影片
以上资料只供参考，请与餐厅确认详情
招牌菜
今天老婆大人瞓唔著，又想飲早茶，近近地來魚塘公。地方清潔麻麻，服務態度一般，係富臨集團旗下，可能因為最低工資影響，所以唔夠侍應。至於點心味道就一般，可能有味精，吃完好口乾，希望它有改善。兩個人叫了7樣，連茶錢＄129，算貴😅
继续阅读
朋友推薦我們去打邊爐，收費每人$128還有四送一。入座前我們兩人分別問不同男經理是否有四送一，經理說有，最後埋單收回正價。此時叧一男經理說要用優惠券才有四送一，一時就說八時半後入座才有，我們確是八時半入座，感覺他們在自説自話。
继续阅读
老實說,土瓜灣呢個地方已經多年無去過一來唔就腳,二來近我家但等車耐過坐車,令人不想踏足最近好友邀請飯聚,逼於無奈下只好來到土瓜灣想不到這家自選火鍋店咁抵食晚上6~9點時段只需每位HKD128就可以任點任食環境不錯地方寬敞除了一般飲品外,還可任點夏枯草不過我今次無點,怕浪費,因朋友不愛喝我自己選了呢款啤酒外面不常有的湯底方面,2人喜歡頗惹味的胡椒豬肚湯十分足料,味道調得非常好胡椒味濃郁,不鹹不膩,十分有水準想不到價錢大眾化竟可有如此好味道另外個人愛蓮藕及粟米,因此亦點了大量湯底更鮮甜我地點了如生根,鵝腸,大蝦等等。。。。。全部都好新另外要一提呢款酸菜湯魚同樣好吃原來只要2人惠顧逢星期二至五及已讚好其面書就可任選一款口味份量十足又抵食大大條酸酸辣辣好好味又開胃魚肉嫩滑完全被酸菜湯浸透極度好味另外仲點了牛腱,肥牛,雪花肥牛粒全部新鮮牛味好出當然唔少得新鮮蔬菜仲有呢款紅薯粉夠煙韌口感好過癮牛肉真的好鮮好牛味食落口有嚼勁以咁便宜價錢自助任食確係好抵總括來說,這大眾化價錢有這種質素算不錯款式亦夠多食物又新鮮不過由於送了一大條魚,因此吃不下太多食物但都已飽飽今時今日百幾蚊不是易找到的!!好味道呢～
继续阅读
妹妹話呢期好窮無乜錢, 叫我搵間經濟小小既食店食飯, 但又唔想食快餐同之前食過個D喎! 講真係香港地食一餐晚餐最平閒閒地都要二百蚊一個人, 呢個其實都算係難題呀!!左問右問下, 終於比我搵到間$128位任食任飲兼免加一既打邊爐,如果係九點後入坐仲平到到HK$98位, 四人同行仲要一人免費, 下次再黎食要搵多幾隻飯腳先得, 呢間絕對係街坊價, 平到笑左出黎呀! 講真自己買料都唔止呢個價呀!!入到去見到大大個魚缸, 入面都有好多不同品種既魚, 感覺像一般大酒家似的~~呢度地方都幾大, 有大大圓枱同兩人及四人卡位坐, 坐得幾舒服, 係裝修較為舊式點~~店員安排左個四人卡位坐比我地, 所以全晚都坐得好舒服, 枱面準備了醬油給我們調配, 包括豉油, 辣椒絲, 蒜蓉同蔥~~呢度既食物選擇大致同出面差不多, 沒有因為街坊價, 選擇小左...我地點了個胡椒豬肚湯底, 胡椒味香濃, 豬肚亦不小, 微微地辣好正呀!!雖然係做街坊價任食放題打邊爐, 但都唔會有漏單同份量好小既情況出現! 值得一讚!!蝦: 好新鮮, 都算大隻, 肉質鮮嫩脆鯇片: 尚算新鮮, 夠薄夠鮮味墨魚滑: 夠滑同彈牙鯪魚滑: 新鮮, 魚味濃豬頸肉: 肉質鮮嫩又夠爽口魚皮餃: 皮夠煙韌, 肉質鮮嫩雲吞: 皮薄, 豬肉夠鮮味牛肉: 尚算新鮮不竟齋食打邊爐總覺得有D單調...我即時提議我另外比錢叫多條鴛鴦剁椒味烤魽魚, 因加配只需比多HK$58蚊, 真後低到爛呀!! 味道惹味, 魚又夠鮮味又無乜魚骨, 不錯不錯呀!!除魚外, 還有豆腐同芽菜做配料, 絕不就將價就貨!!豆腐還吸了湯底味, 食落同樣辣辣地, 回味呀!!其實加多條魚都未滿足到我!! 再黎多隻燒乳鴿先, 都只不過$38隻, 外皮香脆, 肉質仍舊保持鮮嫩, 沒有燒致乾身, 而且都算幾大隻!! 食埋就真的大滿足了!!夏枯草仲要成jar上, 毫不吝嗇, 既解渴又夠潤!!最後見張單也只是三百幾蚊, 見我亞妹呢期講到甘窮, 我請客啦!! 哈哈~~~有姐姐既妹妹像個寶~
继续阅读
放左工happy hour聚一聚，黎左打邊爐，邊個話夏天唔打得邊爐㗎？！有住冷氣打都唔知幾正。住土瓜灣嘅朋友介紹左佢屋企樓下間茶樓，任打全包價$128，加一都唔駛真係抵到爛。除左有啤酒汽水任飲外，再可以開茶，叫左壺普洱，茶都幾香。點左胡椒豬肚湯底，胡椒味十分香濃，內有不少豬肚，枝竹，仲有芫荽，幾好味。醬料自助，豉油加蔥同生蒜正呀～除左海鮮唔係任叫外，其餘一般打邊爐有嘅都任食。先叫左午餐肉，唔係粉頭，打起上黎淋淋地，送公仔麵超正。炸魚皮，好脆口。鯇魚片，有少少腥。芥蘭，新鮮爽脆。冬菇，賣相不佳但鮮甜。雲吞，細細粒。墨魚丸，好彈牙。冬瓜片，淋甜。粟米，打邊爐一定要有，超甜呀。肥牛，略肥，都唔差嘅。木耳，爽脆。海鮮菇，菇味濃。魚皮餃，呢樣麻麻，咬落一口油。牛展，呢樣正，濃牛味，卓一卓食得。牛柳粒，韌左啲，唔多適合打邊爐喎。唐生菜，淥起上黎好嫩好甜。出前一丁，餐廳專用，打邊爐嘅公仔麵特別好食。一大鍋滾下滾下，個爐火力夠好快滾，食材幾新鮮打起上黎好好味。埋單真係全包，唔駛加一，唔駛加茶，唔駛加醬料錢，無取考喎。出街打邊爐最好係唔駛洗洗切切，每碟份量唔多可叫多款野食，揀啱心水食到飽，真係好方便。
继续阅读