影片
更多
2016-03-25
3165 浏览
好耐冇食过海鲜，同家人在流浮山丶三圣同西贡之间作出天人交战，最后拣左流浮山😁之前公司高层升职请过我地去欢乐食海鲜，印象甚好，今次已经系第三次黎，一家七口大概六点去walk-in，谂食咩谂到头痕，基于系我介绍（而之前无次要我比钱），所以我好担心价钱好贵又唔超值，出去拣海鲜时不断推荐激大只既羔蟹比我地整糯米饭食，我果刻真系打左个突，去三圣食我地都要三千几，呢度四千走唔甩啦😭😭最后我地点左七样野食：（名可能有些许出入，无影低）：冰镇鲍鱼丶麻香濑尿虾丶金银蒜蟹羔糯米饭丶白灼xx蚌（唔记得系咩蚌，但似象拔蚌既）丶酥炸生蚝丶食神炒饭同豉椒蛏子，另外送左个上汤菜心比我六大一BB所以叫左3只冰镇鲍鱼一开二，鲜美濑尿虾系我指定要食，食过返唔到转头，我表姊夫食完话以后唔会食椒盐濑尿虾喇😂好香好好味个蟹羔糯米饭一上，之前担心佢好贵既疑虑抛诸脑后，净系个卖相已经值回票价，蟹盖劲多蟹羔，淋晒落个饭度一齐捞，食到粒粒艳橙的蟹羔，糯米香软，齿颊留香蛏子王，因为都系普通做法，无乜特别，胜在够新鲜，估唔到几只蛏子可以变出咁大碟👍🏻唔好睇少呢碟酥炸生蚝，非常香酥，唔会啖啖炸粉，最最最神奇的地方系店员比左碟生菜比我地包住黎
之前公司高层升职请过我地去欢乐食海鲜，印象甚好，今次已经系第三次黎，一家七口大概六点去walk-in，谂食咩谂到头痕，基于系我介绍（而之前无次要我比钱），所以我好担心价钱好贵又唔超值，出去拣海鲜时不断推荐激大只既羔蟹比我地整糯米饭食，我果刻真系打左个突，去三圣食我地都要三千几，呢度四千走唔甩啦😭😭
最后我地点左七样野食：（名可能有些许出入，无影低）：冰镇鲍鱼丶麻香濑尿虾丶金银蒜蟹羔糯米饭丶白灼xx蚌（唔记得系咩蚌，但似象拔蚌既）丶酥炸生蚝丶食神炒饭同豉椒蛏子，另外送左个上汤菜心比我
六大一BB所以叫左3只冰镇鲍鱼一开二，鲜美
濑尿虾系我指定要食，食过返唔到转头，我表姊夫食完话以后唔会食椒盐濑尿虾喇😂好香好好味
个蟹羔糯米饭一上，之前担心佢好贵既疑虑抛诸脑后，净系个卖相已经值回票价，蟹盖劲多蟹羔，淋晒落个饭度一齐捞，食到粒粒艳橙的蟹羔，糯米香软，齿颊留香
蛏子王，因为都系普通做法，无乜特别，胜在够新鲜，估唔到几只蛏子可以变出咁大碟👍🏻
唔好睇少呢碟酥炸生蚝，非常香酥，唔会啖啖炸粉，最最最神奇的地方系店员比左碟生菜比我地包住黎食，令呢味𩠌更加之脆，而且脆而不腻，清新不少
大名鼎鼎的食神炒饭，原本我地有糯米饭所以无打算叫，但因为个仔得19个月大，可以食既野有限，记起之前两次黎食都有食呢个炒饭，结果我个仔食左一碗，其他就我地大人扫晒！卖相吸睛，有D蟹子令口感特别，好好味呢👍🏻
服务：我觉得各位侍应都好热情有礼，大家见到小朋友唔会唔欢迎，仲不断逗我个仔讲野，见到我地买溏心皮蛋又教我地分系唔系溏心（佢话我地买果D唔好，结果真系😭），又送菜心又送橙👍🏻👍🏻
价钱：正如我以上所讲，我开头预算系$3000-4000，结果埋单都系$27xx（免收加一），好味又抵食，大家已经即时讲绝对有下次😁😁
张贴
