標記雲吞麵

营业中

休息中

中午食飯時間很多餐廳都需要排隊，走著走著經過呢間舖見入面冇人排隊，就即刻入咗去食入到去，其實差唔多都全院滿座。一坐入去職員已經問你想食啲乜，落咗單之後大概五分鐘就已經有嘢食送上枱，雖然佢午餐有單拼麵加一份麥菜再包埋豆漿都係32蚊，但係自己對青菜同豆漿冇乜 興趣，所以都淨係嗌咗個雙拼麵加五蚊要個汽水就算，加返埋其實都只係貴午餐少少所以都可以接受。味道方面都係一般質素，叫咗雲吞鵝腸麵，鵝腸分量都算多，雲吞仲有三粒，35蚊嘅質素都冇乜太大要求。

疫情關係，午餐時間都會外賣返公司用餐🍴今日經過見到呢間親民價的標記粉面小店，都有不少人等外賣，於是試試佢！小店都有完成肺炎檢測認證，咁就更加食得安心啦水餃🥟片頭米粉套餐水餃餡料足同新鮮片頭彈牙唔會厚粉感覺套餐有份量足的菜同豆漿，抵食！

全港再次因疫情爆發,失去了晚市的營業名店也沒客了,那小店又如何?灣仔一街之隔的港式雲吞麵小店外賣再減$2,將本來已經係低價中既低價變到無可再低一碗麵$22起,雙拼麵$28,本著支持小店的心態去食牛腩雲吞麵,我見阿姐新鮮包製,應該不差選米粉,油脂比較少,食起黎唔油膩雲吞皮算薄身,餡料也多,一隻蝦肉,但比足3粒大雲吞味道不錯,湯底偏淡,牛腩滷得夠味,亦夠軟,雲吞肉餡夠爽身,但無乜鮮味以呢個價不能要求什麼,但求溫飽知足再追加一支可樂,埋單$35,相當抵食自家炒辣油,食得辣朋友一定要試,辣度夠勁,少少已經辣到流汗#港式雲吞麵 #香港小店

今日想隨便搵間餐廳快食, 中午時間見有位既麵檔就佢啦.單餸粉麵$22 + 豆漿 $6水餃夠結實, 味道OK. 米粉亦都冇煮得太淋. 可能因為個日冇咩客, 阿姐就開始發表偉論.唔啱聽, 食完急急腳走。 清潔度就咁睇係OK既, 但呢日穿短褲, 坐住食有少少蚊茲, 有DD 腳痕. 入座冇量體溫亦都冇搓手液. 冇隔板.灣仔大把野食,我自己就應該冇下次啦~

今天我和仔仔經過灣仔餛飩店叫“標記粉麵”，我突然之間很想吃餛飩，不想再吃平凡的快餐店早餐，於是進了一家很普通裝修的餛飩麵店，店內也很光猛，最重要的是好乾淨和寬敞的，冷氣又夠涼快。店員也很有禮貌，因為我帶著孩子吃比較麻煩，我隨便叫了一碗餛飩麵，沒想過的個碗樣子不錯，中式花紋加商標，不是外面的普通白碗，憑我經常吃餛飩的經驗，餛飩也挺大顆的，因為外面經常吃餛飩很小的，而我最欣賞的，竟然有蟹籽在裡面，蝦肉是紅色的，每粒也多蝦肉的，但也很彈牙，很有蝦味，麵質也很爽口沒有鹼水味！份量普通，我女士吃是可以的，如果一個男人吃就要多叫碗了，也有加錢喝凍豆漿，也是不錯的選擇!我還是第一次吃到蟹子餛飩，非常有特色，才22元1碗真的值得一試，質素可以媲美高水準的餛飩麵，現在這麼便宜的餛飩麵真的買少見少！

用左openrice 咁耐，第一次寫食評，是因為被呢間良心小店感動了。雙拼(雲吞有3粒+超過5塊牛腩) 連菜同荳漿只係$40, 抵食之餘仲送口罩，點能無動於衷？支持！💪🏻

午飯時間，唔太餓，想食下湯麵，經過這間麵店，$22單併，幾抵喎，於是入去食，見在牆的餐牌有好多餸可以選擇，有水餃有雲吞有牛腩仲有鵝腸等可以叫，我叫了碗雲吞米，雲吞有四粒，幾大粒下，雖然$22 但賣相不錯👍🏻雲吞餡料充足，皮薄，蝦肉與豬肉比例剛剛好，唔會過多豬肉，湯底也好清，唔會過䶢，但美中不足就是雲吞內有蝦殼🙈扣少少分，不過總體來說係平靚正，見佢有個套餐都只係$32，包埋豆漿及菜，依加仲加送一個口罩😱的確抵食👍🏻

这家店在湾仔已经二三十年，算是老字号了。一直以标榜平价粉麵见清。今天点了牛肉鱼片头米粉加一碟通菜和豆浆才38元，而且还送多个口罩，真的是划算到不得了。这价钱相信比深圳还便宜。当然整体来说中规中矩，相对上牛肉没有湾仔权记的鲜牛肉那么嫩。但整体来说还是满意的。

推介雲吞，牛腩，這間好食😃，單拼面，22元，雙拼28，有個餐，包括單拼面，菜和豆漿，份量中等，又唔係話太細碗，雙拼，雲吞有3隻，牛腩5，6件，如行開灣仔，不妨一試😉，午市去都坐滿8，9成人，因好快就食晒，所以一般都唔洗等位👍近地鐵站，地點方便，環境一般面鋪般，5-6張圓枱，多人時，5-6個一枱，亞姐寫單快，清枱快，無錯單😊👍，多選擇，有魚單，魚片，牛腩，牛筋，墨丸，牛丸，魚皮，肥件，鵝腸，大致是這些吧😅，辣椒油自己加，兩三小匙就差不多，幾有香辣味，配面食很夾😄

近排手頭緊 要節衣縮食唯有去食下啲粥粉麵飯叫左個鳳城水餃魚蛋麵同牛腩魚皮餃腩汁撈麵味道中規中矩 說唔上飽肚但係都叫一餐午市好多人食 搭枱走唔甩好彩鋪頭咁大 唔會坐得唔舒服

呢間小店係我既飯堂不過今次第一次幫佢寫食評首先講下價錢 單拼22 蚊 雙拼28蚊單拼再加個菜同豆漿都係32蚊食到飽一飽架 真係抵到無朋友！再講下有咩選擇 牛腩牛筋墨丸魚蛋鮮蝦雲吞炸魚皮鯪魚球肥牛粗麵幼麵米粉河粉米線任君選擇個菜都大大碟架 不過近期就只得通菜但我發現灣仔仲有另一間一模一樣叫肥仔記 佢格局食物價錢都一樣不過果間就有菜心既 另外唯一缺點係坐得都幾迫架 有時食完好似趕你走咁 所以咩背狼人士就麻煩少少啦 不過咁既價錢 咁既份量 味道都不錯 所以唔好咁高要求啦

行開灣仔，好懷念標記的抗通脹麵由10年前食$16麵（單拼），10年後都只是$22見到個「麵」字大招牌，就等於見到「平」字平日晚上6:45pm去到，都坐滿一半，之後越吃越多人餐牌多選擇港式麵食，$22單拼真係抵到爛，雙拼都只係$28套餐$32，包單拼麵、油菜、豆漿重要喺灣仔，$3X一個高質餐去邊度搵吖$22/4粒雲吞麵、要多青佢冇將貨就價叫多青有多青，冇hea你4粒雲吞大大粒，只是$22隱約見到好多蝦，皮好簿佢唔係散尾雲吞不過散唔散尾唔緊要佢啲餡，睇吓：$22/4粒雲吞 x 2隻蝦大大隻，成隻蝦咁濟咁點賺錢㗎佢啲蝦好爽口，一啲都唔霉，有大地魚味肉唔多，比例剛剛好$22咁嘅質素真係抵到冇人有由$16食到$22，水準冇變次次食都咁好

每次去灣仔上補習班都會揾潮州粉麵舖食，呢間舖已有超過10年歷史。仲記得當年2008年暑假我响呢度附近對面的星展銀行做summer job，而家銀行個舖一早就執咗，呢個舖位的粉麵舖依舊存在。今次食魚蛋雲吞雙拼麵，加多一碟油菜，仲送杯凍豆漿，但我咳未好無要到凍豆漿，盛惠38蚊。味道算正常，舖頭環境一般，但响灣仔嚟講叫幾抵食，如果閣下比較大食，個麵底份量可能唔夠，加底可能會好啲！😅灣仔真係好多嘢食，下次會試下唔同潮州粉麵舖，畢竟呢類麵舖响尖沙嘴同九龍灣都買少見少，呢種麵食係學生時代的回憶，有時都想食下回味一下。

波叔派糖冇乜點受惠🤷🏻‍♀️，咁唯有食平DD啦🥺呢間標記雲吞麵質素雖然平平，但絕對係糧尾首選👍🏻 全日粉麵套餐 $32 就可以有齊單拼粉麵+通菜+豆漿🤩如果你唔鐘意叫餐，淨單拼都只係$22，咁抵真係邊度搵😱（每多樣餸另加6蚊）小編叫咗個雲吞麵餐（$32），入面啲蝦🦐雖然唔夠大隻，但都有咬口唔會太粉，外皮夠薄夠滑朋友叫咗個🐮肥牛片頭麵餐（$38），都係正常貨仔麵質🍜爽口彈牙，而食港式粉麵我最鐘意就係佢陣鹼水味🤭通菜🥬就唔好對佢期望咁多，好似煮得耐得濟，有些微過淋😰，不過個自製腐乳幫佢加返少少分🙊呢度既腐乳係自家製，而且唔係連埋菜炒，係放係另一格比你自己點，味道偏辣🌶，食落唔錯總括黎講咁平都算係咁🤣

多年前食過，今日又咁啱行過，又走左入去一條友食碗麵當作下午茶。地段非常方便，就喺大街大巷。呢間老店無學其他麵店咁有豪華裝修，但佢價錢真係贏哂，質素仲要唔差。22蚊碗雲吞麵，其實今時今日物價，算係幾抵食，四粒鮮蝦雲吞，無錯係比起以前無咁大件，但味道keep 倒，有咬口，算係有質素的。麵熱整得幾好起碼無痴埋，食落爽口有層次的，可惜麵還是有鹼水味，呢個價錢好難要求太多的，唔通仲要無敵海景喺隔離有人拉小提琴咩。