榮記粉麵

营业中

休息中

得閒經開都會嚟榮記食早餐，老字號嚟㗎喇。最中意佢個餐肉煎蛋出前一丁，加杯奶茶，夠哂滿足。出前一丁煮得剛剛好，唔會焗到淋晒，仲帶點爽，加少少錢都抵；餐肉煎到焦香脆邊，唔會太鹹，配煎蛋個流心勁靚；奶茶厚茶底，奶香啱啱好，飲落唔澀。其實過嚟食都係為咗杯奶茶。平時中午都會食佢嘅乾炒牛河，鑊氣十足，牛肉嫩滑，唔會太油。成日見住店員對住熟客都記得晒口味，啲人情味喺啲大連鎖搵唔返。價錢親民，份量足，街坊平靚正之選。

估唔到嚟到冬菇亭都有咁出色嘅扒飯食，黃大仙下邨係我嫲嫲舊地址，以前細個成日都會喺度玩，咁耐冇返嚟，估唔到冬菇亭仲喺度，今次叫咗呢個雜扒飯非常之豐富，入面有牛扒腸仔魚柳煙肉，份量都好多，而且最主要都係個黑椒汁，估唔到執得咁出色香辣惹味，另外再點咗杯熱奶茶，奶茶非常好飲調教得又香又滑，唔怪得咁多人叫奶茶飲咁多年冇嚟食，仲感受到冬菇亭果種舊情懷，我覺得真係值得好好保留，始終都係香港特色之一，呢種風味買少見少了

呢間榮記粉麵真係由細真到大，平時我都好鍾意食茶記，但你問我最鍾意一定係大排檔嘅茶記，特別有種情懷感覺，就算好簡單一個茶餐都特別好食，茶檔最緊要杯奶茶，呢到沖得夠香夠滑，茶膽做得好好，所以平時好多奶茶控嚟嘆茶，另外簡單如一碗五香肉丁公仔麵都煮得好味，麵煮到剛好唔會過腍，好怕出面煮到過哂火位，另一樣呢到嘅五香肉丁貨係一粒粒肉丁，唔會係平價剩係得啲肥膏，呢點都好緊要，價錢上都合理，希望呢類冬菇亭好好保留，始終係香港特色之一

平時番工放午飯，最吃不厭的還是茶記正氣麻甩飯，因為最快靚正～呢日黎左 榮記茶餐廳 位於黃大仙大排檔冬菇亭果邊!茶記設有戶外座位，午市時段人氣都好旺，應該都是呢區街坊經常幫襯平民食堂！快餐1日有9個選擇都算多！芙蓉蛋飯 芙蓉蛋大小必須要整塊蓋住白飯，蝦肉、叉燒、火腿都不能少最後要加埋靈魂豉油，完美！同事點了粟米汁火腿雞扒飯粟米汁望落不錯，不會是白汁！熱奶茶 茶記必點熱奶茶，用的是傳統黑白奶！茶底濃厚，口感醇滑！

黎黃大仙做野見到近近地有冬菇亭就入去食下野順便避避雨🙊發現冬菇亭入面都幾多唔同嘅餐廳，以冰室，傳統茶餐廳為主，有d似我地以前細個會去嘅地方🫢衛生都有改善同埋冷氣都幾夠涼，店員都會推介一下是日午餐咁😉餐廳有提供唔少茶餐廳傳統嘅餐點🤗我就點左五香肉丁麵加熱鮮奶😆因為即刻整所以麵質唔錯🤓牛奶係支裝鮮奶再煲熱😌我見到多數食客都會點一d碟頭飯🤩食落熱辣辣😌有下午茶餐嘅炸雞髀同薯條都多人會點☺️

同老婆去吃碗粉面，大排檔，衛生一定比其他差，但起碼食物要乾淨，食碗牛腩米有4條毛，問侍應，竟然話牛腩一定有毛，我真係第一次聽，連幾十年街坊都昆，以後唔會幫襯。之前已經有好多次外賣側側搏雙拼變單拼，打去問，佢話你拎碗面返轉頭，俾返錢我，試問有邊個會？一來一回都變哂質啦。不知所謂。

今日以為Boss會返公司，我仲晨早流流返到去安排好一切... 點知佢原來安排咗自己 #留家抗疫 👉🏻👈🏻 自作聰明嘅 #小秘書 只好快手快腳完成手頭上嘅工作，諗住lunch time就可以返屋企繼續努力。點知都唔知係我手腳慢、定係太受歡迎😅 一個接一個嘅message、email，仲有無限電話資訊，搞到我連lunch都未食直踩到4:30。既然已經到法定放工時間，我仲唔嗱嗱聲執好啲野去搵嘢食醫肚咩😅 只不過我又唔敢 #堂食，諗起 #轉車站 附近有個 #冬菇亭（大排檔），一於去買個 #外賣 返屋企慢慢歉啦。#冬菇亭 一帶似乎衛生麻麻，不過一場嚟到冇理由又走，最近入口係「榮記」，一間專賣 #粉麵、#茶餐 嘅 #小店，醒起有人話咗佢哋啲 #牛筋腩河 好正，一於試吓。大概20分鐘左右，我終於返到屋企，打開 #外賣碗，啲湯似乎都被河粉索乾哂，不過外貌都仲幾好嘅。#牛腩、#牛筋 都炆得幾淋滑，不過啲 #河粉 食落味道怪怪地，唔可以話佢酸，不過... 總之唔知點形容😅 結果我連一碗河粉都食唔晒👉🏻👈🏻 試過一次怕怕lu 😅

本以為冬菇亭應該大眾化及有街坊味，所以試一試。餐廳內都多人，又見到鼎爺幫襯照片，所以就算環境不理想，都繼續留低，叫了兩份早餐，餐蛋及包都冇誠意，全部都係放咗一段時間，夾起放碟，鮮牛米線，火腿通粉，通粉徧咸，米線稔囇，牛肉冇味。每份早餐收$37。完全失望，影響心情。

本人就讀附近中學 就快差唔多畢業 問我平時番學食咩去邊度食 梗係去大排檔「冬菇亭」 係排檔食午膳幾乎係日日都去 親民學生餐30蚊 唔使排隊等位 午餐日日唔同野簡 碟頭飯份量足 包埋野飲。室外D檯都可以食煙 帶埋寵物。有次放完農曆年假番學過去食晏 事頭婆仲一人派一封利是 滿滿的人情味 係依度食飯我最鍾意食係「免治牛飯」同「咖哩豬或雞飯」逢是日午餐有嘅話我必定食。某次是日午餐出過個「照燒汁肥牛飯」叫上之後 眼見超多肥牛 多過唔知吉野家多多聲 個汁超正 一個字「好食」，不過淨係食過果一次 之後再冇見到呢味。榮記一食食咗3年 有時暑假過去黃大仙玩都係行去食 排檔帶給我不單係日日新嘅是日午餐 仲有係中學生活的記憶。