歡樂海鮮酒家

营业中

休息中

今日老細請食午餐，帶咗入流浮山，佢例牌揀咗歡樂(10次有9次半都揀佢)首先order咗個清蒸蝴蝶蚌，蚌本身非常肥美、鮮甜，加上蒸嘅時間啱啱好冰鎮鮑魚-之前食過幾次好好味，又帶小小辣口，不過今次食比之前淡口咗，可能剛浸好跟住上中蝦，今次食豉油王，個賣相有啲似避風塘做法，食落啖啖美極香，又夠脆口，好味!蒸杉斑-蒸嘅時間剛剛好，魚亦夠滑身出去揀海鮮時，見到奄仔非常活躍就ORDER咗兩隻鹽焗，可惜兩隻都無咩膏香浸芥菜膽-我第一次食^^哈哈!覺得好得意，又滑捋捋咁，同埋唔油膩豉油王炒麵-嘛嘛哋，下次都係食返招牌炒飯lu

Lunch: (1) century egg - nice and creamy but have had better elsewhere; (2) boiled shrimps - super fresh paired with a simple soy sauce w chill; (3) abalone - nicely cooked and good flavour; (4) steamed fish - this was completely overcooked and the fish had no taste whatsoever. OVERALL - meh, but depends on freshness of seafood and the number of crazy tourists. SUGGEST - depends, my personal fav is the boiled shrimps. How I rate: awesome > decent > meh > terrible

慶祝細佬生日，一家人來到流浮山食海鮮，母親上openrice找來這間海鮮店，的確唔差的。前菜醃蘿蔔必食，酸度適中，開胃瀨尿蝦少少甜，味道唔差。不過。。。一上枱就感覺比選海鮮時細了一個碼，無肉無膏，好似被。。。（最後結帳仲要係最貴）鮑魚好正，新鮮，大隻。龍躉一樣新鮮大件，啖啖肉聖子5隻，味道唔差，爽口，但一樣感覺少了點海鮮湯，姐係雜湯，海鮮唔好預大啦，不過，當然唔差啦。生蠔炸得好好，炸漿夠薄，配生菜同沙律醬食，一流，而且食完無一口油普通，唔講。第一次食油鹽焗的方法，上枱時有一股燶味，不過一食卻意外好食，少少咸，香口，值得一試送的食物方面，除了瀨尿蝦有點兒那個外，其他都幾好的，色香味俱全服務唔差，常常換碟，而且服務員見我們無野食會自動自覺同廚房講，主動催促當然原因會否客人唔太多，所以服務好點就唔清楚，但主動催促一事上是值得嘉許的。價錢是預計內，不過瀨尿蝦。。。環境，有免費wifi整體都算中上的，滿意

一行9人入流浮山食海鮮 預先訂了位 寫好菜單 所以一去到就有得食了個餐包埋汽水 見係樽裝的 就飲番枝啦！一燒腩皇個皮好脆 有驚喜班腩啖啖肉 龍躉皮煙韌扇貝ok 說好的炸粉絲呢？變左炸麵！ 不過都好味！ 辣辣地 ！鮑魚好似熟左的 唔係好滑 不過佢起走左入面個內臟 加番分奄仔蟹係幾香的 有小小蟹羔 不過無乜肉 唔覺佢好食 而且隻蟹黑黑地 感覺唔多乾淨不過出街食就係咁 唔會好似屋企煮咁刷乾淨先煮 🙁呢個我最鍾意 腐竹好味 清清地 正整體不過不失 食物新鮮 唔算貴 不過唔算特別好味 水準一般

好耐冇食過海鮮，同家人在流浮山丶三聖同西貢之間作出天人交戰，最後揀左流浮山😁之前公司高層升職請過我地去歡樂食海鮮，印象甚好，今次已經系第三次黎，一家七口大概六點去walk-in，諗食咩諗到頭痕，基於系我介紹（而之前無次要我比錢），所以我好擔心價錢好貴又唔超值，出去揀海鮮時不斷推薦激大隻既羔蟹比我地整糯米飯食，我果刻真系打左個突，去三聖食我地都要三千幾，呢度四千走唔甩啦😭😭最後我地點左七樣野食：（名可能有些許出入，無影低）：冰鎮鮑魚丶麻香瀨尿蝦丶金銀蒜蟹羔糯米飯丶白灼xx蚌（唔記得系咩蚌，但似象拔蚌既）丶酥炸生蠔丶食神炒飯同豉椒蟶子，另外送左個上湯菜心比我六大一BB所以叫左3隻冰鎮鮑魚一開二，鮮美瀨尿蝦系我指定要食，食過返唔到轉頭，我表姊夫食完話以後唔會食椒鹽瀨尿蝦喇😂好香好好味個蟹羔糯米飯一上，之前擔心佢好貴既疑慮拋諸腦後，淨系個賣相已經值回票價，蟹蓋勁多蟹羔，淋晒落個飯度一齊撈，食到粒粒艷橙的蟹羔，糯米香軟，齒頰留香蟶子王，因為都系普通做法，無乜特別，勝在夠新鮮，估唔到幾隻蟶子可以變出咁大碟👍🏻唔好睇少呢碟酥炸生蠔，非常香酥，唔會啖啖炸粉，最最最神奇的地方系店員比左碟生菜比我地包住黎

作為新界人帶著幾位港九同事去吃海鮮, 就選了流浮山, 去已吃過幾次的歡樂, 之前都沒寫過食評, 今次吃得特別開心就開筆寫一篇啦。照例點了招牌菜式「麻香癩尿蝦」, 今次叫了少鹹, 果然恰到好處, 酱油和芝麻很香, 沒有蓋过蝦肉香味, 煎得脆脆的蝦殼九成都可食埋, 蝦肉亦夠厚身, 非常美味,必食! 每人半隻有點意猶未盡, 下次應可一人一隻! 但老闆説先每人半隻留些「空位」吃多幾款, 又啱嘅, 咁快填滿個肚點試其他好嘢, 哈!之後上的是蜆, 老闆推薦油鹽水煮! 原來簡單的煮法才可帶出蜆的鮮甜味, 拌著粉絲和湯都很美味, 粉絲吃光光, 湯也飲了一半(因點了海鮮魚湯, 留肚沒飲光), 在家中怎也煮不出這種鮮和甜, 推介大家一試。再來是蒸扇貝, 一人一大隻, 大滿足,同樣地粉絲一條也不剩,全吃光。接著是重皮蟹, 這是季節性的, 不是時時有, 所以一有都會點, 簡簡單單的油鹽焗已很美味, 蟹肉豐厚, 殼下面能見到一層嫰皮, 果然是真的重皮蟹, 吃得得開心。到了我特別推薦俾同事的「蝴蝶蚌」, 亦是時令海鮮, 冬天才吃得到! 因想食其鮮甜、同樣用油鹽水煮, 論肉地, 比蜆更豐厚, 冬季見到必試!之後是豉

今天跟鴨仔團到新界一日遊。午餐安排在樂天歡樂海鮮酒家，是流浮山最顯眼的位置，近巴士站。雖然導遊表示用餐時間為1230-1330，但是要在門口等到1245才可開始入座。幾個本地旅行團都在門口等候，行人路真係水洩不通呢！ 加上天氣仍很熱！ 等得很辛苦.上到餐廳, 已經看到一包即棄餐具.燒鵝腿骨較長，應該是鵝，係皮脆肉OK.蒸鮑魚一碟好多隻。其實呎寸不算大，但每人都可分到1-2件。蒜蓉蒸茄子　好清，唔鹹.白焯蝦　　蝦身有如手指的粗幼。粟米炸魚炸過的雪藏魚肉，個人就覺得肉質好霉，好聽Ｄ咪叫做滑囉，感受唔到魚肉應有的質感。洋蔥豬扒鬆肉粉不算多。肉質尚算滑溜，甜甜酸酸的，几開胃肉片炒西芹肉片好明顯有鬆肉粉，肉質鬆泡泡，食而不知肉味。炒生菜可能近來食得清，覺得這個清甜的生菜最好味。橙由於餐廳池安排入座，無時間食橙囉！食物方面, 個人已經降低左要求了.可是在進餐期間1300，導遊通知要點半開車，著團友快點完成上車。 但大家在1245開始入座喎。 餐廳為了接多几團客，每場限定1小時。 但上一團人仍未搞掂， 又未能讓客人在1230前入座READY。 食得好趕囉！ 趕鴨仔咁趕囉！再者, 網頁

無聽大家講，因為搵唔到位。。。食左~窩心~嘅一餐！我未坐低菜已經在枱面上，心諗：到底係我食定係比x食嫁？莧菜變白菜，結果話換返換到埋單都唔見~上菜快到都未食完，張枱又擺唔晒。。。仲唔平添，食完無水果或甜品送，不過送左8粒蚊咬比我。。。 蒜茸粉絲蒸扇貝我都未坐低已經係枱。。。凍左就必然嫁啦明明隻扇貝大大隻好地地又要因為快而開二，肉質口感已經打折扣啦。白灼花螺肉質係好爽甜，不過都係果句，凍晒啦！ 清蒸斑仔接著菜上得更快，魚蒸得剛好，魚肉亦鮮甜。 上錯的白菜竟然話師傅做錯左喎~唔怕啦照食啦呵？！到底係我食定佢食呢？最後叫佢換返已經一去無回頭啦！ 清蒸花蟹隻蟹原來係好大好靚嫁，但點會估到又為慳時間而碎上嫁呢？我認為咁樣對待新鮮食材簡直過份，鮮味一定大打折扣。燒鵝例牌就係等佢嘅過程中已經被問好幾之菜係咪上整。。。都話未，轉頭又有個阿姐話你啲菜整啦喎~趕客咩？又唔係唔比錢。。。鵝皮好脆，肉都好滑，不過係服務超差囉！食哩幾樣野三個人$2500...不解釋！

元旦行大運的其中一站，就是流浮山這一條海鮮街了。而我們行程的中午飯，也就在流浮山設宴。而根據同團的老手說，黎親流浮山，食團餐的話，基本上只有一間，就是巴士站旁的《歡樂海鮮酒家》。是日元旦，同日子同一時間原來都好多各本地屋苑及社團辦的一天遊到此，所以到了上一輪團隊要交檯的時間仍未能完全地清場，結果，大伙兒都要在門口等等等。等到了，佔了五圍的我們原來不用上樓，就在樓下的大廳用餐，方便了不少同團的老人家，而我們的香港本地團團餐會食什麼呢? 我可以說，都是一般多菜少肉的平價餐，說海鮮是有的，不過不要要求有一條大石班俾你。首先，來了半隻燒鴨，這燒鴨絕不是馬虎了事的出品，出來的鴨，既大隻又有充足的油香，香口而且皮亦阿脆，吃入口時感覺到啖啖肉，味道同量數，夠送飯。專門照顧我太太的一份羅漢齋，冬菇、雲耳、同好多不同的雜菜，味道上也用了少少的南乳來輕輕地吊味，太太說很香口。簡單的海鮮團餐，就會有一碟最不考功夫的白灼蝦，因為只要蝦新鮮就會好食，而我們面前的一碟蝦，大大隻，而且又爽口鮮甜....其實，在海鮮店來說，蝦並不是什麼貴價野，所以更平既海鮮餐，都會有蝦食。是日的蝦，點一點辣豉油已經很可口。之後是一客

1月1日新年飯小弟跟家人一起去了流浮山歡樂海鮮酒家食新年飯，這間酒家在流浮山很出名的。先來一個象拔蚌，雖然新鮮，但比較多沙其後來一個椒鹽瀨尿蝦，這個椒鹽瀨尿蝦我們都評價怎高，香口得來蝦膏很多！YUMMY第三度菜上了！就是黃金炸大蝦！都是蝦，但此蝦不同瀨尿蝦，加上了鴨蛋，香口十足。之後就是炒魚頭！Mmmm，一般般！重點來了！這辣酒花螺，有一點點辣提升了花螺的鮮味！非常好吃！咕嚕肉，這間的咕嚕肉比平時食的不同，皮層酥化，內肉鮮甜。所以說，愈是普遍的食物愈是盡顯功架！食了以上食物！其實已經開始飽了！不過上了一度大蟹糯米飯，就令我再來三碗！真的一絕最後，就是這個招牌菜劃上一個完美的句號了！

參加鴨仔團，包一餐海鮮餐，導遊話今日好爆，所以食飯要等到差不多兩點，玩晒所有景點，最後去到呢度，門口有好多大魚缸養住一啲海鮮，餐廳安排我哋上二樓，樓梯好窄好滑，小朋友同老人家好危險！上到二樓，擺滿大圓枱，因為要快速，所以餐具都係即棄嘅（膠碗木筷）枱布比較污糟！仲有兩壺熱茶！（好在夠熱）大家坐低之後，食物超速上菜！咸魚頭豆腐湯--夠熱，好濃好咸香！湯煲到奶白色！豆腐夠滑！正！果皮蒸鮑魚--講好每人一隻，果皮味唔重，鮑魚細細隻，咬落煙韌唔硬！好味！蒸魚--其實唔知呢種係乜魚，魚肉都幾滑，有魚味，唔橡皮筋！要讚蒸魚豉油好清！白灼蝦--普通白蝦，蝦肉爽口！唔點豉油都好味！京都骨--粉漿好杰，雖然豬肉唔嚡，但責到實晒！唔酸！唔好味！冬菇椰菜--冬菇炆得入味煙韌，椰菜比較硬！煮唔透！切雞--責到實晒，兼且係凍嘅！雞肉嚡，唔好味！灼生菜--生菜爽脆，豉油汁好味！切橙--好酸！食物味道只能求飽，白飯任裝，但白飯好粗糙！唔好味！店員只負責上菜，其他一概唔理！想問佢攞多啲薑蔥食雞都唔得！（一開始枱有比一碟薑蔥同豉油，一枱兩碟！）我又唔係問你攞多啲餸！見住店員將所有餸層層疊咁搬上來，真係好神技！但當在底嘅餸

是晚來到流浮山選了這間歡樂酒家晚餐，點了燒鴨，肉質好韌而且切得很大件要用很大牙力才撕得下，白灼蝦夠新鮮，蒜泥蒸茄子夠蒜味又不會蒸得老，茄汁煎豬排切得夠細且煮得夠味鮮茄味濃，西芹炒雞柳味道一般，清炒西生菜炒得老了，粟米斑塊汁不夠多但魚柳炸得夠鬆軟。

今日嚟到食期待已久的 “ 海鮮餐 "，一家人一齊慶生。由於book 左枱，而且係平日，都唔算太多人，地方依舊，古色古香。 首先嚟碟， 蒜蓉開邊蒸 竹節蝦，味道鮮甜爽口，正。 我最愛的上湯龍蝦 配 生麵底，龍蝦 啖啖肉，肉質夠彈夠爽，上湯味道唔太濃，所以食到龍蝦的鮮甜，而且配生麵 卜卜脆，唔太膩。 唔記得叫咩，味道清甜簡單，喜歡清淡的就ok。 流心 皮蛋酸薑，正常味道，但都幾好食 好大隻的 聖子王，大大隻，爽口， 粉絲清蒸已經好好味。 蒸班，時候控制得好，剛熟。 炸子雞， 皮脆肉嫩， 熱辣辣好味道。 正常 咕嚕肉，ok。 菜，ok 鹽焗蟹，最遲嚟，但爆晒黃油膏，滑do do, 好香滑 ，正 話晒壽辰，最後點都要食個壽飽，贈慶 下。總結 : 成個晚餐都好開心，食物亦都 唔錯。

早前因為我升職同事要請食飯仲要食海鮮食海鮮當然要係有一大班朋友,一行七人到呢度食晚飯芝士龍蝦伊麵,龍蝦肉質鮮甜,香濃的芝士伊麵味道岩岩好豉椒聖子皇炒得很有鑊氣,聖子大大隻豉椒汁味道亦很好蒜蓉粉絲蒸元貝,蒜茸也香,肉質唔錯但唔夠鮮甜,粉絲亦麻麻薑葱蟹,蟹肉係肥美,薑蔥夠香味,不過呢碟落鹽重手咸咗啲白灼蝦煮到剛剛好好鮮甜彈牙!蒸東星班魚肉鮮嫩多汁！清炒菜心同埋豉油皇炒麵一般般 不太油不太鹹很滿足嘅一餐埋單$3800 但總算物有所值!

個人評價5分為滿分   香煎金蠔： 味道帶點甘苦香有蠔味炒功還可以。 3分  芝士龍蝦伊麵： 龍蝦肉爽甜，但芝士汁欠了一點牛油香帶不出效果。希望可以改善改善！！2分   籠仔薑蔥蒸九蝦： 九蝦本身以是蝦中極品，用上薑蔥上籠蒸時間控制得剛好鮮中帶甜。給你5分油鹽水大蜆： 這道菜看來簡單，很多地方都可食到耍做得好都不易。味精太多、太鹹、配料混亂，欠了一點誠意吧。1分   豉油皇炒蟶子：5隻 贊……有鑊氣現在很少地方能夠食到，，3分     清蒸黃皮老虎斑： 海魚我都不用多說味道了，之後要看師傅，豉油，精煉熱油，三方面配合 剛好才合格。上算可以欠了一點油香，，3分