樂園

营业中

休息中

喺唔少沙嗲牛肉面关注组，除咗同，位于九龙城市政大厦嘅乐园都有唔少人吹捧，当年蔡澜食完甚至赠左一句：胜过鲍参肚翅！放假就一于去乐园潮圣食碗沙嗲牛肉面做tea啦！沙嗲牛肉面: 沙嗲味唔会太浓太咸，食完唔洗洗贤。不过牛肉虽然无筋，但超嚡好韧。有唔少人话佢嘅牛肉嚡口系因为佢无落松肉粉，所以食嘅时候比较健康，但真系咬唔烂呀！面软硬适中，但因为沙嗲唔杰，所以唔挂汁。沙嗲牛肉西多士:相信呢度嘅名物唔系沙嗲牛肉面，反而系沙嗲牛肉西多士。一听到沙嗲牛肉配西多士，幻想又咸又甜，点会夹㗎！但真系好好味，切开西多士，沙嗲牛肉碎多到流出嚟，加上炼奶同牛油，一咸一甜而西多士热辣香脆，味道好丰富有层次。