影片
开饭介绍
非一般以大自然为主题的咖啡店，而是位处于真正的森林中的，提供汉堡包、沙律和waffle 等轻食，让食客可悠闲地享受大自然。
继续阅读
营业时间
星期一
全日休息
星期二至日
12:00 - 18:00
以上资料只供参考，请与餐厅确认详情
食家推介
相关文章
山长水远、长途跋涉到呻吟咖啡餐厅一游﹗煤工烟肉汉堡加唐人街鸡扒⭐️⭐️⭐️⭐️怕一个汉堡唔够饱，加多块鸡扒$45蚊睇睇是否物有所值。按扁少少狠狠地大大啖咬落去，必须一啖有齐所有食材才是最高享受，鸡猪芝士番茄紫洋葱酸青瓜融和交错，大量咽韧煎烟肉油香甘甜多汁欲滴，多点酱会更缤纷啊﹗大食汉堡⭐️⭐️⭐️⭐️⭐️排左年几终于食到呻吟餐厅的汉堡包﹗简单新鲜的食材，番茄芝士酸瓜紫洋葱靓到极至，自家汉堡扒真系满星，多汁软塾而味道丰富色香味俱全﹗餐牌不用大，只需要几道用心制作的招牌菜，已可以鹤立鸡群大排长龙！不用雕龙雕凤，只要做得够专，基本中的基本，朴实无华，实而不华，都可以杀出条血路﹗自家焗制面包，两片小可爱香气飘逸，田园的味道。唐人街鸡扒沙律⭐️⭐️⭐️⭐️⭐️十足十麦当劳板烧鸡腿的味道，鸡皮油润、鸡肉弹滑，半煎焗的感觉。净食鸡味浓酱汁浓，搭著鲜茄味道更清新。酱烧鸡扒、鸡串及沙律同样出众食到损晒手指，要大大力推介﹗森烧鸟沙律⭐️⭐️⭐️⭐️⭐️鸡球跟鸡扒一样惹味爆汁滑滑，最紧要那股焦香独特的风味，大大旧肉塞入口慢慢嘴嚼真心满足﹗用沙律菜卷住食更多姿多彩。厚身肥美大大旧，凤脂甘甜，白肉嫩嫩滴著汁，黏稠带甜的酱汁不腻不浊恰到好处，少少焦香更加吸引。森林安格斯沙律，真系对薄牛扒没什么好感，甜甜地像极照烧汁，少少韧近乎全熟，幸好还丁点有牛甜味的。沙律比预期中精彩，车厘茄、紫洋葱、希腊生菜、新鲜蔬菜，淋果醋黑醋醒神开胃﹗虾佬沙律，不是什么炸物或吉列菜色都系配泰式甜鸡酱呢﹗最讨厌甜淋淋的泰式甜鸡酱，我宁愿比个喼汁或浙醋更开胃。不喜欢吉列的我，还要厚厚面包糠包住过熟虾肉，无肉汁干干的，讨厌刮嘴脆卜卜面包糠外壳。反而西式沙律蛮新鲜，生菜、番茄、紫洋葱、车厘茄无可挑剔。川辣鱿鱼须，松化的炸浆，不是硬壳类十分满意﹗先系酥脆，再来咽韧，鱿鱼鲜味弹牙，滚满酸咪咪喼汁就更加醒神。粟米墨鱼饼，似曾相识的味道，我餐厅都系用开依只墨鱼饼，结实弹牙味浓香口，咸咸地又甜甜地，食得过的。薯条鱼手指⭐️⭐️⭐️鱼手指香喷喷结实鱼肉，童年回忆﹗白雪雪的鱼肉充满鱼味浓浓，配蜜糖芥末清甜可口。粗粗薯条滚满茄汁酸甜开胃，食茄汁多过食薯条。Double Espresso 特浓咖啡，我实在太孤陋寡闻，到底条野点用架呢？碌玉桂条系塞入鼻？队深喉？斋用鼻索？咬碎黎赵？用黎搅拌？泡沫咖啡，淡奶味非常出，反而咖啡味十分薄弱，而且何解用纸杯？各方面即时大打折扣。手冲咖啡，浓郁回香不过不失，平凡就是美。我最喜欢始终系即磨咖啡，那份油脂浮面饮落非常舒服。虹吸式咖啡，有趣的工具，第一次的经验。不太懂其原理，蒸馏清淡的啡味，不用糖不用奶，原味舒服。
继续阅读
食物质素ok，炸鱿鱼几好味平日去，唔多人，泊车好方便，系路口入口有啲隐蔽，唔小心过咗要返转头，留意路口有个牌仔指示。 真系见到有松鼠仔系度 店员亲切细心，食得都好开心。 唯独美中不足系用纸杯纸碟
继续阅读
放假梗系要 chill 吓！今次去咗山旯旮咁远嘅大埔林村，一间好有大自然 feel 嘅 cafe！唔止远离尘嚣，周围都畀植物包围住，仿如置身于森林嘅感觉，仲有好多只松鼠仔陪你开餐𠻹！呢间 cafe 地方虽然偏僻，但喺大埔墟坐 64K 坐大约30分钟，喺新村站落车，行2分钟就到，都算易去。虽然四围都系树，好彩嘅系无蚊同昆虫，而大树仲有好多只野生松鼠，有人会自备花生，放喺树洞口，引佢哋出嚟，感觉都几新奇！另外，仲有好多打卡位，千秋、古董电单车、古董大钟、英式邮筒等都好有外国风味，感觉都几正㗎！不过～咪以为咁 chill 嘅地方就系文青开嘅，啲侍应都系大叔同婶婶，突然好似去咗茶记咁！店家指因为疫情，啲杯同碟都转晒外卖纸盒纸杯，貌相跌晒 watt，唔环保之余，打卡又唔靓，仲要额外加钱，成件事突然好唔大自然呢！而食物方面，cafe 有汉堡包、沙律和waffle 等轻食，大部份都系自家制，汉堡包更加系手作面包，每日新鲜即制，我哋𠮶日 3点都唔够就卖晒，要试就要趁早啦！自家制嘅汉堡胀卜卜，好香软，而安格斯系茶记𠮶种薄切牛扒，好大块，不过好多筋，味道差OK，但好轫唔系好吞到，其他料都丰富，蕃茄好大块好厚好多汁，仲有红洋葱、腌黄瓜，仲配埋沙律菜同薯条。鱼手指同薯条都脆嘅，不过有啲似平时超市买到𠮶啲急冻嘢咁，好似无咩技术成份。而酱汁方面算有少少诚意，𠮶酱唔似出面买𠮶啲，比较淡味，少少咸少少芥末味，似系自己沟嘅。甜品就系自家烘焙嘅，芒果味同荔枝味都唔太出，底层嘅芝士味就唔错，仲好滑，伴碟用朱古力字写咗 cafe 嘅名，都几靓！蜜糖海底椰梳打 $37呢杯特饮我畀满分！平时饮冻嘢都有啲罪恶感，不过天气太热，见佢用蜜糖同海底椰做材料，感觉都健康啲，而且佢唔系死甜，味道清甜之余，加上有汽梳打，真系好解渴！终于唔系用纸杯，仲有个靓靓玻璃茶壶，叹tea嘅感觉返番嚟！
继续阅读
店员态度串到傻咗。俾个码佢扫咗先，一句得埋黎话：我几时扫咗呀？咁都要扫咗安心出行先架！扫完仲要嗡多句：你无set个码入安心出行丫嘛！咩蓝码黄码丫嘛我知呀！有啲后悔无掉头走，但反正都唔会黎多次😖
继续阅读
见有好多blogger介绍呢间CAFE就同个朋友揸车特登黎呢到打卡食野。CAFE前就已经有地方泊车，十分适合自驾人士。我地拣左户外位置，因为店主话有机会见到松鼠，果然櫈都未坐暖就已经有只松鼠出嚟同我哋打招呼我地两个人叫左汉堡同鱿鱼须，两样食物即叫即做上枱热辣辣。汉堡系店家既招牌菜，以牛肉汉堡扒、番茄、芝士制作，配上特制嘅黑椒汁真系几好味。难得系香港呢d石屎森林有间可以边食野边同松鼠近距离相处既Forest Cafe ,真系一个唔错既饮食体验～
继续阅读