樂天冰室 (萬迪廣場)

营业中

休息中

很少在新蒲崗這一區吃飯，特別是早餐也不想吃大集團的西餐那些，剛好看到這一間茶餐廳就進去吃。早餐吃簡單的，我點了牛奶麥皮餐，除了麥皮還能吞拿魚三文治丶火腿芝士三文治二選一，今天選的吞拿魚三文治，生菜新鮮，吞拿魚不會過甜，很好。熱奶茶香濃奶香🤗很滿意。不知道有沒有人也跟我一樣喜歡在外吃麥皮，真的不是每間麥皮一樣味的，這一間在我排行榜應該算第二位，牛奶香而且麥皮的濃稠度剛好，如果走甜更好吃。🤌料超級多的吞拿魚三文治

一向都夜收工九點鐘左右係附近再嚟幫襯。之前幫襯一樣嘅晚餐牛扒起碼大2倍仲係有兩塊，另外仲有大大塊豬同雞扒。今次一模一樣嘅價錢趕收工就求求其其比幾片薄牛加塊細左一倍既豬扒依舊收我78蚊！有冇人性㗎！如果你真係唔夠牛扒唔夠豬扒質素唔好，你可以選擇停買而唔係求求其其搵客人笨的。辛苦咗全日諗住夜晚食扒既晚餐結果出嚟係咁差嘅，真係好失望。生意唔係咁樣做諗清楚出餐之前嘅後果,諗下客人嘅感受啦！附近獨巿大曬咩。以後你每差一次我就想你投訴一次！

今日7點左右去咗新蒲崗萬廸廣場嘅樂天冰室拎外賣，嗌咗個英倫雜扒晚餐。本來應該係羊架，但最後改成咗羊扒。份量夠大，但餐包真係唔掂，硬硬哋，完全唔鬆化。羊扒就真係好失望，臊味好重，完全唔好食。最差嘅係個牛肝菌忌廉湯，一入口就想嘔，味道奇怪到不得了，根本飲唔落口。整體嚟講，呢餐算係一般。價錢八十幾蚊，都唔算平，但要有心理準備可能要排好耐隊先入到去。雖然有啲失望，但考慮到價錢，我都會勉強推薦呢間餐廳，只係要注意有啲嘢真係唔好食。

係香港食左好多年野 我覺得最好食就係呢間但有時牛肉有d硬。其他都超好好有鑊氣 所以專登要出文章 特別係個waitress全部都好nice！超級熱情同好客都係我見過最有人情味的餐廳 開左冇幾耐好似已經日日要排隊先入到同埋好好坐！抵讚！！

之前去新蒲崗見到呢間樂天冰室好多人排隊就入去試吓有幾好味先😝👍🏻燒味飯今次試咗佢哋嘅五寶飯，超級足料，而且都整得幾好食，燒肉嘅皮都好夠脆 呢個好重要😝叉燒都燒得啱啱好🤩👍🏻菠蘿油如果下午茶時間嚟食嘅話，一定要食菠蘿油！試過先知有幾好味，即叫即整 嚟到個包仲係暖暖地😍😍呢度嘅員工服務態度都唔錯，比較熱情，而且整體環境都算幾乾淨同埋闊落

新蒲崗樂天一向都是我在新蒲崗搵食的首選，服務好環境乾淨，地方大，食品出品真的非常對得起這個價錢，相比起其他冰室被吹捧，我更覺得樂天潛力非常大，無論是新蒲崗和長沙灣店兩間水準也是非常高沿途直出，無論是麵包，檸檬茶，炒飯，雜扒餐，鰻魚還是最傳統的燒味飯他們也做得樣樣到位，毫無令人挑剔的位置，我覺得作為香港本土的，應該多支持我們本土冰室，但記得要帶現金哦！真的不用多說，大家看看照片，沒有特別的要求，就已經做出這個水準，他們做到這個規模真的非常令人佩服，希望可以保持

#香港美食 我同太太都每一個星期都會有三至四日嚟呢度食，因為食物中上，麵包，蛋撻，都好好食👍👍由其是地方乾淨，就係門口要排隊都可以好快入座，可能地方大啦，樓面每個都好衝勁，哈哈，可能為求同老闆找多啲生意啦，不過快得嚟禮貌的，還會在每一個客人走都會講「多謝晒，拜拜」，哈哈，其實香港餐廳都好耐無聽過了，還值得稱讚每次光顧我都讚門口戴帽四眼哥哥都好有笑容好有禮貌， 讓每一位客人好快就可以入座👍👍😋😋

平時下午茶諗唔到食咩就會過嚟呢度，叫咗個雞髀薯條套餐，雞髀整得好入味肉質很滑，薯條點茄汁一流，另外仲叫咗凍檸茶，呢間嘅凍檸茶幾好飲，而且呢度坐得舒服冷氣夠大，同朋友傾偈相聚很適合！

夜晚喺附近跳完舞真係超級肚餓🥹 行過見到呢間仲開緊而且價錢非常平民嘅茶餐廳～-💫鮮茄牛肉通粉配太陽蛋+火腿+多士茶餐廳嘅健康之處🍅 湯底夠濃而且牛肉都俾得好多👍🏻 仲要有埋太陽蛋火腿同埋多士🍞 都只係40幾蚊！超抵！-💫咖喱豬扒飯成碗咖喱汁俾晒你😌 豬扒炸得超酥脆😍 而且啲肉唔會炸得太過火👍🏻 入面啲肉又唔柴🙈 我個frd叫咗少飯都係俾超多飯🤣 不過啲飯就有啲濕😢 -位置好闊落👍🏻 而且食物質素都ok👌🏻 加上價錢又唔係好貴💰 所以性價比高😽 啱晒啲月底未出糧嘅朋友🤣-整體評價：🌟🌟🌟🌟

見到排隊餐廳又諗住試下，眼見有成10個8個，但都去得好快，原來餐廳內部很大，流量所以快。此餐廳沒有機械落單，全部人手操作，多了份人情味。食了一般的常餐和種類較多的午餐，味道唔錯，之後見到有新鮮菠蘿飽出爐，馬上叫了個冰火菠蘿油，皮夠脆，牛油一d都唔馬虎，全塊比晒你，食唔食由你話事。餐價適中啦! 一般大眾化價錢，比鄰近既牛奶冰室便少少，但熱檸檬水一定用堅檸檬。

禮禮貌貌叫落單，比後生金髮男店員大聲呼喝「唔寫！」，然後跑走，無啦啦受氣，嗰下真係勁嬲！！好啦叫完兩個餐，過左幾分鐘上左2個白飯，再過10分鐘都冇餸（如圖），有個senior店員行過黎表示有飯冇餸有啲奇怪，但冇講會跟進定點🤷🏻‍♀️我哋覺得好無助。之後我哋一路等一路聽到有客人話餸菜落錯檯，但店員大大聲話「唔係我哋問題！」，又聽到幾個店員喺度呼喝。再過5分鐘，我哋忟到同senior講要取消order，順便講埋比店員呼喝嘅事。senior話間舖唔夠人，同話個金毛係「揸白卡」。（但睇到行為舉止，係正常人，只係包庇嘅藉口）大佬，唔夠人米入少啲客囉。野食我覺得冇問題嘅，但比個樓面搞到以後都唔想再食，米又係做衰間舖。炒場炒得辛苦見到嘅，但我哋放工都唔想受氣。不如大家幫幫手，唔好再食呢間冰室，等佢地舒服啲唔洗焗住請佢哋講嘅「白卡」啦。

每個禮拜小朋友都喺附近上興趣班，見有啲時間同距離近就係呢度食個下午茶呢間冰室每次黎都好多人，一定要搭枱，所以好快有位 上次食過一次芝士焗肉醬意粉，覺得有啲咸，不過都想比多次機會，今次再食呢個意粉，點知仲衰過第一次食食到咁上下，突然咬到有骨，真係咬到牙都就崩，但肉醬冇理由會有骨，不過算，再繼續食，差唔多食到尾，竟然又咬到骨，仲發現有一條好似眼睫毛嘅物體，見到連最後嗰幾啖都食唔到，我諗同侍應講都唔會有啲咩補救方法就飲埋杯熱奶茶就走人呢間冰室只收現金真係超級唔方便，假如身上得八達通或者都唔知點算好，希望可以改善下我諗我都要揾下附近仲有啲咩餐廳食好喇

無論中午或下午路過都經常排隊，特意於星期日的中午時段到此一試，雖然要排隊但很快輪候到，因為佢室內坐位多、樓面大，走廊唔算窄。是日叫了精選午餐(燒雞排燒汁配飯)和常餐，常餐都不過不失，牛肉唔硬唔鞋好，比起牛奶無咁鹹，兩份餐價錢比牛奶便，掛唔得咁多人啦。食完後聽見有菠蘿飽出爐，媽媽話好耐未食話冰火菠蘿油，叫了一個share，外皮脆，$13/個，算唔錯。大家可以一試。重要一點: 唔使手機落單，只收現金。

位旅新蒲崗又好食既平民餐廳！午餐$50起 晚餐定價$75 食物質素唔差 地方大舒適而且餐廳叫薯蓉的話 仲係整個焗比你！此是一讚但注意冷氣較凍，座入啲會收唔到上網，而且餐廳wifi是廢的暫時新開仲未可以收網上付款係附近返工可以一試，但座得耐會覺得凍！門外有各有冬種面包，蛋撻，價錢便宜好食，由其係墨西歌包紅酒汁牛仔骨配薯蓉 $75套餐連 飲品 湯 蒽油雞扒飯 $57套餐連 飲品 湯新蒲崗大有街3號萬廸廣場地下A號舖 

放在餐具櫃裡的餐具，還是有殘渣的。熱飲的杯，像是沒清洗乾淨的，杯的周圍都是污漬。我自己認為是不能接受的。在此附上兩張相片說明。光顧日期：2023年12月21日下午12時59分左右