樓上Cafe

营业中

休息中

樓上Cafe (大圍)樓上燕窩棧旗下嘅Cafe，食物飲品質素不嬲都好高，今日早餐決定去買一個司康做早餐😊職員好細心，每一次買嘅時候都會問你需唔需要加熱，如果加熱他們會用焗爐馬上幫你加熱🥰香橙紅莓司康司康好香香橙味道，中間再夾雜一些紅莓口感，兩個食材加埋一齊好夾，加熱後食係最好食，所以建議一定要加熱，另外每次都會贈送一個凍冰冰嘅牛油，一熱一凍加埋一齊食，口感很佳！玫瑰latte都好好飲🤤買食物另外間飲品只需十幾蚊好抵大圍成運路13-15號樓上集團中心地下

依間cafe離開左熱鬧既大圍站周圍，係寧靜既城門河邊，咖啡質素ok,有特色既玫瑰鮮奶咖啡，仲有各種蛋糕、司康。咖啡唔會死甜，過甜，玫瑰咖啡仲會有一兩片玫瑰花裝飾。司康脆而唔硬，內裡鬆軟，搽埋牛油，非常香口。

大圍越開越多cafe，岀左地鐵站，行幾步就有一間，相對位置較近工廠大廈個邊嘅樓上Cafe，地點變得唔就腳，不過人流少，就較輕易有位。地方闊落，又有洗手間，真係個hidden gem 💎 💎💎…….🍌香蕉果仁蛋糕🌹Rose latte蛋糕好多nuts，香蕉味道亦岀，口感軟熟。配上Rose latte，就係一份好好嘅下午茶😋Rose latte嘅玫瑰味道係有少少人工味道，因為始終係糖漿，都無辦法嘅😅…….

自從搬咗嚟大圍之後就一直喺附近搵食。難得今日得閒，就當逛街到樓上間cafe飲嘢。首先要讚嘅係佢嘅環境空間闊落，冷氣充足，加上人流唔多，俾人的感覺非常之舒適。我們兩人要咗一杯玫瑰鮮奶咖啡，一杯朱古力咖啡，再外賣一個日式咖喱雞肉批拎走。杯玫瑰鮮奶咖啡有非常濃郁的玫瑰味道，但係對我來講稍為甜咗啲，早知就嗌少甜。至於杯朱古力咖啡就一般般，叫做不過不失。咖哩雞批帶咗返屋企食。呢個咖喱雞批比平時買嘅雞批大成一倍，當然價錢亦都反映咗出嚟。雞批單價每個$33，因為係同飲品一齊買的，所以當係套餐價錢，減咗$6，所以算係還可以。咖喱嘅味道不算太濃郁，但係我一向鍾意食咖喱，所以亦都對個批十分滿意。個批嘅酥皮做得香脆，熱辣辣食落口甚有滿足感。雖然呢間樓上咖啡嘅地點唔係好就腳，但係都喺個值得停下步伐休息一下嘅地方。

大圍有間隱蔽café，在「樓上」店鋪外面，屬於佢哋品牌。食完晏想搵地方同朋友傾計飲杯嘢，朋友就帶我嚟呢度。座位與café有一段距離，空間感強，樓底又高，整個環境令人舒服。除了賣咖啡系列，仲有中式湯和粥賣，當然係佢哋牌子。我要一杯凍玫瑰鮮奶咖啡和一件碧根果百利甜酒司康。凍飲份量充足又夠凍，杯面浮現很多咖啡冰，第一眼看好似軟綿綿嘅果凍，四周散上一小片玫瑰花瓣。咖啡味濃郁又滲出淡淡的玫瑰花味，味覺和嗅覺都得到享受。飲咖啡喜歡配件甜食，碧根果百利甜酒司康，碧根果即係核桃果，司康即係鬆餅，一小件呈三角型，餅面有一粒小核桃，切開一看，裏面也有好多細細核桃粒粒，食時可慢慢咀嚼，餅身十分鬆化，至於甜酒味，我食唔出，不過整件餅食配咖啡嘅味道都唔錯。

行經大圍 意外發現左呢個驚喜cafe位於工廈地下有間樓上cafe位置寧靜溫書做功課睇下書就最岩 價錢仲要唔貴叫左杯Rich Chocolate 🍫 $43加cream 完全岩我口味 同Godiva真係無咩分別朱古力都幾濃郁幾creamy仲要16oz 大大杯 飲完之後人差足電出面透光感受到涼涼嘅微風環境舒適😚會員仲有折～OverallTaste : 🌕🌕🌕🌕🌖Cp Value：🌕🌕🌕🌕🌖Vibes：🌕🌕🌕🌕🌖Services ：🌕🌕🌕🌕🌖

在大圍樓上cafe等人，買了杯凍特濃朱古力及合桃scone食下；誰不知充滿驚喜！首先，凍特濃朱古力味道滿濃郁, 而且幼滑感高，個人覺得同G字頭果間差不多口感，但價錢平一半，值回票價！其次見到個Scone係三角型，外間見到都係圓型，故買件試下；驚奇地好食，餅底香味好濃，有咬口之餘，仲好重牛油味，落足料，最利害係佢跟果片牛油，應該係貴野黎，印象中係五十蚊內，但有咁既質素，讚！

好平好抵食，環境舒服，裝設好多充電位同門口就有洗手位，冷熱水任裝，非常舒服。間中會買杯咖啡配個蛋糕做早餐，咖啡比starbxxk好飲，蛋糕可以幫你翻熱，鬆軟又超多nuts!

平日去樓上通常幫襯買啲湯料，朋友介紹下，原來大圍間樓上竟然有咖啡cafe。行經大圍，順便去樓下cafe歇一歇腳本身對樓上cafe既咖啡無乜期望，諗住可以坐低抖下，點知好有驚喜喎叫左一杯凍americano，咖啡味唔會過份苦，有回味甘香。朋友叫左一杯熱既cappucino，打開杯蓋竟然有拉花。跟餐加多$10，有一份合桃香蕉蛋糕。香蕉味自然，蛋糕都夠鬆化。除左味道唔錯，價錢都好抵食。凍americano $23, 熱 cappucino $28，比起連鎖咖啡店平好多，但味道反而唔差。不過地點就唔算太就腳，大圍站行過去十分鐘左右，所以唔太多人幫襯。反而我地可以慢慢坐，唔怕唔好意思有機會經過嗰頭，會再幫襯

很久也沒有刻意地去找尋一間食店， 店子 正正位於工廈區屬於(樓上) 這間售賣參茸海味食材公司的附屬咖啡店、 走出鐵路站還需步行大約五分鐘路程才到達, 來之前一心好奇想試試他們的中式湯水，可惜由於近排天氣實在太過悶熱、 眼看有西式咖啡凍飲供應， 竟將要來的主要目的拋諸於腦後、 最終還是揀上了紫薯沙冰。。。其實他們的中式湯水亦有很多款, 例如有花膠 響螺元貝湯、 蟲草花淮杞竹絲雞湯、 靈芝淮杞乳鴿湯、 羅漢果龜苓膏、 牛蒡花旗參無花果竹絲雞湯、 雪耳杏仁椰子雞湯~由於廚娘早早已是樓上的(樓上)顧客， 即是話早早已是店舖會員， 憑卡出示可有八折或九折優惠、如沒有便已正價發售~此分店屬工厦區真是人流不多，就算入內購物之人都只是三、四個 ， 亦都可能就是此緣故每個僱員的服務更為禮貌週週 、紫薯沙冰在落單之前以早早叫上(小甜)， 喝一口紫薯味道微甜而不過於假、 沙冰方面亦覺得刨得細緻沒有一點多餘的大冰塊， 整體來說絕對有驚喜~連鎖式的店子下亦要各出奇招， 逗得客人歡心、 在大堂的一角放置一個小小咖啡室幾張舒適的枱櫈， 如果可以在其他分店都有共同之享受就太理想了。