歡樂餐廳

营业中

休息中

呢個街坊小店以前都會黎食，由細舖食到大鋪，d野食一向普普通通，係貪佢夠方便！今日經開呢頭再黎食，簡直要black list, 一坐低個阿姐侍應就黑口黑面，一路叫野食一路好悔氣甘，見到甘我忍唔住叫佢可以有禮貌小小。到d野食黎，佢一野飛隻碟落枱，另一隻碟就掉落枱🥲當時間舖唔多人，佢甘樣掉係慣左定發脾氣🤔到講d野食，五十幾蚊既通菜鮮尤得幾條菜，鮮尤係貴d, 但成碟既鮮尤加埋唔知有冇兩隻手指尾甘多😓最後個凍檸茶，可能個茶厎問題，成杯係深啡到黑色既，以為會好濃味，點知係超淡味！唉，真係可一不可再，簡直貼錢買難受😫

一日之計在於晨 對於我來講早餐好緊要☺️😆😆食飽飯先至有氣力做嘢😂😂😂😂今日嚟到歡樂餐廳食早餐 唔係有人推介唔係特別想食 只係比佢個名稱吸引住🤣🤣🤣坐定定睇餐牌 款式都係普通茶餐廳有嘅嘢咁我就叫咗個牛肉通粉加雙蛋碗牛肉通對於我來講係細咗少少🙃🙃🙃不過食落去啲牛肉都幾好食同埋我覺得牛肉嘅份量都算多㗎啦只係啲通粉少咗少少😄😄😄配埋兩隻雙蛋 成個早餐就豐富咗好多飲埋杯嘢飲就真係啱啱好夠飽啦總括嚟講呢間餐廳嘅早餐不過不失啦正正常常✌🏻✌🏻✌🏻✌🏻

難得連續有幾天假期，正好讓自己揹著相機，到平日不常到的地區拍拍照，減減壓。一早來到土瓜灣，這邊行行，那邊逛逛之後，開始肚餓，一心想找個地方吃過較為特別的早餐，來到偉恆昌新邨，結果終於在這間「歡樂餐廳」吃了一個「上海排骨麵 + 橙汁」早餐。說實在的，橙汁不是甚麼頂特別的飲品，但相比起一般茶餐廳早餐喝的總離不開咖啡、奶茶、檸茶、檸水、華田、立克，一杯冰凍解渴的橙汁總還是較少喝的。上海排骨麵就更少在早餐中吃了，畢竟，有早餐吃的上海館子並不多，在這間港式茶餐廳中除了千篇一律的火腿通粉、沙嗲牛肉麵、火腿腸仔煙肉煎蛋炒蛋早餐以外，竟有上海排骨麵可吃，還不令人感到特別有新意思？而且這麵的公仔麵條攣曲而掛湯，兩件排骨也既有厚度又有味道，三十元還不到的早餐，可以搞搞新意思，我已覺得甚為滿意了。

有時夜左收工都會快快手買外賣返屋企食的，而呢度就是我必然之選，平靚正完全足以形容。嘻嘻！由於太肚餓拆開食左幾啖先記得影相，請見諒！呢個中式牛柳肉很有獲氣的，肉煮得夠軟熟夠厚，顏色很靚，酸甜度適中，送飯一流，賣相要求當然不能太高啦！始終這是外賣板本。而且呢個餐包的老火湯火喉十足喔！不像外面的味精溝水咁，十分推介。茄醬司華力腸配牛扒，賣相醜醜的，不要見怪，講返味道絕對好食，重點在於茄醬味道較得好好小小茄味不會酸送飯良品，黑椒牛朳煎得好香口而且不韌好食！配埋脆皮腸仔的口感，實在滿足食肉獸的我！

住上土瓜灣多年，位於偉恆昌的歡樂，多年以來，只此一次。因為要去一去郵局，午飯地點不作多想，第二次來到這間港式快餐店。此店一樣是的士佬的飯堂，今天這一帶多了很多大陸旅行團，全因附近開了數間屠房，不過也不會影響到歡樂，皆因旅行團的行程，是不包括上港式快餐店的。午餐＄36一客，有餐湯，汽水，飯，百物騰貴的今天，還可以吧。羅宋湯色水深，味道偏酸，我吃港式羅宋湯，對湯渣有所偏好，如果給我多一點，我可以當主菜吃。因我點了芝士焗魚柳飯，所以等得耐一點。飯底是炒過，不太濕，面頭芝士份量充足，魚柳是雪藏貨，不值一提，幸好芝士味夠濃，總算收貨。可樂是可樂，要比較，極其量是可樂與百事之分，又或者，港版對美版日版澳洲版。。。。對面阿信屋，有500ML日版可樂賣，＄9.5一罐，抵飲到極。

又是因為有自己的要事而來到一些平常不會來的地方. 土瓜灣呢一帶, 真的沒有什麼特別事, 我係唔會入呢一頭的. 所以, 對這一帶, 有少少陌生的感覺. 早到了, 身在碼頭附近, 那就找一家茶餐廳, 慢慢的食, 慢慢的打發一下時間. 等夠鐘才好進場. 不知什麼原因, 兜了一個圈找食店, 最後來了這一家感覺比較殘舊的餐廳. 可能, 是人流, (好多司機大佬來食), 同帶點舊既味道. 不過一坐落, 此舊的味道, 是一個日久失修的感覺, 而不是什麼懷舊復刻的感覺. 一坐低, 我已經有一個選擇錯誤的感覺.也是來一碗麵, 不過是日點要的, 是拉麵. (不用加錢, 當然要些平時少食的啦). 而且, 同樣的, 是豬扒拉麵. 湯底, 應該有把豬扒的肉汁一併的混入去吧, 令到湯底的色水比較深色. 有菜一條仔, 感覺上也足料十分. 正式的食落去, 發現濃濃的味, 有點點像公仔麵的味粉, 而不是豬扒的肉汁, 豬扒也不見得是什麼的好味道, 煎得夠熟而已. 再者, 畢竟已食到尾聲, 所以不打算投訴了, 原來湯底加了兩者小小的昆蟲........"了"出來算.....我是大菌, 不怕.奶茶, 一般啦. 就是不夠大杯而

睇番之前個食評，心想原來自己係有响呢度幫襯過ge，真係完全冇晒印象。呢度嘅水準可想而知la...旁邊嘅新碼頭小厨已經光榮結業，而呢度仍然頂得住。有時有D嘢真係好難理解...今次又叫番同上次差唔多嘅嘢 --- 即係麥皮加蛋治。上次食到嘅係淡如水嘅麥皮，估唔到今次係食到甜過籠嘅麥皮...蛋治普通過普通...真係估你唔到...

响偉恆昌附近嘅茶記，自己只幫襯過新碼頭小厨及呢度。有時忽然想食麥皮早餐，就會嚟...麥皮一D糖及煉奶都冇落，都唔知好嬲定好笑，好心嘅就話佢好"清"，但都唔使一D味都冇啩...蛋治普通，但一定比上一次响金雀食到嗰叫有D偷工減料嘅好...

雖然這間舊式快餐店,與在下的寒舍相近,但多年來,只是涉足一次,原因這間店子是眾職業司機之聚腳熱點,圍在一起吞雲吐霧在所難免.長年給我一個煙格印象.因而卻步.當全面禁煙條例生效之後,終於比到個理由再度前來,人面依舊,只是再沒有煙民阻頭阻勢.這等舊香港快餐店,最煞食永遠是之前貴刁提及的小食,只是晚飯期間,好難去吃個炸魚柳沙律.有個套餐賣$28,有炒粉麵,送中/西湯,再加杯汽水.於是來個豉椒排骨炒麵,加羅宋湯.羅宋湯材料比較碎,差不多所有菜,肉,近乎一粒粒.味道不錯,交足功課.個排骨炒麵,麵底比較幼身,吃落很脆口.如果粗一點,隨時咬到牙痛.洋荵青椒多過排骨,妹仔大過主人婆.豉椒汁很明顯地,下了不少味精.似乎這等快餐店,廚房飯真的吃不過,下次再來索性吃小食算數.

以前應該是在新碼頭街暨土瓜灣道交界的。屈指一算，原來已有很多個年頭沒吃炸魚了：碟上的炸魚，雖然不是新鮮貨，但也不是雪藏貨- 不是機製的炸魚柳，也不是吉列龍脷柳，而是鱈魚柳；口感不太散，軟軟的...雖然魚肉再不可一片片的叉開來，但魚紋清晰可見。一聞，聯想到的，竟是新炸的脆薯餅。伴食的沙律，是茶餐廳standard 的無添加額外雜果再加鮮奶既沙律（西芹、胡蘿蔔、薯仔、菠蘿），爆醬，還不錯。服務...叫了凍OT走田，無心一問靚姐：「係咪走甜o架？」靚姐猶疑了一會。轉過頭，話：「唔好意思，阿叔整o左少甜...你唔放心既話，換過杯俾你。」「咁又唔使...」「要既要既。」著拿了少甜的凍檸茶，換來杯濃膽無糖凍檸茶。意想不到。

我去開我女友家之前都會去e度食野先.我好鍾意食佢地個"腿蛋飯"~ 要茄汁,加多個凍奶荼就very good 啦~ o個日用左30蚊左右...一d都唔貴~食飽就走人...因為要去我女友家再食~ 呵呵~~

媽子話好耐冇黎呢度食野，咁咪同佢黎試下，因為以前細個成日食佢地的什排飯，但而家唔係咁鍾意食肉，我就一定唔會叫啦！入到去，地方唔大，環境一般，價錢都唔平。平均都要三十元以上一個餐，包湯同埋一杯餐飲，而食物方面，焗吞拿魚意粉係整定的，唔駛五分鐘就有得食，份量少，但女仔食就啱啱好。龍脷柳焗飯就比較耐d先上，好明顯係即整的，焗飯係炒飯底的，龍脷柳煎得都幾好，但個炒飯就超油，d油好似唔駛錢咁，份量也較焗吞拿魚意粉多，比較好味，不過食唔哂。最好都係佢杯奶茶，有茶味得來，又唔苦，仲好有奶味，我杯凍的多奶少甜同埋媽子杯熱奶茶都唔錯。但論食物質素、環境同埋價錢，同區有更多更好的選擇。我未必會再幫襯！

由於工作關係......公司在附近,已揀無可揀,因為此店位於偉恆昌新村內,附近基本上沒有口碑較好的餐廳!!同事推介,於是到這裡試一試,下午茶,叫了一個極低難度的餐-豬扒米粉加雪碧($18).....前者還可以,不過是份量少了,我想有大半包米粉吧!!=.=;後者簡直是驚人,從未想過飲雪碧會有這個經驗.有好多一點一點的黑色沉澱物在雪碧內,清晰可見,同侍應講,佢俾我既答覆係"係咁架啦,個個都係咁飲,如果你唔要,我可以幫你換過第二隻飲品"態度怠慢,於是我換了可樂......唉~眼不見係乾淨~自此無再光顧過~咁又係小本經營,係做街坊生意~不過又唔係真係好平,我食附近的大家樂好過啦!!