樂民餐室

营业中

休息中

真係離晒大譜😅 我叫海南雞飯，餐廳拿白切雞飯扮海南雞，又唔係用油飯，雞既味道係白切咸雞，完全唔係海南雞嗰種整法同味道😅係keeta 仲有4.7分唔知係咪假評分，仲好意思話海南雞飯回購第三名

不過不失吧,奄列很一般,叫了五香肉丁麵,肉丁份量尚可，麵也是普通ok，但服務員態度很好有笑容親切，值得加分，地點環境方面我就很方便因為我在附近返工做嘢，幾年前名稱叫做新雅苑現在轉了手吧

帶左阿仔去高山劇場比賽，要搵個地方hea下，行下行下就去呢間茶仔～坐低左，見過左11點仲有早餐都幾貼心，但再望一望google得2.9分就心知不妙～叫左兩個早餐，一個叉燒意粉，一個沙嗲牛通～先講講個叉燒意，同張相差唔多，啲湯冇咩味道，意粉好淋～沙嗲牛叫好少少，牛肉味道正常，但螺絲粉都係好淋～最好食係炒蛋、腸仔、煙肉同多士，茶餐廳水準👍🏻👍🏻凍飲加$3，盛惠每人$39～整體做不過不失，但應該冇下次lu～

叫佢外賣早餐，火腿通跟煙肉太陽旦，返到屋企打開，見到佢煙肉太陽旦腿通全部放埋一齊，浸哂d湯…..已經有d失望，通粉好煤，個湯好咸，入面重有一條芫荽💧…賣相核突。

放假冇野做，又嚟土瓜灣搵朋友食下午茶。見到呢間茶餐廳幾新淨，所以入去食下！因為係兩點幾，果陣已經有下午茶供應啦～馬來咖哩牛腩油麵 💰HK$38整體味道係中上，油麵同平時車仔麵個啲一樣，牛腩都整得幾淋。原本以為咖哩汁會辣辣地，點知唔辣！如果平時唔食得辣，但又想食咖哩嘅人叫呢碗就啱哂啦😜

樂民餐室前身叫新雅苑，當年經常幫襯，但愈來愈偷工減料，拒絕幫襯之後仲褶埋，新接手就改名樂民餐室.點咗份豉椒排骨炒河，西蘭花炒魚崧同沙薑雞，睇睇佢質素如何先!三碟餸菜一上枱，最大感覺係 Hea 做 Hea 煮!豉椒排骨嘅炒河，河粉無一條條分開都算，河粉無炒過，感覺係D河粉炒都無炒就放上碟上，之后煮個茨汁同排骨淋上河粉上，感覺唔夠熱毫無镬氣! 唔合格!沙薑雞雞肉尚算鬆軟但斬雞刀法奇差! 斬到D雞一件大一件細，睇怕廚房要跟國產零零柒學吓刀功!西蘭花連焯水都無做，攪到D西蘭花過硬同有草青味! 睇怕學完刀功要再跟唐朝飲食集團主席食神史提芬周學廚藝!餐廳位處公屋旁唔係大街旺區，眼見都係做D街坊同的士司機生意，質素咁低點吸引街坊再幫襯呀?