楓子珈琲

营业中

休息中

今次介紹黎間cafe 位於太子楓樹街，餐廳裝修同埋擺設都充滿復古懷舊氣息，雖然位置唔多，但係都幾好坐，打卡一流！✨ 櫻花蝦豆乳擔擔讚岐湯烏冬 $88擔擔麵就食得多擔擔烏冬真係未試過😂 面頭有好多櫻花蝦，佢嘅湯底加入豆乳味道都幾香濃，對於我黎d唔係好食到辣嘅人黎講都應付到！烏冬彈牙又掛湯，幾特別🫶🏻✨ 明太子蟹肉意粉 $138明太子忌廉醬味道香口，非常creamy，每一啖意粉都食到有蟹肉🦀✨ 開心果忌廉戚風蛋糕 $68戚風蛋糕口感鬆軟，加上陣陣開心果嘅香味幾好食，味道唔會太甜💚飲品方面試左杯matcha latte，友人要左杯latte ，味道不過不失👌🏻

Bookmark 咗好耐嘅cafe, 最近見佢新出左個意粉好吸引，即刻同朋友嚟店內環境非常復古，坐位唔會太逼，幾好坐平日不用等位，專登嚟食新出嘅廣島蠔三文籽忌廉意粉！果然無令我失望，好好食！😋三隻大大隻廣島蠔，煎得好香 唔會腥👍🏻另外意粉都好掛汁，成個意粉好開胃5分鐘清碟，係近年來食過最高質嘅意粉！舖頭面積不大，相信佢星期六日一定多人，大家都最好上網book定位！下次會再嚟試佢地嘅蛋糕，聽講都好高質

到達時店員比我地即刻入坐，坐低左就話張枱有人留左，叫我地出去等。等位期間即使有人走都冇比我地入去。之後仲比後來到先嘅人入去。等到唔耐煩問佢出面照坐得唔得， 一句十分鐘之後有人book左，就行開去。白白等左成個鐘，最後嗌杯外賣咖啡繼續照係出面飲算，所謂訂左位嘅客人跟本冇出現。最神奇係期間有四位到左，佢嘅員工竟然會提一枱客用餐時間夠，然後即刻執枱比新到個四位客人…只可以話間鋪跟本唔會理出面等緊嘅人，安唔安排到座位都係睇接待你嘅員工想點就點😮‍💨

我與朋友本來想一起開心去用食，取票時前面已經有3位，於是我們便等，怎知半小時後我們見窗前有一張四人枱，但只坐了二人，於是我們便問為何有2個位不叫票，於是店員解釋，因客人要求不搭枱，ok 我們明白便繼續等！ 怎知過半小時後，我們又問為何有另一張枱又不叫我們，於是店員解釋因有客人已電話預約了，於是各種5分鐘後，我朋友便問佢，咁我們仲要等幾耐，佢在告訴我們還有三張枱是電話預約的，你們仍要繼續等！於是我們便去搵別的餐廳，一間沒有誠意招呼的餐廳，根本一點都不值得去食，完全係浪費人時間的，佢應該係有責任去話俾別人聽前面係有幾張枱係預約的，等人哋自己決定去唔去繼續等唔係要人哋問先話俾人聽！

中秋假期，唔知去邊好，決定帶媽咪嚟體驗一下我平時既快樂，就系去Cafe Chill 住歎咖啡同打卡影靚相！去到大概1點半，重有2張枱，可以直接 Walk in 入座，結果我地後面都即刻有人入座最後一桌，瞬間full左，重要陸續好有人嚟排隊，今次即興無 book 枱，不用等位真系運氣加持！一開始媽媽覺得呢度系後生仔女拍拖既地方，好不解點解我要帶佢嚟，結果好快佢就明白(哈哈)~ 第一碟上既系虎蝦叻沙意粉， 媽媽食左第一啖，就開始讚佢好食，個汁又香濃，啲虎蝦好鮮味，夾埋個汁好好食，啲意粉軟硬度適中… … 睇嚟佢真系好滿意呢個意粉！ 個意粉差不多食左8成，終於上另一個 Main，櫻花蝦豆乳擔擔讚岐烏冬，但因為虎蝦叻沙意粉太好食，媽媽既標準瞬間拉高左好多，對比下烏冬佢話普通啦，我就覺得如果先後順序調轉，可能評價就唔會系普通~ 因為意粉既叻沙汁太濃，食完濃既再食，就會食唔出個豆乳擔擔湯既味道，所以建議食左淡味既 Main 再食濃味既 食完飯再食埋 Cake 做飯後甜品~ 完美既 Ending~ Laksa Pasta with Prawn虎蝦叻沙意粉HK$158  (另收加一服務費)Sakura

開業2年多，難得仍然可以喺呢個市道生存嘅有heart cafe，特別喜歡其懷舊而不失典雅既裝潢，休閑舒適，非常打卡able ᵎᵎᵎ 今次試吓其他菜式，甜品質素比主食更驚喜ᐢ.ˬ.ᐢ✥牛油果蟹肉生吐司 $108賣相及分量精緻，擺盤有心思，淡淡蟹肉，加埋少少Parma Ham鹹香味，有層次，不過蟹肉有殼，扣少少分𖤐ˊ˗ 班蘭咖央椰子戚風蛋糕 $68原本想試開心果，但售罄=·=呢款係另一個signature，斑蘭味夠香，中間忌廉係椰子香味，整體清新唔會膩✥ Rose Latte $45正常發揮，反而咖啡杯較特別，好懷舊、剔透。明白香港物價都係比較貴，不過希望大家有時間都支持下本地小店。

建議假日一定要預約，因為可能要等候30分鐘以上，環境好chill，有黑膠唱片機，好有氛圍感，有最低消費每人$100，建議午餐配蛋糕挺不錯的！💗超推薦這個焦糖布蕾巴斯克芝士蛋糕，脆脆的焦糖配合超creamy 的芝士，一秒置身日本的感覺！超適合打卡的！😋😋其他飲品和主菜也不錯✨✨

在深水埗與太子之間有很多咖啡店這一家舒服小品咖啡店，食物質素唔錯，咖啡味道都幾好這裏有一點英式懷舊的風味，從他們的咖啡杯，以及蛋糕碟和差都可以感受到喜歡打卡的朋友可以到這裏

已到訪第二次，食物仍然保持水準 環境舒服 好適合同朋友過一個下午櫻花蝦豆乳擔擔讚岐湯烏冬 $88面頭好多櫻花蝦！豆乳湯係甜甜辣辣咁，入面有豆腐同肉碎，幾開胃班蘭珈央椰子戚風蛋糕 $68 呢個真係好好味，蛋糕體好鬆軟，忌廉滑同好香班蘭椰子味 ！👍🏻👍🏻Hojicha latte 丸久小山園 $55 用日本丸久小山園焙茶粉，好香濃！👍🏻整體很好，聽住舒服嘅音樂員工有禮 服務也很好，下次會想再嚟試其他食物同蛋糕 ！

建議大家先網上訂位如果唔係繁忙時間，起碼要等大約一個小時🫡環境好靚 無論係店外定店內都影咗勁多相❤️▫️▫️▫️▫️▫️▫️▫️▫️▫️▫️▫️▫️▫️喇沙虎蝦意粉$158味道好驚喜，喇沙味同意大利粉好夾值得推薦大家試吓▫️▫️▫️▫️▫️▫️▫️▫️▫️▫️▫️▫️▫️焦糖芝士蛋糕$68個人認為不過不失 冇乜驚喜如果下次再去會嘗試其他甜品🤣▫️▫️▫️▫️▫️▫️▫️▫️▫️▫️▫️▫️▫️白桃檸檬梳打$55如果唔鍾意食酸嘢嘅朋友，就唔好叫了雖然白土好甜，但係一飲到啲檸檬嘅味道我就打冷震了😂*不過呢啲係個人口味，好因人而異🙈▫️▫️▫️▫️▫️▫️▫️▫️▫️▫️▫️▫️▫️西柚檸檬水蜜核烏龍茶$55西柚檸檬同埋蜜桃做到好夾唔會好似白桃檸檬梳打咁 桃既甜味同檸檬味分開😆呢杯嘢飲嘅味道會咁和諧▫️▫️▫️▫️▫️▫️▫️▫️▫️▫️▫️▫️▫️味道：7/10環境：8.5/10服務：7/10抵食：6/10▫️楓子珈琲 (太子)📍太子楓樹街5號南楓樓地舖

本身網上預約左2人1:30pm ，本身有梳化位，3人或以上可正常預約，但亦有寫話如果2人想預約梳化只需消費300hkd 或以上即可。當日我地準時到餐廳，清楚說明預約了梳化位，願意低消300蚊，但店員照樣安排另外4人坐梳化位。我地見到即時表示已作網上預約，而係另外4人仍未下單只係剛剛坐下既情況下，店員非但冇通知佢地需要再稍等下一張空枱（因安排已出錯），反而叫我地坐住另一張細枱等佢地有空枱時再叫四人移動，而我地只可以係另一張細枱叫住野食食住先，話補償唔count我地用餐時間90分鐘。咁我個預約係用黎做咩既呢？最好笑係當我問店員除左叫我坐住另一張枱等同唔計我時之外，問佢仲有冇野可以幫到我，佢就「冇」。 犀利🙂‍↔️

星期日下午大概二時去到，仍然有客人在門外等候。當諗住轉場，發現有幾pair人陸續出來，於是等多5分鐘左右，就可以入去。入到去第一眼覺得枱好少，我坐係長的Bench，同隔籬枱的客人share。嘢食方面，櫻花蝦豆乳擔擔烏冬櫻花蝦夠多鳥冬夠熱，但如果換咗另一種麵質會比較夾。明太子蟹肉意粉，明顯食到蟹肉，明太子份量適中，呢個比較好吃。最尾食咗個開心果蛋糕，望落去好軟軟熟好滑，但比起Lady M仲係爭少少。總括嚟講，環境舒服連咗有花樣年華的海報和舊式的收音機和一些裝飾，打卡同Chill都不錯

拿拿食評系列 #楓子珈琲深水埗嘅Cafe有好多，吸引我回頭既，就只有呢一間！呢一間Cafe有咩特別？就系佢地既蛋糕好出色！第一次嚟既時候，叫左三款Cake，就深深愛上左其中一款，班蘭咖央椰子戚風蛋糕！我真系超愛，個人評分95分！自此之後，就間唔中Weekend會過嚟食蛋糕飲咖啡！今次約左朋友，大家都未食午餐，於是就第一次試佢地既Main，唔試唔知，一試就相見恨晚，點解之前嚟左錦多次都淨系食cake？！2個主食個人評分都好高，個人評分系虎蝦叻沙意粉95分，櫻花蝦豆乳擔擔讚岐烏冬92分，如果話個3分差系邊度，你2個一齊order就會知道，咩叫有對比有傷害！虎蝦叻沙意粉HK$158櫻花蝦豆乳擔擔讚岐烏冬HK$88開心果忌廉戚風蛋糕HK$68班蘭咖央椰子戚風蛋糕HK$68Yuzu Coffee Mojito SodaHK$55Cafe Latte HK$40一邊打食評，一邊回味，好想再食！(流口水)

拿拿食評系列 #楓子珈琲Fonji Cafe帶閨密嚟試我既愛店，楓子珈琲！閨蜜第一次嚟，我推介佢我最愛既2款蛋糕，開心果忌廉戚風蛋糕＆班蘭咖央椰子戚風蛋糕，2款都系一試愛上既程度！第一次試開心果忌廉戚風蛋糕既時候，佢系期間限定，因為太驚豔，個陣連續2個weekend嚟食，擔心會隨時會轉Menu無左，直至有一次嚟既時候發現佢旁邊無左期間限定既字眼，我真系超開心！佢受歡迎既程度另佢變成固定既品項，呢啲就系佢既實力！班蘭咖央椰子戚風蛋糕，系我第一次幫襯楓子珈琲既時間，就一試愛上既，系我成為楓子珈琲Fans既主要原因！我閨蜜試哂2款，佢話好好食，重用行動證明左佢對開心果忌廉戚風蛋糕既愛，即刻叫多一件，哈哈~ 真系唔系我吹捧，系佢真系好有實力㗎！俘虜人心~開心果忌廉戚風蛋糕HK$65班蘭咖央椰子戚風蛋糕HK$60Cafe Latte HK$40希望2款蛋糕都一直存在系menu上，我都會行動支持(有銷量就唔會下架)，希望3年後、5年後...都重食到~

📍太子都有好一段時間冇去文青區太子深水埗一帶了, 而家仲可以保留到落嚟嘅cafe, 一定有返咁上下實力楓子珈琲無論裝潢同擺設都充滿懷舊味道; 店內簡潔整齊，播放住法式懷舊音樂，坐得舒服餐牌方面，佢哋當然有咖啡，另外主食亦有沙律，吐司，烏冬和意粉；而今次主要吸引我嚟嘅目的，就係為咗佢哋嘅開心果忌廉戚風蛋糕🍰喜見市面上售賣開心果產品嘅地方越來越多，而佢哋嘅開心果蛋糕並唔算甜，可以食得出開心果嘅純味，另外再配一杯latte；坐喺梳化上慢慢睇住雜誌或手機，望出去玻璃窗外街景，可以享受一個柔和嘅下午😊