椰子媽 (良景廣場)

营业中

休息中

我前2日來食，叫炸燒賣，但職員俾咗蒸燒賣，食咗2粒之後就問個職，但女職員叫男職員處理，我話我叫炸，唔係蒸，因為我好想食炸，我叫佢炸返俾我，平時食野叫完都會有單，完全沒有單，到俾＄都沒有事，我走咗，男職員追出來話要補回2元，但我唔係因為2蚊問題，係你吔落錯野，我叫你炸返未食，其實應該補返俾客人囉，

呢間小店位於良景邨商場既一個角落頭位，真係如果唔係路過都唔會發現阿。嗰陣本來諗住同朋友喺樓下嘅小食街買糖水，但發現下面無位坐都要買成$30碗，於是就決定喺商場遊蕩下再決定食邊間啦，點知就發現左呢間小店啦。小店既糖水大約$30一碗啦，主要係買椰汁西米露為主，但係同時亦都有啲鹹嘅小食賣啦，個日就同朋友叫咗炸燒賣，上枱嘅時候熱辣辣、脆卜卜，加埋上面落左既椒鹽好好味而椰汁西米露亦都唔差，中規中矩，但就冇太大嘅特色，而且店舖亦有賣炸雪糕，就同朋友叫咗一份嚟試吓啦，感覺都幾特別，好適合打卡

上次黎試唔到榴連，今次再接再厲，食到啦，終於，真係好好味，唔似出面用果啲榴連cream,仲要好多榴連肉，今次試埋拼盆，魚旦值得一讚！！今次試下芋圓，都幾好食，下次再黎👍

平日少有來到良景覓食，不是親友的午間飯聚，也不會跟椰子媽結緣。無意間以Openrice一搜，發現這家有在賣芋圓甜品，才會來椰子媽慕名一試。椰子媽在良景商場算是少有的甜品屋，裝潢上比一般街坊甜品屋更見心思，但這也是領匯「翻新」舊商場下的趨勢，包裝反而成為店鋪的第一考量。如果以為這家是專賣椰子甜品，那就是大錯特錯了。中式糖水、西米露、芋圓、小丸子都有，就是不見椰子的縱影，能與椰子沾上邊的就只有「椰汁」一味而已，也未知椰汁西米露是否店方名物，反正我就是為着芋圓而來的。QQ涼粉($24)以涼粉作為主角，配以小丸子、芋園和水晶湯圓。涼粉配上花奶不會太甜，是那種街市在賣的磚頭涼粉，並非罐頭貨色，故此爽口夠味。小丸子太軟稔吃起來黏牙，相比之下芋圓水準更為遜色，死實欠缺彈性沒有半點味道，除了芋圓自身質素問題，芋圓明顯是擱了些時而令口感硬實。腐竹雞蛋糖水($24)傳統中式糖水會是穩陣之選，腐竹、薏米份量算多，雖然味道方面未見突出，但做得相當足料。最初對名字平實親民的椰子媽抱有期望，但事實就是很平凡的糖水店，選中芋圓更是個錯誤的缺定，要吃芋圓的街坊還是另覓它處吧！

不是第一次食椰子媽，剛開的時候，有點期待，因為屋企樓下終於開糖水舖，以後突然想食糖水都有選擇。今次第二次去，欣賞餐牌選擇多了，終於有我想食的芋圓，當然要叫返一碗。一碗包羅萬有小丸子，涼粉，芋圓，十勝紅豆，小丸子欠煙韌，芋圓沒有口感，較硬，欠煙韌。份量多，不過不失，但對芋圓有點失望。特別的是糖水中有2粒較特別的，內面有餡的，都幾好味。但如果芋圓好味點，就會無咁失望。期望下次會有所進步，總結，都會有下次。

今晚同朋友打完籃球，之後就去咗附近嘅椰子媽糖水店，呢度開咗半年左右，裝修方便好有心思，令人留下深刻印象，食物方面有傳統嘅中式糖水、西米露小丸子系列、涼粉芋圓系列、小食、西式甜品和飲品，每款系列都有多款唔同嘅配搭，選擇多多，因為好肚餓，我叫咗QQ涼粉、椰汁紫米露同埋蜜糖雞翼。QQ涼粉配有紅豆、芋圓、小丸子，味道適中，唔會太甜，芋圓同小丸子口感夠煙韌 ，可惜芋圓嘅味道唔夠突出。椰汁紫米露 紫米煮得夠綿滑，重椰汁味，岩晒鍾意椰汁既人，蜜糖雞翼烤得好味。

見到屯門良景開咗一間新嘅甜品店一直都未有時間試 決定試下😇.芋頭西米露配小丸子$32選擇咗熱嘅芋頭西米露芋頭粒份量都足夠很重椰汁味又不會太甜 感覺不錯👍🏻😋小丸子原來是分開上碟的 方便我們自行添加小丸子的size比我想像中大😍 煙煙un un 口感十足😘.骷髏兵團 $23就咁聽個名其實都唔知係咩黎🤣原來係單骨炸雞翼😍骷髏嘅意思即係辣味🌶食落幾似麥當勞嘅香辣雞翼但脆粉比麥當勞更加多所以更加香脆可口😋但豬女表示唔食得辣都係食兩隻就夠😂

見呢度同面書都一致好評，專程入去試。 服務真的超好，老板娘很好人。 餐牌的名少少難想像是什麼，但老板娘很有耐性講解叫了黑暗女巫， 36 元其實係cookies and cream 雪糕加可片， 另上椰汁西米撈味道偏淡老板娘那麼好人，我很想給讚的，但食物真的一般。 對不起

兩個人食飽經過諗住食糖水，去到我飲左個爆牛，我朋友食左個綠豆沙連湯圓，另外再叫左個雞軟骨，個炸雞軟骨無得輸，完全無咩油浸既感覺，兩個字，好食！個爆牛真係跟一支大支玻璃可樂，正

上星期見佢準備開已經好想嚟食，今日終於有時間過嚟食，門口裝修巧打耳，有少少Mario Feel, 加埋佢啲梳化有少少以前冰室既感覺。門口櫥窗仲有啲蛋糕賣，賣相唔錯，但係減緊肥唔想食太多甜嘢，今日嚟食糖水已經有少少破戒。入到去就試左佢嘅小食炸雞軟骨同埋芒果西米露。炸雞軟骨口感一級棒，外脆內軟，仲要價錢合理，減肥嘅事都擺埋一邊芒果西米露用左椰汁底十分之香口，芒果肉又大舊又甜臨走仲打包左個腐竹惹米蛋同楊枝甘露比屋企人食，屋企人都覺得好足料。下次減多幾磅再試下佢其他糖水先。

今天來到屯門良景商場的《椰子媽》試試，在店外已感覺到濃濃的幸福感、歡樂氣氛，七彩繽紛的店內設計及蛋糕櫃𥚃精美的蛋糕😋😋未食甜品，只是睇都感到喜悅🎉🎉老闆非常細心，由內至外也非常著重每一個細節，食物的味道、賣相，看得出老闆精心挑選七彩的碗碟，希望帶給客人最好的味覺和視覺效果，這個用心經營的態度，值得一讚👍🏼👍🏼我最愛紫薯西米露@超甜紫薯+濃濃的椰奶😋紅豆沙@紅豆味@紅豆大大粒😋蜜糖鷄翼@野味😋超級足料，滿滿的笑容，服務親切，坐位舒適，給人和諧、歡樂感覺，真係和朋友聚會的好地方😝😝超讚👍🏼👍🏼👍🏼一定會再來

超好味 ！ 炸魚旦同雞軟骨無得頂(⁎⁍̴̛ᴗ⁍̴̛⁎) 雞軟骨係我食過最好味既。而炸雞翼超脆呀個糖水椰汁味勁重呀 出面好難食到咁足料～裝修好靚 好colourful 食住糖水都開心d