足。其脂肪跟肉的比例平均，層次分明，鹹而不膩，是配飯吃的不二之選。買了外賣，立即令整頓晚飯變得非常豐富😬😋😋😋，感覺真好！

今日收工下班去筲箕灣街車買飯盒，在馬會旁見到有間棋哥燒味，外賣都有數個顧客排隊等外賣，再見到餐牌款式都算多，而且有很多不同款的外賣優惠，$10雞非常吸引，只需要四燒鵝半隻就可以，但因為我家人對鵝敏感，所以就放棄了，就決定叫個組合套餐 棋哥叉燒+(半斤) + 桂香切雞(半隻) 原價129，特價$118，再回家煮飯吃。棋哥叉燒 – 師傅切工一流，每一片厚薄近乎一樣，外皮閃著蜜汁的亮澤，微燶的位置散發著炭火香氣，咬下去肉味香濃，伴隨陣陣豬油的甘香。桂香切雞 – 肉質非常嫩滑，雞皮好薄，雞件無肥膏，配青葱、薑蓉食一流，而且份量十足，這價錢簡直無得輸。

由於疫情嘅關係已經唔想係屋企食啦所以決定落街買外賣，呢幾日都係食西式野所以靈機一族就想食燒味，醒起之前有一間新開無耐嘅而且又有好多分店就去試吓啦，見到新鮮出爐嘅燒味就即刻想去試，即刻同師傅講斬半斤半肥瘦叉燒，自己返去煲個飯搞掂快靚正，返到屋企打開仲係熱辣辣嘅叉燒來講呢個超級好食，肥瘦均勻加上叉燒汁送飯簡直一流冇得彈，而且半斤來講份量都好多足夠可以食兩日，其實我見到燒肉都好正但係決定留返下次再食過，而且呢間分店都好多可以方便唔同地區嘅人士去買外賣。除此之外原來仲有套餐可以食真係可以一家大細都去食。

今日收工已經9點 ，疫情關係好多餐廳都閂晒門，嗱嗱臨求其買咗盒燒腩仔返去煮個白飯就算啦，係筲箕灣見完客，見到依間棋哥燒味都好多分店，就入去買咗盒燒腩仔，九點幾間舖頭都仲係好多人，平時喺紫色嗰間燒肉鋪買一百蚊得幾舊燒肉，我哋一家三口都唔夠食，今次買咗一百蚊，返到屋企一打開見到真係嚇親，我哋一家三口食咗兩日都食唔晒，燒肉仲要返到屋企都仲係脆梗，又唔會好肥，另外嗌完先見到買燒鵝，加$10就有隻雞食，連阿媽都話點解唔買返嚟試試佢添。

棋哥燒鵝餐室筲箕灣店非常易找，在筲箕灣地鐵站A2出口，直接過對面馬路就到。但今次不是堂食，是外賣拿走。雖然最出名的是燒鵝，但今次就試了外賣特價雙拼，只需$118能選叉燒半斤或燒腩仔半斤拼油雞或切雞半隻，非常抵食😋我今次要了叉燒半斤拼油雞，回到家打開叉燒仍然微熱，立即食一舊，半肥瘦，稔香但又有咬口，鹹甜比例剛好，非常好吃😋油雞則光澤誘人，皮滑而有肉汁，生熟程度剛剛好，也沒有雞的腥味，送飯一流👍疫情期間餐廳也有提供酒精搓手液就放在門口，客人可以自由取用👍

棋哥燒鵝餐室-斬料加餸今日是家人生日的大日子，由於限聚令關係，所以決定在家中慶祝，貼心的我當然識做，放工之後到了蛋糕店拎生日蛋糕、棋哥燒鵝餐室買燒味，一於斬料加餸，為家人好好慶祝下。桶子豉油雞亮亮深黃色的豉油雞，雞皮滑，雞肉嫩嫩，而且不會太多脂肪，啖啖肉，而且帶有甜甜的豉油味，又不會有任何雪味，再配上薑蓉一流，連家人都大讚！棋哥叉燒棋哥另一招牌燒味的蜜汁燒叉燒，燒得色澤亮麗，顏色深紅的叉燒片，有一點燶邊的燒烤，肉質軟腍，半肥瘦極品叉燒，再加上甜甜的蜜汁，超惹味！

今晚很夜才收工，放工後便到附近的棋哥燒鵝餐室外賣燒味飯。落單後，等一會兒便有，立即衝返屋企開餐。一打開個盒，嘩了一聲！兩盒的燒味和飯都機乎迫爆個盒。<棋哥叉燒飯>叉燒雖然切得比較大件，肉質很嫩，蜜汁足夠，令我不停一口叉燒一口飯吞落肚，很快便吃完整盒飯。<燒鵝五寶飯>五寶飯通常都是將餘下的燒味搭頭搭尾，誰知這個一點也不遜色，有燒鵝、雞、叉燒、紅腸和鹹蛋。燒鵝燒得很香，油分夠，肉質不韌；叉燒的肉質都是嫩滑有蜜汁，最緊要有個鹹蛋點綴，鹹香配飯很滋味。最好的事是簡單的完成了我的晚餐！

今晚去朋友屋企食飯，禮貌上係要斬料先得朋友話好想食燒鵝，就係附近搵到呢間棋哥印象中呢間棋哥有好多分店！半隻燒鵝$250都算好抵不過得兩個人食飯，半隻太多了，所以就決定要隻燒鵝髀熱辣辣架香味撲鼻，看上去好有光澤燒鵝皮好脆口趁熱食係最好味架油香好足夠，不過略嫌不夠大隻如果可以再大隻啲會更好 (貪心mode)酸梅醬同平時食既好唔同，唔會好粘結，味道足以緩和燒鵝既油膩感本身見到桂香切雞都好吸引，黃油雞特別好食不過今次無緣，唯有下次多啲人食飯先再買！

斬大舊叉燒，燒腩仔，燒鵝，白切雞，大家都耳熟能詳，港式燒味可說是衝出世界，有時去到外國也想吃燒味飯，彷彿吃燒味飯就令我想起香港。棋哥燒味飯，燒鵝皮香脆，而肉汁豐富，沾一點酸甜汁更帶出鮮味，每一口也可吃到鵝肉的纖維感，鵝的油香在口腔內慢慢滲出來，另外的主角是米飯，飯裏也沾上了鵝油，簡直使一啖接一啖，不能停下來。脆皮燒腩仔飯，燒腩仔最重要是哪一層入口鬆化的皮，而一層肉一層油就另人非常滿足，不能不提芥辣，芥辣跟燒腩仔就是共生的，可以說是絕配。最後阿姐推介的無加味精的合掌瓜湯，只需加三蚊，就可享受沒有味精的湯，真的超值，湯料很多，湯也非常甜。味道: 好吃，一吃再吃環境: 乾淨衛生: 整潔服務: 尚可抵食: 超值

香港人無食燒味一陣就身痕😂😋😂😋😂😋今日去左棋哥解解口舌之慾叫左碟叉燒燒鵝飯 凍檸茶 $65好快有得食，一見份量偏小......成65蚊，得4件鵝肉今時今日，百物騰貴，加完價份量都係得咁多無奈味道方面，係好食嘅～～叉燒充滿玫瑰露香味～～半肥瘦，真係好食👍👍燒鵝一入口，充滿荔枝木香味👍👍肉好嫩，夾d肥膏入口一流雖然個皮無灣仔千樂咁脆味道整體都好滿意唯一不滿就是份量食完個肚係唔會滿足既😅😅😅另外我覺得d阿姐有d 蠢..不欲多談

棋哥燒鵝原來有好多分店筲箕灣一開始喺度開我就試左嗰陣時一開始嘅湯底比較肥充滿着肥膏有位呀姐就話係真材實料用燒鵝骨頭煲不過我真係覺得太肥喇 怕怕好耐無食 一食 就係下午茶時間想食燒鵝瀨等都等到下午茶 平好多丫麻點知個餐$38燒鵝得皮 冇肉食 其他都係肥膏俾咁既質素燒鵝咁就唔好整下午茶啦 大整估正價燒鵝飯正常好多反而這裡的叉燒水準一直保持平日食午餐叫個常餐 個湯底變番正常叉燒肥瘦適中 都算好食最後杯飲品當然都唔差咁先可以再去食

平日下午茶時間，想食少少嘢，但又唔算肚餓，經過棋哥燒鵝餐室就入咗去食個燒味下午茶餐。棋哥燒鵝瀨粉 *轉米粉 $40呢度最出色就係燒鵝，皮脆肉嫩，啖啖肉，口感好滿足，最鍾意佢有荔枝柴煙燻嘅香味，必試推介！脆皮燒腩仔飯 *轉米粉 $35第二款鍾意嘅就係呢度嘅燒腩仔，又係每次食都係皮脆丶油香丶肥瘦適中，無論係配飯定米粉都係一流之選！呢度唯一唔係咁好嘅就係座位較細，尤其係二人卡位，只係啱啱好座得落，對腳長少少都有啲尷尬。

夜晚放工，返到屋企附近已經冇乜選擇，見到棋哥燒鵝仲有開，入去買咗盒燒鵝飯。棋哥燒鵝係我暫時食過咁多間燒鵝，覺得最好味嘅一間，我最鍾意佢有淡淡的炭燒味，而且唔會太肥，咬落去每一啖都好香，損埋骨就最正🤤🤤不過佢個飯就偏硬，感覺好似有啲熟唔透，唔知係咪夜得滯冇乜飯，要臨時煲所以唔夠熟😆，對於鍾意食軟飯嘅我來講，就扣左少少分啦。$53一盒燒鵝飯，無跟嘢飲，我都唔知算唔算貴，不過如果再戚起條燒鵝隱，我都係會繼續買來食嘅😂😂😂

極度出色的燒鵝雙併飯。將繁忙的工作之中，唯有叫外賣飯盒。作為香港人最快捷的人定係食燒味飯。燒味飯周街都有，但係講得上出色的是寥寥可數，棋哥絕對係一間可以食完再食的出色燒味店。首先要特別提及佢主打的燒鵝皮脆、肉厚、油脂豐富，嫰滑得來亦有豐富層次。其餘佢嘅其他燒味包括乳豬，豉油雞、叉燒，全部都做得幾出色，確實係一個斬料加送同外賣的好地方。所以如果今時今日你要有一個地方食燒味我絕對推介食棋哥。沒有之一。