榮少喇沙

营业中

休息中

香噴噴喇沙，小小辣又十分開胃，比以前外面餐廳食既好好好多！或許因為外賣自取，店主分開材料和湯，（比譚仔更加先進）起碼餸不會全部浸系湯度！而我想食幾辣就落幾辣湯落個麵度！好啱自己食辣程度調節！＂油麵＂又系本人比較喜歡，Q彈可口，系聰明既加入！

天盛街市開左都一段時間 最近再去除左見到有間小食店甜品舖同間韓燒店 仲有呢間喇沙麵店！估唔到天水圍都有星馬野食！雖然店面細細又得"立食"企位 不過都見到有唔少人幫襯 我就叫左碗海鮮喇沙($49) 再加多粒帆立貝(+$6) 份量好足 好抵食！ 宜家夏天熱辣辣食喇沙最好都係配杯野飲 佢呢度竟然有自家製低糖飲品 跟餐都係加5蚊 揀左杯檸檬薏米水🍹解渴又解辣 配搭不錯！Btw 碗喇沙真係好好食 明顯有質素 湯底香濃 辣得黎又有椰奶香 真係好過好多星馬店 份量都夠吃貨既我食到飽聽店主講遲啲會有撈麵同其他配料 好期待 下次一定要encore再去試呀

天盛立食區裡面居然有間咁有水準嘅喇沙店，簡直係一大驚喜😄，有別於一般晌香港食倒嘅喇沙相比，呢間嘅喇沙晌湯裡面放上喇沙葉，令原先已經濃郁嘅喇沙湯嘅香味提升，對喇沙有要求嘅人一定食得出其分別；可惜，開業初期只有幾款口味，作為食客嘅可能會覺得選擇太少唔夠吸引，所以希望榮少可以製作多啲唔同嘅新口味，再加多啲東南亞嘅特色飲品嚟吸引顧客。