權發小廚

营业中

休息中

平時出去食諗唔到食咩 ，又想食得健康啲。權發嘅兩餸飯，簡直係最佳嘅選擇，雖然佢嘅價位以兩餸飯黎講唔平，但係佢嘅質素係真係好高，食完會覺得物有所值😋▪️兩餸飯$43-菜心佢呢個係炒菜心嚟嘅，咁佢個菜心食落都幾爽口，唔會太腍又唔會太脆啱啱好同埋食落去就冇乜渣👍🏻-蓮藕📌推薦！！呢一個蓮藕炒雞幾乎係我每次都會嗌！！多數嗌嘅時候都會叫職員俾多啲蓮藕我，少啲雞😂因為我覺得佢嘅蓮藕係非常之出色！呢個蓮藕呢好爽脆同埋好入味，辣嘅程度啱啱好令到味道更上一層樓 😋佢嘅雞其實都出色㗎，但係呢因為蓮藕實在太好味啦，所以會focus咗係蓮藕度🤪

#20250503 🤍📍 #權發小廚觀塘成業街16號地下A號舖 🍽️銅鑼灣｜佐敦｜油麻地均有分店➖➖➖➖➖➖➖➖➖➖➖➖➖➖➖➖➖#三餸飯 $53 🥢 #枸杞火腿浸莧菜 #豉椒炒鵝腸 #欖菜肉鬆四季豆 💭 呢間野講到話係兩餸飯既天花板，當然要試一試😏款式係多既，但十幾廿款餸入面綠色蔬菜既比例佔得太少，莧菜比較少見，無浸到淋晒抵讚，反而覺得四季豆可以淋啲，依家咁樣有啲生😅鵝腸處理得幾好，完全無怪味，入口爽脆，而且有好多條好抵食😗.#三餸飯 $53 🥢 #泰式豬扒 #豉椒炒大蜆 #蒜香椒鹽骨💭 堂食個兜如果裝大件野唔會裝得好多件，炒蜆連殼就更加唔抵，可能人人都咁諗所以無人叫，結果兜蜆無機會refill就變左攤凍晒🙈豬扒同蒜香骨都香口，食落啖啖肉，雖然唔多件但絕對夠飽，因為兜飯勁大兜，overall係唔好當佢係兩餸飯，有位坐有冷氣當佢係茶餐廳咁會比錢比得甘心啲😎.

買了兩個兩餸餐。 收銀處的員工態度差極，問多句都west面，但照試下。有多款菜式供選擇，欲考慮下乜餸時，員工十分冇耐性，只想我們盡快决定。由放份量極少，吃元要去鄰店再食。雖然只43一位，但份量值25。如要醫肚，要另作考慮。味道方面，普通。店內有進區，尚算足夠但dirty。但因禍得福，由於不夠飽，用39蚊去附近另一店再食過下午茶，味道及份量更好。十分後悔去了這權發吃一頓垃圾。可能官塘上班一族，只救方便及快才去幫襯

長期排長龍的兩餸飯 油麻地佐敦都有分店值得一讚係觀塘店收銀姐姐好好人😁服務態度好好👍🏼👍🏼👍🏼冬天限定生炒糯米飯 ($58)一盒睇落唔係好多但係超飽都算足料 味 花生 蛋仲有冬菇好粘 食落都少少油油地 不過夠味食完個人真係暖哂胃 勁飯氣攻心🥱另外都叫左個淨餸 ($53)可以揀兩個餸 揀左西蘭花蝦球🍤蝦球幾大隻 彈牙 另外係蒜香骨炸得好酥脆 好食😋

今日Lunch同同事去權發小廚買咗兩餸飯($53)，揀咗魚同西蘭花蝦仁。成個餐整體正常穩定，味道冇問題，但可能食得太多次，感覺開始有啲悶。食品部分倉魚：魚煮得幾新鮮，調味唔會過鹹，入口滑溜，算係一般兩餸飯會出現嘅水準之上，無功無過。西蘭花蝦仁：西蘭花焯得啱啱好，仲有啲爽口，蝦仁唔算大，但勝在嫩滑，仲帶啲鮮甜味，配埋白飯食係幾滿足嘅。不過呢個餸太常見，無乜新鮮感。⭐食品評分：3.5/5環境與服務由於係買外賣，環境同服務冇咩特別可以評論。佢哋出餐速度算快，份量亦算合理，但冇太大記憶點，屬於一般快餐嘅正常水平。⭐服務評分：3/5總體感受權發小廚兩餸飯食落穩定又正常，無論魚定蝦仁味道都合格，但冇太多驚喜。成日食同一間確實有啲悶，如果你喺附近想搵個穩妥嘅選擇，佢就係唔會出錯嘅答案，但偶爾都應該換換口味試新嘢！⭐總體評分：3.5/5

叫左$58 3餸飯，見咁多人排隊所以都想去試下。菜式的確好多而且望落都唔錯反而要諗一諗要揀食咩好。最後排到先知鱔會當兩個餸所以都唔緊要怕阻到人就叫左鱔同海鮮豆腐蒸蛋。份量得5舊話好食都算，但係鱔味道比較淡，比起其他兩餸飯鋪頭仲少反而人地仲平。不過講起淡都唔夠呢個海鮮豆腐蒸蛋既味道淡，淡到好似水咁。同樣，份量都係好少，而且都唔會值得呢個價錢。至於員工方面都唔洗講，一開始話要兩個三餸飯，結果收銀好心急問多次要咩，重覆多次又話知道咁我地係米要兩個三餸飯，冇野搵野話咁。入面啲姐姐當然都唔洗講，人多心急緊張明白，但係唔耐煩等等既情緒放曬上面，地方嘈大家聽唔到大家講野就好容易激動，雖然最後都冇咩特別，相信佢地都係太忙先會有咁既態度。最後都係番去食物味道同份量方面，希望可以盡量改善下，而可以值番呢個價。

據聞權發小廚的兩餸飯向來菜式選擇多，每日提供30款以上小菜，更不時更換菜式。權發最近於觀塘設分店，終於有機會一試。點了一盒三餸飯 ($53)及幾款小菜 ($53/盒)。三餸飯的配搭是欖菜肉鬆四季豆、涼瓜牛肉及魚香茄子，四季豆爽脆帶欖菜香，送飯夠開胃！魚香茄子微微鹹香，帶輕微的辣。三款餸都好適合用來撈飯。另點了5款小菜，兩款清淡點的，適合家中長者食用。 豉汁蒸䱽魚，兩條䱽魚蒸得剛剛好，啖啖肉，魚肉嫩滑，豉汁調味恰好，不會太鹹。翠塘豆腐，即豆腐蝦仁蒸蛋，清淡得來不會淡茂茂，滑溜的豆腐及蒸蛋，長者容易吞嚥。點了咕嚕肉的同時，也點了秘制黑醋骨，兩款都是酸酸甜甜的，醬汁滿滿，各有各食法！酥炸椒鹽魷魚鬚，可能外帶回家需時的關係，炸粉有點軟稔。觀其賣相，炸粉不會好厚，魷魚鬚份量亦很多，相信可以趁熱即食會更不錯。長者可以有合適菜式吃，年輕一輩也有合口味的餸菜，菜式選擇實在充足，味道也不錯啊！

經過觀塘權發，順便買外賣做晚餐。下午兩點幾，當時外賣客吾多，堂食客坐滿三分二。一眼望見最鍾意嘅蒸魚，仲竟然係斑仔！鱔都係首選…一於兩盒雙魚飯。63蚊一盒，一條魚加6塊鱔肉，好抵食。斑仔無乜味，靠個甜豉油煮將佢還魂…好味！鱔魚用好多醬料拌勻再蒸熟，肉質彈牙，惹味好送飯；不過幾油！偶爾一餐不為過。只係白飯質素稍為遜色，好削。主打優質商務飯盒，餸好食外，米飯質素也應改善一下。

有日我下妟三點去買飯就好地地，閒時間吖嘛！炒麵加鱔片都 $68 架，鱔片正常發揮，炒麵偏甜。第二次一點半去到，我眼見就唔多人嘅。你忙完你嘅事吖攞啲客黎趷黎西，遲一秒講餸都窒住晒，話我黎睇乜乜乜，黎買個飯啫短短幾十秒嘅交流都可以咁樣，老實講價錢唔係特別平，兩餸飯水準係唔錯，但唔值得俾你啲咁嘅十九員工duc囉 😒。同行同事覺得無問題 🤷‍♂️，唔怕受氣可以去，係呀！幾十蚊買個飯唔係要求咩態度但唔係咁樣西法囉 😒。要我繼續幫襯去養住呢班人真係唔會，觀塘無選擇咩，超 😎再者，初時唔知好似人龍不斷，實情係排完收銀再排飯，人龍係做出黎俾大家睇 🙈😏

牛腩完全唔掂，又乾 又硬 又鞋，根本食唔到。買咗三個餸，有兩個都ok，牛腩真係離晒譜，依個價錢我會去番牛腩麵舖頭買。想試依間蘿蔔牛腩可以慳番，超級難食！！真係好差嘅體驗，平時都唔會留食評，唔想其他人中伏。

咕嚕肉比以前多骨 滑蛋炒蝦仁 比較鹹少少飯嘅方面其實唔夠隔籬嗰檔用嘅米好味 吃下去比較削 我諗佢只會比第一個星期開張嘅三餸飯質素越嚟越偷工減料 上次食咗佢個咕嚕肉（多肉好多㗎）再加薯仔咖喱雞 （好食既，薯仔炆得好味）仲有沙嗲粉絲 係鹹咗啲啲既我建議去權發 揀鵝腸 咖喱薯仔炆雞 咕嚕肉 （睇彩數）糖醋肉 不過由於佢人氣高企，所以都係要試吓嘅 #兩餸飯 #權發 #觀塘 #成業街#香港美食

這一間兩餸飯幾出名，上過電視節目，最近在觀塘開了分店，平時很多人排隊。兩餸飯$43 ，三餸飯$53 ，差一個餸，相差$10，好似兩餸飯好似抵啲。難得今日放早，見到得幾個人排隊，馬上買個兩餸試吓。可以買入去舖內食，還可以外賣，餸選擇都不少。黑醋骨幾吸引。買了兩個淨餸（ $53）黑醋骨 和 咕嚕肉咕嚕肉酸酸甜甜，表皮都有少少脆，都幾好食。黑醋骨比較驚喜，黑醋味道濃郁，雖然份量不算太多，但味道的確不錯。兩個餸$53不算太貴，但份量並不太多，一個人食還可以。

今日早左所以就排下隊試下喇間野新開 中午同收工時間都排晒長龍 就試下佢咩料買盒飯要排兩次隊 先要得收銀排隊俾錢買飛 再憑飛排隊拎飯 由於新開 目前只收現金 買完飛再排隔離隊拎飯排到你 姐姐會收飛 收飛時你好講埋要咩餸喇今日試通菜牛肉 生炒骨兩個味道都偏濃 可能係我自己揀錯 都會俾多次機會下次試啲清淡啲既餸43/2餸 49/3餸魚、牛仔骨當兩餸計呢間新開吸左一堆客 隔兩間舖仲有間兩餸 味道淡口啲又平啲既但呢間都會試多次 如果都係重口味的話 下次會食返隔離嗰間

🇭🇰🍱🍚人龍兩/三/四餸飯▫️兩餸$43， 3餸$53，4餸$63▫️䱽魚，鱔，牛仔骨當2餸計算觀塘最近新開嘅2餸飯，無論幾點都有長長嘅人龍喺出邊等，權發小廚係2餸飯界都幾出名，但其實價錢都吾算平，不過都試下有幾好食先🤔分別試左魚香茄子🍆/ 蝦仁炒蛋🦐/ 黑醋骨/ 咕嚕肉/ 麻辣腩肉/ 麻辣蓮藕雞格仔雖然吾大，但都會塞滿嘅，黑醋骨的確幾好食，但係由於舊骨比較大件，所以只有三至四件。至於咕嚕肉就有10幾粒，有啲有骨有啲冇骨，但係除咗咕嚕肉冇其他配料，菠蘿、青椒全部都冇。麻辣腩肉同埋麻辣蓮藕雞就幾好食，小麻微辣，不過相對油膩。魚香茄子就正正常常，但都好油。至於蝦仁炒蛋就煮得幾滑，蝦仁大約有三隻，都幾爽口。整體嚟講，呢間兩餸飯係選擇多，但係食物都唔係話特別健康，相對其他兩餸飯嚟講定價都較高，如果唔使排隊嘅都可以食下。

見佢開咗一排，日日大排長龍，我今日六點幾去食，叫咗一份兩餸飯，一份三餸，堂食。結果完全失望！叫咗蒸倉魚(當兩份餸)，涼瓜牛肉，四季豆，蜆，但係啲嘢只係暖暖地，係唔熱嘅！我認為已經係一個最大失敗！份量有幾多，大家可以自己睇下，我真係覺得少囉！！畢左一格蜆畀我,我數過十幾隻蜆,得四隻有肉,其餘都係殼！跟住我成兜拎返出去，同阿姐講成兜蜆得四粒肉。跟住佢又話因為啲肉跌曬落盤下面，指示另一個員工，畢返一兜畀我，（個員工有少少黑面)蒸倉魚估計是雪藏嘢，(我只係憑味道估計，大家食過自行判斷）。不過味道都過得去，不過始終唔夠熱，食食下會有腥味。其餘兩味都係好普通嘅味道，冇乜特別。我覺得呢間嘢名大於實，啲嘢味道都唔係咁突出，價錢又貴過人幾蚊，俾我揀，真係一次就夠了！以上全是個人感受，好唔好食，夠唔夠熱，請自己去食過自行判斷。