森美餐廳

营业中

休息中

由以前仲有樓上間舖時已經經常去lunch，但今次同屋企人去食完都覺得不論食物質素定服務變哂，好失望！首先一坐低個阿姐已經係咁chur落單，話想睇一陣先但轉個頭已經又出現問你食咩，食緊嘅時候又不斷行埋嚟搵嘢收，其實張檯已經唔係大張，啲嘢擺到啱啱好，我哋食緊個飯時佢都要夾硬伸隻手埋嚟收走個湯，感覺真係好差！仲有個黑毛豬以前係有2大塊，今次嚟係得2塊好似豬柳漢堡size咁，仲要勁柴，超韌，少啲牙力都食唔到，個羊脾仲衰，又係好韌，仲要有陣怪味（唔係羊so味），同屋企人食幾啖已經完全唔想再食，話哂幫襯咗咁多年，一直覺得係有質素嘅西餐廳，由以前五十幾蚊一個lunch食到而家要七八十蚊都仲有定期嚟，但今次之後真係唔想再嚟！唯一keep到嘅係多年嚟杯熱奶茶都係唔好飲，同埋轉凍檸樂唔使加錢

野食好食 價錢唔貴性價比好高，但服務態度極差，如果想受氣先好去食！一坐低唔夠兩分鐘就問食咩（餐牌係啱啱放低），我地話睇一睇先，轉個頭就黎問食咩呀，待應就話：「終於諗到啦嗎」但其實我地入左餐廳唔夠5分鐘。因為用餐時間有60分鐘，所以想食埋野先叫野飲，唔想咖啡凍。個待應又係走黎問飲咩呀，我地話想落menu睇睇佢勁唔情願。之後又走黎好悔氣咁話：「諗到未呀。」唔明點解要咁急咁push 客人，又唔係有人係外面等位，唔知咩事

呢間港式西餐小店雖然位置偏僻啲，但係平日午餐都有唔少街坊同附近打工仔食🫶🏻 食物質素幾好而且好高cp值☺️ 🌟保雲酥雞扒 配飯/意粉/薯菜 跟餐湯及餐飲($70)侍應姨姨好親切，介紹我哋試吓呢個特色雞扒，保雲酥姐係舖一層麵包糠同香草然後焗香，本身係用喺法式烤羊架，但係餐廳就改成擺喺雞扒到，食落有薄薄地嘅脆衣好香蒜香同香草味😋 薯菜部分都好好味，薯角熱辣辣炸得岩岩好😛🐟燕麥龍脷柳 配飯/意粉/薯菜 跟餐湯及餐飲($70)龍脷柳外層好脆又唔會好油，入面就好嫩滑而且有魚香味幾正😉最後想推介大家餐飲揀香橙🍊茶🍵唔係好多地方有，比起檸茶我覺得橙茶更加fresh同好飲😍📍森美餐廳 荃灣西樓角路178-184號華都中心地下A2號舖🍽️ 8/10#janfoodiary_西式 #janfoodiary_荃灣

同事介紹去呢間森美餐廳食午餐，去到已經好多客人等位，我哋都等左10分鐘先有位。見到有黑毛豬都1516緊應該叫牛定豬，估唔到佢哋又煮得幾出色🥰！本身包左白湯同飲品，我主菜就黑毛豬🐖配意粉，一上菜見到2大塊豬柳，唔係豬扒咁簡單🤭👍🏻，一切落去就知道好淋又嫩口，果然食落去首先有燒香過既外皮，肉汁豐富，肉質鮮嫩加上燒汁提升層次，配意粉食我都唔夠喉呀！🤪🤪，好彩豬肉份量夠多，食到最後一啖先滿足曬。

荃灣青衣一帶的居民，相信有返咁上下年紀都聽過森美餐廳，以前就有舊森美餐廳，以前在荃豐那些商場中間（好似去過食wellington牛柳)，據聞這間叫做新森美餐廳，這次運動之後，和幾個好友一齊進食。坐下點餐之後，先給你一個湯，裏面有洋蔥、紫洋蔥、青椒以及少許海鮮粒，夠晒誠意。其實我本身都唔太清楚寶雲酥究竟有冇得揀係牛扒羊扒定還是雞扒，不過它已經寫住寶雲酥或洋蔥汁+雞扒，就大概可以估到應該是寶雲酥雞扒。翻查網上資料發現，寶雲酥一般都是牛扒，或是羊扒，是外國用來烹調羊架的方式。雞都算是大大塊，雞扒肉汁豐富，不會太乾，質地還算不錯，上邊的寶雲酥，其實是麵包糠加上少許蒜粒調味，因此味道夠香濃；底下的薯角份量亦都不少。查詢得知薯菜是脆炸薯角，不算太乾，魚皮亦都不過太硬，質地也相當不錯，配點茄汁來吃，相當可口。熱咖啡味道還好，都似乎是即磨咖啡那種味道，而且顏色不會太過淺，作為喚醒提神的功效都好。如果你以家中都可以弄煎雞扒來計算，$70的確不算特別便宜，不過在荃灣鬧市，有這個算寧靜而環境優美的地方，吃個份是足夠的午餐，贈送餐湯以及嘢飲，其實還是可以接受吧。

久不久就會黎依度食嘢, 一來野豬勁鍾意望住佢哋啲figure開餐, 好有做返小朋友嘅感覺, 好開心同舒壓☺️二來佢食物質素確實不錯, 雖然唔會好頻繁, 但幾乎每個月總有一、兩次黎幫襯下。自從疫情過後, 好多人講過話森美變差咗好多, 係咪放咗盤換咗老闆之類的, 嗯其實我知道老闆應該無轉到, 都係同一個家族經營嘅, 但食物同服務方面的而且確係變咗🥲味道我個人感覺係無以前咁出色, 擺盤賣相方面又地道咗少少😅即係其他人講嘅茶記化咗(但真心我又覺得佢好食過茶記好多嘅)🤔但對於民生區嘅餐廳，隨著時間過去又好難避免嘅。或者就好似愛情咁，熱戀期總是美好，但熱情過後，雖然美貌不再身材變樣，但細水流長的感情與回憶，也是令人細味的味道😮‍💨

今晚自己一個戇居居冇人陪我食飯，近近地去左宜間，宜間森美餐廳係荃灣好多年，以前有兩間，宜家得返地下個間我多數食晏就同下午茶，今次晚餐就食佢最出名威靈頓牛柳🐮🐮，大佬呀佢$198有沙律有湯有包有野飲，重點係好食，本身想加錢轉酥皮湯，因為我真係好鐘意食酥皮😋😋，好彩冇轉，正常一個女仔根本食唔哂，加左就變眼闊肚窄大哂鬼🤣🤣ps:食食下見到隔離枱叫左個香蕉窩夫🧇🧇好香，下次call 埋d fd 去，多d 人試試先🥰🥰

5-11-2023 (Sun) 朝同老公去西貢參加細妹婚禮前食個早餐,由於著得grand grand地,唔去快餐店喇,老公話Euro GoGo,我斷言拒絕(上次食評係2023年4月19日刊登嘅呢篇: https://www.openrice.com/zh/hongkong/review/blue-%E5%86%8D%E4%BF%BE%E9%8C%AF%E6%A9%9F%E6%9C%83-e4790553),記得好耐冇嚟嘅呢間,雖說知道早餐冇乜選擇(上次食評係2022年6月13日刊登嘅呢篇: https://www.openrice.com/zh/hongkong/review/yeah-%E7%A9%A9%E9%99%A3-e4418668),睇完menu,由於唔想留肚,所以唔食太多,我就要$40.00嘅芝士滑蛋牛角包,要凍朱古力,老公要$40.00嘅麵餐,要餐肉腸仔出前一丁配餐包,飲凍檸水走甜.冇耐,老公嗰份食物到嚟,然後係我嘅,最後就係飲品.睇見老公嗰份唔係餐包變咗麥包,侍應話係呀,改咗麥包.而我哋唔share,各自各食lu.我嗰份係有沙律菜嘅,先食芝士滑蛋牛角包,食到牛角包有牛油

其實食森美，主要因為佢既豬趴包好食，夠juicy，肉味好香，但近期去食，發覺唔同左，好失望，個包焗到窿曬，d醬又冇乜，連舊豬扒都好硬 唔知係迷係迷轉左師傅 希望遲d有所改進啦😔😔

是日喺假期嘅中午1點前到咗餐廳，但已經滿座，好在早到，等咗唔洗5分鐘就有位。後來嚟嘅人客已經要等，但見都好似2-3個字內都入到座。🔥保雲酥雞扒意粉 ($70) 店員推介嘅保雲酥雞扒，雞扒表面搽上黃芥末再加上滿滿嘅麵包糠幾開胃特別，而且都比想像中大。 雞扒已經好大份最後d意粉食唔哂。 呢個意粉冇汁，但個意粉本身有調味過，見佢有d香草撈咗入去，同埋夠水，所以冇汁都ok👍 🍑蜜桃紅茶餐飲就叫咗蜜桃紅茶少甜，甜度ok，飲到最底仲有d蜜桃粒粒唔錯。餐湯是日係白湯，入面有d粟米同火腿粒都可以，鐘意重口味嘅Yummy就落咗d黑椒。

重量級炸魚薯條真心好好食!魚柳好大塊,炸到金黃色,外皮唔會好厚,面頭仲有啲海苔粉更加好食!食落除咗入味仲好濕潤😍仲有大量嘅薯條新鮮炸出嚟熱辣辣,成個餐食完會覺得好油膩安格斯牛肉芝士漢堡塊扒超級無敵厚😂都幾重牛肉味,不過比較乾身,但整體唔錯,應該會再返嚟食

個meun轉曬唔同以前，雖然價錢係比以前平左好多，但由以前高質cafe質素跌左落茶餐廳質素！雞扒，薯蓉唔知係咪無調過味，好清淡🥹杯latte個咖啡又苦又酸，同以前杯啡差好遠不過如果以價錢甘平黎講叫做坐得舒服既，只要唔好同以前既森美比較就無傷害

由Cafe變到食茶記野咁…啲野又無味上到枱簡直O咀…除咗隻碟大啲個賣相同大家樂大快活無分別啲野啡又甜….真係食茶記好過班底應該全部換晒剩返個裝修….除左坐得舒服少少外…再無野吸引

今日一心想去食最signature嘅森美沙律，可惜原來已經轉晒menu, 唔知係咪連老闆都轉埋，以前舖頭嘅人都完全唔同晒。佢依傢個沙律係平咗，但完全唔係值$108。一直支持呢間小店，應該會到此為止。

星期六黎到華都食Lunch。見華都1樓餐廳食意粉都要$70 80，就索性去地下搵間坐得舒服少少既餐廳。星期六1點去到，好full，咁岩有一枱走左 唔洗等位。張枱都算大，坐得舒服，不過見隔離枱都係要搭枱。環境偏嘈，個人覺得嘈過普通茶餐廳😓食物方面，黑毛豬唔會太瘦，冇食到筋位，有部分位置口感偏淋，不過本身中意食偏淋身，所以幾中意。反而意粉份量偏少🫤，得4啖。女仔飲埋全部湯 飲品先剛好夠飽，如果意粉份量多1倍就好好。意粉好香，不過量真係太少。薄切西冷牛扒$110，有2舊扒，味道肉質正正常常，不過如果依個價錢 寧願試第二個餐