影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
【屯门荣峰餐厅｜怀旧焗猪扒饭实测】 今日特登过嚟屯门荣峰，试吓呢度嘅招牌焗猪扒饭！一上枱就闻到浓浓嘅芝士茄汁香，表面焗到金黄微焦，睇见都流口水。猪扒厚身但出奇地松软，边位带少少肥膏，咬落去肉汁爆出，仲有淡淡蒜香，绝对系老派做法。炒饭底够干身，蛋花同洋葱粒炒得香口，不过茄汁偏甜咗少少，如果多返啲芝士味就完美。 冻奶茶茶底够浓，饮落顺滑唔涩，同焗饭系绝配！屯门区算中庭价位，但份量十足，男士都够饱。 饱足度：★★★★★ 怀旧风味：★★★★☆ 性价比：★★★☆☆ 后记：碟焗得㶶㶶哋先至够地道，呢份油腻嘅满足感，就系港式茶记嘅灵魂！
继续阅读
送错餐俾人 仲要话番个客转头 大家睇清楚先好食呀 唔系侍应就话你唔系你嘅餐唔好食啦今时今日仲咁嘅态度 自己做错野道歉都无句仲恶番个客 话番佢仲要叫个客咁候生讲话唔好咁恶 如果大家想食到一肚气就过嚟食啦 原来呢间嘢系惯犯嚟 成日送错餐又话个客虽然唔系啲咩贵野 但系黎消费㗎 唔系黎比你送错餐仲要俾你话 我好少喺度留食评 真心希望大家唔好中伏 就算真系要黎宜度食 大家都要睇清楚个餐先好食 真心希望员工做好自己本分啦 睇清楚唔好送错餐比人 仲要恶返人哋 香港服务业就系俾你地搞乱晒 所以唔好怪生意差
继续阅读
今早有事情要过来屯门, 去依度吃个早餐先, 见到餐牌都好多🤔选择, 拣左奄列套餐, 要左雪菜肉丝公仔面, 烟肉🥓磨菇🥚🍳奄列配热奶茶, 等左一阵送来烟肉磨菇奄列🥓🍳🍕🥚, 卖相都可以, 佢另外配牛油多士🍞, 再送来雪菜肉丝面, 先食奄列, 食到蛋香🍳味, 入面有好多磨菇, 有少少🥓烟肉, 都几好味👍不过有粒蛋壳🥚😆, 好彩见到😜块多士都好松脆, 食落暖暖地😙再食碗面, 味道也可以, 佢d雪菜肉丝比其他茶记淡d, 个面汤底都系偏淡, 我食野喜欢淡都接受🤭但喜欢浓味的客户或者会认为无味了😅 再饮奶茶, 都算系合格, 奶同茶的比例都算平均😄以茶记质素都叫唔差, 服务态度也算好🫶而且40元都算平👍
继续阅读
焗饭之迷思：咦？焗葡国鸡饭？：系：咁碗白饭系焗咗？：我哋嘅焗饭系另上！：但个饭蒸架㖞，唔系焗架㖞？！同埋隔离焗猪扒饭点解猪扒同饭会一齐焗？：我哋焗猪扒饭系一齐焗，焗鸡就系另上：咁餐牌张相点解个焗鸡下面有焗饭？：可能影得唔清楚⋯⋯：影得好清楚⋯⋯下面有焗咗嘅饭㖞：⋯⋯(走咗去)#各处乡村各处例
继续阅读
XO酱海鲜炒鸟冬。鸟冬炒至脆嫩可口。XO酱的辣味与海鲜的鲜甜完美结合，带来了一种独特的风味。每一口都散发出浓郁的香气和辣味，令人回味无穷。其次，椒盐肉排。这道菜以猪肉排为主角，外层炸至金黄酥脆，内部则保持著肉质唔错。椒盐的调味使得肉排带有微妙的咸香味道，增添了口感的层次感。每一口咬下去，外层的酥脆与内部的多汁肉质完美结合，让人爱不释口。这道菜的肉排大小适中。总的来说，XO酱海鲜炒鸟冬和椒盐肉排都是令人难以忘怀的美食。它们各自展现了不同的风味和口感，让人一试难忘。如果你喜欢香辣海鲜和酥脆肉排，可以一试CP值很高。
继续阅读