樂園

营业中

休息中

的確! 來到現在的九龍城已經變成好多年青人來hea 嘅美食街自從地鐵開通宋皇台站後更見人流暢旺。而座落於市政街市內嘅"樂園"! 好早之前已經知曉但礙於營業時間嘅限制。假日來到又例必人龍排隊。直至疫情的關係工作性質改變, 平日放工又或者返工前都有機會可以安排到來試一下。這裡沒有套餐就好耐之前已經係咁。 以前覺得佢幾貴下因為當時嘅茶記比現在平20- 30%不過依家佢都只係一般啦～因為周圍嘅茶記都收緊咁上下嘅價位而質素係不變嘅。來樂園試咗幾次, 始終佢嘅西多士係一絕。其實佢真的是好有心機去成就呢件西多士。由沾蛋漿開始全件都好平均。半煎炸嘅火喉都控制到全件一個色。填入內餡嘅碎牛似係人手切碎做成咬下去時那丁點同牙齒對抗嘅力度。沙嗲味道溫和同練奶微甜成味覺上對比。以33蚊來講做嘅功夫落咗唔少係物有所值的。紅豆冰奶茶$26 亦是同樣兩者互相平衡地在味蕾上展示出來。而另一次試嘅炒米粉$66 同$20熱奶茶兩樣都似屋企住家制作嘅口味。米粉嘅配料品種有幾多下, 話佢似屋企炒因為少油。雪菜唔咸即是前工序做得到位啦～熱奶茶也是有股屋企以前沖"立頓"茶包嘅紅茶味! 服務方面: 唔使抱太多嘅期望會感覺良好一點吧！

呢度無餐set,全部單點，間唔時就會上嚟食西多士。今次試咗新野，阿華田西多士中間有阿華田醬，炸得金黃香脆，外脆內軟，面層仲有啲卜卜脆米，增加左口感，令到成件事再精彩啲！有驚喜！炸雞飯既炸雞香脆juicy唔油膩奶茶紅豆冰嘅紅豆煮到好林好正！

一間九龍城平民美食，位於九龍城熟食中心，即係九龍城市政大廈3樓。📍樂園 1. 炸豬扒配沙嗲汁撈公仔麵⭐️⭐️⭐️⭐️為左佢會回頭！豬扒炸得香脆，但重點係佢個沙嗲汁撈麵😍😍真係一試難忘，明明看似咁普通既茶記食物，都可以整得與眾不同！2. 招牌沙嗲牛西多士⭐️⭐️⭐️超滿足😍西多士入面夾住好多好多沙嗲牛肉😋😋😋3. 奶菜紅豆冰⭐️⭐️⭐️Fusion野🤣🤣🤣一試無妨😙🍽 環境 ⭐️⭐️🤵🏻‍♀️ 服務 ⭐️⭐️😋 味道 ⭐️⭐️⭐️⭐️💵 CP值 ⭐️⭐️⭐️⭐️🤓 Overall ⭐️⭐️⭐️⭐️😇 回頭度⭐️⭐️⭐️⭐️

試新野試得多，其實最感興趣嘅都係代表到香港嘅懷舊系列🍴 而今次就專程嚟到九龍城嘅「樂園」食馳名嘅西多士🍞《 沙嗲牛肉西多士 》$33 4.5 / 5即叫即整嘅西多士，煉奶嘅份量超多，卡路里爆燈🤤 以為鹹嘅西多士會好怪，點知出嚟嘅成品又幾夾！沙嗲牛肉夠鹹香，牛肉切碎易咬口感佳👍🏻 西多士四條邊好酥脆鬆化，凍左都脆脆的唔算好油膩😋 《 豆沙西多士 》 $30 4 / 5好濃郁嘅豆沙餡😌 紅豆大大粒仲食到完整口感，好爽口👍🏻 而因為豆沙餡本身都甜，所以面頭糖漿無咁重手，甜度適中😎 《 鴛鴦紅豆冰 》 $26 4 / 5鴛鴦無論啡味定茶味都濃郁，紅豆都係同豆沙餡一樣大大粒👍🏻 整體不過不失，維持到老字號嘅水準👍🏻 只係未到特別驚艷，未試過嘅朋友可以一試😋👍🏻

聽聞呢間沙爹牛肉麵出色聞名不如見面，落黎食個早餐！炸豬扒沙爹汁撈出前一丁影相賣相一般 但勁好食😋推介指數：⭐️⭐️⭐️⭐️沙爹牛肉西多士 $33淨西多士會比較好食 加埋沙爹牛肉 又咸又甜 ，有點怪怪的。凍奶茶：$22飲品無跟餐要單點，比較唔抵，可以唔叫。

想食好耐，有日早上咁岩要去九龍城做d野，所以順理成章要黎呢到食早餐。就咁叫左個沙嗲牛肉西多，早餐食都算heavy, 不過咁耐先一次唔緊要啦🤣🤣🤣熱辣辣，面頭有舊牛油同煉奶，配埋d沙嗲牛肉黎食，出奇地夾$33蚊當然唔算平，但好滿足！

樂園茶餐廳位於九龍城熟食中心入面😚有唔少名物都幾值得一試 例如沙嗲牛西多士🥞奶茶紅豆冰🥛❤️小編之前都有介紹過😼✨今次二訪就試另一款名物啦(๑•̀ㅂ•́)و✧ .① 阿華田醬西多士($34)// 西多士幾鬆軟🤏🏼表層灑上可可脆米令成個西多第一啖做到脆卜卜效果😻中間有阿華田醬脆米夾層🤎華田醬份量多 配西多原本嘅牛油鹹香 淋上埋甜煉乳真係超級無敵邪惡😈 整體唔會太甜不過少膩//Food：🌕🌕🌕🌕🌖🌑② 沙嗲牛麵 ($30)// 茶記名物點少得沙嗲牛😼不過依間嘅用嘅牛肉偏老所以咬落會少少韌🤏🏼麵質幾爽口🍜至於沙嗲湯底就唔算好濃同埋做唔到好稠身嘅效果 而且都無咩花生香🥜整體質素只是可以🙈應該入唔到沙嗲牛關注組嘅排行榜啦~//Food：🌕🌕🌕🌕🌗🌑.🎠樂園 (九龍城)九龍城九龍城市政大廈3樓6號舖🍮#aiiifoodie

因為book咗喺九龍城做泰式按摩所以去按摩之前想食個滿足嘅早餐先！朋友推薦黎九龍城熟食中心食茶記睇睇依度嘅餐牌先全日都無套餐所以全部都要散叫㗎價錢比一般茶餐廳貴聽朋友講依度出名係炸豬扒但今次就無點喇點咗一個五香肉丁麵同一杯紅豆冰朋友就點咗一份阿華田醬西多士同一杯熱奶茶五香肉丁麵嘅麵質軟硬適中平時食茶記都驚麵會煮得太硬或者太淋所以比想像中好食！而紅豆冰嘅紅豆都好大粒而且好淋但未去到起哂沙無哂咬口奶味同甜度適中之後試咗阿華田醬西多士上檯好打卡able多士炸得好脆身一切開裡面原來係有煉奶同阿華田醬做餡上面仲鋪滿朱古力脆脆一啖咬落去都幾有口感！有機會都想試埋炸豬扒下次再試啦！

這間店舖有香港出名食家蔡瀾先生欽點已經知道勁嗱今次我所幫襯嘅並不是呢度最主要嘅食物因為依度最主要好食嘅食物又出名當然係炒米粉同埋沙嗲牛肉西多士啦因為每次都食呢自己都有啲厭倦今次就返璞歸真只係食嗰個粟米肉粒咖喱雞飯其實就普普通通普普通通啦朋友就帶咗個蕃茄蛋三文治如果落張相呢的而且確呢滋味十足不妨可以試吓嘢飲方面我哋都嗌左一杯凍奶茶大家可以知道一個茶餐廳嘅靈魂所在其實就係果一杯凍奶茶所以下次嚟到都一定要嗌相關嘅食物試過你就知好嘢㗎啦

聽人講九龍城其中一間必食既餐廳，難得星期六係附近泊到車，可以輕輕鬆鬆坐低嘆下。原來星期六只營業到下午2點，今朝11點左右黎到剛好空窗期不用等位，過多10分鐘已經大排長龍😆（溫馨提示：逢星期六因太多人所以只可落一次多，不能加單。所以諗清楚食乜先落呵打）這裡以沙嗲牛肉為主角，和一般茶餐廳不同，味道不會太咸，汁底也不會太油膩，牛肉鮮嫩即溶，沒有咬不開的筋，濃濃的花生味道。我本來很怕吃茶餐廳的沙嗲牛麵，每次食完都會飽飽滯滯一整天，今天都愛上了這裡的沙嗲牛風味。下次再黎要試食旦牛麵及柯華田醬多士！

九龍城除左岀名食泰國菜之外，依家仲開左好多新cafe,但今日嚟到呢頭就反而想食返啲comfort food—童年回憶舊式茶檔😛😛之前book mark左呢間樂園茶餐廳，一直都未試到，今日出開九龍城買野，襯住平日下午少人啲就過嚟食個lunch😌😌一入到熟食街市第一檔就係佢哋喇，一坐低就即刻點餐～～叫左個必食既沙嗲牛肉西多士、紅腸雞蛋一丁、奶茶紅豆冰🧋平日過嚟食都好多人，證明真係好受歡迎！！食既係童年回憶🥺🥺🥺一碗簡簡單單既腸蛋麵，真係好難會唔好食！ ！！沙嗲牛肉西多士的確無點錯，即叫即製西多，上枱熱辣辣，無諗過沙嗲牛肉可以同西多士係咁match, 牛肉非常入味，濃厚嘅沙嗲味，西多上面淋上煉奶同埋牛油🧈，炸得外脆內軟，真係超好味！！奶茶紅豆冰，都唔錯，可能因為叫左少甜，覺得差咁少少濃味！整體不錯，一定會再嚟食個沙爹牛西多士！😋😋

最近愛上左沙爹牛肉？唔係啦其實由細到大都好鍾意食只係冇刻意去搵去排隊我係... ...佛系ᶠᴼᴼᴰᴵᴱ嚟嘛😆Bookmark 左好耐既沙爹牛肉西多士一坐低就即刻點餐超吸引既西多士！😍外層既西多士炸到少少脆而牛油配煉奶就係靈魂所在🤤融合埋入邊嘅沙嗲牛肉食咸甜交融，但餡料唔會好咸食落真係好正😚鍾意食沙爹牛肉既真係要試下佢一定會一試難忘❤️呢張係冇修圖原圖直出，個色都係咁金黃個餡都係甘多咁深色嫁🤤沙爹牛肉麵就唔推薦啦色澤都幾夠，不過早排食過間更好食既自自然比下來🙈

今日去左接女朋友放工，佢帶左我地附近既樂園度食沙嗲牛~之前去左幾次都咁岩無開門，摸門釘~今日終於食得到喇我地叫左個沙嗲牛肉米，沙嗲牛肉西多同埋鴛鴦紅豆冰🐮沙嗲牛肉米沙嗲味帶香濃花生味同偏辣~湯底十分濃厚，有沙沙既感覺～牛肉係有口感，有牛肉味，唔會醃到無晒味~ 🍞 沙嗲牛肉西多個西多士真係好好食，炸到超香脆，最抵讚係食到最尾都係脆，一切開有足料沙嗲牛，不得了～🥤鴛鴦紅豆冰都係呢度出名名物，紅豆大粒且綿~配埋鴛鴦好夾~好邪惡又好好味既一餐！

係九龍城番工以來食過2次2次食物都幾係叫一樣的 只是飲品有異 ✨沙嗲牛米〰️牛肉不是滑脫脫的那種 最怕食到用好多生粉醃嗰隻 呢個唔會 不過略嫌味道有點甜✨花生醬西多士🥜〰️唔知係咪我一路食一路飲谷古 所以花生醬味唔係好出 不過都好食 仲有埋牛油搽 邪惡至極喔✨熱谷古杏仁露〰️第一次見到呢個飲品 好好奇問咗店員 原來係類似牛朱古力 不過冇咁甜同扁少少苦 有少少似黑朱古力咁 而且朱力味濃d 聽到話似黑朱古力🍫+無咁甜 原本想飲杏仁露 就轉咗試呢個了 好好飲🥺 午市都好熱鬧 果然美食才能留住人心👐🏻仲可以屹立於咁多新餐廳其中！

病左成個幾月，冇唸過咁大件事，（自出娘胎都冇再入過院），連味蕾都變埋😭咁鍾意食嘢嘅我簡直係懲罰。今日返去覆診，見胃口好左啲，就唸好一定7要去街市食。平時都冇乜機會。（未好返晒已經忍唔到口，食埋晒啲唔健康又heavy 既野） 我就係唸住橫掂都冇乜味，不如食啲濃味小小刺激下個味蕾。 🤪叫左炸豬扒面加沙嗲汁 ( 又令我唸起之前有專人幫我切豬扒😩）以前有人同我share 胃口又好，有專車接送，未到已經唸好哂自己想食咩，（唸埋佢果份，好開心。） 而家食之無味，連飲奶茶都唔係好大興趣😔雖然都食鬼哂😜其實我重有好多野想食⋯［炒米粉、煎腸粉、多士⋯］幾時味蕾正常返再嚟食過！💪🏾💪🏾