樂樂冰室

营业中

休息中

身為上水人🙋🏽‍♀️如果有人話去食焗豬扒飯，應該會自然地諗樂樂冰室的芝士豬扒飯呢度焗豬扒飯🐷係好好味的😉其實唔止豬扒飯好味，其他食物都好好味！呢度常餐用的雞蛋🥚是本地農場蛋喔。今次專登戴朋友黎試呢度既自家製鮮茄醬焗豬扒飯 $53，賣相已經俾💯分，滿滿的芝士全舖滿面，係水牛芝士。芝士係做到拉絲效果🤩你睇下，我拉到幾長😆豬扒係好厚身，口感軟淋😌已經切好了一塊塊，唔洗自己切而且好易咬😙跟餐會有杯飲品，我就簡左柚子蜜，平時係茶餐廳都係飲好立克或者阿華田，係餐牌見有柚子蜜喔柚子既份量適中，又唔會太過甜。

喜歡焗飯、焗粉的朋有，今日有一間餐廳要推介給大家，它叫樂樂冰室，焗豬扒飯和焗肉醬意粉都是招牌菜式。先講焗豬扒飯，飯面用上大量的水牛芝士，令每口飯都散發出一陣咸香的芝士味，而豬扒厚身多肉，不會焗得過乾，整體分數九十分。焗肉醬意粉方面，都用上大量的芝士鋪面，焗得恰到好處，帶微微焦香，肉醬混上芝士，香味齒頰留香。

今早嘅早餐可以去未食過嘅餐廳已經好開心！去到門口有標位泊車，仲有張長枱剛好有位！普通茶餐廳格局！餐牌比平時港式早餐唔同！有啲特別選擇！店員好快手落單！仲要上菜無比錯！自家製豬柳通粉（$36）豬柳有啲似拉麵叉燒，不過瘦啲！肉唔會嚡！幾好味！通粉彈牙，湯底似雞湯味，加啲雜豆！火腿炒蛋多士：火腿煎過鹹香，炒蛋夠滑，多士鬆脆！好味熱檸茶：茶底正常無澀味！幾好！同事食：牛肉通粉凍咖啡：凍奶茶：火腿荷包蛋多士：店員爽手有禮！食物幾好味，在港式早餐中有啲變化！唔使日日食都一樣！

員工態度已經夠曬差 ，焗豬扒飯並唔係特別好食， 不過基本嘅要素都做到嘅， 芝士算多 可以拉到絲， 因為佢哋係用水牛芝士，所以味道唔太突出， 豬扒肥膏太多了， 唔係好想去食 普普通通，下次都係食大家樂大快活算

一開頭五位想拎飛排隊 個伙記就話唔使拎啦 有排等架啦 心諗咁你都要俾飛我架 後尾遲遲先俾飛我 伙記拎野食黎dum低低就算 本身諗住伙記態度差姐 點個個老闆態度仲差 一坐低就狂催我地快d落單好啦拿拿林落左單 因為驚食唔曬會浪費我地五個人叫左四個餐 但係食緊果陣老細又同我地講有最低消費 要落多杯野飲 (重點係佢落單果陣又唔講 語氣講到我地好似無錢俾咁) 咁我地就話仲要叫外賣 佢就話外賣轉頭先講啦 諗住問佢外賣可唔可以計落最低消費 因為本想叫多三個餐外賣 佢就話落多杯野飲啦外面好多人等緊架 你地5個人坐緊6個位架 講到佢d位好矜貴咁 其實我地5個人坐番5個位得架啦 係佢地唔安排人坐落黎 但又要講到我地霸左佢果1個位 態度差之餘又想做多d生意 入到去就唔係客咁催催催 野食貴之外食物質素下降 肉醬意粉太酸又糊 認真永遠唔會再食食果陣仲要聽到d 伙記話入到去就要知足啦 心諗會唔會把自己看得太高

今天到此冰室食早餐，看食評以為是好嘢，點知一肚氣 !伙記叫極唔理我，最後有條男人走過來還覺得我哋遲遲唔落單，阻佢做生意，一臉悔氣，態度惡劣 !食個早餐，估唔到食到一肚氣 ! 以後都無謂再去囉 ！

上水區真係有好多有名氣嘅小店，哩間就出名食焗豬同蛋治。午餐有3款:焗豬，焗意同咖哩而且今日就叫咗肉醬意粉芝士同肉醬份量十足，大食重口味嘅朋友一定like爆美中不足嘅係油份好多，會唔敢成日嚟食。

前排搭車去左上水探個朋友,一齊食個早餐晨早流流，食咗個邪惡的早餐一般西多士會以油炸既型式處理，但呢間茶餐廳以慢煎方式製作，少一份肥膩，多一份香味加埋一杯香滑奶茶，為平靜的Night shift畫上句號之後...返屋企訓教

每星期必會去一次樂樂冰室！炒蛋餐肉配厚多士，再加上豬柳通心粉。炒蛋超滑又有蛋香！牛油多士新鮮，還可以加一蚊轉占多或奶多。餐肉都比其他餐廳的厚。豬柳分量亦多，也不會有臭豬味，通心粉啱啱好，既彈牙亦不會過腍。家人叫左自家製鮮茄醬焗豬扒飯，賣相一流，有好多芝士，好香而且可以拉成芝士絲。可惜豬扒完全令人失望，太腍，又不夠味，底下的炒飯冇特別。下次都係食番炒蛋多士就算！大家都點左熱奶茶，可惜茶不香不滑亦偏苦澀，達不到茶餐廳應有水準。

每次經過上水，除了怕水貨客橫衝直撞不理人的舉動外，其實是個幾有趣的地方，大清早有久違的天光墟，古早茶檔，街邊小販，都是一幅活生生的鄉村味。所以有幾十年歷史的冰室存在，但有時候過了4點半，已經關門，唯有退一步，轉去近一點的樂樂冰室。很喜歡店方主打的農場蛋，客人想外賣雞蛋也可以，大概是$3一隻，比起街市$1貴得多，奉勸一句，還是坐低食餐算了。散點比套餐貴，午餐只不過$35，如果要改牛肉要另加$1。牛肉通粉以自已食量，午餐計未必夠飽，但下午茶還可以，牛肉未至於醃到無味，通粉亦淥得啱啱好，加入少許青豆、粟米及甘筍粒，是以往冰室常見的做法。餐肉蛋配多士除了餐肉是大路貨色外，雞蛋是用上農場蛋，質感及味道是稍好，但好突出又未必，可能是心理作用較大，兩片多士烘得香脆可口，不錯。熱檸檬茶夠茶香，近年健康一點，只落半包糖，熱辣辣的，喝起來很舒服。

同左表弟黎食上水好出名既樂樂,點知佢就出事了...豬柳通粉, 非常彈牙而且不太咸,豬柳冇乜味, 硬左少少最好食係炒蛋, 半熟流心蛋漿夠奶滑,多士奶油又夠重手,非常好吃熱好立克都一樣不錯,唔需要落糖已經夠好飲了,需知有D茶餐廳會好似水一樣嫁...

樂樂冰室～久聞多時～今日約左honey食午餐～終於可以食到～樂樂餐點選擇不多，早餐和午餐都是很類似，所以我就點左個午餐，豬柳出前一丁（加$4），炒蛋配餐肉，凍檸茶～仲有奶油多（加$2）～出前一丁煮得剛好，不會太軟，湯也是用出前一丁麻油麵味粉（不算很特別），豬柳有點似日式叉燒的肉，不過味道不太出眾。而重點的是炒蛋，炒得很均勻，還有少許流心感，都幾好味，午餐肉很普通⋯多士是現烤，一般茶餐廳味道～～總括而言，味道不錯，下次想試下佢個焗豬扒飯~

話說,兩年半前幫趁過一次澳牛,雖然炒蛋好滑,但始終幫趁完一次之後入黑名單,始終....出去食野覺得受待應氣係會難受D既....尋日再一次回港,咁第一餐當然係好D啦,於是去咗大快活度食,可惜既係再一次後晦,個早餐有火腿通粉,但湯仲多過通粉.我想,以後未必再幫趁.今日中午,入粉嶺有事要做,本來自己一個人食,但後來相約朋友見面.本來想去廣成冰室,但朋友有另一個好既介紹,於是去咗呢間樂樂冰室,反正果頭餐廳以往少去.本來點客鮮奶炒蛋火腿厚奶油包就算,但阿姐好人,叫我改成一Set套餐,差唔多價錢但有牛肉通粉,反正未食過早餐,都算啦,就叫套餐.炒蛋可能加上鮮奶,感覺上好滑,但係可以拍得住澳牛.但最唔錯係牛肉通粉,覺得好入味,而且份量唔錯,起碼好過大集團快餐店咁樣,只係水多過通粉.雖然不算薄有名氣,但值得去得過.

成日經過見到海報自家製鮮茄焗豬扒飯，張相影同靚想黎試好耐架喇！無耐冰室只開半日唔做晚市，放工返到上水都已經收皮，要放假先黎到囉。首次幫襯，居然連茶餐廳都要攞號碼飛等位囉，呆企門口討厭。原本有張兩日枱門口位，想熱死我咩，又人來人往，No 喇！等多 10 分鐘終於有裡面位，但非常迫夾，方枱只一個身位，大隻啲都同隔離膊貼膊，莫講條路仔。厚奶油包又唔錯喎，好軟墊！奶油又夠多好香口，無搵笨！連我平時走包唔食既都全部食晒。炒鮮奶滑蛋，真係有加鮮奶的嗎？但食唔出。標明新鮮本地農場雞蛋，蛋味特濃，味道真係有啲唔同，好味喎！有蛋汁都幾滑，可以再炒得嫩口啲，加分。火腿如果可以燙一燙就更好啦，會更香口。鮮牛出前一丁，menu 寫住早餐十一點前，點知阿姐話依家兩點半都有得食，平幾蚊囉，多謝晒。砌得好靚，賣相一流，值得讚吓！溫度只屬暖溫，並不是熱騰騰出晒煙上枱，再試啖先，好明顯係一早煮好個麵底，有 order 就加湯出貨，同即叫即煮既味道同口感差得遠啦，食落麵質嚥嚥韌韌都唔算太腍，而鮮牛幾好，味清香有咬口，無乸得過份，合格。試埋您個辣椒油，麻麻地，算啦。鮮茄焗豬扒飯，招牌野喎！終於試到焗豬扒飯，但非常平凡普通加

經過樂樂冰室好幾次，都沒機會一試。今天在朋友的提議下，終於可以去嘗一嘗～下午茶選擇不多，多士、脆豬、粉麵、西多...價錢$25~$3x。想吃脆豬，但賣晒。烘多士又好似不太抵...最後我們選了常餐、西多及餐肉米..。沒錯，是餐肉米，因為「麵」只有要加$4的一丁。餐肉米，很普通。餐肉還是沒煎過的，有點失望😕原來是街市煎麵包的變奏版。嗯...沒有平常西多的脆口，還可以吧！常餐：多士、炒蛋、牛意。炒蛋尚算嫩滑，不失「冰室」之名。上水餐廳來說，樂樂冰室的下午茶價錢不太「下午茶」。我寧願俾多幾蚊食常餐～後記：奶茶乃香港餐廳的必須品，每間餐廳都不能馬虎。但樂樂冰室的奶茶仍有進步空間呢......