樂香園咖啡室 (已搬遷) 新店位置

正當把包子翻叮時便有人出言阻止ok u win菠蘿油中那塊'油'來到我家時已全溶掉然而還是給予別人新鮮的感覺那些什麼很有菠蘿味的話不再冗述替它寫食評的網友們早已描寫得淋漓盡致總括而言是絕對值得一試的雜批就免了,不知何時有機會一試叉蛋飯?(被樓下叉蛋飯的相片吸引了)

其實我最近幫襯過兩次, 一次堂食, 一次外賣.第一次係放工後, 要左碟同杯熱奶.熱奶唔算好夠熱, 冇第一次黎咁正, 不過可能是夜市的關係.碟叉蛋飯就幾掂, 叉燒雖然唔係肥叉, 但吃落唔韌, 蛋粉量夠多, 又夠滑, 同一般茶記炒蛋炒到過哂籠差好遠.第二次係做完gym 買外賣返公司食.今次同樣有水準, 蛋一樣夠滑, 又夠多. 食完夠哂飽肚.值得一提係午餐外賣係平少少, size 細少少.(下面是外賣的價錢)

次次嚟中環都忍唔住係呢度買個菠蘿油同奶茶.雖然知道食得多會肥, 但係次次都忍唔住.個菠蘿包真係好有菠蘿味.....好味....正呀!

來得蛇竇，通常是啡走同菠蘿包，胃口好一點的，就叫多件雞批，想也未想過會來吃粥及腸粉的。因緣際會，是日就可以一試。要了皮蛋廋肉粥及齋腸，皮蛋、廋肉及粥雖然是放在同一個碗內，卻似是完全互不相干的三樣食材。說得難聽一點，碗粥似是沒有煲過似的，就這樣將皮蛋及廋肉加進去就拿出來，完全不及格；腸粉必定是來貨，還要是雪藏過的來貨，實實的，邊位還有點硬硬的，很久也未試過這樣子難吃的腸粉了。吃慣威記，再吃這裡，是天共地。下次來，會記緊要吃回菠蘿包或雞批的了。

要寫香港嘅茶記冰廳，點可以冇咗呢度?今日又路過，照例唔坐入去，照例只外賣雜批，點知都係賣晒；於是退而求其次叫肉卷，點知又係冇...激死...菠蘿包有嘞啩 ? 隱約記得有人提過佢哋嘅菠蘿包幾得手，叫一個試試...已過出爐時間，可幸仍放响焗爐中，微熱，雖然點都同啱啱出爐時嘅味道爭D，不過總好過凍冰冰la..面頭酥皮仍頗脆口，不過豬油香氣欠奉；包做得不太軟熟，可能並唔係新鮮出爐貨，都係嗰句，點都爭D...咦...食落塊酥皮...竟然真係有少少菠蘿味...但就食唔到有菠蘿肉...加番分la...

這晚用晚餐時向一位女伙計要了一杯水。不一會兒，見到她沖了杯茶、喝了一口... 然後，拿著這杯她喝過的茶，放在我桌面...給我！當放下這杯茶時，她還含著茶水、在口中漱著未吞...嘔!!各位如果有仇家，不妨在這食一餐「和頭飯」，然後...請位女伙計，給他/她一杯茶水。

星期六再回以往工作的中環，再回以往的其中一個飯堂，再吃至愛的滑蛋蝦仁飯，加凍奶荼。再次聽到千里傳音的落單聲，不是懷念，只感親切。很喜歡炒蛋的滑，蔥的香，蝦的鮮味，不是極爽，但$24的代價，已經超值。還有奶荼的荼香，這下才是懷念。

由於友人食量小,我們只點了一個滑蛋叉燒飯,一碟菜,同一件鷄批,樓上阿姐當場露出不悅表情,所有食物送到時,阿姐冷嘲熱諷,不忘拋下一句"冇野爭你哋架喇",後來友人說鄰桌滑蛋飯的賣相比我們的好.....用不著這樣吧...

早餐兩人叫左:1)雜批2)沙爹牛麵3)熱奶茶雜批–我以為是雞批外殼, 原來唔係, 我都唔識形容, 味道麻麻地啦! 可能不是我喜歡的味道啦!沙爹牛面–其實是男友叫的, 他是沙爹牛的試食高手, 食牛無數, 但佢話都未食過呢種味的沙爹牛, 好特別, 唔錯!奶茶–又係同人地d味唔同, 都幾好味!無得比較! 不過一定有下次!永樂園我鐘意個醬!但條腸呢…太細了!8點鐘都有熱狗食架啦! $7一隻, 個醬好好味, 個包都唔錯, 但條腸太細了, 只有半個飽可夾到條腸.有下次…依家都想食.

今日與友人的來個即興午飯局. 因要就他的工作地點, 但翠華已被我們例入黑名單. 突然醒起附近的蛇竇, 反正我未試過在此食晏, 又試試. 咁就腳, 友人當然無異議!差不多一點才到, 基本上已滿座, 幸好剛有人離去. 起初見唔肚餓, 打算食件三文治. 但搵位期間, 見差不多個個也叫滑蛋xx. 我又唔執輸, 要了滑蛋蝦仁, 友人則要了滑蛋叉燒. 來這裏好自然想飲奶茶, 但天氣咁熱, 無福嘆熱的, 所以要了凍飲.滑蛋真係"滑蛋", 仍帶點蛋漿, 沒有變成煎/炒蛋, 我鍾意!! 蝦仁都算大隻兼爽口, 再加埋少少甜味的"碟頭飯豉油", 結果食大半碟飯!!! 友人的叉燒都唔錯, 但兩者我還是較愛蝦仁^^奶茶的茶味及奶味都好平均, 唔會偏重一味. 只係飲到尾, 被溶了的冰溝淡了味道, 但無辦法, 凍飲就是有這個問題!下次要帶另一位雞蛋愛好者來試試先得!!

多年來打工仔公認的No 1 蛇竇,多年來只去過一次打冷,還要在老蘭夜蒲後,深夜才施施然來.說起也面紅.還算是香港人?今日蛇王可有其他方法,這夜為了等人,在此吃個批,飲杯奶茶,邊吃邊等.奶茶香滑,茶同奶味適中.什批細細個,一口可吃得下.外層鬆化,裏面餡料五臟俱全,火腿,雞肉等等....雜如雞球大包,可惜差粒鵪春蛋.嗒著香港地道口味,電視上傳來"心繫家國"的洗腦式廣告,絕對擾人清夢.回歸已近十年,小弟仍然執迷不悔,眷戀著昔日港英年代,在強烈本土意識之下,只覺得自己是香港人.眼看港英年代的地標如舊天星,皇后碼頭逐一倒下,痛心疾首.God save the Q.U.E.E.N.

蛇竇可能真的較適合打工仔過來蛇一蛇，食個菠蘿包、整件批或者嘆杯奶茶/咖啡，吃正餐就似乎麻麻。沒有套餐，印在餐牌上的午飯選擇只得大約十款，均是相當簡單、普通的，例如餐蛋飯、涼瓜排骨飯和滑蛋蝦仁飯等，全部都是$22一碟。結果點了菜遠牛肉飯，另加一杯熱奶茶($12)。奶茶的茶味相當濃，不失咖啡茶室之名，時間許可的話真的可以慢慢嘆。不過等了一段時間才上的菜遠牛肉飯就很似自己在家煮的，既不重賣相，牛肉片又韌，兼且味道又給偏甜的豉油蓋過，實在失望。有對男女搭檯，那位女子來過幾次，說滑蛋最好，見她點的滑蛋叉燒飯又確實頗吸引，當然你要不介意吃半熟雞蛋。

(6/2/07)有人請食蛇竇包點,雜批,牛肉包都試過,今次試雞批。襯熱熱o地,批皮鬆脆!好似食曲奇餅咁,裡面唔似雜批咁兜亂,雞肉工整。mm........個皮真係好好食啊!

說的是一個十年的故事.十年前, 未投得票的日子, 初初開始工作, 同事契姐帶我來食. 味道已忘得一乾二淨, 只記得蛇竇之名.轉眼已是十年後, 工作的地方亦由中環變做Beverly Hills 再變做Marina Del Rey 再變做LAX 再變做灣仔. 不用上班的早上, 同文迪來食早餐. 當然坐樓上, 享受蛇竇的風味.菠蘿包: 6分, 面頭有菠蘿茸, 幾特別. 但凍了, 不太易入口.熱奶茶: 8分, 典型的茶檔奶茶, 茶味濃郁.試了點文迪的早餐, 很普通. 其實蛇竇的食物都係一般, 上來都係為了蛇一蛇. 食完行過聖誕村.

今日中午趕去中環上堂,見冇乜時間剩,求其入間舖頭填飽肚.叫o左碗魚旦河,之後先發覺呢間係中環出名o既"蛇竇"!碗魚旦河其實真係麻麻:魚旦只係微暖,有少少咬口,河粉一點也不滑,同埋好細碗!可能o係餐室應該叫咖啡奶茶菠蘿飽之類,而唔係粉麵!有機會o既話下次會試番呢D正宗餐室o野食!!