正記

营业中

休息中

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車就不停掃小食，滷水大墨魚、茶粿、雞旦仔、沙翁等等。最後當然要來正記食糖水啦，只因小店內有乾坤。露台位置貼近小河正中，無遮無擋正正是欣賞大澳棚屋風光絕佳位，打卡影相一流，小船穿梭往來，一路食糖水一路欣賞大澳風光，好有feel 的~薑汁撞奶(凍) $25細細碗要慢慢細嚐，燉奶好滑，好濃薑汁味，凍食好好味，美食加美景一絕！

今日同朋友去大澳玩行到攰諗住搵間有景睇, 有野食得嚟又唔太貴嘅地方坐 於是就入咗嚟呢間 ~~我同朋友都想睇風景, 所以決定坐出面, 今日係星期六, 出面坐滿晒, 好彩等咗幾分鐘就有位 ~ 由於今日多人，所以老闆叫我哋自己拎落單表 (放咗喺洗手間旁邊張枱仔), 填好之後交俾佢 …………我同朋友都叫咗薑汁撞奶 ($25)薑汁撞奶薑味濃郁, 仲食得出有奶味, 好好食但比較細碗, 一碗真係唔夠喉 ................差啲想叫多一碗呢~

34度天氣，一到埗大澳漁村過了大澳打卡的那座橋轉入巷仔直行有貓貓cafe,糕點店等再行前小小，就係呢間正記啦。出面望入去唔起眼，因為採天然光，鋪面其實亦是店家屋企，所以見到幾個老人家坐係梳化睇跑馬。但門外，棟左個餐牌，寫住有棚屋靚景睇入到入面，確實是個非常有風味嘅大澳棚屋景呢。正正就係大澳個最多人影相打卡嘅小河正中位置一路食一路見到好多觀光船係則邊經過。天時咁熱嘅時候，就又想食雪糕又想食涼粉咁樣點知呢間店，有個招牌涼粉，有哂雪糕涼粉豆腐花仲有紅豆添一望到即刻就決定係佢啦！。雪糕可以揀味的，當天有椰子，朱古力同雲呢拿我揀左椰子味，出面較少有雪糕球特別在整球咁放雪櫃雪睇得出並不是落單後再挖出來好處就係，咁熱天時，個雪糕送到黎河邊位都唔溶呢涼粉配雪糕紅豆味亦剛剛好呢可惜豆腐花較少，食唔到太多味道，被其他野搶左味

豆花好少會出錯吧.  $10有大大碗. 夠滑又夠凍 (不過食到尾先俾黃糖我地...) 最緊要有個香港威尼斯靚景!!😍一場黎到, 可以坐係棚屋已經加曬分Highly  recommend!  一定要坐出面!!!

大澳最出名的是水鄉風情，能夠坐在排屋，邊吃邊欣賞風景，是個很好的體驗。正記主打豆腐花和薑汁撞奶，當然要試一試。豆腐花豆味香，入口滑漏；而薑汁撞奶薑味極濃，奶味出。大家行累了不妨入去坐坐。

大澳有不少魚棚，想欣賞魚棚美景，邊吹涼風，邊食甜品，就選擇了這間小店。薑汁撞奶非常香滑，奶味濃，由上而下食，不要搞，薑汁夠辣。山水豆腐花香滑，記得加黃糖，會甜一點。

唔知點解，每次黎到大澳一定會想食碗豆腐花；又唔知點解，要食豆腐花既話一定會黎正記喎。夾硬要解釋既話，可能係因為望住個棚屋同海景食野會開心啲掛~而呢次就因為同女友行完山，又想搵個地方坐下食下野，就決定再次幫襯佢喇價錢咁多年都無乜點變喎，真心覺得好好好快就有得食啦yeah! 味道一樣係咁香滑，豆味足夠，而且夠哂凍，夏天果陣食一定更爽😎呢張係用女友視覺影既，係咪好有意境呢🤗食食下見到主人家開始執野，原來準備打烊了，好彩食得切咋haha

趁聖誕和家人朋友到大澳走走, 大家十分期待掃街, 當日天氣好好, 朋友想吃豆腐花, 最後家人介紹 , 尤其薑汁豆腐花最馳名。正記有室外景觀, 建議大家可以等室外,因為對住海景邊品嚐真的是一件樂事, 但我們趕時間所以坐在室內位置。食物價錢正常, 並沒有因為要做遊客生意而太貴凍薑汁豆腐花薑汁味超濃, 自行加上糖水或黃糖, 豆腐花比想像中沒有太滑, 但整體不錯。熱芝麻糊充滿香濃的芝麻香味, 入口香滑, 值得一試芝麻糊豆腐花兩款混在一起味道好夾, 豆腐花原先沒有太多味道, 但和帶甜的芝麻糊混在一起, 又香又甜, 正呀 !欣賞他們的服務, 因為差不多吃完職員都不會趕我地走, 我們有老人家, 都比我地坐多一陣休息下才離開, 這種以心為本的服務真係好貼心。

今天跟Honey到大澳拍拖，由於不是週末假日，很多食肆和小吃店都沒有開門營業。在三十幾度的高溫下遊覽完漁港風情，想找個涼快的地方歇一歇腳……從小吃店的小小鋪面向內探看，原來可以在棚屋歇一歇，太好了！棚屋景，本就是一道｢相機美食｣！三十幾度的高溫，當然吃凍的！我選了薑汁豆腐花，薑汁不少，薑汁味重，但不辣！豆腐花很凍，真消暑！顧客自選糖水或黃糖。Honey選紅豆冰，紅豆不夠稔，也不起沙……這個，麻麻。以旅遊景點而言，價錢很合理！而且，棚屋本身已是｢一道菜｣。又有涼快的海風，真自在！

入大澳漁村，水鄉風情滿滿，可以做的事情就是食落船行兩步就肚仔餓，想吃點甜點。吉慶街兩旁就有不少餐廳，蘇盧是有名棚屋咖啡館，可惜周日不開店，轉移到旁邊的正記吃豆腐花。簡單的點餐紙，點好交給店員即可有名的豆腐花- 說香滑豆花，並不是很滑口；而且豆香味淡，只屬一般薑汁撞奶- 看樣子就知滑嘟嘟，嫩嫩的感覺。一入口濃烈的薑味刺激著味蕾，但牛奶味被搶晒，也缺乏牛奶的鮮甜味秘製雞翼 - 雞翼滷得順入味，但可以再加強；肉質滷的時間火喉差一點，只到六七成左右，但相對以上的甜點，分數屬最高了整體來說： 環境風光是一流，只是食物質素一般，回頭指數：

以前黎大澳,必定食豆腐花,因為由第一次黎開始,朋友就話豆腐花出名。今次冇去返平日食豆腐花果間,朋友去到正記門口,隨意就話食呢間,咁就入左去。我諗都冇諗,叫左豆腐花,朋友叫左薑汁撞奶。豆腐花好快就到,唔好食,唔滑食食下豆腐花,才發現,呢間出名係薑汁撞奶呢個伯伯即叫即做,有個姨姨和仔仔剛剛食完,臨走都同伯伯講:「你整的薑汁撞奶真係好正呀!」伯伯答:「緊係啦!每碗都係我即刻整嫁喎!」我碗豆腐花食左大半,朋友碗薑汁奶先到,朋友見我雙眼發左光,問:「要唔要試d呀？」我不停點頭,因為已經聞到好香,食了一口,不得了,我明明一向唔太喜歡食薑汁撞奶,但呢碗同我以往食的完全唔同,薑的辣剛好溶入了奶香,一切都是剛剛好,不多也不少我今日非常後悔,其實食完豆腐花都可以再叫多碗薑汁撞奶嘛,我而家寫食評諗起都好想食呀唔通下星期放假,要為左碗薑汁撞奶再遊大澳?

由東涌行山行左四個多小時後終於到達大澳隨意閒逛中發現呢間名為「正記」小店馬上叫左支紫貝天癸($12)店主好貼心將飲品雪凍晒 一飲涼透心酸酸甜甜既味道好消暑之後再黎碗薑汁撞奶($20)一入口薑味吾太濃 但D薑汁落到喉嚨有點回辣 爽整體個撞奶好嫩滑 小店地方雖不大 但勝在衛生所有用具都井井有條放置著只係呢樣都值得加分價錢實惠 埋單$32

難得來大澳，好像開了吃幾多仍然很想吃的模式，在吃完前一餐不夠十分鐘，我們又吃了。來到有舖尾棚景的小店，當然要邊吃邊欣賞大澳棚屋的景色吧。看著由左至右的一排排棚屋及水道，香港威尼斯的美名就是這樣得來。而伴著我們欣賞美景的，是兩碗豆腐花。香滑豆腐花 $10奉桌的豆腐花未有添加任何甜味，客人可按自己的口味添加黃糖或糖水。至於我嘛，黃糖及糖水也落了少少~~用心調好的甜度後，嚐嚐豆腐花的味道。可惜豆香欠奉之餘，豆腐花也不夠滑溜，似乎是落得不夠水。薑汁豆腐花 $12我家那位的薑汁豆腐花，也出現不夠滑的問題。(其實就是同一桶舀出來的吧)大澳吃豆腐花，還是覺得上次吃的車站較好吃。

上次來大澳都有吃豆腐花，今次去都有吃。不過就是去試試其他的店子~~看到這家能見到不錯的景色就決定試這好了。即使是豆腐花也有很多種，另外也有小食和涼粉之類的。我自己則點了 - 薑汁豆腐花 ($12/凍)._____. 豆腐花有點硬~口感不滑...... 不過薑汁味道倒是頗濃~

第一次試這裡的薑汁撞奶 聽說豆腐花都是出色之作不過打算待會兒再到車站豆花 唯有2擇其1啦原來店入面有望小河的座位 二話不說轉位 當日天氣晴朗面對四圍的水屋及小河以及迎面的涼風 令人心曠神怡除了甜品 小店亦有售小食如魚蛋及清涼解渴的飲品包括紫貝天葵等了10分鐘左右終於有撞奶了 已列明只有熱的供應不過其實一點也不熱 只是有點暖 不然在炎熱的天氣下進食就只會有辛苦了 好出色的撞奶 完全做到入口即溶 不像奶如此稀 比燉奶更幼滑薑味好夠 又不會搶去奶味 令人一試難忘 確是誠意之作注意設最低消費 每人$10 不過完全不過分 叫一個薑汁撞奶就已經夠數下次再回來!