樂景快餐店 (已結業)

首先，我必需承認，我於一般的老饕無異，覺得及同意回憶是其中一種最美好的調味料．樂景是一間陪伴我渡過中學年代的快餐店，約２０年前，當年還未風行甚麼港式漢堡包，麥當勞仍是大行其道，時新亦未為人所風聞，它和它的同輩老牌快餐店如丹麥餅店等都是默默地在挺立著，堅守地扮演著它自己在時代的巨輪下微不足道的角色．想當年，每個星期一朝早，自己都會花自己那辛辛苦苦從上星期左節右省下攢來的五元，買一包熱乎乎的粗身薯條，一路吃一路走上半山的校舍。偶而攢得多些少，或是後來自己到高中懂得替他人補習賺取少少的生活費，還會花多５元買多一個漢堡包，那簡單的美味，迄今還留在腦海中．現在自己每次途經巴路士街，步履都會不自覺的往樂景走，回味那簡單及愜意的美味．看！現在簡簡單單的漢堡，還不過是六塊半，在這百物騰貴的今天，真的不可思議．簡簡單單的即煎漢堡牛肉，配合那簡簡單單放在鐵板上烘暖的圓面包，原來快樂真的可以十分簡單．

我食過嗰道d牛扒和熱狗,幾好味！

黎到灣仔,老公想起附近有一間備受好評、賣burger 的快餐店,便決定去食個芝士漢堡!芝士漢堡($9.5),無芝士0既只係$6.5。換言之,一塊芝士竟值$3!傍晚,餐廳一個食客都無,幾個侍應一路睇馬經,一路咒罵著,我們靜靜地等芝士漢堡出爐時,發覺有唔少雜誌都介紹過。芝士漢堡終於整好喇!熱辣辣!芝士在半融狀態,包同時新一樣,都係嘉頓出品,漢堡扒雖沒有洋蔥粒混入,但唔會死實,稔稔地,加埋茄汁,味道豐富,真係好正!!總體而言,時新同樂意各有千秋,前者勝在混入洋蔥粒的漢堡扒,後者加入我最愛的茄汁,漢堡扒較稔,值得一試!

oh no~只不過相隔兩日再食，典解塊牛肉咁有so味架?好騎呢喎..頂唔順，食左一啖放棄了..如果係名正言順的羊肉包說話姐...但隔離果個話都仍然有下次wor..oh~~so爆!!

芝士牛肉漢堡，特別在牛肉都鬆軟，面包內側脆脆的，$9一個，熱辣辣，好味，番兜指數甚高。

紅磡時新嘅芝士漢堡令各位食家唾涎三尺，回味再三。太座亦係佢嘅頭號fans。聽聞灣仔巴路士街亦有一間以芝士漢堡作主打嘅快餐店，評價甚高。趁跟衆好友聚餐之前，先去呢處打個底先...跟時新一樣，即叫即做，一等就差唔多五至十分鐘...咬一口，咦...唔夠熱嘅...包及漢堡扒都唔夠熱，芝士亦都因而不在半溶狀態，茄醬份量不夠....留番一半俾太太試吓。太太試後，大搖其頭...跟時新差太遠la...

I went to Wan Chi Road and found this old style fast food shop. I picked the cheese burger and it was freshly made. The crispy bread with soft ham and the cheese melting in my mouth, a very satisfying snack which cost a little money.

我覺得薯條麻麻地, 唔夠香薯味! 細細包7蚊同事們就好鐘意個漢堡包, 話勁正! 第二日重repeat多次添!芝士漢堡9蚊

早餐一個包+飲品11蚊, 個包超好味! 各位一定要試, 我響灣仔住左三十幾年依家先知有呢間好嘢!一定有下次!

嗌咗$6.5一個漢堡包,食落牛肉餡個邊有d脆,再加上洋蔥粒同茄汁,食落好醒胃,下晝三十幾度攞住個包係街食,食完冇成手係油(個包只係用紙袋裝住),正!P.S.如果有留意店內貼出既雜誌介紹,發現此店既漢堡包被列為灣仔必試既代表美食之一

$6.5一個漢堡,平到呢塊扒有肉汁混有少許洋夠鬆化,正到呢外賣一到手一路行一路食,沿途被人住晒,我肯定嘴角無茄汁囉,食到lam晒,邊會有喎

之前睇完食評及某些真心推介,好想試呢度嘅港式漢堡,今日終於都食咗個漢堡包,漢堡扒即叫即煎,個包烘到熱辣辣,入口肉質又鬆化又多汁,講心嗰句真係有Ｄ感動同幸福嘅feel ~.~, 我真係覺得好食過三個O同M記(雖然已經幾年冇幫襯M記)!!!

在巴路士街的一角,有間毫不起眼的港式快餐店"樂景",格局同老尖厚福街"良友"差不多,在這一帶打滾多時,從未察覺其存在.近日懷舊老香港文化突然興起,這些近乎遺忘的快餐店,逐一出土.近日在新聞組見到有人品題,才發現這店的存在.芝堡搭薯條,一向是港式老快之最佳拍檔.漢堡扒即叫即煎,漢堡扒質感比較軟熟,免治牛剁得粗,吃落還帶點筋.肉味就不算很濃,茄汁嫌下得重手.完全被茄汁掩蓋了本身的味道.波浪薯條一向如此味道,即叫即炸,除非炸過籠,否則很難不好吃.全店沒有汽水機,只得罐裝供應,欠缺童年時代,飲維他汽水的風味.在以偏蓋全之下,仍然好吃過老麥不知多少倍,真心說話.

一早聽講呢度漢堡包好食，即刻黎試一個芝士漢堡，漢堡扒係用d好軟身既碎牛肉即壓即煮整成，味道雖然唔錯，但係因為太軟無乜咬口，仲有肉質比我想像中仲要差，而且果位師傅落得太多茄汁，整體黎講個包只可以算係緊緊合格。

想食薯條的話，我一定來樂景──因為即炸，就算在午市十二時許一時許的繁忙時間，只買幾蚊薯條都沒有給我看過臉色；因為薯條外脆內軟，洒上幼鹽已經好吃。記得第一次來，不好意思坐在舖裡吃一包薯條，便叫了外賣，打開紙袋，原來薯條用一張紙包著，三邊摺起，留下向著袋口的一邊打開，邊行邊吃也很方便。還有，全包吃光指頭都不十分油膩，。咖啡略淡，沒下糖所以沒拌過，喝光了發覺杯底有糊狀物，疑是即溶，故只喝過一次。至於漢堡包，漢堡也是即煎，混有碎洋蔥，包邊烘得微脆，感動。要挑剔的話，就是漢堡混得有筋要吐，肉也許是絞出來的，還有，有時漢堡煎得不夠久/ 太厚中間仍是粉紅色。但我還是覺得比麥當勞的好吃。環境十分一般，開放式廚房，開放式舖位，幾張木枱圓櫈，似乎主打外賣。