樂園

营业中

休息中

呢間食店雖然位於街市樓上嘅熟食中心，不過就非常出名，蔡瀾都推介過唔只一次。我食咗好多年，食物質素亦都一直維持高水準。沙嗲牛肉西多士未嚟過呢間餐廳嘅朋友，一見到呢款多士都有啲抗拒，因為佢哋想像唔到沙嗲牛肉配上西多士係乜嘢味道，而通常試完之後都覺得係好新鮮嘅味覺體驗。我就嚟親都會叫呢款多士，因為又鹹又甜但係味道又好夾，真係只係呢度先食到。奶油脆豬脆豬夠脆，奶油夠香，都唔錯。鮮奶紅豆冰平時其他餐廳叫嘅紅豆冰差唔多半杯都係冰，呢度抵飲好多，絕對真材實料。佢會俾半杯紅豆蓉同一支樽裝鮮奶等你自己溝。啲紅豆煮得好溶又唔會過甜，成杯都係精華，好抵飲。

想同米奇老鼠食飯嘅朋友注意⚠️！唔使去迪士尼樂園啦，過嚟九龍城樂園一樣有米奇同你食飯唔只啊，仲有曱甴近距離接觸活動。大家有興趣歡迎嚟捧場。店員冇禮貌就預咗㗎啦，唔知上次乜事。最老嗰個簡直串到一個點，一朝早串串共，畢竟呢度名氣大多你一個唔多少你一個客冇所謂。收銀哥反而態度唔錯，其他人態度都還好。可能名氣太大啦，水準都大不如前。奶茶成大杯都係冰。個面淡茂茂，炸雞扒縮晒水，又乾又柴，以前唔係咁㗎！食咗咁多年，九龍城好食嘅唔係得你一間，平日過嚟都係為咗回憶吓，既然呢度唔歡迎嘅，算啦，以後唔會再幫襯

【2024 年 10 月】有一段時間冇嚟囉 ~~ 依然咁旺場 ... 仲改咗用手機點餐 ...平時都會點份沙嗲牛肉麵但聽到店員話沙嗲牛肉西多得返一份即刻好順手咁點咗一份 ~~。沙嗲牛肉西多士 HK$38。熱奶茶 HK$21西多士炸至金黃酥脆面層加上大量煉奶和牛油裡面仲有滿滿嘅沙嗲牛肉餡沙嗲牛肉與香脆西多又幾夾喎 ~~入口香脆又甜又咸，味道好豐富每一啖都超邪惡，但又好滿足 ~~樂園位於九龍城市政大廈三樓嘅港式茶檔由於有蔡瀾先生嘅加持，非常旺場架店面更掛著蔡瀾先生提字嘅墨寶「勝過鮑參肚翅」

好日都唔出九龍城出到去專成上熟食街市樂園食沙爹牛肉麵凍鴛鴦。退曬步拎到嚟碗麵熱都唔熱😮‍💨仲要睇個樣牛肉碎濕濕 一食落去牛肉同紙皮冇分別如同食牛肉乾都唔緊要最慘係啲湯個麵鹹...🤮🤮🤮🤮🤮🤮到完全接受唔到從來唔浪費幾難食都清曬。但今次佢真係食唔到...😅😅杯茶都唔知點解要沖咁耐,食到一半杯茶先到還可以！過幾鐘頭都仲係好鹹要去麥當勞飲杯齋啡漱口清一清啲鹹味...😅😅 請都冇下次呀...😅😅

靠吹捧，雪菜沙嗲牛麵又鹹又難食，齋一碗麵唔包野飲。最離譜係個炒米粉，$7x 又行又一般，落單到碟米粉炒到出嚟需時30分鐘，淨係用椰菜、蛋、午餐肉同肉絲炒，自己諗下值唔值！走嘅時候出面排哂隊，好彩我食嘅時候唔使等位，如果唔係時間都浪費埋

喺唔少沙嗲牛肉麵關注組，除咗同，位於九龍城市政大廈嘅樂園都有唔少人吹捧，當年蔡瀾食完甚至贈左一句：勝過鮑參肚翅！放假就一於去樂園潮聖食碗沙嗲牛肉麵做tea啦！沙嗲牛肉麵: 沙嗲味唔會太濃太鹹，食完唔洗洗賢。不過牛肉雖然無筋，但超嚡好韌。有唔少人話佢嘅牛肉嚡口係因為佢無落鬆肉粉，所以食嘅時候比較健康，但真係咬唔爛呀！麵軟硬適中，但因為沙嗲唔杰，所以唔掛汁。沙嗲牛肉西多士:相信呢度嘅名物唔係沙嗲牛肉麵，反而係沙嗲牛肉西多士。一聽到沙嗲牛肉配西多士，幻想又鹹又甜，點會夾㗎！但真係好好味，切開西多士，沙嗲牛肉碎多到流出嚟，加上煉奶同牛油，一鹹一甜而西多士熱辣香脆，味道好豐富有層次。

香港區指定茶檔已經消失咗喺我個list度啦 而家得返九龍區呢間咋今朝去法國醫院body check ，順便梗係去埋樂園啦。食嘅嘢都係我嘅指定動作⋯⋯豬扒麵+沙嗲汁熱奶茶 勁邪惡嘅組合，一路食都有啲罪惡感結果成個下晝都唔使食嘢😬叫咗自己下次要叫第二樣嘢食（希望自己記得啦🤣）又係一種情懷 希望呢間keep到啦 （不過如果遲啲九龍城街市都要拆 如果搬咗去第二度肯定又有啲唔同😮‍💨

因為好評眾多慕名而來，最終有點失望。排咗約5分鐘隊入坐，QR code落單，期間見到有小小強行過。落order揀咗沙嗲牛肉麵、炸豬扒、班蘭咖吔多士、奶茶紅豆冰。沙嗲牛肉麵：麵未煮透，略生硬；牛肉質感較乾硬、沙嗲汁味道不錯，奈何同牛肉係接近完全分開。總括嚟講，同坊間其他沙嗲牛名店截然不同，個人不太喜歡。炸豬扒：味道、質感正常，但不太似名物質素。班蘭咖吔多士：烘得唔夠色，味道正常。奶茶紅豆冰：奶茶底不算突出水，偏淡茶味，有紅豆溝一溝可以彌補到，唔知凍/熱奶茶茶味係咪用同一茶底？

🕐早上7:15至到下午3:00 （*只限星期一至六，星期天及公眾假期不會營業）～最喜歡吃這家的炸豬扒麵加沙嗲汁，價錢非常親民只需要$29港元🐷炸豬扒外層十分脆皮，不會像吃粉團一樣剛剛好，內裏的豬肉也很嫩口。沙嗲汁不是辣的，但是味道很香口。如果你喜歡吃辣的話，餐枱上有辣椒粉可以自行添加啊

樂園 @ 九龍城記得once upon a time bakbak睇阿蘇介紹樂園既紅豆冰奶茶同沙嗲牛肉西多而黎幫襯bakbak呢d老人家對d反傳統既野接受情度好低…所以一路都係點d傳統口味 黎呢度bakbak只點三樣野…1. 沙嗲牛肉 2. 辣菜莆肉碎煎蛋3. 雪菜炒米 沙嗲牛肉調味啱口味…牛肉質素唔錯…唔會係加左好多鬆肉粉嗰種。加上個湯都有沙嗲醬…好飲…次次個碗都可以照鏡 雖然就咁肉碎+菜莆+加蛋煎香…不過呢個配搭就好夾。雪菜炒米…每次黎必點…就咁…雪菜…午餐肉…蛋絲…米粉炒埋一碟。看似好簡單…但炒得乾身…雪菜處理唔錯…好味。除左感覺貴dd當然呢度有d紅豆冰奶茶…沙嗲牛肉西多呢d新口味大家都可以試下如果想黎就要早少少…咁就唔使排隊#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #九龍城 #樂園 #

今日去咗樂園咖啡，試咗佢哋嘅招牌豬扒煎蛋飯，真係值得一讚！🥰首先，呢個豬扒厚度啱啱好，煎得外脆內嫩，肉汁保持得相當好。每一啖都可以感受到豬肉嘅鮮味，配埋少少豉油更係一絕！🤤至於煎蛋，煎得非常完美，蛋白滑溜，蛋黃仲係半熟狀態，輕輕一叉就流出嚟，拌飯一流！🍳講到配料，鹹菜係一個驚喜，唔會過份搶味，反而帶出一絲清新嘅口感，令整體味道更加豐富。🍚飯方面，粒粒分明，唔會太濕亦唔會太乾，配合豬扒同煎蛋，真係食到停唔到口。😋樂園咖啡嘅環境都好舒服，服務員親切友善，令用餐過程更加愉快。👍總括嚟講，呢個豬扒煎蛋飯係一個性價比高嘅選擇，想搵一個簡單而滿足嘅午餐，呢度真係唔錯！📍如果你未試過，真係要去試下，保證唔會後悔！💯

今天與太太到九龍城市政大廈買餸，準備離開時遇上傾盆大雨。我們打算到附近的泰國餐廳用餐，大雨令我們改變主意，不如到3樓的熟食中心吃午飯。大部分店舖都關門，只有「樂園」正在營業。其餘店舖是泰式食店和兩間中式粉麵店。「樂園」佔據半個熟食中心，他們用QR碼落單。餐單的選擇不多，沒有提供套餐。在餐單上見到豬肉鬆西多士，有趣😁，再來一客鹹牛肉蛋治烘底。可惜我不喜歡奶茶，否則一定試試奶茶紅豆冰，我點了一杯咖啡加煉奶，「啡走」。吃一口豬肉鬆多士，味蕾感到鹹與甜的交錯，少少脆的肉鬆又與軟綿綿的多士交織著，開心🥳鹹牛肉蛋治的蛋香伴著鹹牛肉，更有脆邊的口感，不錯👍🏻咖啡沒有一般茶餐廳的酸味或燶味，這是很少遇上的美味咖啡，令人對港式咖啡改觀。

樂園位於宋皇台地鐵站附近，九龍城街市及熟食中心頂層3樓,大約十分鐘便到達，地點方便👍附近也有很多特式小名及餐廳🍴有冷氣但不太夠冷衛生情況有待改善🫠没有套餐，所有食物及飲品都是單點✅用QR CODE洛單💰紅豆冰 夏日炎炎，喝到一杯冰凍的紅豆冰，甚好🤩沙爹牛肉西多士 沙嗲牛肉西多士對我來說有點奇怪🤔西多士外表炸至金黃色 很香脆😋沙嗲牛肉咸咸的味道跟甜甜的西多士混合起來不是我個人喜歡的囗味，但喜歡獨特口味的人嘗試一次還是值得的🤭橫匾上面蔡瀾的墨寶寫住「勝過鮑參翅肚」，也是一個打卡的好地方🎉

位處九龍城街市頂層衛生情況有待改善但氛圍很有舊香港冰室的格調繁忙時間亦而搭檯 出餐時間亦略需時間等候😋🧋奶茶紅豆冰 $27茶及奶比例剛好 茶味濃郁 入口順滑 紅豆粒份量也多 但價錢稍為貴了點😋🥧沙爹牛肉西多士 $38外表炸至金黃色 很香脆 切開內裡的沙爹牛蜂擁而至 其他餐廳很少有的匹配 值得一試🍝樂園雪菜炒米 $70茶式在餐牌上大大隻字顯示 又寫明等候時間要10-30分鐘 所以點了來吃看看究竟 但個人覺得較普通 未有期望般特別雖然炒得乾身 內裡有雪菜 蛋 午餐肉 用料也是普通 覺得稍咸 價錢跟質素不成正比

做咗人幾十年，近呢幾年我終於搵到唔同區域嘅一啲療癒食店分別係港島區大坑同九龍區九龍城雖然唔係啲咩特別嘅嘢食都係一般茶餐廳大排檔亦都有佢哋各自嘅態度，不過唔知點解話佢話佢囂張，但係點都會死死地氣走埋去呢間有蔡瀾提字嘅街市熟食店，以前兩個人可以share，而家一個人唔share咪自己食晒佢囉。必點就係豬扒麵加沙嗲汁 熱奶茶 雖然港島區嗰間都係出名豬扒，不過我就中情呢度嘅炸豬扒 雖然又要自己切（以前都有人代勞）自己切好巴閉咩？又唔係唔識切？雖然近期有個變奏版蔥油撈麵（沙嗲汁）不過我都係希望有啲濕濕地 其實奶茶我就覺得冇大坑嗰間咁正宗（不過其實而家質素都下降咗）但係大排檔，點都要飲杯熱奶茶啦！ comfort food ❤️永遠都咁多人排隊有一日我仲撞到吳林峯🤭