樓上樓海鮮火鍋 (已結業)

眼見有關此店之先人食評（雖未全部看畢）總是提及火鍋部份，其實本人覺得火鍋間間分別不大！但本人每次到此店都只吃刺生，特別喜愛此店的生牛肉，每次到來就算吃火鍋亦例必上台！之前本人十分喜歡吃韓式生牛肉的，到過金巴利街的『清溪川』及美麗華的『新羅寶』，發覺質素每況越下，後期覺得難吃！唯獨此處吃了十數次都只有一次半次失準，及所有帶去的朋友都沒惡評！其餘刺生較新鮮好味的有生蠔、法國活多寶魚兩食、鮑魚刺生、牡丹蝦刺生、活海蠟魚刺生等，燒物亦有很多選擇，尚算不錯！但價錢絕對貴到飛起！按我的食法平均消費每住$500 - $600！上次14 位同事去，吃完刺生再打邊爐，刺生有二隻本地龍蝦、三斤重海蠟、鮑魚、海螺等，火鍋最特別的就是吃到菜心苗，而是次叫的刺生是特別搜刮翻來的，埋單共吃了$7900（榮哥話已打了折）！此店整體尚算可以，但消費高了一點

五個人去食...食九百幾蚊....普普通通既大路野...牛肉..蝦丸..粉腸...雞件...菜呀咁......個朱骨湯底好鬼鹹...冷氣好涷....要讚既係醬汁多選擇....仲係唔洗錢任溝....的確係明星食肆..見到張慧儀..姚樂怡..何家勁等...總括而言....如果你想去一間裝修得体...見得人既火鍋...可以去....但係如果你係唔介意坐得冇咁好...但係食好d....你未必會覺得抵.....你可以有好多選擇...譬如稻香...德興...大角咀果d...或者黃埔崇潔街有間叫阿二既...我都覺得唔錯.....

幾個朋友晚飯，一行六人其中一人想打邊爐，但唔想太嘈，所以選擇這裏。雖然火鍋來計價錢是貴少少，但環境唔錯裝修都幾靚，食物亦好新鮮。本人最欣賞生蠔(美國)除了勁抵$28一隻外，又肥美又新鮮好食，另外值得推薦係刺身，我地叫立魚二食$268切刺身後，剩d骨煮熟都一樣鮮味十足。至於什錦刺身$168都唔錯架，不過其中order一個”和牛”，友人話唔肥好”正”可能小妹一向對牛肉無大興趣加上$228得幾塊好似唔抵。差點忘了湯底是選火焰炌湯$168，真材實料隻炌又大又多肉架。餐後驚喜係其中一個經理榮哥好好人，送一個甜品拼盆給我們，原來佢地甜品係自家創造，個NewYorkCheeseCake有餅底架，絕對係水準之作。

幾個女仔飯聚，想揀個企理D o既地方，睇食評見講到呢度好雅致咪即本試o下，點知都不外如是!o係早一日前訂定枱，過程好順利，但講明要九點鐘交返張枱。到當日正整裝好準備出門口，竟然接到佢o地電話話訂枱已經full晒，安排唔到枱比我o地，有無搞錯，訂o左枱都可以臨時話無枱? 我當然唔會就咁算數，爭取我應有o既權利，佢先話盡量幫我安排。我o地準時到，以免比佢有藉口唔比枱我o地，去到率之都有枱，不過係最近Bar 枱 同收銀個位，成日有人行來行去。首先講返個地方，我唔覺得好正，只係唔似一般食火煱o既食肆，至於個調味架只係gimmick，好多食火煱o既地方都供應類似配料。價錢方面一D都唔平，portion中等，但由湯底至火煱料都無乜驚喜，論新鮮程度還可以。我o地點o左以下食品:半打澳洲生蠔(生吃) –幾新鮮，唔錯牛肉(肉眼邊) –一般，無想像中咁好，呀媽整o個D重好味鮮墨魚丸–好彈牙，不過o係好多火煱店都食到鮮蝦丸–都幾彈牙鮮魷魚–OK ，無特別蚵仔餃–無驚喜，幾一般珊瑚蚌–一般火煱店水準鮮腐竹麫筋油墨菜埋單成惠$764，以咁o既價錢食火煱都幾唔抵，而且我試過尖東間德興任食火煱，水準都唔差，但價錢相

跟朋友去食晚飯。入到去裝修幾靚，但出面等位地方唔乾淨。我地準時七時半到，點知伙計挍錯o左。等多十五分鐘至有得坐。店員送番汽水我地飲，所以算啦。食物黎得幾快，但第一支啤酒完全唔凍。伙記開o左先話:"係呀，呢隻未夠凍"... 唔凍唔應該開o左至講。食物唔錯：牛肉靚、菜、料同海鮮又新鮮又好食。可是...當我地個湯低要加水時叫極都冇人o黎，結果個湯o隆o左。啤酒就成日問要唔要，但湯水就永遠都唔o黎，服務只係OK，唔好得去邊。裝修幾靚，廁所算乾淨。冷氣好凍，坐錯位會幾慘。背景音樂唔會太大聲，但好怪：時放Techno時放懷舊金曲。食o左每人二百元左右，唔平。本人唔鐘意"食裝修"，雖然樓上樓火鍋幾好食，但唔抵而服務平平。相信唔會再去，香港太多火鍋店了。

大門打開，眼前一亮，環境裝修很時尚優雅，在一邊卡位坐下，侍應立即拿來一盤載著火鍋醬料的架，我們這個指指，那個指指，好，藝術的醬油完成．另一個侍應拿了一張點菜單，在食物方面，除了一般基本火鍋常吃，還有不少特色款式，牛肉也有八款，丸類更可以自選餡料，先後叫過鮮蝦丸烏魚子餡，和芝士餡墨魚丸，很好吃．九層塔蚵仔餃亦不錯．有個黑白豆腐，黑豆腐用黑豆磨的，吃起來口感較滑．刺身非常新鮮，即叫即切但價格欄寫時價，怕怕．改叫小食，也滿意．侍應服務很好，很親切，隨傳隨到，每隔一會來確定所有食品到齊沒．同場見洪天明和錢嘉樂，原來是明星食肆．賣單每人二佰塊，特色邊爐，差不多啦。

呢樣都幾得意, 食落係香茜餃加咗蠔仔, 九層塔就唔係好覺, 不過蠔仔就增加了餃子的鮮味, 用麻棘淥都幾好味...

湯底有牛、魚和豬, 再配其他例如: 鮮茄牛尾, 四川麻棘, 羅宋...好似有差不多十款。我們要了牛湯底的鮮茄牛尾, 四川麻棘, 兩樣都好ok, 不過四川麻棘就逾食逾棘。另外點了牛肉粒, 要淥廿分鐘, 食落好有牛味。鮮蝦丸烏魚子餡, 幾特別。生魚片, 片得好靚, 份量好夠, 還有冰豆腐和菜。最後加了新鮮螺刺身, 不過就成個鐘至來, 伙計話因為第一次來貨賣, 處理耐! 加埋四杯雪梨水, 埋單七百幾, 如果唔叫螺刺身就四百零蚊, 要吃特色邊爐, 差不多啦。

唔係朋友介紹, 聽個名仲以為係稻香集團經營...環境好西式, 裝修新潮, 卡位相幾好傾偈, 不過冷氣風口位好勁, 好凍...價錢一點都不便宜, 但質素都唔差, 我朋友點了牛肉刺身好得, 手打墨魚丸好彈牙, 不過一碟得八粒唔夠喉, 都成五六十蚊碟o架... 有串燒小食, 雪梨茶幾清, 焗生蠔都ok, 水餃普通, 湯底都一般, 碟碟portion 貴精不貴多, 三個人食了八百幾蚊, 打邊爐黎講都唔平呀....服務嫌殷勤得滯, 在卡位箱內成日都有好多waiter 伸個頭入黎, 傾下偈都會被打斷, 幾煩!! 同場遇到方中信和女友加爾東陞, 隔離就有李思捷和電視藝員, 我諗呢度都算係明星食肆呢~

環境裝修得幾好，有個室設計，好有西餐廳Feel。眼見樓底不高，最初以為會好翳焗，但通風系統做得好好，就算坐在個室都完全沒有的問題。食物方面，好多選擇，除了一般肥牛、魚片以外，還有很多自創菜式。就算牛肉都有成8款選擇，牛坑腩不錯，淥至約5成熟嫩得來有肉味。不過自創丸的併搭就有點複雜，幸好侍應對材料夠熟悉，不懂得點的話可請他們推介，如芝士心蝦丸彈牙得來鮮，與芝士味很配合。之不過餐牌上的海鮮就一般，如帶子、鱔片等。要點可選每日精選，那些就好正喇！總括而言，整體感覺都幾好，加埋侍應服務態度Very nice，令人覺得子有親切感。之不過，價錢不便宜，當晚連飲品，兩人消費$400多，高級消費。