榮發茶餐廳

营业中

休息中

人情味好濃，態度好好的老闆。普通一般餐廳，睇味道。好味道的餐廳最緊要人情味的餐廳。未入黎之前，老闆就熱情招呼。因為11-12系送貨附近時間，好多師傅泊車都過來坐，有時候預留一兩張臺比佢地快脆食飯午餐。快餐快脆呢一點就好窩心。飯不算太硬，最主要以鮮茄好好味道，濃烈的番茄味道。豬扒鬆脆柔軟，比較方便切又容易入口。本身無咩味道，所以加落茄汁，燴飯都幾好味。快快脆脆。差不多11-12點都比較人多。快餐有不同味道。有幸食到最喜歡的鮮茄，是真的新鮮番茄味道。豬扒有軟身，56元有個豬扒飯，羅宋湯，還有熱奶茶。鮮茄汁濃烈有香味。

乾炒牛河是港式地道美食， 要找到一間夠鑊氣也不容易。這次來到天后區榮發茶餐廳， 點了一個乾炒牛河。這個乾炒牛河鑊氣十足, 牛肉一大大片， 牛柳部分肉質嫩滑。 而炒河也做得不錯，每一條河粉也分開的， 不是像有一些餐廳炒到黐埋一舊舊。

茶餐廳，香港特色之一，唔單止價錢經濟實惠☺️，而且選擇多樣化，中西菜式總有一款啱你口味😙！.今次有演員朋友👨🏻‍💼介紹，一齊嚟咗呢間天后茶餐廳食晚飯，呢度老闆娘好好人🙂，態度非常友善親切，如果因為太多選擇唔知食咩好，佢會慢慢為你介紹架🤗！.#香煎鹹魚肉餅($95)，咸魚粒🐟加入肉碎中，煎至金黃色，賣相吸引😍。肉餅肉質結實，爽口彈牙，實屬阿叔真心推介！👍🏽.#黃芥末焗火腩飯($78)，好少喺其他茶餐廳食到嘅菜式。啖啖肉嘅火腩面頭淋上黃芥末醬，再加上芝士🧀一齊焗。芥末醬汁酸酸地帶少少辣，一次過連火腩同飯一齊食，好惹味！😙.#西蘭花炒帶子($98)，足料菜式，西蘭花夠爽脆，帶子口感亦彈牙，肉身夠厚，值得一叫！👍🏽.今次一行兩人，一個焗飯，兩款餸，二百零蚊，食到捧住個肚！哈😝！更難得係食到嗰份人情味，雖然阿叔唔係附近街坊，但都感覺到小店嘅親切，好似屋企食飯咁！😌

我家老爺茹素多年，也不吃含奶、芝士、豬油、雞湯、豬骨湯底等食品；所以每次陪我去茶記食早餐都只能order 水煮雙蛋麵，佢唔悶我見到都悶。今朝去天后嘅榮發茶餐廳，竟然有驚喜；老闆娘話佢地嘅俄羅斯什菜螺絲粉係全素，配埋粟米炒蛋實在係素食者佳音，希望更多餐廳能提供素食選擇。

叫個外賣啦，態度惡劣，下午茶炒飯外賣+凍飲$49！正常啦！呢一區，一打開，嘩，牛肉炒飯？定牛肉碎炒飯，仔細搵先勉強搵到一粒，量小都唔緊要，甘樣偷工減料法，真係第一次見，如不想中伏，勿進

食品用料上乘，烹調非常美味。早餐F餐鮑魚雞絲麵、腸仔蛋是大眾首選！奶茶和咖啡都很好👍咖啡更有即磨咖啡及多款選擇！下午茶星期一至星期日都有供應，炒貴刁和干炒牛河是天后食坊其他餐廳都沒有供應，好味👍午餐有多款選擇，我就很喜歡吃蒸肉餅！😊我煮不到這麼好吃！這裡座位也舒服，但是有時也要排隊！這裡的服務和招呼一流，普通話說得幾流利，英語也難不倒他們呢！我眼見他們對旅客也很有禮貎，幫助他們處理好行李，所以很早就有旅客吃早餐。早上七時開始營業。

今日行行下行到去天后，諗住又熱又累就找間茶餐廳食下tea，入到去見d茶餐都賣成40幾元，諗住都有午餐份量啦，點知第一樣黎就係豬扒炒公仔麵，份量少到呢！之後就到焗肉醬螺絲粉，睇落完全似無焗過，撈就差唔多，重要d粉又係小到阿媽都唔認得，最後都係剩返d醬係到！重要間野冷氣完全唔夠，我懷疑佢只開門口個部，因為我坐裡面完全feel唔到有冷氣！之後出去重要篤魚蛋，唉！這間真係食過一次就夠晒數，唔會再有下次囉！

行完年宵係附近搵飯食，好多食店門外都要排長龍，友人實在太攰...係為左要坐低而唔係食野，於是我地分散投資，幾間鋪頭都排隊！！呢間茶餐廳都等左大概十分鐘...明明門口有5個快餐，入去坐低發現得番兩個揀：粟米肉粒火腿&魚香茄子飯...隨便之下就叫左魚香茄子...$52一個跟湯或熱飲...野食上枱...超級頹廢同傷心...羅宋湯：味道偏酸，得椰菜同紅蘿蔔...魚香茄子飯：：茄子少得可憐：得4-5舊；飯都算少：一個平碗（男仔應該唔夠食）...但食到有少量鹹魚香，算係真材實料？！總括黎講：：無下次！😑

係附近做完野 隨意搵間茶記坐低 無諗過呢區D野貴到咁 栗米斑塊加杯凍檸茶都53蚊味道無咩特別 一般茶記貸色 唔食佢D lunch Menu 可以有炒粉面飯 不過去到70蚊 ...唔知點解可以咁貴 無打算俾呢個錢去試只能嘆一句 唔休做 貴到咁食D 咁普通既野 50蚊一樣坐到爆哂唯一對間野有印象 係收錢果個阿叔幾有禮貌 都算有D 安慰

唔休做--未必話佢唔好。實際上早餐食物幾好，太陽蛋煎得剛好，麵都煮得幾好。但論價錢，應該係高價錢茶餐廳。唔休做係話甘高價錢既早餐，你想食係要排隊！地方擠迫，又好生意，廚房又做唔切，價錢又貴，仲要排隊，甘係咪唔休做？

4大人2小朋友2BB，一坐下有的忙著幫小朋友抹汗穿外套，有的忙著開奶俾BB，所以選好餐的先選，怎料餐廳老闆有態度的說每位最低消費$15，還限定每人一個餐，難道他看不到大人們在忙嗎？不是不點餐，是未點而已。我們一行八人，坐在六人枱，點了6個餐，老闆一直跟侍應投訴我們，不斷說話單打，話我們沒規舉，一個1歲一個3歲一個9歲一個10歲，難道小朋友都要各自點一個餐？不是因為小朋友，我們都擠不進六人枱，我們邊吃，侍應就急不及待收逐隻杯逐隻碟逐隻碗收，甚至企在枱邊面向我們，眼神像是催趕我們離開，全枱只剩下3歲小朋友未吃完，都只有2啖而已，我忍不住說，小朋友催不來，為甚麼要俾態度？欵似老闆娘臭著嘴臉回應，話佢唔係望我們，係等佢身後客人落單，等客落單難道要背著客人嗎？溫馨建議店主派員在店門站岡，每當客人進餐廳前先聲明：【每人最低消費$15】兼【每人限速10分鐘】，否則不准內進!

週日和細周生到天后打網球，順道在附近榮發餐廳享用早餐。早餐單價三十餘元起，不算便宜。 這份茄汁豆煎蛋德國腸多士賣相不算特別吸引，但煎蛋及德國腸皆比預期香口美味。多士選用厚身麵包，牛油塗抹均勻認真。炒蛋煎腸做得更好，炒蛋食感嫩滑，煎腸帶有兒時風味。 鮑魚雞絲麵轉出前一丁要加 $4，明顯貴了少許。麵食亮點不在鮑魚雞絲上，而是重味香口的麻油。丁麵選材餐廳版本，食味雖不及家用版，但總比一般公仔麵好。熱奶茶水準有茶記應有的味道，令人滿意。整體而言，榮發的早餐表現比預期理想，是週日早點的新落腳點。

今日咁岩係天后做野，LUNCH出左去食，本來諗住但係天氣咁鬼熱，跟行下行下就見到呢間茶記，心諗咁鬼熱費事再搵地方，於是就即刻入左去，叫左個蒜蓉汁牛扒飯，唉，點知真係唔得囉，可能因為成本加左，個飯量嘅比較細我都可以接受，但係個汁同塊牛扒真係唔得，個汁好似凝固體咁，食落口味又怪怪地。跟住塊扒仲正，完全咬唔開嘅，搞到我LUNCH俾左40蚊出黎完全唔飽囉。。。

返工又叫外賣,今次都係食榮發。我同埋同事好多時候都係揀依間，因為選擇夠多!今日揀左福建炒飯。配料有蟹柳粒冬菇，菜粒等但燒肉粒無味，不過夠多汁撈飯都唔錯既！配紅湯。媽媽平時少煲羅宋湯，中湯就成日飲，所以出街食飯我會選紅湯！餐飲揀熱咖啡，榮發既咖啡要推介真係唔錯，夠香濃！食飽飽又開工

lunch time 叫外賣係公司食！今日叫左個雪菜肉絲炆米午餐，跟湯同飲品。 跟餐揀左羅宋湯同凍咖啡。羅宋湯帶少少酸同辣辣地幾開胃,今次咖啡比平時濃好飲！而雪菜肉絲炆米色水幾靚但就淡而無味,肉絲得幾條雪菜又少一般般啦