樂面牛屋 (已結業)

行去希雲街寄快遞，寄完諗住食蕃茄面，點知仲未開門，所以行過去轉角位食牛肉麵點知就中伏鳥招牌紅燒牛肉麵 $70 +酸菜 $5話係招牌，但係個湯底勁怪，有啲苦澀味重點：超級鹹，真係超級鹹，鹹到一個點我飲咗四杯水😓牛肉都算大塊，但係個味道普通，麵冇彈性，都係好普通，酸菜好細碟，都係偏鹹，可以唔使加老爹綜合滷水拼盤 $59雞翼唔夠味，豆乾、雞蛋普通，最好食嘅係豬耳，夠味同埋夠脆綜合芋頭地瓜球 $35炸得唔脆，韌韌地，好彩唔係好甜食唔晒，要攞走個地瓜球，叫個外賣盒，居然收我兩蚊，好唔抵真係冇下次

1） 清燉牛肉麵 $79- 個麵其實唔錯,係我鍾意嘅軟硬度,好彈牙.- 但個牛肉不了,又硬又乾,食唔落...扣分扣分扣分!!!- 個湯有點太鹹,個人不喜歡...2） 綜合芋頭地瓜球 $35-呢個唔錯嘅 *熱食嘅話* ......但佢嗰度風口位,兩野吹凍哂 ........不過呢個還可以 !性價比2/10 味道4/10 （個牛扣左好多分,依家連牛都唔想再食）服務 9.5/10 （店長幫我轉左粗身嘅麵 都幾細心)環境 5/10 （一般）

人生第一次食評，奉獻給這餐廳。最難食台灣菜，沒有之一。懷疑自己到一個點，要回家翻看食評，才感到安心。點了3款食物，全部零分：招牌紅燒牛肉麵，麵硬如繩，湯淡如水，牛韌如柴甜不辣，甜味炸粉一塊，碎上肉燥飯，肉碎湯飯唯一可讚的是杯免費熱水，真的夠熱。幾年的不斷負評都可繼續在銅鑼灣生存，應該是因為大家都不能相信，要親身去驗證；或者像我一樣趕時間，見餐廳有位就衝進去。估計員工們都知道自己食店的特色，所以每個都是面無表情的cool。

所謂的招牌台灣紅燒牛肉麵湯 - 直情難飲 苦嘅死未牛肉 - 冇牛味之餘仲老過煲湯瘦肉麵 - 冇味超硬所謂的甜不辣一生人從未食過如此難食的甜不辣! 唔好意思容許我講句粗口！%^^^¥¥^¥¥¥¥&())&$(&!$,$!$))菜心天呀！連普通灼菜都難食想點啊？鹽酥雞臭嘅 !!!!! 好明顯連雪藏雞都唔新鮮。滷肉飯又係冇味 唔知想點！點解可以連滷肉都無味？p.s 一生人從未寫過食評 今次難食都要寫！呢間都算係極品之中嘅極品！希望以後唔好再有人中伏 🙏

喺銅鑼灣諗住搵間餐廳醫肚點知就出事叫咗碗台式魯肉飯上菜速度幾快但味道真係令我非常失望魯肉味道好淡、肉又少、又多油感覺似係食緊豬油撈飯第一次食咁難食既魯肉飯平時好少寫食評今次寫係避免有更多人中伏如非必要，真係可以唔洗試黎間餐廳

同朋友相聚，大家不約而同想食台灣牛肉麵，行行吓見到呢間餐廳，一於入去食吓！入到去覺得裝修環境都幾有特色，坐位都幾舒服！可惜食物真係唔掂，嘥咗個裝修！⭕️招牌紅燒牛肉麵三塊牛肉配上紅燒湯底，望落都唔錯！但食入口就知道出事啦！牛肉較硬同乾爭爭，而且湯頭帶苦澀味！好奇怪！我未飲過有苦澀味嘅湯，但麵條尚算彈牙！其實呢個叫「招牌牛肉麵」，味道咁差，改呢個名真係有啲失禮😕⭕️豆乳鹹酥雞肉燥飯有一碟三款前菜，前菜全部一啲味道都無，令到呢碟前菜變成可有可無😪豆乳鹹酥雞炸得燶咗啲，仲要肉質較為乾，咬開入面仲有啲油出嚟，而且無豆乳味之餘，仲要鹹味都唔夠！失敗！完全唔掂！至於肉燥飯肥膏較多，而且肥膏切得唔夠幼細，好彩味道尚算ok!🔺金桔檸檬味道屬於少甜🔺冰鎮桂花冬瓜茶桂花味香，冬瓜茶味少，味道亦屬於少甜

見到裝修以為唔錯，但度門又鬼死咁重好難推開行入去令我好期待，結果價錢又貴啲嘢又唔好食。首先個紅燒牛肉麵好淡味，啲肉又鞋，咁樣都叫招牌紅燒牛肉麵？仲有個紫米香芋奶茶又得個甜字。仲有，個鹽酥雞好多粉，口感十分之差，完全唔係台灣小吃，雖然佢有配菜，但係啲配菜令人好失望，青瓜同埋芽菜令我諗起中學飯堂嘅味道。結果個牛肉麵要成$70，個奶茶要$32，個鹽酥雞食要$62。出邊有好多俾佢好食嘅舖頭都唔需要呢個價錢做而且比佢好食！唔會再嚟！！！

叫左碗貢丸湯面，真係淨係得貢丸，湯，同麵.蔥都唔多粒，麵又粗又硬，湯又唔知乜味，真係好難食， 價錢仲要唔平，點解咁既質素都可以開舖，後悔趕時間冇睇下其他巴打食評就入左去

又貴又難食。泊咗車喺附諗住順便買外賣，老婆想食台灣嘢見到呢間餐牌正正常常諗住叫啲大路嘢冇問題。點知冇一樣唔係伏。紅燒牛肉面：點解咁難食，個湯冇牛味冇鮮味淨得啲藥材味，牛肉冇牛肉味，面淨得面粉味，冇可能煮到咁間嘢都仲可以生存到咁耐，香港第十一大奇觀紅燒餃子面：餃子皮厚又冇味，面和湯同上酥炸排骨：塊豬排炸得乾又油，又冇豬味台灣腸：呢樣唯一正常味桂花冬瓜茶：淡淡淡淡既糖水水蜜桃綠茶：都算正常不過不失我真心好奇點解呢間嘢仲可以生存，已老闆可以入到啲冇豬味既豬又冇牛味既牛真係唔簡單。睇返之前原來已經好多人中伏，只怪自己唔睇清楚就幫趁。希望可以提醒到以後既讀者。

與友人經過這裡，見到這家餐廳不用排隊便試一試。我們也叫了午市套餐，我點的是炸排骨肉燥飯套餐。 套餐配以前菜及飲品，排骨炸得不錯，而且貼心地切成細塊方便食用，但肉燥飯相對地較淡味。另外，堂食現有85折優惠，以價錢來說，這份套餐性價比不錯！

喺銅鑼灣行吓行吓就去咗希雲街，見到間裝修幾得意嘅台式餐廳，內裏設計都幾特別，牆身有特別嘅 繪畫🎨！有一種地道小店嘅感覺🙂🙂～～～二人晚市套餐～～～（$198）大三色前菜木耳、黃芽白、青瓜幾大碟，味道正常😃😃小菜兩個（ 4揀2）酥炸台式花枝丸（兩粒）炸熱後即上枱，外脆內熱！😄😄老爹滷雞翼（兩隻）普通雞翼，冇乜滷水味😶😶主食兩款（4揀2）招牌紅燒牛肉湯飯牛肉湯冇牛肉味，只feel到係喊味水，同飯唔係好夾，牛肉片有三塊，算幾厚幾‘淋’但都係牛肉味欠奉😔😔豆乳鹹酥雞肉燥飯鹹酥雞塊細細粒，炸得幾酥脆，雞肉多汁嫩滑！🤗🤗但衰左係個飯到，肉燥勁少，又唔夠味！感覺到喉唔到肺🙄🙄飲品兩杯苿香綠茶（凍）：得綠茶味，冇苿香😕😕珍珠奶綠（凍）：正正常常，珍珠有甜味😁😁佢炸物係幾好味，其他就好平凡，正所謂冇期望冇失望，只有台灣嘅包裝，冇台灣嘅味道😂😂最後堂食有85折！😁😁

見過裝修都幾得意，所以入去試吓! 見過裝修都幾得意，所以入去試吓! 點知中伏！簡單點左兩個牛肉麵點知中伏！個樣還可以, 但係味道就麻麻哋啦! 牛肉唔諗，唔入味, 湯都係冇味! 完全唔知自己食咗啲咩, 應該係我食過最難食嘅牛肉麵！ 至於冬瓜茶冬瓜茶 ，得個甜同埋桂花香味 only ! 我諗冇下次lu ！

嗌左個紅燒牛肉麵同苿香綠茶，但係..牛肉麵啲牛肉好「鞋」，牛肉同麵都唔入味，連啲麵質都好奇怪... 諗住係台灣餐廳揀個最safe嘅選擇，點知係伏...至於杯野飲，本身落單個陣都有啲期待，因為都好多台式飲品選擇，有珍珠奶茶/奶綠、百香果茶、冬瓜茶等等，我揀左杯茉香綠茶，點知好難飲，完全無味，一啲甜味都無，一杯中式茶咁...睇返啲評價，都負評黎黎去去幾年都係反映食物味道質素，但餐廳一啲都無改善......

你近排好想去旅行，俾我發現到喺銅鑼灣有一間台灣野😻即刻沖去試吓，點知個味道真係還好，同喺台灣嘅時候食一模一樣🤤嗰日咁岩要嗌外賣，所以享有佢個疫情優惠『外賣自取全單八折』我叫咗個鹽酥雞肉燥飯 Set Lunch，有包一杯台式飲品。拎到返去之後發現佢將餸同埋飯分開左妝，端端行咗15分鐘嘅路程，個外賣都仲係熱辣辣，鹽酥雞都冇淋晒🤤唯一美中不足嘅係肉燥真係比較少，但係用了都比較豐富除咗鹽酥雞之外，佢仲送咗一啲牛肉俾我哋🙆🏻‍♀️仲有好多其他新鮮嘅小菜🤤優惠完咗之後都係$60左右，可以喺銅鑼灣享受到同台灣差唔多味道嘅便當，絕對係物超所值啊！

是咁的，今日星期一，本來就係放假日，但係有嘢做所以一早就返咗公司啦，做到三四點，就同女朋友食飯喇，上網搜尋左見到希雲街有好多間嘢食，就諗住去睇吓啦，點知又真係好多人喎，行運左一個圈，就決定去街口嗰間台灣野食嘢，出面啲相都影得幾靚嘅，入面個格局就一般般啦，基本防疫嘅措施都做得足，個樓面係印巴藉人士，廣東話幾標準，帶住個口罩都幾靚仔，利申我係巴打，同女朋友點左幾樣菜分別有皮蛋豆腐，滷水拼盤，麻醬雞絲麵，紅燒牛肉麵，皮蛋豆腐都冇乜特別咪皮蛋加百福豆腐，滷水拼盤，有滷水豬肚，滷水雞翼，滷水蛋，滷水豆皮，講真真係冇乜特別，又唔係特別入味，黑黑地咁囉，反而個麻醬雞絲麵，有幾好食喎，可能因為個醬汁夠多啦，其實都係冇乜特別，重頭戲黎喇，紅燒牛肉麵喺台灣基本野諗住都唔會伏得去邊本身又唔想諗食乜，估唔到難食到喊出嚟，個吓講嘅野係要過濾出唔到街，個湯都唔知要咩味，成浸藥材味，總之好難食，本身頭幾樣野都不過不失，但係我食完碗牛肉麵，我都唔知點解，佢仲可以喺度開咁耐，完。