欣榮咖啡室

营业中

休息中

眼見呢間食店座無虛席，而且仍不斷有食客等位，好奇心驅使下即刻等埋一份。論食店的環境及座位，绝對不能以舒適寬敞形容，每位食客只能佔一張木櫈，腰板當然要伸直，多一點的空間看來也很奢侈。眼見小店提供的飯類及食物款式有限，但飲品則較為特别。目測其他食客所揀的食物，蘿蔔牛腩飯和蕃茄洋葱豬扒飯較多人選擇，所以我也跟大隊。再附加熱杏仁露及華田咖啡呢！呢個蕃茄洋葱豬扒飯論賣相及食味都超水準，飯同餸分開上，已經抵讚！整個蕃茄汁非常出色，用新鲜的蕃茄煮出嚟，並非一般食店用茄汁、茄膏製造出來。很有住家的風味，喺街度都可以品嚐到屋企嘅飯餸，令一眾打工仔特别覺得窩心。豬扒煎香後再切细件混入蕃茄煮，令肉質更加入味，而食的時候也非常方便。呢種家庭式的煮法，餸汁並不油膩，不像一般的食店以芡汁上碟，所以呢種食法較健康，令人較開胃。呢款蘿蔔牛腩飯可算係男人的浪漫，通常都係男士點呢個飯。餸的份量很足，牛筋及牛腩的比例好平均。牛筋、牛腩夠稔及非常入味，最精彩當然是沉底嘅蘿蔔，吸收咗餸汁的精華，香軟入味，入口即溶，簡直是人間美味。同樣用家庭式的炆煮法，少油健康，將食材本身的鲜味突出，令食味提升。熱杏仁露不過不失，值得一讚係老闆

讚：1. 菜式家常，初時仲以為係普通冰室茶記咁，但唔知點解，反而主打賣咖哩牛腩、蘿蔔牛腩咁，最奇異係有麵食，仲要係上海麵而唔係茶記既公仔麵，味道好家常，份量大，牛腩夠入味，出乎意料地唔錯彈：1. 環境真心係逼2. 咖啡唔得，好似煮左好耐咁

見到欣榮㗎啡室，即刻諗起懷舊冰室係荃豐呢帶商場，一個小鋪位，午餐時段要等下咯咦，無套餐喎，單點就可以加10蚊叫嘢飲。見到好多人叫咖哩雞飯，份量唔算多，一碗仔咖哩加一碟飯。啱細食之人。先講飲品， 有好多吸引嘅，好想試。見到人哋飲嗰個奶茶紅豆冰，好小地方有喎。但我最終係決定試杯朱古力咖啡，唔太甜，溝埋好飲過星×克喎🤣回鍋肉豬扒出前一丁，ok呀，無話好出色，ok呀。一杯嘢飲加一丁，47蚊埋單，有杯特飲就更加好嘞

華都中心發現新食店，反正和愛人揾早餐吃，於是決定一起試新野。欣榮咖啡室，相信主打咖啡奶茶，愛人點了凍奶茶，而筆者至愛齋啡。早上九時許，一看餐牌只有麵餐，沒有早餐供應，故此想吃三文治要單點項目，凡惠顧任何食品熱飲加$10, 凍飲加$13麵餐有上海麵供應，配這菜脯應該不錯。腿蛋治餐$30端上桌時一看，Size 袖珍，打開看見火腿雞蛋，包餐飲$30一份三文治餐，即時感覺有點貴，相信這裡招牌項目，主打應是麵餐。豬扒魚片頭福麵餐$51~點餐前問麵員推介豬扒，因為即叫即炸，喜歡這店豬扒是碎上，容易進食，但奈何過火，太乾，帶點柴皮，魚片頭不過不失，唯獨是喜歡這裡有福麵選擇，聞說福麵來貨貴，故越來越少食店提供。凍奶茶~有茶香齋啡~以茶餐廳來說，已是不錯，相信下次有機會的話會試鴛鴦。整體來說:由於餐牌只得一個，如果以早餐角度，在這個商場有更好的選擇，早餐價錢這店有點貴，但如以午餐角度的話，還可接受。