樂園 (已搬遷) 新店位置

今日同個舊同學喺尖沙咀敘舊，想搵個地方舒舒服服又可以坐耐啲傾吓計，朋友推薦呢間食店。  店主推介食廚師發板，我同朋友都係有選擇困難症嘅人，見到廚師發板都幾多嘢食一於叫佢啦！上菜見到佢啲擺碟都幾靚，見到佢有比心機！侍應好細心介紹邊款醬用黎點邊樣食物，同埋叫我地先食熱食。  鐘意食海鮮嘅我一嚟到已經比個帶子吸引住，好香牛油味又唔會縮水縮到好細粒，啖啖肉！個蝦都燒得唔錯，爽口彈牙，仲要已經開咗邊唔使落手剝。個鵝肝多士真係好味到不得了，鵝肝入口即溶配埋香脆多士，好滿足！細細件份量啱啱好。另外牛柳粒唔會煎得好乾，咬落仲有肉汁，一啖一粒，唔覺唔覺就食囇！  另外佢自家醃制嘅布霖好特別，酸酸甜甜好清新開胃！冷盤嘅螺肉有少少酒味，煙三文魚份量都幾多，仲有沙律菜配芝麻醬，我地兩個女仔份量岩岩好唔會好heavy！

朝早同家姐個寶貝女行完九龍公園，之後，中午又同去佢飲茶。飲完茶，出到室外，實在頂唔順個酷熱天氣，所以，都係帶佢去室內玩下，避下暑。上來呢個Happyland，有嘢食，有冷氣，有嘢玩，hea 番一陣，然後再會合我媽去買餸今晚煮飯。個衰妹又幾識擺post。入到嚟，見到周圍都色彩繽紛，真係人都會後生啲。仲有其他小朋友喺度，家姐個女一定唔會悶。我就研究下啲card game / board game點玩。佢就滿場飛。當然唔少得要研究下食咩好。都係叫個tea set，包羅萬有。個 tea set 果然係包羅萬有。有雪糕、三文魚、蛋糕、窩夫、心太軟、沙律……最特別當然係，竟然有美少女曲奇! 更奇怪，家姐個女竟然識美少女戰士! 按理美少女戰士都起碼有二三十年歷史，點解我家姐個女會識佢嘅? 唔通通識班有教? 哈哈! 當然唔係啦! 原來，電視台有播新版美少女戰士。頭先飲茶時，佢食咗少少嘢乍，家下見到樣樣都咁得意，左一件右一件，差不多俾佢食，話又靚又好好味。玩飽食飽，又要趕去會合婆婆喇! 囡豬!

好耐没有約好姊妹食飯, 今日星期日就約她出來食個下午茶。知道樂園Happyland最新推出了一個少女心下午茶, 我們當然不能錯過啦。 上到去樂園餐廳, 裡面有兩隻貓貓。佢地好得意。有個小朋友逗一隻白色的貓貓玩。我都不忘幫貓貓影相。 先來個和風雜菜沙律, 加了芝麻醬,令整個沙律味道更突出。 我們叫的少女心下午茶,店員端上來時,我們都嘩嘩聲。因為好靚靚, 有美少女戰士sailor moon的餅點。令我們找回童年時的少女記憶。這個tea set$398 for二人份量,有好多野食, 每樣有兩件。 有蟹子吞拿魚旦青瓜卷, 戀之花煙三文魚,美少女翻煻曲奇, 士多啤梨玫瑰,蜂蜜迷你窩夫,特色雪糕,軟心朱古力蛋糕, 脆皮棉花糖雜莓鬆餅, 仲有我最喜歡的芝士焗大啡菇和黑松露雞肉三文治。 芝士焗大啡菇 大啡菇焗得軟腍, 加上芝士來焗, 的確不錯。 黑松露雞肉三文治 雞肉三文治, 加上黑松露, 黑松露香撲鼻, 整個口腔都是黑松露香。令整個雞肉三文治的味道都提昇了。 這個下午茶仲包兩杯$48以內的飲品。我叫了芒果冰, 很透心涼。

第一次黎Happyland食野 一入店俾我嘅感覺係温馨且舒適 店內嘅裝飾十分符合店舖主題—樂園 店內係呈現一種童趣嘅感覺 檣上貼有line系列公仔 好得意 鐘意黎一系列公仔嘅朋友可以黎打下卡係檣上加裝幾幅畫 再加襯幾朵花 簡單又不失樂趣 色彩豐富嘅檣壁更係喜歡拍照人士嘅最佳拍照背景Happyland 不但只提供咗一個舒適嘅環境俾食客 我種有一個驚喜發現 原來店內有一個遊戲櫃 放咗好多聚餐小遊戲 如果覺得淨係食野會好悶嘅話可以攞黎玩下 就如上圖 櫃入面有各式各樣嘅遊戲 狼人 三國殺 大富翁 黎d聚會必玩嘅都有 相入面嘅遊戲櫃只係其中一部份 種有好多影唔曬......所以Happyland好適合一大堆朋友一齊黎放鬆下心情介紹咗咁奈店嘅環境 我地係時候介紹下店嘅野食啦 當日我同我朋友兩個人去食 總共叫咗三樣野食一杯野飲一碗餐湯 total $553 黎個係小食芝士豬肉釀雞翼 雞翼包住豬肉 面種有少少芝士粉 味道同賣相都唔錯 如果點醬食又係另一種風味 黎個係主食黑松露鮮菇意大意飯 十分推介 飯一黎到就聞到一陣黑松露嘅味道 令人好有食欲 食落有少少忌廉嘅味道 米飯唔會太硬唔會太霖 剛剛好

之前已經嚟過呢度食飯， 覺得呢度環境舒服好坐，而且點坐都唔會趕你走， 可以喺度點傾都得。餐牌嘅主菜，全部加$38就可以轉套餐，配餐湯加飲品， 仲可以加$58，配心太軟或者窩夫雪糕。 今晚餐湯係蕃茄忌廉海鮮湯， 估唔到佢有好多料， 而且上枱好夠熱， 海鮮都有幾款， 而且個湯都好大碗，飲完都飽咗一半。之後就嚟主菜喇， 叫咗龍膽石斑柳，石班柳都煮得啱啱好，魚皮夠脆口， 又有薯蓉同菜，營養均衡～呢度有好多唔同飲品， 今晚叫咗菊花花茶，呢度可以叫佢加熱水， 唔會只可以飲一壺， 絕對唔會浪費， 佢哋落花茶都落得好重手，所以好夠味，倒出嚟已經聞到好香， 同埋睇到佢哋係真係原個花苞去沖茶，唔係用香精同茶包， 可以一邊慢慢傾慢慢飲，好relax另外仲叫咗芝士焗大菇， 呢度係用有機大傘菇，感覺健康好多， 剛剛出爐熱辣辣，一切開仲好多汁，好好味呢度養咗兩隻貓， 好大隻而且好靚，一啲都唔驚人，任摸唔嬲， 環境好衛生好乾淨，亦都冇異味， 又有寵物又可以保持環境衛生，真係好難得， 而且仲有大量卡game ，係約gathering 嘅好地方

難得不用OT👽早放工和朋友去尖沙咀的樓上Cafe 嘆世界，Happyland地點好ok方便, 由地鐵站行去都不用5分鐘，環境也乾乾淨淨，如果和朋友來開party也不錯，而且這兒有不少on broad game 玩，正！我喉嚨乾乾地所以我們叫了菠蘿柑桔特飲🍹，味道不過不失ok！主菜叫了七成熟的西冷扒配薯菜+香煎帶子🍽，擺盤好靚好有心機份量也ok多，西冷扒叫七成熟果然無選錯，不會如毛飲血又保留牛扒的肉味，調味也配合得好好！下次可以試試五成熟，香煎帶子油了少少但無太大雪味也尚且不錯，而且也可配其他小食，薯菜炸得唔錯配上意大利酢的確開胃！甜品🍧🍫叫了心太軟配雪糕要等15分鐘，但絕對值得等待！先是美少女戰士擺盤就like唔少相（心機來啊~~~）心太軟的 朱古力味濃度適宜， 加埋雪糕簡直絕配！

樓上cafe曾經是一種潮流，去那裏吃飯都會選上樓上cafe。經過多年的洗禮，現在的樓上cafe，雖然還有，已經大不如前的隨便在路上都能找到一間。所以現在的樓上cafe都要花點心思，才可以吸引食客，以保留競爭力，所以聽聞一間位於尖沙咀的樓上cafe，樂園都有廚師發辦供應，便很想前來一試。有著精緻的賣相，再上美味食物，以及餐廳內的2隻貓兒，已經能吸引一眾食客前來了。******************************來到樂園的門前，便看到壁畫一幅，帶著玩樂的心情坐在彩虹之上，讓人感覺在此是一個快樂之地。走進餐廳，裝修有點像壁畫的色調差不多，有點像天空和白雲，還有座椅也用上不同顏色，如彩虹的一樣。廚師發辦 HKD188，用上9款食物組合而成的一個餐，還可以加上祝福話語，最少要2位起。廚師發辦是不包飲品，但可以加 HKD15 便可以配餐牌上 HKD48/杯的飲品。廚師發辦不只限於食物質素，還有精緻的賣相，難怪可以這樣吸引著不少食客前來享用。牛油檸檬汁煎帶子刺身、和風雜菜沙律。整個廚師發辦用上不同的醬汁劃花，其實是主菜內的醬汁。和風雜菜沙律也是用上劃花的醬汁為作沙律醬。牛油檸檬汁煎帶子刺

今日約左朋友去尖沙咀睇戲順便食埋晚飯，咁佢就推薦左呢間樂園，所以就一齊去試下。一入門口就見到好多桌遊同埋好可愛既貓貓！貓仔超乖，瞓左係個架到，咁我地就揀左最近貓仔瞓教個位既枱。之後我地同貓仔玩左好耐先開始睇餐牌，但店員都好好無催過我地。呢間野主要係食西餐，有沙律、意粉、薄餅同豬仔骨呢啲，亦都有吉列蠔、焗青口呢啲小食。本身朋友想叫豬仔骨，但因為睇到隔離枱叫左都幾大份我又唔係太肚餓就決定下次再試，今次就叫左意大利黑松露吞拿魚比薩$148同埋黑松露鮮菇意大利飯$168，再加左$38變餐，可以有餐湯同埋有杯$48既飲品，超過$48既飲品亦可以補差價叫。同埋我覺得呢間好既係無論你係叫小食定主食都可以加$38變餐，唔洗逼住一定要叫主食。我地今次揀左蜜桃紅茶，唔洗加錢就有，正！同堆依家加$58可以有心太軟或者窩夫，咁我地就要左個窩夫。之後就要逐樣講下。意大利黑松露吞拿魚比薩係幫我地預先切好左，唔洗自己切咁麻煩，好貼心。Pizza有超多芝士係面，而且烤得好香口，食完覺得好滿足。黑松露鮮菇意大利飯超高質！上碟既時候店員同我地講可以撈均左啲黑松露先，咁樣會香好多。我先食左未撈既，再試撈左既，果然係有分別。

今晚（5/7/18）邀請朋友鍾小姐往尖沙咀一間富有特式的餐廳晚膳。該餐廳名為"Happy Land" , 座落於尖沙咀北京道一座商業大廈內，於地鐵站H出囗，步行兩分鐘就到，地點非常方便。餐廳的招牌顯示在門口牆壁上的一幅彩畫，以彩虹圖案配合鮮明顏色特出「樂園」主題，其招牌設計看上去像兒童天地，很難想像它是一所用膳的地方，如能改善及加強餐廳的名稱，能使顧客不會有錯誤的訊息及感覺。步入餐廳內，感覺清新脫俗，佈置清雅及亦有特色，面積不算大，約十數張枱，可款待40-50位客人。餐牌的設計繽紛，內容清晰及一目瞭然，容易點餐及能引起食慾。我們點了下列食品：1/ 熱情果茶2/洋蔥湯3/香煎龍膽石斑柳配奶油翡翠汁4/芝士焗有機大磨菇5/蜂蜜鮮菓窩夫熱情果茶：果味濃及芬香撲鼻，入口香甜，極為醒神。洋蔥湯：勝在夠熱，味道適中 。香煎龍膽石斑柳配奶油翡翠汁：擺相極佳，看得出㕑師有花心思。石班魚柳妥新鮮及份量足夠兩位女仕享用。芝士焗有機大磨菇：名符其實，真是超大磨菇，芝士味配合磨菇的質感，味道剛剛好，非常美味。最後的蜂蜜鮮菓窩夫 ： 這個特色甜品，蜂蜜清甜、窩夫鬆脆再配合綠茶雪糕，簡直是絕配。整體而言，都非常享

這間好玩好聚的CAFE，從朋友口中聽了很多次~一直沒有機會來試試，今次趁著朋友生日，就決定來食啦!一早訂好台，亦講定會係食生日飯~所以一去到已經可以入座，完全唔需要排隊，最岩我呢D唔鐘意排隊的人~黎到見到CAFE佈置，感覺舒服，場內係以花花、卡通為主題，仲有好多波皮糖、LINE汽球做裝飾，好可愛!我地3個女仔一齊黎，呢度好舒服可以慢慢傾計!而且見到好多客人係成個家庭一齊黎，小朋友應該好鐘意呢度~講返CAFE入面有的MENU，都幾多選擇同不同款的菜式，當然一黎就已經比甜品所吸引，好特別啊!今次我地選擇左5款食物，同一個甜品，因為始終生日MA~~戀之花煙三文魚沙律  $138最鐘意食沙律，每次去到唔同餐廳都要一試三文魚沙律~呢個都不出所料，個沙律好好味~蔬菜好新鮮爽口，加上沙律汁，酸酸甜甜，好好味!芝士焗有機大傘菇  $88呢個我真係極力推薦，必試~~~首先見到芝士，我地當然相當想試!!!黎到個伴碟都已經覺得好得意，一碟兩個，成個哈哈笑樣，食都開心d!除左濃濃的芝士味，一啖咬下，真係爆汁架.....超好味，熱辣辣，估唔到菇同芝士的味道如此夾啊~烤焗黑毛豬肋骨配薯角  $218試過唔少餐廳的

呢間位於尖沙咀既樂園地理位置非常方便，isquare出口一出過條馬路就係！門口已經充滿住歡樂既氣氛一入門口就發現現場客人都唔少，雖然地方唔大但勝在五臟俱全，而店員亦都有禮貌咁招呼我地餐廳亦有唔少board game提供，同另一半或者一班朋友嚟完全唔怕悶！同場仲有兩隻貓貓tim！鍾意貓貓既人都會鍾意呢度坐低左之後就發現枱上有各兩粒糖，比起出面既餐廳多左一份親切既感覺然後同朋友一齊嗌左兩個主菜，一份甜品同埋一個特飲其實呢度最出名既係佢既怪獸雪糕，但係份量十足，2個人應該食唔哂XD 所以最後無嗌到首先上菜既係「意大利黑松露吞拿魚比薩」賣相唔差，聞落去亦好香黑松露味。咬落去一啲都唔覺油膩，個薄餅皮有脆亦有軟既部分，所以配合得岩岩好之後既係「香煎牛柳粒飯配黑椒汁」，個擺盤都幾靚，一啲都唔輸出面西餐廳空口食個汁都算咸，但配珍珠米就完美，牛柳亦夠淋，比平時食到既牛柳更鬆軟，朋友當晚最喜歡係個牛柳然後到飲品同甜品，分別係「藍天柚子特調」同「蜂蜜鮮果窩夫」用試管裝住既藍色糖水非常得意，店員向我地講個糖漿只需要倒3分1就夠啦，覺得唔夠甜再逐D加落去倒左3分1之後唔會太死甜，裡面有加雜果頗加分，但味道無乜特

今天約了很久沒見的朋友晚餐，事前她已經叫我預先找餐廳。因為我們約在尖沙咀見面，打算逛逛街然後再用餐。我認為同朋友吃晚飯最好的地方就是cafe，環境舒服，非常適合聚會。逛完街差不多7點我就提議去happyland用膳，因為之前都試過，好評甚多。重點是我們倆都是愛貓之人，知道那裡可以滿足一下我們。於是我們馬上上去，幸好時間還早，不用等，店員很有笑容安置我們入座。店舖不算大，但有種很溫馨的感覺。場內還提供很多遊戲玩具，可能是想小朋友都可以坐定定。剛巧我們旁邊就有一隻很乖巧的小貓靜靜地待著，我們倆也不好意思碰牠，怕弄醒牠。我們點了兩個小食，一個醬爆雞翼一個魚柳。因為醬爆只記得在食神出現過，要試試雞翼的醬爆。魚柳則是我們都愛吃的。因為我們都不是很大吃的那種，所以點多了一個意粉share就夠。這個虎蝦意粉都是我們最想試的。最後都想留一點位置給甜品，聽說那裡的怪獸雪糕是最出名。我們拍拍照，小食很快就到了。那個醬爆雞翼味道不會太重，外皮還帶有一點脆，配了甜酸辣醬，十分搭。還有那個意粉，虎蝦不會太淋，它的汁也很入味，再加上蕃茄意粉不能太酸，但這個是完全剛剛好，很岩口味。不用一會兒我們已經吃飽，由於我們都

因為今天是好朋友的生日，所以就想試吓呢一間。一入到去，完全係坐滿人非常熱鬧。喺嗰度可以見到有一家人，或者見到人哋係聚會，而我哋係慶生我地分別點了我係曲奇大王，黑松露鮮姑意大利飯同埋怪獸雪糕先講我係曲奇大王，其實呢個嘅份量，係完全足夠兩個人食。因為佢係超過個杯，唔係話出面個d餐廳咁，冰就多 野飲就冇咩。呢個係夠飲有餘而黑松露鮮姑意大利飯，係我最愛！因為佢係即叫即整，所以要時間。不過等得好值得，佢係好濃郁同好有口感。加埋芝士，佢係可以拉絲，你就知道佢放左幾多芝士怪獸雪糕係重頭戲，佢好體貼咁點左蠟燭，即定好有feel,仲有埋氣球，所以鍾意影相既朋友一定要影反幾張。因為我都係影到差唔多溶先記得食。佢份量可以比六個人食，因為佢好多料，佢有唔同既雪糕口味MENU:

今日想同朋友揾個靜靜地嘅地方傾下計，於是就揾下尖沙咀嘅樓上café，最後揾到呢間，點知有驚喜！交通方便，就喺尖沙咀H2出口度出，入iSquare上幾層電梯到G/F，一出對面就見到環球商業大廈。一入到去就有隻貓貓瞓左喺度，於是決定坐喺貓貓隔離。仲有另一隻貓的 o(*////▽////*)q貓貓瞓嗰個櫃有好多board game，我同朋友拎左個牛頭王黎玩，等野食期間可以用黎kill time。好喇，入正題！估唔到呢間餐廳都有幾多選擇，菜單分為沙律、小食、主菜、甜品、飲品呢幾個column。佢個主菜總共有兩版，最後決定叫個醬燒豬仔骨($228)。小食方面叫左個餃子($78)。飲品方面就叫左個薰衣草玫瑰花茶($68)。其實仲有好多其他選擇，不過想飲下暖野。甜品仲叫左個蜂蜜鮮果窩夫，叫任何主菜+$48就可以加配喇，都幾抵！環境唔錯，有啲LINE Friends公仔氣球，小朋友黎到應該會好鍾意。同場見到有情侶、一大班朋友、家庭嘅客人，實在係一個適合同親朋戚友相聚嘅地方。薰衣草玫瑰花茶($68)Waiter哥哥温馨提示話要煲15-20分鐘左右，等左三四個字之後終於飲得。入口甘香，飲完好舒服的感覺，不

廚師發板係有賣點.. 但食物款式普通無咩特別.. 而且感覺只係一個大拼盤咁...所有食物質素都好一般.. 正常唔難食但又唔係特別好味.. 另外野飲真係得個樣係d甜品可以影下相呃like.. 地方又好窄.. 好睇隔離坐咩人.. 因為好應聲好嘈.. 最辛苦係空氣質素好差.. 佢係半open kitchen抽風又差.. 所以一入店就好勁油煙味.. 有幾下都想想地反胃.. 同埋食完餐飯之後個身陣味仲衰過去完bbq.. 如果有人生日貪得意都可以嘅.. 但本人就一定唔會再去了