正好燒鵝茶餐廳

营业中

休息中

今次過開嚟黃金海岸行下，本身想望住海食嘢😂 但原來星期六日都真係幾貴，人均消費無$300都未必走到😂 所以嚟咗呢間茶餐廳食嗰便飯算😂嗌咗燒鵝半隻 $278 - 好好食，皮脆多肉🤗 口水雞 $80 - 呢個係今日最最最好食嘅，佢除咗口水雞做得出色之餘，佢仲有蓮藕伴碟，我本身係完全唔食蓮藕，但佢加埋口水雞嗰啲汁好爽脆😋 我成功清哂成碟🤭水蜜桃咕嚕肉 $88 - 呢個都好食🤤秘製咖喱牛腩飯 $78 - 呢個佢唔係難食，純粹係佢性價比比較低，但佢入面嘅薯類係薯條🍟就真係有啲失望同無誠意😗四個人食咗$524，人均消費$131，雖然只係茶餐廳，但我俾佢嘅性價比好高，坐得都舒服🤭 嚟黃金海岸又多嗰選擇

冇王管我們一行五人叫左4個小菜餐，其中一款是雞，自己攞左一碟薑蓉，佢話薑蓉唔可以自己攞，又話我碟薑蓉「誇張」，要收錢，我叫佢收走，然後再叫待應比碟薑蓉我。之後佢見到我枱上有薑蓉，又眼啤啤，又話薑蓉只係比切雞，我話睇完成個餐牌都搵唔到薑蓉要收錢，同埋點解你話誇張就要收錢，不是劃一收錢，薑蓉係你地比嘅，跟住佢就話好多野都冇寫餐牌，我要求佢寫投訴電話、佢個名及職位比我，佢比左張卡片我，，係餐廳經理負責這餐廳，我再叫佢寫低係卡片上，佢死都唔肯。之後我看看卡片，上面只有餐廳電話，真搞笑，即係打去餐廳搵投訴。我再叫佢，同佢理論，佢話我騷擾佢D客，又話自己唔係態度差，食物已到，我叫佢離開，唔好阻住我食嘢，佢就話叫我唔好再叫佢，我話我係客，你返緊工，有事點解唔可以叫你，佢竟然叫我以後唔好再嚟。一個打工經理，服務從業員，竟然可以叫客人唔好再叫佢做嘢問嘢，叫客人唔好再嚟幫襯，呢度佢話事。有差的經理，就有差的員工我點了水煮魚，來錯了酸菜魚，我問另一名老女員工這是否水煮魚，她隨口說是便轉身走，我再問她水煮魚跟酸菜魚有什麼分別，她說一個辣些，敷衍了事。因我名知是錯，再問另一名男員工，他答這是酸菜魚，而且立即致歉

晚市2人套餐有蒸黃花魚，其他燒味雙拼、灼生菜、白飯、飲都已經食完飲曬，但侍應話蒸魚要等45分鐘。。。。。。當然唔明點解要咁耐，就算有千萬個理由，老闆係咪要諗吓點處理呢？其他蒸排骨、肉餅情況一樣，枱枱都催食物，如果無法應付，建議乾脆取消（蒸）菜式，免得令食客留下負評，功德無量🙏

今日同friend 出海玩獨木舟，划到黃金海岸上岸食個晏，見佢幾多人食，點知係「可一不可再」。 -常餐(火腿牛乳炒滑蛋、牛油厚多士、叉燒湯河) $56叉燒河嘅湯底清淡，叉燒偏瘦，唔韌但唔夠香。炒滑蛋出色，多士夠脆。-乳豬四寶飯(乳豬、叉燒、切雞、鹹蛋)$95乳豬真心燒得唔錯，切雞肉嫩，但認真唔值呢個價。-招牌酸菜魚配絲苗白飯 $68可以叫做「拆招牌酸菜魚」，酸菜勁多但個湯底竟然可以冇酸味，辣味同花椒應有嘅麻感都冇，惟一可以讚嘅係魚片嫩滑，魚味十足。-凍鴛鴦+$3、熱奶茶另外一提嘅係，上菜嘅侍應哥哥仔應該職場新人(？) 其他人嘅飯都到左仲食緊，得我一個未有嘢食，佢上菜嘅時候竟然係放喺一個冇人坐嘅位，仲叫我自己拎，明明我隔離有大大條路可以將個餐送到我面前。

早上非凡忙時段。入咗半小時，不斷叫人唔好入單，因為入邊出唔切單，但係坐滿晒人，得壹個收銀，一個負責出菜。個老闆係咪應該思考下發生乜事，賺咁多錢，座無虛席，員工做到死死下，咁樣淨係令員工陣間冇禮貌。嘢食更加冇水準。

叫半隻燒鵝，上碟得1/4 隻份量，太離譜！投訴也沒有反應！半隻燒鵝嘅份量係咁樣我都係第一次見，鵝胸得細細三舊，沒有腩骨位，成碟最大就係嗰半個鵝頭，睇相已經知道有幾多！太離譜啦！

本身我同老公間唔時，都會嚟呢間茶餐廳食晚飯，一直都相安無事，但今日我叫咗個「燒鵝」四寶飯，用得燒鵝做排頭，收人$92嘅四寶飯，居然得四粒，係呀！我冇形容錯啊！係四粒燒鵝！都明白四寶飯有機會係啲雞翼位啊、瘦叉，總知冇乜人食嗰啲就會搭落嚟，但係你打響旗號用燒鵝做排頭，啲燒鵝係咪可以做得好睇少少阿？你間餐廳名都用燒鵝做排頭，呢4粒燒鵝真係影衰哂！另外我一坐低嘅時候，嗌完個四寶飯堂食，我再叫咗個炒河粉外賣，係同一時間落單，居然我食晒成個飯，都未出到，仲要問極啲員工究竟出到未，無一個人可以答到我，一個外賣要等成40分鐘都出唔到，真係好誇張！

餐廳嘅嘅出品其實味道都算錯，都幾好食…只係外賣嘅話就千祈唔好要熱飲！！！因為幾乎每一次外賣嘅熱飲都一定會漏到成個袋都係，變咗得返3/4杯嘅飲品……因為外賣紙杯同個杯蓋嘅設計問題，杯蓋喺無辦法完全蓋實個紙杯，所以喺拎外賣嘅時候，就算已經拎到四平八穩，又或者就算個杯蓋有一個飲用口都好，每一次飲嘢嘅時候，杯嘅飲品都會喺個杯蓋邊度流/滴返出嚟，所以個杯蓋係 CUP 唔實成個杯，漏到成身/成枱都係……結論係餐廳出品嘅味道完全問題，係外賣盒嘅設計需要改善！

叫咗個燒味雙拼飯，侍應嚟到嘅時候係掉落枱，嗰隻已經係膠碟嚟嘅，但係唔知點解落台可以勁大聲。叉燒嗌咗半肥瘦，但黎到瘦到乜咁。同啲職員講，就話代表廚房同我講聲唔好意思就算。都冇話想去幫我換返我本身想要嘅嘢，咁我諗住算啦都出咗嚟啦就照食啦。🙄🙄🙄🙄🙄🙄🙄🙄🙄🙄🙄🙄見到佢哋lunch time都好似好忙咁，所以杯凍檸茶可能要遲啲，點知一遲就遲半個鐘，唔催佢都唔知仲要等多幾耐。👎🏻👎🏻👎🏻👎🏻

不知所喟！揾位已經冇人理，最後坐下不斷叫落單，她們視而不見，最後等了十五分鐘也見周圍有很多人不滿！職員也沖滿怨氣，最後走了，香港仍有這種店舖絕對影響香港旅遊業😒

呢間餐廳喺黃金海岸商場裏面，我經常幫襯，食物質素以價錢來講非常合理 ，有幾樣都可以推介，燒味非常出色，下午茶都是合理的價錢，而且味道真心覺得唔錯！ 另外推介酸菜魚套餐68蚊，夜晚嘅晚餐228蚊都幾豐富，仲有正好鵝肉炒飯， 好味又大碟， 咕嚕肉都好出色，如果過開嚟都可以試一試呢間餐廳👍😋

落錯單，遲出餐，催4次，先來飯！味又濃！菜又冇！簡言：中曬伏！12點55分落咗單咖哩雜扒，今時今日都知有幾多客仔來，預佢茶餐廳10分鐘點都出，結果20分鐘出個牛腩？！冷L茶催4次都係唔上。再冇要求嘅人都俾佢激死

於11/2/2022午餐進入正好燒鵝茶餐廳，當時有空枱幾張，我和老公正想坐低，就被個四眼佬經理，用極惡劣語氣問我們有冇針咭？回答「他沒有，他依舊語氣答無針咭就只得三張枱可以坐，等啦！」本人難以忍受他的態度，即時回應：我唔係嚟乞食、要比錢嘅、唔駛咁嘅態度語氣，他扮作若無其事🤷🏻‍♀️。此區都屬旅遊景點，有這樣差的服務員而不提供服務！失禮香港！食碟叉燒飯餐👉啲叉燒肥到無朋友👈一舊舊肥豬肉，收$70但無味道可言，不會推薦

一早同老婆落街食早餐，喺正好燒鵝茶餐廳叫左個B5早餐，啲野食唻到真係嚇親。個包凍都算喇，仲要硬嘅（食左幾啖先記得影相），其實隔夜包唔緊要，烘返佢都可以好好食，好明顯係勁求其，塊包白曬曬。個茄汁豆勁深色，不過都試左一粒嘅。咬落去啲豆係硬嘅，啲味怪怪咁，好明顯係隔夜又攞返出嚟比啲客食。2條香腸就好似受咗輻射咁燶，條腸本身無罪嘅，交返唻姐，之但係整到咁比啲客食就…仲要個短髮阿姐黑口黑面咁，我哋呢一個morning真係開得好差。大家有得揀都係選擇返啲有質素嘅茶餐廳吧啦😡

4 pm 左右在黃金海岸商場, 食下午茶 , 因為午飯都未食，所以想多吃一點。😁朋友住在附近， 經常幫襯，雖然這間餐廳打正旗號食燒鵝，朋友說餐廳的燒味也好吃，不過他極力推介這個酸菜魚。 所以最後揀了這個酸菜魚套餐，魚算多也很滑，還有一些扁平的粗米線， 煙煙韌韌，味道做得很好，另外包一碗白飯，所以分量很足夠。加埋凍飲，都是70多元，真的很抵食👍 朋友說他們的水煮牛肉套餐，也很出色，下次有機會都要試下。另外叫咗份一般茶餐廳嘅西多士下午茶餐加紅豆冰，味道都不錯。