森美奧廚房

营业中

休息中

有一位疑似經理，待客的態度十分惡劣及沒有禮貌，本人點了一個餐，該員工提示不可食外來食物，但一直怒啤顧客。其實她可以禮貌提醒，我們是會理解的。原本是餐廳常客，現在永不再光顧了！

今日同朋友黎左依間餐廳食飯，叫左個咖哩牛腩飯食，賣相一般，食左幾但之後，哇！！！！！！好大隻烏蠅仔係個汁裡面，跟住我同疑似經理既人反應，一句唔好意思都無，直接拎走話轉比我，等我直頭轉餐，轉餐之後冇任何表示，到埋單時同餐廳職員講，頭先食到有烏蠅，有冇discount？該職員面目表情，話餐廳冇依樣野，咁我要求唔高，提出話野飲+3蚊都可以free呱，該職員話自己話唔到事，ok算數埋單冇下次野生已經唔好食，態度仲咁差，唔好再幫襯。

今次嚟到森美奧廚房食早餐，我哋叫咗個歐陸早餐，今次就揀咗吉列魚柳。嘢食份量好多入邊又有沙律菜，茄汁豆，牛奶炒蛋，半條司華力腸。跟餐杯咖啡又好有水準！間嘢性價比好高，好多人幫襯架

估唔到無黎一排，差左咁多。所有野都等極耐，叫人落餐又耐，執野又耐，等外賣又耐。搞唔掂。佢啲食物都真係唔錯嘅，如果你等得來有時間，你都係可以帶着少少期待食佢啲嘢同埋飲佢會餐飲，但係如果你趕時間我真係唔建議你入嚟又或者買外賣，你只會遲到。我同埋入邊啲冷氣好凍，如果你嚟到食嘢一定要帶外套，除非你係好唔怕凍嘅人，同埋個地下好線，唔知係冇拖地定係點樣，每一次都差啲想死，真係要小心你嘅身體同埋你地下，唔小心你就會好危險。

焗葡國雞飯，鹹到可以換腎，又生米心，飯和雞好似用鹽水浸一樣，D葡汁可以鹹到苦，乾炒牛河牛肉好老咬唔到，又細碟，其他下午茶時段嘅餐廳都大碟過佢，熱飲又細杯，三啖就飲完，投訴食物質素，員工可以走咗去唔理，好彩有個短頭髮員工，幫我換咗D嘢食，跟住無端端又叫我轉去另一個位，因為有多人坐，要坐我個位，真激氣！係你叫我坐，未食完又叫我轉位，個廚房師傅自己有冇試下自己煮嗰啲食品，可以差到咁，以後不會再去，永遠都唔會再去呢間餐廳呀

24/1/2023 上午堂食，等齊食物要37 分鐘，出餐仲要好似擠牙膏式，等了很久，粉麵到枱都是暖，不是熱！！！見等候時間耐，都不敢再要求重做。其實他們最大問題是沒有同食客溝通，如要等得耐，可向顧客表明入座後最少要等幾耐，等食客可選擇，但他們又無講，在外面要等，入到去仲要等。因為出餐慢，致客人流轉慢，所以門口企滿人！！如趕時間，其他選擇較佳

一個蒸肉餅要等45分鐘！肚子好餓嘅話，奉勸大家不要光顧！吹個D員工諸多藉口，同你講又話蒸一個肉餅要20分鐘，當時已經等咗半個鐘頭，叫佢哋扮睇唔到，又同我講你急我都好急㗎！魚香茄子魚柳煲冇魚香，成兜嘢剩係得兩舊魚柳，其他全部都係茄子，咁就收咗$88！蒸出嚟個肉餅可以做飛碟，味道唔使講啦！淡過我碗飯！淨係等個肉餅其他餸都已經凍哂，如果大家唔鍾意食凍嘢嘅話，奉勸大家不要光顧！叫杯凍檸茶，苦到不能入口！一句講晒俾屎人食！

老實講，第一次打食評，因為真係唔打發洩唔到。諗住見佢有火鍋就入左去試，點知D野一上枱真係好驚嚇。成舊水既牛我幾片，D野食全部都得幾舊，重要唔係平，食完真係一肚氣，真係以後唔再黎食。

焗海鮮飯：價錢都算係正常，不過焗到燶晒而且食食吓會好流。吞拿魚三文治：真係三文治再加啲吞拿魚罐頭，塊面包白舐晒上次食呢間餐廳，啲lunch都幾貴，啲牛柳得幾粒，下午茶價錢就還可以。以上評價只是個人意見

接唔都咁多單就唔好接咁多啦平時已經出錯單 咖啡魚飯 變牛腩 唔止一次同佢講道歉都冇聲等成四個字都有今次重要等成個鐘一個餐唔使咁耐啊仲要跳單 後面嗰個遲落單 都可以早過我走

星期六嘅早上，媽咪話想食早餐，咁就但係附近商場揀咗餐廳食。嗰陣大概係早上九點幾，個場都幾多人，大部份嘅枱都有人。呢間餐廳選擇都比較多，價錢中規中矩，要睇睇食物質素再決定會唔會再嚟歐陸早餐（香煎雞扒）$38呢個雞扒不得了，嚴重overcook，勁柴，又細舊 嗰條司華力腸得半條個麵包又唔脆又唔熱，唯一好嘅地方我諗係個菜，好彩個菜唔係苦。另外一個餐係歐陸早餐不過呢個係吉列魚柳，吉列魚柳質素好好多，入邊啲魚肉係嫩的，不過又係太細舊，司華力腸都一樣得半條…. 呢個價錢，肉又少，腸又得半條，只能說有更好選擇。

新餐廳開張了一陣子,趁中秋跟媽媽一齊去當白老鼠~因為Openrice上的評價都好像一般般,所以沒有太大的期待~首先來的是椒鹽鮮魷,通常去餐廳都不會點,因為很難下飯,而且一般都做得不好吃...但這家的炸粉很薄很脆,而且真的非常新鮮熱辣剛炸好,所以令人喜出望外。另外點了魚香茄子炆米~米粉不會太濕或太油,味道不過不失。雖然有吃到鹹魚粒,但鹹魚味不夠香。紅燒豆腐斑腩煲的味道不錯,份量也足,只是魚肉沾的粉有點太多...雜菜粉絲煲也是正常水準,而且份量很大!一般的雜菜都是椰菜為主,但這個雜菜有小白菜,娃娃菜以及西洋菜。唯一美中不足是湯頭味道不足,明明有大量雜菜以及蝦米,但湯卻不鮮...網上評價一面倒指服務差...不過可能不同區的原因,兩三位侍應態度都不錯~冷氣真的有點太大,但跟侍應反映後都有作出處理。總括而言,作為屋村餐廳,水準比附近餐廳高,也絕對是連鎖快餐店以外的好選擇~

之前試過早餐既牛扒，生到同無煮過一樣，諗住俾多次機會去食，點知俾錢買難受咁。一入到餐廳，個經理叫我坐一張枱上仲有上一手人食完既碟喺到既卡位。佢拿拿聲拎走隻碟，但無抹過枱，成枱麵包碎、奶茶跡咁。到叫餐果陣，叫店員幫我抹下張枱，唔理。過左5分鐘，我再叫店員問可唔可以抹枱，成枱包碎點食。但個店員一臉不耐煩咁叫我自己抹，我當場o曬咀。於是我頂唔順之下自己抹乾淨我果邊既枱。疫情期間連抹枱都要個客自己做，仲要係抹番上一手人既野。

嚟得森美奧，都係街坊諗住落中心食個下午茶，無咩想食，於是叫咗兩個吉豬下午茶，兩個餐上到檯，其中一個餐個沙律醬上面有條頭髮，極度核突，唔想搞咁多嘢，就叫個waitress換返一個新個沙律醬過嚟就算。食咗無耐，打算切開塊吉列豬排，切咗好耐都切唔開，韌到不得了，切開嗰陣竟然發現兩個餐塊肉係紅色嘅，明顯係生肉嗰種紅色，真係當堂反曬胃，正係食咗兩啖，返屋企已經有少少想嘔同肚痛🤢🤢🤢🤢以後絕對唔會幫襯！！！！

食物除咗好食之外，都要賣相得體。之前我一直都食中式早餐，覺得佢哋大件又抵食。今日試吓西式早餐，發現原來視覺都令我食慾大增，覺得佢好食左。仲有佢杯奶茶，質素仍然係維持得住，真係抵佢咁多人。