影片
营业时间
今日营业
07:30 - 22:00
星期一至日
07:30 - 22:00
以上资料只供参考，请与餐厅确认详情
今日見中醫，足足等了嗰鐘，餓到肚都扁，決定叫男朋友陪我在附近食飯。男朋友簡簡單單揀咗間粉麵店，環境光猛，乾淨企理，地方寬敞，內裏中式設計，都幾優雅。主打粉麵，亦有幾款飯類、酥炸小食、飲品和一些火鍋配料。我們叫咗兩碗雙拼麵、一碟油菜和兩杯飲品。的確上得快，轉頭就上枱。我要牛筋墨丸雙拼河加紫菜 ($41+$10+$8)，河粉份量多，滑嘟嘟，連一羹腩大啖吃最正！紫菜又滑又香，完全無沙；墨丸非常彈牙，仲食到大大粒嘅墨魚，鮮香！牛筋腍滑，好有膠質，味道香濃，正! 男朋友要牛腩併水餃河（$51 +$10）。鳳城水餃唔算大大隻，但外皮薄滑，包住蝦肉、木耳絲、鮮肉碎，爽口鮮香。牛腩有咬口，唔太肥，有牛香。支裝豆漿（+$8）好抵飲，呢嗰品牌都幾有豆香。熱檸蜜（+$11）內有三片檸檬，酸咪咪加了甜美的蜜糖，滋潤解膩。
继续阅读
成個將軍澳都有嘅樂園，基本上平時諗唔到食咩就會去買碗外賣，唔知幾時寶琳開咗呢間坐得咁舒服嘅分店😮今日經過就入嚟順便食個晚餐✨四寶丸米粉 $52包括咗招牌魚蛋、魚片頭、爽滑魚餃同埋新鮮肉丸👍🏻配料都係自家製，同大型連鎖嗰啲店鋪相比口感好唔一樣，呢度嘅魚蛋粉都算係我由細食到大，佢嘅魚蛋同埋魚片真係好彈牙而且有味道！但今日想食多啲料豐富啲，就食四寶丸🤣✨牛三寶河 $64牛三寶河嘅份量真心好足，有牛腩、牛筋同埋牛肚😋✨同埋大部份都炆得好腍，尤其係牛筋同埋牛肚！加上充滿腩汁味，一咬落去淡淡肉汁又好鮮嫩，呢個價錢好抵食，抵佢食咗咁多年都仲有咁多人食！另外仲有自家製辣醬✨套餐加配飲品🥤飲品方面，晚市要加配，價錢正常亦都都有唔少嘅特飲選擇
继续阅读
想快靚正食個港式麵就去咗呢間樂園 呢間餐廳由朝到晚全日同一個餐單 朝早就送嘢飲平時都人頭湧湧今日食咗個四寶丸河加紫菜粉面嘅湯底幾清澈 熱辣辣飲落口舒服四寶丸包括魚皮餃、魚蛋、墨魚丸、魚頭，所以成碗都係白色我加咗紫菜，令到呢碗粉麵多咗重口感，份量都幾多牛腩雙拼韭菜餃撈粗嗌咗撈粗 份量大好多撈粗係粗麵+蠔油+清湯分開上仲有幾條菜牛腩肥瘦適中，啱啱好韭菜餃，幾好味，大大粒叫埋豆漿同埋凍檸蜜呢度仲有其他小食魚皮啊，或者其他炸嘢多啲人可以一齊食
继续阅读
今日去左將軍澳新都城中心，正是晚餐時間，竟然俾我見有樂園魚旦專家，依間聽講平靚正就好食，二話不說就入去食啦，地方好乾淨，裝修都好明亮企理。Menu上有好多選擇，有丸牛餃等粉面，仲有飯，小食菜等。我就食左個四寶丸揀河粉，朋友就牛雜河粉。唔洗等一陣就即刻熱辣辣大大碗送上黎啦，四寶有豬肉丸，墨丸，白魚丸，魚皮餃，魚片頭，粒粒大粒又彈牙好食，湯底清甜冇味精，而且河粉好細嫩柔滑，好正。朋友嘅牛雜河粉都好正，有牛肺，牛腸，牛肚等等，食落冇牛異味，湯底牛腩湯正，枱面仲有仲有醋同埋辣汁，可以加落去更加惹味，我覺得份量岩岩好，都可以加大，一碗最平3十幾元係大商場食到咁好食晚餐真係超值。
继续阅读
今日黎到寶琳新都城，想食碗牛腩麵😋呢間舖就喺新都城三期接駁著港鐵入口，一入黎就見到，好方便。星期一下午5pm，都要等幾分鐘先搵到位坐，好full👍🏻餐牌簡單易明，有招牌魚蛋、墨丸、片頭、特別嘅鮮蝦韮菜餃、扎肉、魚餃；鍾意食牛嘅話有牛腩、肥牛、牛雜、牛肚、牛筋可以揀。小食選擇也很多，有蝦餅、墨魚卷、魚皮等等。如果唔想食粉麵，亦可選飯，有咖哩飯🍛我地叫左一碗五香牛腩米線、一碗秘製牛雜幼麵、一杯凍檸蜜、一杯凍檸賓。牛雜麵有牛肚、牛腸、牛肺、牛膀，好有肉香、有牛嘅鮮味🤤，值得一試👍🏻牛腩入口即溶，肥瘦好均衡，米線亦有咬口，湯底鮮甜！👍🏻檸蜜好飲，唔會死甜；檸賓依家好少見到餐廳有整了，有興趣嘅注意啦食材亦可零售購買，下次買番屋企打邊爐試吓先！😋
继续阅读