正好燒鵝茶餐廳

营业中

休息中

落咗好幾日雨，終於見到陽光，可以帶埋亞女去遠啲，踩下單車🚴，晒下太陽🌞。嚟到黃金海岸，先坐低食個lunch，食飽再去放電😅！去茶餐廳，我通常都係同侍應講：「一個常餐，配凍朱古力吖，唔該！」今次也不例外😜，今次常餐係叉燒通粉、火腿沙滑蛋配牛油多士，唔錯，叉燒好味，唔會好硬好老，滑蛋的確好滑，不過今次杯凍朱古力就特別啲，亞女竟然唔係咁鍾意，因為朱古力味好濃，有啲苦味，似谷古，我就覺得幾好😙，今次無人同我爭住飲🤣。老公就叫咗個燒鵝肉炒飯，炒得幾乾身，味道亦都ok la，不過整體價錢頗貴😅

早前試過早餐，除咗杯奶茶係正常之外，食物份量少，選擇少，味道一般，成碗沙爹牛肉米得3片牛肉，仲要好多筋咬唔開嘅，9成牛肉都吞唔到落肚。覺得好伏。老公話餐廳賣點係燒鵝，燒鵝可能好啲。終於有日買黎試吓加餸，一個例牌燒鵝連油雞，成盒嘢拎上手已經輕瓢瓢，番到屋企打開火都黎埋。連埋盒$150 件數少，全部骨多過肉。燒鵝表皮係有少少荔枝柴香，但肉冇香味，同棋哥果啲質素相差好遠。一定一定唔會再有下次幫襯。要數商場裏面，其他所有餐廳都會有再幫襯嘅機會，呢間一定無。

下午茶時段叫西多，冇麵包；要叉燒飯多飯唔俾，我理解嘅；要雞髀餐跟紅豆冰，冇紅豆冰，轉凍檸樂，可樂冇，轉普通飲品，唔肯扣差價；出餐20分鐘，茶餐廳？態度惡劣，不知所謂，別無選擇，幫襯前請三思。

而家疫情關係，我明白食市好難做生意。外賣自取返到屋企打開盒餸，真係好嬲。燒鵝油雞飯，都係俾翼我。俾d骨同白飯我另外嗌左個椒鹽豬扒，濃到又黑又硬。拎到返屋企其實真係唔想再拎返去，但真仰太過份。打電話返去仲要態度惡劣。呢間野又貴無下次。

今天下午來這間茶餐廳吃下午茶。坐坐吓突然間有人將冷氣機較到好熱。所以我通知伙記叫他們可否較冷一點。怎知道他們竟然鬥氣將冷氣調到更熱一點。我想講這間茶餐廳的食物已經好麻麻，然後服務態度簡直嚇死人！所以唔怪得之客人越來越少！我真係好奇怪佢哋點解要咁樣對待客人，我自問都好有禮貌！現在天氣那麼熱，我諗我以後都唔會再去幫襯！

今日去黃金海岸游水，就喺附近搵嘢食。呢間茶餐廳菜式選擇好少，午餐好多都只可以散叫，燒味飯一般要70幾蚊，實在係有啲貴。唯有叫個最平嘅常餐，有一個叉燒面+炒蛋火腿+ 牛油多士，連埋嘢飲$55。喺呢度來講算係叫做平啦，味道冇特別普通茶仔。不過星期日要等位啊

My husband ordered the club sandwich with fries. It was not yet ready after 10mins. Asked the waitress that she said 5mins more. Time flies away another 5mins and 5mins. End up, it took exactly 25mins to make the dish. Unexpected awaiting even dont hv any sorry from the waitress.

今早又再去早餐喇....只因黃金海岸+食得過呀話說上週日（2020年5月17日）去黃金海岸行個早運，8am M記滿座便周圍行下再搵早餐吃。見到“正好燒鵝茶餐廳”，餐牌貼門口，好平民價錢喎...試下啦。 （OpenRice搵唔到呢間食評，原本係轉手冇耐，我寫第一篇啦）明見有兩三人在等，但取票後2分鐘已可入座。等侯期間，見營業時間早上8時開始, ,真係時間啱啱好室內感覺乾淨企理，坐得舒服。叫左兩個早餐B2 $30 & B4 $38 火腿通粉OK啦，量都算多，女生或有剩 沙爹牛肉米 味道可以，牛肉今天較上周韌些。 今次轉丁麵，麵質不似預期，覺得+$4伏左。兩個餐都有厚多士及 雙蛋。 多士同個厚字有些距離 雙蛋炒/煎OK。餐茶：奶茶/咖啡都可以, 我Like黑白奶老實講 30零蚊算係咁啦 重點係食完行下沙灘浪漫下，咪錶車位10點前又免費嘛所以...好評