榮記奶茶

营业中

休息中

午餐 香辣炭燒豬肉串章魚餅飯（$46） 搞唔掂，豬肉串同章魚餅睇得出係急凍食品，而味道唔算好食先係問題，加埋份量少同埋死辣味既香辣醬，會有少少貼錢買難受既感覺，仲要唔飽個下慘，唔會再黎。

光顧有十年了。從翠寧花園到啟豐商場，仍然會點榮記招牌豬扒拉麵，唯一不同的是增添了茶餐全日供應，無論怎麼吃都能吃個飽。老闆下單時還會詢問蛋是要煎的熟的，還能記住熟客口味，還是有心經營的小店才有這種心思。這次點了凍奶茶少甜，奶茶一如以往的濃郁不胃痛的茶底 香！ 老闆老闆娘一樣好相處，很有港式茶餐廳的氣氛。疫情關係食肆都好安靜，吃吃聊一會都愉快。不能讓有溫度的小店做不下去，有空還是會去坐坐。下次再嚐他們的肥媽咖哩

食左好多年屯門碼頭既餐廳，尤其是啟豐商場裡面既鋪頭食既頻率最多，但都冇食過呢一間，估唔到食落去既驚喜有咁大。。嗌左個「香辣雞扒飯+凍奶茶」，個飯黎到時有啲驚訝，佢塊雞扒至於有一個成人半邊面既size，而且岩岩炸出，成塊脆口得黎又好肉。加埋啲秘製辣汁，令成個口感+味道更加豐富。最後杯奶茶，配合番鋪頭名，味道還好。同行仲有朋友嗌左個香辣米暹食，個米暹黎到應該係米線的朋友黎，賣相就還好。朋友食落都覺得味道不錯，但就話都係我個雞扒飯吸引啲

今早早餐和老公 在這裏嘆，喜歡這裡可以轉蟹黃麵，另可以配火腿漢堡排煎蛋那些，選配兩款，奶茶好飲香滑，不過今早我就吃了番茄碎肉通，不夠酸有點鹹，如果午餐 可以選擇喇沙類的麵食或飯類，可以一試。

屯門碼頭的啟豐商場，有不少有趣的小店。剛巧，今早被女朋友召喚，經她介紹下，試了這間，榮記奶茶。特色是，早餐的面食，除了可改成出前一丁，更可改成由日本製造的，蟹王麵，同出前一丁一樣，是香港第一代進口的即食麵，已經超過50年的歴史。我當然毫不猶豫，將早餐的面食改成蟹王麵。五香肉丁蟹王麵，配咖央包，煎蛋及漢堡扒，配凍咖啡，盛惠36元，價錢合理，以且有多種不同配撘，亦可選配魚餅、午餐肉等等。不到五分鐘就有得食，包，蛋，漢堡扒，就普普通通，至於五香肉丁蟹王麵，麵質跟出前一丁比，麵身較幼，口感較淋，略帶煙韌，油香味較少，有趣。與出前一丁形成，一剛一幼的感覺。榮記奶茶 抵玩指數 1+/3地址: 屯門湖翠路138號啟豐商場地下1A5號舖緣份天成，初心為本。喜歡用文字分享我的味覺之旅，有興趣請follow我～緣食魔宮。抵玩指數最高為三星，所有不用自掏錢包或劣評者， 將不給予抵玩指數。

啟豐雖然有好多餐廳，但我來來去去都係幫襯果幾間，食早餐我就鍾意呢間，缺點係坐得唔算舒服又冇卡位，但啱口味好重要，而且呢度店員都好nice。三十幾蚊就有個咁豐富既早餐，而且分量十足，多士仲包烘底。五香肉丁通粉，五香肉丁都有一大湯匙份量架，通粉仲食極都有咁，仲要跟埋生菜，而家周圍食湯粉麵，都好少跟埋菜架喇。泰式魚餅，早餐必食，好正宗既泰國風味。凍檸茶茶底夠濃，檸檬新鮮，非常茶記風味。食埋塊多士同腸仔，真係飽到午餐都唔洗食喇！

榮記奶茶，有早餐午餐同埋晚餐，座位唔算多，食物用心製作，因為呢度有出前一丁同埋蟹肉麵俾你揀，都係加兩蚊! 奶茶係值得讚! 滑又香，茶胆正!豬扒薄身，佢嘅細心位係煎豬扒，佢都係切開咗畀你，唔需要話成塊咬開。仲有好嘢! 呢度除咗牛油烘底多士之外，仲可以選擇咖央包。嗰日朝頭早嚟食早餐都好多人，全場坐滿。五香肉丁my favourite 個份量‘‘剛剛好‘‘，仲陪生菜，我覺得ok喎。早餐可以食到呢個價錢，而且又有心製作覺得值得推介。屯門碼頭啟豐商場，其實有好多嘢食大部分都係小店經營，冇連鎖餐廳，所以各有特色。

轉咗新工作環境，變咗本身住九龍嘅我要係屯門揾食…諗食乜成日都成為我同男朋友嘅煩惱因為工作地點所限，每次放工都只係想去近近哋嘅屯門市中心食… 但係佢大數係被連鎖餐廳佔領，令到鍾意食特色小食嘅我哋食到有啲嫌好好彩有一日俾我哋揾到呢間榮記! 佢嘅雞排真係好好好出色，肉質好鮮嫩又唔會油膩，個雞肉同皮仲grill得好入味，又唔太貴，只係50左右! 不過唔包嘢飲，叫飯可以以半價加飲品，一杯要大概要十蚊…總括而言，食物質同量都好，只係唔包嘢飲。

屯門啟豐商場 大部分食店都係以小商戶為主 被稱為廉價美食天堂 今日突然想食喇沙 就去到榮記奶茶叫咗個咖哩喇沙魚餅參參加凍奶茶，參參即係米粉加油麵， 咖哩喇沙湯底夠濃厚 夠曬椰汁味 魚餅煎得香脆可口其他配料有半隻雞蛋加豆腐卜，成碗麵都好有馬來西亞喇沙嘅味道，奶茶都好夠茶味。