影片
港铁长沙湾站 A2 出口, 步行约4分钟
继续阅读
电话号码
23877220
开饭介绍
装潢以大排档以蓝本，打造怀旧风的打卡场景，菜品以镬气小炒为主，更提供活海鲜料理，日间更供应精美点心，选择繁多。
继续阅读
营业时间
今日营业
08:00 - 16:00
18:00 - 00:00
星期一至日
08:00 - 16:00
18:00 - 00:00
以上资料只供参考，请与餐厅确认详情
-
网上订座服务暂停
相关文章
【深水埗区】【欢乐大排档】经过长沙湾先发现之前同家慈食过嘅天然居茶楼已经被佢殡咗，而家变咗呢间「欢乐大排档」，就约亚妈嚟呢度食下午茶。去到先知，喂咪又系饮茶食点心，玩嘢咩，换汤不换药。坐低就剁咗我 $16 系两位「茶位费」，就梗系要叫返壶「寿眉」嚟饮吓先啦。特价 $9.8 嘅「山竹牛肉球」又几抵，味道正常都有平呢个优点啦。跟住到 $36.8 嘅「蟹籽烧卖王」，都系正正常常酒楼烧卖，冇期望亦都冇失望。反而之后 $19.8 嘅「时菜鲮鱼球」又唔错㖞，唔系求其整出嚟𠮶啲，好香鲮鱼味，算系咁多碟里面嘅小确幸。再食 $19.8 嘅「酱皇蒸凤爪」，够热又够浓味，慢慢吮都几正，果然系广式酒楼经典菜式。食埋 $22.8 嘅「煎酿虎皮椒」，系中间啲鲮鱼肉好食，提升咗成件事。埋单 $115，原来冇收到凤爪钱，做饮食嘅员工都好惨，呢啲咁细嘅错误我就无谓挑佢出嚟喇。。。（地址：长沙湾元州街290-296号西岸国际大厦3楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗区 #长沙湾 #欢乐大排档 #寿眉 #山竹牛肉球 #蟹籽烧卖王 #时菜鲮鱼球 #酱皇蒸凤爪 #煎酿虎皮椒 #1am1782 #1ambackup
继续阅读
同细佬妹嘅做节饭，因为种种原因，一拖再拖，结果总算都约得成。而晌深水埗、长沙湾一带（就佢哋方便），揾到一处「大排档」大家都想试。上到嚟个场都几特别，地方几大，装修又唔叫得扮怀旧，但有啲传统嘅装饰，尤其放晌餐厅尾嘅「大牌坊」，绝对喺打卡位。此外，仲有几个大大细细唔同嘅厢房，不过，个个房有客就唔方便影相。餐牌有别啲大酒家，制作都好简单吓，都喺A4纸加彩色打印过落啲透明胶板度。顺便一提，茶钱收$10位，酸菜就$10一碟。不过，有一点好奇怪，明明睇见佢收费表有列明需收加一服务费，但最后张单又唔见佢有收㖞！陈皮烧鹅皇 $178我哋得4个人，嗌1/4只都好够食，外皮色泽闪𫞠，咬落香脆可口，而皮下脂肪唔多，但食落淡淡脂香，感觉不油腻，啲鹅肉就非常之嫩滑，唔点冰梅酱，就咁食都已经非常好食。凤梨生炒骨 $138呢一个喺指定菜式，次次同细佬妹食饭都一定嗌呢一款经典小炒。老实讲，个生炒骨真喺炒得几靓仔，个茨汁唔会话太多，刚好包住每嚿排骨，咬落外层又好香脆，肉质松化，个汁又唔会好呛喉，的确有水准。清蒸细沙巴趸仔 $148呢度仲有个小插曲，佢本身有分大条、细条，我哋4个人咁就梗喺嗌条细啦！最后真喺唔知咩原因 嚟咗条大嘅，我哋亦都有同侍应反映嚟错，怕喺其他客叫嘅，侍应同厨房沟通咗一大轮，最后应该喺厨房整错，亦无其他客有嗌大嘅沙巴，所以，变相益咗我就食条大嘅，真喺多谢厨房大佬，鱼条蒸得啱啱好，肉质非常之嫩滑，又好有鱼嘅鲜甜味。瑶柱扒豆苗 $138单喺睇样就见到交足货啦，豆苗多，瑶柱又多，仲要前者好嫩，后者唔喺碎湿湿嘅货色，阵阵咸香，令青嫩嘅豆苗更加好食。瑶柱蛋白炒饭 $128依家同佢哋食饭都好少嗌白饭，反而次次都嗌啲碟炒粉饭面，想大家食得好啲嘛，而今次呢碟炒饭 亦觉炒得有水准，饭粒够干身，又加咗好多炸瑶柱丝、蛋白同菜粒，味道亦刚好。整体嚟讲，啲招呼都OK嘅，个别阿姐仲好鬼有礼貌，菜式嘅份量都好足秤，味道亦都唔错，难得唔收加一添，呢个位真喺要赞；相反，要弹一弹嘅就系啲杯碗好似洗得未够干净，有部分杯拎上手有啲「黐立立」嘅感觉。
继续阅读
由中学时代已经常常跟爸妈去嘅酒楼，一家人几乎每星期日去饮茶，有时晚饭都会去𠮶度食，过时过节更加唔驶讲。不过前身唔系叫欢乐大排档系叫天然居海鲜酒家，虽然而家已经改咗名不过依然见到有啲旧嘅职员响度做。装修已经完全唔同，好有大排档气氛，房间嘅摆设做好有特色。而家因为搬咗所以已经冇再同屋企人嚟呢度食，不过因为中学时期都系附近读书，成为咗我哋聚会嘅饭堂。啱啱中学同学又有聚会，今次当然又有叫我最钟意食嘅沙姜猪手👍，另外推介小棠菜墨鱼锅贴，炸粉唔会好多，墨鱼好厚身，入面仲有小棠菜，好有口感。另外叫咗个好怀旧特色嘅小菜砵仔鸡蛋焗鱼肠，呢款菜唔系度度都有想食返儿时嘅回忆都唔系咁易，不过正值呢度就系有😋。
继续阅读
本身想食万发，但因为开年好多人排队，马上转阵去左呢间。格式好似酒楼咁，都系叫𩠌食饭！🔷一品烧鸡(半只) $138 💫7.5/10鸡肉够滑身，脆皮够哂香口，加埋只鸡都算半肥，食落有油香、鸡味。🔷风味蒜香骨 $88 💫6.5/10排骨够腍，一咬都离骨，炸到刚好唔会太干。但蒜香味唔够，入面D肉系完全冇咩味。🔷椒盐炸粟米 $58 💫9/10呢个又系出奇地好食，粟米好甜香脆，咬落去爆汁，炸完洒埋椒盐，咸甜咸甜，正！🔷怀旧虾多士(4件) $88 💫8/10必叫之一菜式，真系唔系太多地方有得食。虾爽脆，加上甜脆口嘅多士，再加埋沙律酱，好食！🔷椒盐鲜鱿$108 💫8/10呢个好味道，炸浆够哂薄脆，咬落去鱿鱼几爽脆唔会霉，加埋椒盐好惹味！份量都好多，抵食。🔷金银蛋白菜仔 $82 💫7/10呢个正常，普通一个菜汤，金银蛋唔算出味。🔷白灼花螺 $148 💫6/10冇咩太特别，某几粒仲有啲腥，一定要点埋佢个辣酱，𩠌酒食。🌟总结：味道唔差，价钱合理，岩哂成班人食饭，食物选择多，一定揾到啱食。
继续阅读
路过多次都未帮衬过，今晚有机会一试。原来佢系顶咗上手已有一年了 (据讲之前系恶评如潮)。大家各自拣𩠌，上枱时先发现全部都系炸物😅😅每一味都好好食，榄角骨最为出色！粟米龙趸班块够干身，虾多士不油腻。椒盐粟米略嫌多了一层脆粉，否则更完美。生炒糯米饭干身，谈不上生炒，但够料够味。全场满座，虽然系上楼室内，但气氛相当热闹，同店名相符🤭好耐没遇见一个场仲有围板摆酒添！P.s. 真系爆场，厨房都好忙兼会慢上菜，但你好耐冇见既服务态度，会响昵度揾到。人手不多，但每个伙记都好热心，跟单既会跑到入㕑房催，连执枱阿姨都有团火，见经理做唔切会帮埋手招呼客人兼写单。其实，昵d咪有heart既服务啰。个人而言，我反而觉得咁先系敬业乐业，专业精神！就算你等耐咗，都值得。相比起北上既大商场食府，只用人海战术，机械人作业，相差甚远。
继续阅读