影片
以上资料只供参考，请与餐厅确认详情
荣．冰室不得不赞，今时今日咁「好」既服务态度真系极少见！个个姨姨都系笑面迎人，而且对小朋友非常友善，小朋友好钟意荣．冰室！唔少亲子餐厅，其实对小朋友都唔系特别友善，难得一见唔系亲子餐厅既荣．冰室对小朋友居然可以咁友善！唔系亲子餐厅所以无儿童餐好合理，不过一样好岩小朋友口味，全日早餐（法兰克福肠／肠仔 2 条、烟肉、炒蛋／煎双蛋、火腿、焗豆）跟：多士（厚多士／薄多士）配：混酱／牛油，奉送热饮／即磨咖啡，冻饮 +$2。$44 早晨全餐已经有唔少野食，一个小朋友未必食得哂，小朋友最钟意混酱薄多士，配埋营养都丰富既炒蛋同茄汁豆，小朋友就食左一个好开心又满足既早餐！
继续阅读
荣．冰室已经系教育路开左一段日子，经常行过都要排队，特别系星期日一位难求，不过职员态度既殷勤令到觉得排队等下无乜所谓！当时只系门口停留睇一睇餐牌，餐牌未睇清楚，职员已经急不及待招呼，实在有宾至如归既感觉！早餐有惊喜，估唔到有唔少选择，早餐 A + B，A 可以选二款𩠌或转改火腿奄列，仲有薄多士／牛油厚多士／改：混酱多士 +$1 ，B 可以选一款 $37 或者 $39 可配：米粉／米线／通粉／意粉（转出前一丁+$5、辛辣面 +$8、芝士面 +$8），以上套餐奉送热饮／即磨咖啡，冻饮 +$2，热饮加大 +$5，转罐装汽水 +$6。最终 A 拣左火腿奄列混酱薄多士，B 就拣左 $39 沙爹牛肉 +$8芝士面，辣辣地既芝士面配埋沙爹牛肉真系唔错！火腿奄列非常之足料，有唔少火腿！混酱薄多士又多酱，口感一流！再叫左 $48 鸡扒全餐，烟肉、炒蛋、火腿、焗豆，跟：多士，（薄多士）配：混酱，奉送热饮／即磨咖啡，冻饮 +$2，鸡扒又煎得几香脆，焗豆又几好味！
继续阅读
今次下午茶时段同屋企人再黎帮衬，试下其他唔同款既野食。拣左以下呢4款：必食猪扒太阳蛋茄汁饭五福杂锦肉燥饭夏威夷汁猪扒焗饭迷你双汉堡（配番薯条）我觉得今次块猪扒配焗饭好似冇左跟葱油咁香脆，下次应该唔会拣焗饭。而佢地肉燥都ok,唔会好重味或太咸，都可以试下。最唔推荐既就系迷你双汉堡，原本系火腿同蘑菇，不过𠮶日冇蘑菇就改配炒蛋，都唔紧要既，不过就真系两片汉堡包仔夹火腿同炒蛋咁啰😅😅最唔抵食就系呢个下午茶餐，只系小朋友钟意啰。下次都系食饭葱油饭会开心啲。
继续阅读
朋友仔之前嚟过呢间荣•冰室食早餐觉得唔错，所以今次就约我嚟呢度食lunch🍽️望一望👀个餐牌，价钱都唔贵，基本上💲60有找我就拣咗个「必食猪扒太阳蛋饭」（即系煎猪扒）配葱油豉油汁，朋友仔就拣咗鸡扒太阳蛋饭🤭除咗葱油豉油汁外，仲有黑椒、蒜蓉、茄汁、咖哩汁等等。。。🍽️必食猪扒太阳蛋饭$50🐷食后感：块煎猪扒有成只手掌咁大，葱油同豉油汁都好足够，猪扒唔会煎到好干，再加漏心嘅太阳蛋，食落真系好惹味🤤 朋友仔食嘅鸡扒都煎得好香，我觉得可以下次再嚟试埋其他款式🐽🔍 #piggy在元朗 #piggy_冰室 #piggy_猪扒饭 #piggy_鸡扒饭 #piggy_lunch🤑性价比：8/10🤤色香味：8/10🐖邪恶度：7/10🤗推荐度：7.5/10#piggyfoodiedaily #hkfoodie #hkfood #hkeat #hkig #hkgirl #猪扒饭 #鸡扒饭 #元朗美食 #香港美食 #冰室#挞 #小猪找美食 #piggy_美食
继续阅读
元朗早餐有好多选择，品牌餐厅又有、连锁式餐厅又有，但小编偏爱茶餐厅小店，感觉充满人情味，姨姨服务周到👍🏻食物多选择，唯一缺点系需要搭枱，座位较逼夹！一份早餐$39，食完又抵又饱，满足感大增😋猪扒条通粉猪扒入味，仲有几条菜赠上，份量足够！⭐️⭐️⭐️⭐️(4/5⭐️)火腿奄列配奶油多士而家比较少餐厅有火腿奄列，火腿条份量多，多士可以选择奶酱多、油多、或奶油多！⭐️⭐️⭐️⭐️⭐️(5/5⭐️)奶茶茶味浓郁，奶茶有水准，不错👍🏻⭐️⭐️⭐️⭐️(4/5⭐️)
继续阅读
您可能会有兴趣的...