歇腳亭 (富華中心商場)

营业中

休息中

今次新出咗益力多系列，有草莓蘆薈多多$30，同埋花茶蘆薈多多沙冰$32。試咗草莓蘆薈多多益力多的份量過重，唔係太飲到草莓味，不過就落咗唔少蘆薈粒，差唔多每啖都會有蘆薈粒

Sharetea歇脚亭新出夏⽇繽紛果漾系列，一共4款飲品主打芒果同草莓口味，製成甘露同泡泡，賣相比較colorful，行打卡路線-👍🏻楊枝⽢露 $36⽢露係半冰沙狀，味道就真係好似食緊楊枝甘露甜品咁啖啖芒果肉、西柚肉，粒粒Q彈五厘露，酸酸甜甜夠晒凍好爽🤪-👍🏻草莓泡泡 $38無糖零卡氣泡梳打⽔加入草莓醬、⻄柚肉、蘆薈粒清新得嚟士多啤梨味唔係假甜，消暑解渴😌兩款冰度set好冇得自選，default甜度都ok唔會過甜-味道：8/10 性價比：8/10-📍#歇脚亭 #Sharetea全港分店有售 夏日限定

放工經荃灣站返屋企，一出地鐵站諗住買杯嘢飲，醒起有杯台式飲品店就喺附近。行到過去心中竊喜，竟然唔使排隊，二話不說即刻買咗杯厚黑糖珍珠鮮奶，本身諗住養生一啲，但係呢一款嘢飲只限凍飲，照殺！「哦！」店舖雖然有兩個員工，但係keep住玩電話，服務態度非常差，用了接近10分鐘才出了一杯飲品，飲品十分難飲，完全冇黑糖味，啲黑糖味好似變魔術咁樣消失得無影無蹤。好耐未試過俾錢買難受嘅感覺，實在令人難忘，自問自己平時食嘢飲嘢，就算食物質素一般有時環境同員工都幾好，好少三樣都一樣咁低水平。冇人排隊，是有原因的。

天時暑熱要外出工作, 真係認唔住要去歇腳亭買返杯厚黑糖珍珠奶茶嚟降溫。落單同拎得等咗大約5 分鐘, 算快! 我拎到返公司先飲, 大約放咗15 分鐘左右, 返到去飲都仲夠凍, 不錯!黑糖珍珠易咬, 亦有黑糖味, 唔算好甜, 不錯! 飲之前我有上下搖過, 好重奶味, 不錯!飲品較多冰, 可以KEEP 到凍, 用嚟解熱真係一流! 

呢杯咁嘅垃圾嘢飲如果唔係要比星我真係一星都唔會比，啲粉未沖開，癡晒喺上面，個店員態度已經夠晒差。隔離有另外一位客人，問自己點解杯野咁耐仲未得，望一眼然之後擰轉面， 抌單，張單跌咗落地下要客人自己去執。我杯嘢飲終於得，我行到去佢前面，然後我好清楚咁聽到佢講咗句「104呀，捨得拎未啊」

這一家位於荃灣地鐵站口的歇腳亭，是我喝過這麼多家歇腳亭中服務和飲品質素最差的一間，19/9下午，我在她家買了一杯$30的芝士鐵觀音，一拿到手就知道芝士出問題了，我跟店員說飲品有問題，芝士入口一粒一粒的，一點不用溶化，插支飲管下去芝士一粒粒包圍着飲管，看了都不敢喝，但我也勇敢喝了半口，確實顏色和味道都跟別家的分店不同，然後店員對我說，他不懂，叫了一個比較資深的女同事回答我的問題，那個所謂資深的同事真的做不了榜樣，一直坐着跟客人說話，態度還很囂張，說她覺得沒問題，芝士就是這樣，我真心醉了，然後我也不想跟她說話了，那杯有問題的飲料我也留下給他們了，真想把事情告訴給他老闆知道，這樣的員工損害公司形象 劣評 👎👎👎👎

出咗去荃灣買少少野，經過呢間奶茶店就記得自己之前買過黑糖珍珠鮮奶，$30但係真係超級細杯！果次嘅店員令我留低不愉快嘅印象。今次見到係另一個店員就過去，諗住叫番一杯珍珠奶茶返屋企飲。不過今次我就叫咗一杯珍珠奶綠，一般奶綠係會比奶茶香。但係呢間飲品店嘅珍珠奶綠就一般，香味冇乜，而且顏色比較偏淡色。於是我就想問一問個店員，確認下佢哋冇拎錯第二款俾我。我問佢呢一杯係咪珍珠奶綠，今次係一個女仔店員，其實俾錢嘅時候佢嘅眼神已經非常唔友善，就咁丟低張單......當我問佢問題嘅時候，佢態度非常差，好寸，話”下？！係啊！” 跟住就啤左我一眼...由於今次係第二次令我唔舒服嘅服務態度，所以好希望呢間店舖可以改善！

啲珍珠唔似其他分店硬到完全食唔落口，呢間既珍珠好彈，口感好好，啲野飲好夠茶味👍🏻唔錯，成日經開都一定會買，加上呢度有鐵觀音茶，沙咀道果間成日都冇鐵觀音茶😭😭我今次叫咗個星雲醇奶茶，個員工好好人，仲會提醒我係碟豆花茶，大肚婆最好唔好飲，雖然呢隻冇黑糖奶咁好飲，但我鐘意呢隻顏色同個樽👏🏻👏🏻👏🏻👏🏻平時我飲開珍珠烏龍奶茶同埋黑糖鮮奶，識食一定要食珍珠，食完唔洗食飯😝😝😝😝

食完譚仔三哥，辣到杯凍檸茶都唔夠飲😂😂😂所以決定要食完去買杯珍珠奶茶解解辣！黎到荃灣地鐵站間sharetea,見到有最近勁hit既黑糖珍珠，於是就叫咗杯厚黑糖珍珠鮮奶，真心好飲🥰厚黑糖珍珠鮮奶$30珍珠煮得啱啱好，咬落去QQ好有咬口👍因爲係好多黑糖，但配上淡淡既鮮奶，甜度適中，唔會徧甜，值得一試☺️ #歇腳亭#珍珠奶茶#黑糖珍珠鮮奶#sharetea#brownsugar#bubbletea

歇腳亭在全香港的分店都非常之多，無論去那裡，都感覺總有一間在附近。去荃灣食爭鮮時， 發現爭鮮旁邊新開張了一間歇腳亭，一於俾面支持下由於是新開張的關係，店家有買一送一優惠， 好抵呀點了一杯仙草凍奶茶， 奶茶除了有濃濃的茶香味之外，奶味也十足， 每一口 也食到 像涼粉口感軟軟的仙草，而且也不會太甜， 在炎炎夏日之下， 實乃消暑的最佳良方， 讚讚讚。另一杯橙綠茶令人精神為之一振， 似檸檬酸又有 咸柑桔 的味道，更附有一顆話梅， 一甜一酸， 配合得又幾好喎😋