檸濛濛手打檸檬茶

营业中

休息中

茶飲不錯，清新，值得推介。店員好好人介紹茶飲，我地唔明都好耐心介紹，今時今日有咁既服務態度是好好的。店員有介紹唔同口味雞蛋仔，但我哋趕時間，唯有下次先試。總結，服務良好，飲品不錯，新鮮，一定好過後一條街嗰間茶飲店！

好耐無食鷄蛋仔，見到呢個套餐有我好 like 既手打檸檬茶加鷄蛋仔，行過都要買黎食吓先。套餐加$9可以升級1L霸王杯，加埋就啱啱好夠2個人飲，再 share 鷄蛋仔就唔會太飽，隔一陣就可以再食過其他好西。鷄蛋仔睇住個店員整，又香又脆，仲要個包裝靚到好似手袋咁，攞住一路行一路食都好方便，又唔會好似傳統個 d 紙袋咁濕晒。鷄蛋仔真係外脆內軟，入面有粒軟心既效果，好好味，又有蛋味。鴨屎香檸檬茶都好飲，有鴨屎香茶香，加埋檸檬清新香味，好 fresh。

我最喜歡飲濃味檸檬茶，今日途經問店員爆打渣男檸檬茶系未最濃，店員話系。買了一杯，只見店員爆打檸檬一頓，杯飲品色澤一看很濃，一飲好好飲丫，好濃茶香不太甜太好飲，檸檬及茶結合得天衣無縫，下次一經就要買。