椰林閣餐廳 (華都商場)

营业中

休息中

當日約左朋友睇戲諗住睇之前食個飯先，所以諗住近近地食椰林閣啦...咁有朋友問會唔會有得訂位咁我就上網搵個電話打 順便問埋午市大約幾點開始同幾錢左右 點知問左幾句 途中聽到有人講cut佢線啦...(相信係管理層）之後就比人cut左線連基本禮貌88都無句...完全唔識尊重人...

與吃貨媽媽到屯門逛街，途中感到肚餓，就排了大概十分鐘隊吃這間餐廳。食街坊下午茶，都無乜要求架啦。點知一黎到，雞脾塊皮已經係咁，皮肉分開～不過雞脾都幾入味既，皮唔會好脆，但都不過不失了。另外仲有啲薯角做配菜，不過薯角唔係脆個隻，似係焗薯既口感，點茄汁都係唔錯既選擇。吃貨媽媽就嗌左西多士配雞翼腸仔。其實份量唔多，不過西多士口感厚實，都幾佔胃口架。另外雞翼就普普通通，無乜特別。腸仔就係脆皮既，入面仲有啲芝士味。

呢幾年嚟都食過幾次，但真係越嚟越難食。尋晚同父母去咗呢間食，叫咗個2人餐同扒餐。個海南雞係2人餐入面揀嘅一個餐，個油飯陣味勁怪，個飯又唔熱，隻海南雞無味，連雞有雞味呢句我都講唔出。2人餐入面個菠蘿焗飯，勁多油，而且食落口好黏，食剩一半就放棄無食。個扒餐算正常，但啲薯菜又係唔熱嘅。最後叫餐飲，我父母叫檸檬茶，佢地話一啲酸味都無，都唔知係咪間野無生意，切定咗啲檸檬太耐，走哂味。我叫杯冬啡少甜少冰，真係少條毛，甜到嘔，我溝多半杯水入去都仲係勁甜。以前間野係燉奶佬個位個陣都仲做得好好，一搬去華都大道之後就做到舊屎咁，又難食，啲大廚自己有無試過味又比人食架？呢間野真係blacklist，以後都唔會再去。

係到叫左個午餐同散叫左個咖哩，湯，包同咖哩一早就黎左，個午餐意粉勁耐都唔黎，要三吹四請先黎到，再之後杯凍檸茶又係，等左十分鐘都黎唔到，同幾個仕應追單先黎到，服務態度差，食物就還可以。失望。

廿多年前已在屯門食馬來㗎哩，個人覺得椰林閣和良景邨祥景餐廳是該區最好的馬來㗎哩，今日經過，一入去先叫番個來同太太回憶吓先，須然冇以前咁好(個人覺得)但食品還是可以的，五十零蚊有個軟軟牛油餐包，羅宋湯，同飲品，抵食。但餐廳地下多垃圾，同一入門口沒人招呼，下單時女經理又扮盲俠同啞左要改進吓，回應吓叫等等都好呀，已前在屯廣一期地下時做得很好的

大家新年快樂!! 琴日行完街街 屯市食的野又唔係太岩我所以去左華都睇下有咩食搵到有間椰林閣 (因為椰林閣好似越黎越少)門口見到佢個餐牌 八十幾蚊一個扒餐Set又唔係幾貴所以入左去入到去樓面人手好似唔太夠我地坐左幾分鐘都無人汁桌要叫人先有人汁  一人點左一個扒Set2個湯 2個硬包包 (個人唔太中意硬個隻包包,比較中意牛油餐包)2個湯的味道岩岩好(對唔住 我唔係專業食評家 XD  食食下先記得要影相)一份叫左雜扒意粉, 一份叫左牛扒5成芝士薯容(對唔住 我唔係專業食評家 XD  食食下先記得要影相 圖中的野食已經掉撈哂  撈起!!! )我覺得個雜扒的味道一般啦  簡左三文魚牛扒同雞扒份量唔算太多 但有少少後悔, 因為見到對面個牛咁吸引 同埋個雜扒要用喼汁同TABASCO先有味個牛堅好食 (我是鄉下仔)  叫左五成出到黎的效果都唔會差太遠咁既價錢我覺得超值有突個意粉無味 但加左芝屎粉好好味,   個芝士薯蓉真心好味. 比個LIKE佢最後$175埋單     

很久沒有食椰林閣，食物味道老實是有輕微進步的。問題是這裡的服務員，或者是我敏感或要求高了，但我覺得這裡的員工是在做炒場，客人入來後完全坐得不舒服。而服務員似乎連禮貌都不懂，燶口燶面走過來落單，然後還要靠身過來像要「兇」你。其實識唔識做餐飲就係講呢啲細節的地方，可惜近兩次的感覺太差應該不會再選擇它的了(鴛鴦也沖得很難飲)。

今天與朋友們看神奇女俠前，想先吃個下午茶，可是到處餐廳都人山人海，最後選擇了較容易入座的椰林閣吃下午茶。我想了又想，最後還是跟大家一樣吃炸雞脾餐，不過一位朋友配薯角，我與另一位朋友則選配沙律。配薯角的賣相不討好，乾巴巴的，相當焦黑，而且朋友說薯角丁點味道也沒有，基本上她只吃了兩件，全碟薯角都沒吃。反觀我們的沙律比較好一點，八成都是新鮮蔬果，如芹菜，沙葛，青瓜，蘿蔔，蘋果等，口感爽脆清甜。炸雞脾有使用滷水醃漬，再加上黑椒調味，味道方面很不錯，雞肉亦沒有炸得過老，很嫩滑，不過我們三隻雞脾均炸至脫皮，這方面扣了少許分數。至於我的雜果賓治強烈不建議大家點，加了10元不是問題，最大問題是毫無果味，果肉也近乎沒有，喝起來有股怪怪的菊花味與不知明名道，都是普通餐飲保險些。

睇完星球大戰前傳，都幾好睇，不過都係咁上下情節，我打你你又打下我，事源今日平安夜都幾多人睇，睇完就梗係醫肚啦！食椰林閣，平安夜都仲可以有$49一個餐唔使加一，試試味道！太太叫了焗芝士肉醬意粉，先來了餐湯，粟米忌廉湯，好多粟米，足料！湯也很「杰」，唔使加胡椒粉都夠晒味，至於肉醬意粉，好大碟，完全超出太太應付到的範圍。芝士拉絲的，但份量好像多了一點，食到最後有點膩。肉醬也很多，加上芝士增加了油膩感，意粉唔夠淋，煮返久一點會好啲。雜菌忌廉汁龍利柳意粉，來到我也嘩然，那麼大碟？雜菌汁好入味，食起來好有菇味，龍利柳也算不錯吧，魚肉細軟，但意粉仍然是比較硬身，扣了一點分吧！總括來說，$49是超值，我滿意了！

椰林閣，是美心集團的，主打平民西餐。筆者難得地在這裡吃下午茶，其較舒適的環境及服務是光顧的最大主因。看一下下午茶的菜單，很快便鎖定了焗豬扒飯。有些人可能會說：「咪又係美心焗豬扒飯！」非也，此豬不同彼豬。雖然飯焗得略為燶了一點，但是與美心的焗豬扒飯是不同的。炒飯底，有。蕃茄，有。芝士，有。豬扒，有。一客焗豬扒飯要的，都有。可惜是燶了一點。味道略重，蕃茄味濃，豬扒也有咬口，不錯。只是價不復當年，下午茶的價格與午餐相若。

裝修不錯 情侶一起去也很有氣氛 試過幾次看到有蟑螂在牆上爬過 不坐近牆座位就沒事 座位不錯很舒適 食物很好 吃扒餐也很便宜好吃 聖誕節也有聖誕餐吃 有兒童餐吃 一家人去吃也很好 值得一去

本身對椰林閣的出品沒有太大期望，只是因為週末這裡最容易搵位，所以來食晚餐。今次點了三文魚大蝦薄餅及咖哩牛腩配酥餅。三文魚大蝦薄餅材料可能比某些連鎖薄餅店更新鮮，味道亦不錯。咖哩牛腩維持一向的水準，唔太辣的同時質感很滑。加錢換的藍莓芝士餅芝士味淡，藍莓醬的味道濃，與吃藍莓蛋糕的感覺差不多。

星期日十一點幾入去食午餐，座落屯門華都商場黃金地段，五成客滿盡顯寬敞，叫咗咖喱薯仔牛腩午餐，餐湯羅宋湯，正！保持一貫茶記最高水平，衛星牛油餐包，選用塑膠錫紙揭蓋 式牛油，油質軟滑適中，獨特之處提供小膠刀代替牛油刀，挑起軟滑牛油一刻，可能本人一時大意膠刀應聲斷開，膠碎粒盡落牛油中，不可食用，叫侍應換上一客餐包，十五分鐘後侍應熱情送上。等待餐包期間，主菜已送上，咖喱香氣溢滿，最喜出望外估計餐廳選用精緻頂級牛腩，肉質保持茶記水準，以估計頂級牛腩餐廳所供份量更加意外 竟然有4件之多，仲要成隻麻雀咁巨大，再配合2件爽口薯仔做配菜一絕！餐飲選擇凍檸茶，水準不過不失，符合期望。以$56.蚊喺香港食個午餐，您係咪都覺超值呢？

屯門 E + 真係多左好多人 ,有時放假出去食個 LUNCH ,間間餐廳都爆 , 又多人等 ,所以好多時見邊間有位就即入 ,唔想又迫又焗又多人咁等 .屯門華都椰林閣 , 餐廳大 ,SET LUNCH 形式 , 好快就上枱 ,人流快 , 好多時都唔駛點等 ,而且價錢都係40 -50 幾蚊1 個餐 .餐湯有羅宋同忌廉餐包豬扒跟沙律同豬扒跟意粉焗肉醬意粉餐飲凍檸茶同熱檸茶 

本來是想到醉上海吃湯麵、煎餃的，可惜每次小店外都有很多人在等候，最怕等位的我，見到要等好幾個籌號，還是離開好了. 不知吃甚麼好的2人，在商場內漫無目的地閒逛，見到水牌寫着椰林閣，對腳就行左去了. 雖然對它沒甚好感，以前吃過都覺得只是連鎖食店，食物水準平平，是但求有野填肚的餐廳.下午茶餐都頗多選擇，湯麵、焗飯、炒河、三文治都有供應，總會有合心水的食物吧!焗菠蘿鮮茄豬扒飯 ($39)平時很少食焗豬扒飯的，當我見到這個焗飯，就想起大家樂的焗豬扒飯，我是好多好多年都沒有吃過，個人對豬扒飯真是沒甚興趣，我都不知為何如此多選擇之下，又會選了這個飯. 好了，後悔也沒用，就試試味啦!茄汁底很酸甜，當然是人工化的味道，都有幾件鮮茄既，豬扒已切成條狀，可以方便進食，而飯是炒飯底的，焗飯熱辣辣的. 如果對食沒有要求，這個焗飯可以令人食客有滿滿的飽肚感. 桂林辣醬乾炒牛河 ($42)這個牛河賣相也不錯，雖然我沒有吃，但色澤很對辦. 友人說味道正常.熱檸水為了消膩，就來了一杯熱檸水. 都有不少食客在椰林閣進餐，相信價錢合理是主因吧!屯門華都商場3樓9號舖2668 1998